ကိုယ်ဝန်ဆောင်မေမေ မူးယစ်ဆေးသုံးမိတဲ့အခါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 13, 2020 . 2 mins read
Share now

ကိုယ်ဝန်ဆောင်ချိန်ကဆောင်ရရှောင်ရများတဲ့ကာလပေါ့။မေမေအတွက်ရောဘေဘီလေးအတွက်ရော အရာရာဆင်ခြင်နိုင်မှတော်ကာကျမှာလေ။ ဒီလိုအခြေအနေမှာ ကဖင်းပါတာတောင်သောက်ဖို့သတိထားနေရတာပါ။ ဒီလိုအချိန်မှာများမေမေက မဆင်မခြင်နဲ့ စိတ်အလိုလိုက်ပြီးဆေးလိပ်အပါအဝင် မူးယစ်ဆေးတစ်မျိုးမျိုးကို သုံးမိတယ်ဆိုရင်ဖြစ်လာနိုင်တဲ့ အကျိုးဆက်ကတော်တော်များပါတယ်။ ဒီတစ်ခေါက်တော့ ကိုယ်ဝန်ဆောင်မေမေအနေနဲ့ မူးယစ်ဆေးသုံးမိတဲ့အခါဖြစ်လာနိုင်တဲ့ အကျိုးဆက်လေးတွေအကြောင်းပြောပြပေးပါရစေ။

မေမေတစ်ယောက်ဖြစ်လာပြီဆိုရင်

မေမေတစ်ယောက်ဖြစ်လာပြီဆိုရင် ကိုယ်တိုင်ကျန်းမာဖို့အတွက်ရော ဗိုက်ထဲကဘေဘီလေး ကျန်းမာဖို့အတွက်ပါ အစားအသောက် အနေအထိုင်ကအစ အစစအရာရာသတိထားရပါတယ်။ ဒီလိုသတိထားနိုင်မှ မိခင်ရောကလေးပါ အန္တရာယ်ကင်းပြီး ကျန်းမာမှာလေ။ ဒီလိုအတိမ်းအစောင်းမခံတဲ့အချိန်မှာ မူးယစ်ဆေးသုံးမိမယ်ဆိုရင် အကျိုးဆက်က ဘယ်လောက်ထိဆိုးလိုက်မလဲ။

ကိုယ်ဝန်ဆောင်မေမေ မူးယစ်ဆေးသုံးမိတဲ့အခါ

ကိုယ်ဝန်ဆောင်ချိန်မှာ မူးယစ်ဆေးသုံးတာက သန္ဓေသားကို တိုက်ရိုက်ထိခိုက်စေနိုင်ပါတယ်။မေမေကဆေးလိပ်သောက်မယ်၊ အယ်လ်ကိုဟောပါတဲ့သောက်စရာတွေကိုသောက်မယ်ဆိုရင် ဗိုက်ထဲက ကလေးလေးကို ထိခိုက်စေမှာ အသေအချာပါ။ ကိုယ်ဝန်ဆောင်ချိန်က မူးယစ်ဆေးမပြောနဲ့ ကဖင်းနဲ့ အချိုရည်တွေကိုတောင်ရှောင်သင့်တာပါ။မွေးလာမယ့်ကလေးမျာမွေးရာပါထိခိုက်မှုတွေဖြစ်နိုင်သလို လမစေ့ဘဲမွေးတာ၊ပေါင်မပြည့်ဘဲမွေးတာအပါအဝင် ကလေးပျက်ကျတာ၊ အသေလေးမွေးတာ၊ အချင်းကွာကျတာမျိုးဖြစ်နိုင်ပါတယ်။ အဆိုးဆုံးကတော့ မိခင်ရော ကလေးပါ အသက်ဆုံးရှုံးရတာပါ။ အရက်သောက်တဲ့ မိခင်ကမွေးဖွားလာတဲ့ ကလေးငယ်တွေက အပြုအမူပိုင်းဆိုင်ရာပြဿနာတွေရှိနေနိုင်ပါတယ်။

ကိုယ်ဝန်ဆောင်မေမေဆေးခြောက်သုံးရင်…….

ကိုယ်ဝန်ဆောင်မေမေဆေးခြောက်သုံးတဲ့အခါ အချင်းကနေတဆင့်ဘေဘီလေးဆီရောက်သွားနိုင်ပါတယ်။ဆေးခြောက်ကိုရှုမယ်ဆိုရင်လည်း ကလေးဆီကိုထောက်ပံ့ပေးတဲ့အောက်ဆီဂျင်ကနေတဆင့် သန္ဓေသားဆီရောက်ရှိသွားနိုင်ပါတယ်။ဆေးခြောက်သုံးတာကြောင့်မေမေ့ရဲ့သွေးထဲမှာအောက်ဆီဂျင်ပါဝင်မှုနှုန်းနည်းသွားပြီး ကာဗွန်ဒိုင်အောက်ဆိုဒ်နဲ့ ကာဗွန်မိုနောက်ဆိုဒ်ပါဝင်မှုကများလာပါမယ်။ ဒီအချိန်မှာဖြစ်လာမယ့် အကျိုးဆက်က သန္ဓေသားဆီအောက်ဆီဂျင်ရောက်ရှိမှုနည်းသွားတာပါ။ သန္ဓေသားကြီးထွားဖို့အတွက် လိုအပ်သလောက်အောက်ဆီဂျင်မရရှိတဲ့အခါ ကိုယ်ဝန်ပျက်ကျတာ၊ပေါင်မပြည့်တဲ့ကလေးမွေးဖွားတာ၊ လမစေ့ဘဲကလေးမွေးဖွားတာ၊ ဖွံ့ဖြိုးမှုနောက်ကျတာ၊ အပြုအမူပိုင်းနဲ့ သင်ယူမှုပိုင်းမှာပြဿနာရှိတာတွေတွေ့ရနိုင်ပါတယ်။

ကိုယ်ဝန်ဆောင်မေမေ ကိုကင်းသုံးရင်…….

ကိုယ်ဝန်ဆောင်မေမေ ကိုက်ကင်းသုံးတဲ့အခါသွေးစီးဆင်မှုကနေတဆင့်ဘေဘီလေးဆီရောက်ရှိသွားမှာပါ။ ကိုကင်းရဲ့ အခြားမူးယစ်ဆေးတွေနဲ့မတူတာကမေမေဆီမှာ သက်ရောက်မှုနည်းပြီးဘေဘီလေးဆီမှာ သက်ရောက်မှုအားများနေတာပါ။ ကိုယ်ဝန်အစောပိုင်းကာလမှာ ကိုကင်းသုံးမယ်ဆိုရင် ကိုယ်ဝန်ပျက်ကျနိုင်ခြေများပါတယ်။ ကိုယ်ဝန်ဆောင်နောက်ပိုင်းကာလမှာ ကိုကင်းသုံးမယ်ဆိုရင် အချင်းကွာကျတာ၊သွေးဆင်းတာ၊ လမစေ့ဘဲမွေးတာ၊ သန္ဓေသားသေဆုံးတာမျိုးတွေဖြစ်စေနိုင်ပါတယ်။

ကိုယ်ဝန်ဆောင်မေမေ ဘိန်းဖြူသုံးရင်……..

စွဲလမ်းစေတတ်တဲ့ ဘိန်းဖြူက အချင်းကနေဆင့် ကလေးဆီရောက်ရှိသွားမှာပါ။မေမေက ကိုယ်ဝန်ဆောင်ချိန်မှာ ဘိန်းဖြူသုံးမိမယ်ဆိုရင်ပေါင်မပြည့်တာ၊ လမစေ့တာ၊ အသက်ရှုရခက်တာ၊သွေးတွင်းသကြားဓာတ်ကျတာ၊ ဦးနှောက်ထဲမှာသွေးယိုစီးတာ၊ သန္ဓေသားသေဆုံးတာမျိုးတွေဖြစ်နိုင်ပါတယ်။

ကိုယ်ဝန်ဆောင်မေမေ မက်သာဖက်တမင်းသုံးရင်…….

ဒီဆေးကမေမေရောဘေဘီလေးကိုပါ နှလုံးခုန်နှုန်းမြန်စေနိုင်ပါတယ်။ မက်သာဖက်တမင်းကမေမေထက် ကလေးဆီမှာ သက်ရောက်မှုများပါတယ်။ ကလေးဆီအောက်ဆီဂျင်ရောက်ရှိမှုနည်းစေနိုင်ပြီး ကလေးကိုပေါင်မပြည့်ဘဲမွေးတာမျိုးဖြစ်စေနိုင်ပါတယ်။ လမစေ့ဘဲမွေးတာ၊ အချင်းကွာတာ၊ ကိုယ်ဝန်ပျက်ကျတာတွေဖြစ်နိုင်ပါတယ်။ တကယ်လို့ ကလေးကမွေးဖွားလာခဲ့ရင်လည်း မအိပ်တာ၊ ကြွက်သားတွေ အကြောဆွဲတာ၊ အစားအစာကျွေးတဲ့အခါ အခက်အခဲရှိတာမျိုးတွေဖြစ်နိုင်ပါတယ်။ ကလေးကအရွယ်ရောက်လာတဲ့အခါမှာလည်း သင်ယူမှုပိုင်းမှာ အခက်အခဲဖြစ်တာမျိုးတွေရှိနိုင်ပါတယ်။

ကိုယ်ဝန်ဆောင်မေမေတွေကက မူးယစ်ဆေးမပြောနဲ့ ကဖင်းနဲ့ တစ်ဆင့်ခံဆေးလိပ်ငွေ့ကိုတောင် မခံမိအောင်နေရမယ့်အနေအထားမှာ မူးယစ်ဆေးသုံးတယ်ဆိုတာက ကိုယ်တိုင်အတွက်ရောဘေဘီလေးအတွက်ပါ အဆိပ်အတောက်ပါ။ ဒါကြောင့် ကိုယ်ကိုယ်တိုင် ကိုယ့်ရင်သွေးလေးကို အဆိပ်ခတ်မိတဲ့သူမဖြစ်စေဖို့ မူးယစ်ဆေးကိုဝေးဝေးရှောင်ပါလို့ပြောပါရစေ……

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

Stay Home မှာ ထွက်လာတဲ့ဗိုက်ကလေးကို ဒီနည်းလမ်းတွေနဲ့ ပြန်ချပါ

Stay Home မှာ ဗိုက်အဆီ တက်လာတဲ့ ကိစ္စ ဘယ်လို ဖြေရှင်းကြမလဲ ဆိုတာ Hello ပရိသတ်တွေအတွက် အကြံပြုချက်လေး တချို့ကို ဖော်ပြပေးထားပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 19, 2020 . 2 mins read

COVID ကာလ အိပ်မပျော်တာ ဟော်မုန်းတစ်ခုခုဖောက်ပြန်နေလို့များလား

အိပ်မပျော်တာ ဟော်မုန်းကြောင့် ဖြစ်နိုင်သလို အိပ်ရေးပျက်ရင်လည်း ဟော်မုန်းတွေ ကမောက်ကမ ဖြစ်နိုင်ပါတယ်။ ဒါကြောင့် အိပ်ရေးဝဖို့ အရေးကြီးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 16, 2020 . 3 mins read

ကြားဖူးနေတဲ့ lcFos က ကလေးတွေအတွက် ဘယ်လို အကျိုးပြုသလဲ……..

အရွယ်ရောက်ပြီးသားသူတွေမှာ အကျိုးပြုဘက်တီးရီးယားတွေက လုံလောက်မှုရှိပေမယ့် ဖွံ့ဖြိုးဆဲ ကလေးတွေရဲ့ အစာခြေစနစ်ထဲမှာတော့ လုံလုံလောက် မရှိသေးဘူးပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အဆုတ်ကင်ဆာ

အဆုတ် ကင်ဆာကကမ္ဘာပေါ်မှာ အဖြစ်အများဆုံး ဒုတိယအမျိုးအစား ကင်ဆာတစ်ခုပါ။ အဆုတ်မှာဖြစ်တာဖြစ်ပြီး အသက်သေဆုံးသည်အထိ ပြင်းထန်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
အဆုတ်ကင်ဆာ, ကျန်းမာရေးစင်တာ အောက်တိုဘာ 5, 2020 . 2 mins read

သင့်အတွက် ရွေးချယ်ထားသည်

အမျိုးသားများ ရင်သား နို့ထွက်နိုင်သလား…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 26, 2020 . 2 mins read
အစာအိမ်ကင်ဆာဖြစ်စေတဲ့ အကြောင်းအရင်းများ

အစာအိမ်ကင်ဆာဖြစ်စေတဲ့ အကြောင်းအရင်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
နာတာရှည် အဆုတ်ရောင်ရောဂါ

နာတာရှည် လေပြွန်ကျဉ်းရောဂါဖြစ်စေနိုင်တဲ့ အကြောင်းအရင်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 22, 2020 . 2 mins read

အချဉ်တွေစားရင် ကျန်းမာတယ် ဆိုတာ မှန်ရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read