ထွက်မှာ သေချာပြီလား။
ဆီးချိုဆိုတာ အလွန် ကြောက်စရာကောင်းပြီး အဖြစ်များလှတဲ့ ရောဂါတစ်ခုပါ။ နောက်ဆက်တွဲပြဿနာနဲ့ ဆက်စပ်ရောဂါတွေလည်း များလှတဲ့အတွက် ဆီးချိုရောဂါအကြောင်း သေချာသိထားသင့်ပါတယ်။ ဒီစာမျက်နှာမှာ ဆီးချိုအမျိုးအစား၊ လက္ခဏာတွေ၊ ဖြစ်နိုင်ခြေများစေတဲ့ အကြောင်းရင်းတွေ၊ ကုသနည်းတွေကို လေ့လာနိုင်ပါတယ်။
ဆီးချို သွေးချို ကဏ္ဍများကို ပိုမို သိရှိလိုသည်
ဆီးချိုရောဂါ ဆိုတာဘာလဲ။
စားသမျှ အစားအစာတွေကို ခန္ဓာကိုယ်ကနေ စွမ်းအင်အဖြစ် ပုံမှန်အတိုင်း အသုံးမချနိုင်တဲ့အခါ ဆီးချိုရောဂါဆိုတာ ဖြစ်လာပါတယ်။ သကြားဓာတ်တွေကို သွေးထဲကနေ ဆဲလ်ထဲကို ပို့နိုင်စေဖို့ ပန်ကရိယက အင်ဆူလင်ကို ထုတ်ပေးပါတယ်။ ဆီးချိုရောဂါရှိတဲ့အခါ ခန္ဓာကိုယ်က အင်ဆူလင်ကို ထုတ်သင့်သလောက် မထုတ်တာ ဒါမှမဟုတ် လုံးဝမထုတ်တာ ဖြစ်သွားပါတယ်။ ဒါကြောင့် သွေးထဲမှာ သကြားဓာတ်တွေများလာပြီး သွေးချိုတက်တာ ဖြစ်လာပါတယ်။
ပိုမိုသိရှိလိုပါသည်:
မြန်မာနိုင်ငံမှာ မြင့်တက်လာနေတဲ့ ဆီးချို ခံစားရသူအရေအတွက်
ဆီးချိုရောဂါ ဘယ်နှမျိုးရှိသလဲ။
"ဆီးချိုရောဂါ အမျိုးအစားတွေ အများကြီးရှိပါတယ်။ အမျိုးအစား ၁ဆီးချိုရောဂါ (အင်ဆူလင် မထုတ်နိုင်တဲ့ ဆီးချိုရောဂါ၊ လူငယ်တွေမှာ ဖြစ်တဲ့ ဆီးချိုရောဂါ) ဆိုတာ Autoimmuneရောဂါတစ်မျိုးပါ။ ခန္ဓာကိုယ်က ပဋိပစ္စည်းတွေက ပန်ကရိယကို တိုက်ခိုက်တာကြောင့် အင်ဆူလင်ကို ကောင်းကောင်း မထုတ်နိုင်တော့တာပါ။ အမျိုးအစား ၂ဆီးချိုရောဂါက အမျိုးအစား ၁လောက် မပြင်းထန်ပါဘူး။ အများအားဖြင့် စားသောက်နေထိုင်မှုပုံစံကြောင့် ဖြစ်လာတာပါ။ အဝလွန်ခြင်းက အင်ဆူလင် မတိုးတာကို ဖြစ်စေပါတယ်။ အင်ဆူလင် မတိုးဘူးဆိုတာက ဆဲလ်တွေက အင်ဆူလင်ကို မတုံပြန်တော့တာပါ။ ဆိုလိုတာက ပန်ကရိယကနေ အင်ဆူလင် ထုတ်နေပေမယ့် သွေးတွင်းသကြားဓာတ်ကို မထိန်းနိုင်တော့တာပါ။ ကိုယ်ဝန်ဆောင်ဆီးချိုဆိုတာကတော့ တချို့ကိုယ်ဝန်ဆောင်အမျိုးသမီးတွေမှာ ဖြစ်တတ်ပါတယ်။ ကိုယ်ဝန်ကြောင့် အင်ဆူလင် မတိုးတော့တာပါ။ သွေးတွင်းသကြားဓာတ်တွေက အချင်းကို ဖြတ်ပြီး ကလေးဆီကို ရောက်တာဖြစ်တဲ့အတွက် ကလေးလေး ကျန်းမာနေစေဖို့ ကိုယ်ဝန်ဆောင်ဆီးချိုရောဂါကို ထိန်းချုပ်ဖို့ လိုပါတယ်။"
ပိုမိုသိရှိလိုပါသည်:
ဆီးချိုဖြစ်ရတဲ့အကြောင်းအရင်းနဲ့ ဆီးချိုရောဂါ အကြိုလက္ခဏာတွေက
ဘယ်သူတွေက ဆီးချိုရောဂါ ဖြစ်နိုင်ခြေ ရှိသလဲ။
"တချို့သောအချက်တွေကြောင့် လူအချို့မှာ ဆီးချိုရောဂါဖြစ်နိုင်ခြေ မြင့်လာရပါတယ်။ ဒီအချက်တွေကတော့ -ဆီးချိုရောဂါ မျိုးရိုးရှိတာ -ကိုယ်အလေးချိန် များနေတာ -ကိုယ်လက်လှုပ်ရှားမှု နည်းတာ -သွေးတိုးရောဂါရှိတာ -အသက်ကြီးလာတာ -သားဥအိမ်အရည်အိတ်တည်ခြင်း ရောဂါစု (PCOS) စတာတွေပဲ ဖြစ်ပါတယ်။"
ပိုမိုသိရှိလိုပါသည်:
ဆီးချိုရောဂါကြိုတင်ကာကွယ်နိုင်မယ့် နေထိုင်မှုပုံစံပြောင်းလဲမှု (၈) ချက်
ဆီးချိုရောဂါကြောင့် ဘယ်လိုနောက်ဆက်တွဲကျန်းမာရေးပြဿနာတွေ ကြုံရနိုင်သလဲ။
"ဆီးချိုရောဂါရှိတဲ့ သူတွေက အောက်ပါ နေက်ဆက်တွဲကျန်းမာရေးပြဿနာတွေ ကြုံရနိုင်ပါတယ်။ -နှလုံးရောဂါ -အမြင်အာရုံ ပြဿနာ -ကျောက်ကပ်ရောဂါ -အာရုံကြော ထိခိုက်တာ -အကြားအာရုံ ထိခိုက်တာ -ခြေထောက်ပြဿနာတွေ ဖြစ်နိုင်ပါတယ်။"
ပိုမိုသိရှိလိုပါသည်:
ဆီးချိုရောဂါရဲ့ နောက်ဆက်တွဲပြဿနာ အစုံစုံ
ဆီးချိုရောဂါရဲ့ လက္ခဏာတွေက ဘာတွေလဲ။
"အောက်ပါ လက္ခဏာတွေ ရှိနေရင် ဆီးချိုရောဂါကို သံသယဖြစ်ပါ။ -အရင်ကထက် ရေပိုငတ်လာတာ -ရုတ်တရက် အလိုလို ဝိတ်ကျလာတာ -ခဏခဏ ဆီးသွားတာ၊ ဆီးကို ပုရွက်ဆိတ်တက်တာ -ခဏခဏ ဗိုက်ဆာတာ -အကြောင်းအရင်း မရှိဘဲ နုံးနေတာ -မကြာခဏ အနာတွေ ဖြစ်တာ၊ အနာတွေ ကျက်ခဲတာ "
ပိုမိုသိရှိလိုပါသည်:
ဆီးချိုရောဂါ
ဆီးချို သွေးချို နဲ့ ပတ်သက်သော အကြောင်းအရာများကို ပိုမိုသိရှိလိုသည်
ဆီးချိုရောဂါ နောက်ဆက်တွဲ ပြဿနာများ
ဆီးချိုရောဂါက သေချာမကုဘူးဆိုရင် အချိန်ကြာလာတာနဲ့အမျှ နောက်ဆက်တွဲပြဿနာ တွေ ဝင်လာနိုင်ပါတယ်။ သေချာကုနေတာတောင်မှ လူနာက သွေးတွင်းသကြားဓာတ်ကို မထိန်းထားနိုင်ဘူးဆိုရင် နောက်ဆက်တွဲပြဿနာတွေက ထင်ထားတာထက် မြန်မြန်ရောက်လာနိုင်ပါတယ်။ ဒါထက်ပိုဆိုးတာက ဆီးချိုရောဂါရှိတာကို လုံးဝသိမနေဘဲ နောက်ဆက်တွဲဝေဒနာတစ်ခုခု ခံစားရမှ ဒါကို လာပြရင်း နောက်ကြောင်းပြန် စစ်ကြည့်လိုက်တဲ့အခါမှ ဆီးချိုရောဂါရှိနေတာကို သိလာရတာပဲ ဖြစ်ပါတယ်။ ဆီးချိုရောဂါက သွေးတွင်းသကြားဓာတ်တက်ရုံပဲ ဆိုပေမယ့် ဒီသကြားဓာတ်တွေက ခန္ဓာကိုယ်က ဆဲလ်တိုင်းက လိုအပ်နေတာကြောင့် ပုံမှန်အတိုင်း မဖြစ်တဲ့အခါ တစ်ကိုယ်လုံးမှာ နောက်ဆက်တွဲပြဿနာတွေ ဝင်လာရတာပဲ ဖြစ်ပါတယ်။ ဆီးချိုရောဂါရဲ့ နောက်ဆက်တွဲပြဿနာ များ ဆီးချိုရောဂါရဲ့ နောက်ဆက်တွဲပြဿနာ တွေထဲမှာ ရုတ်တရက် အခြေအနေပိုဆိုးလာပြီး အရေးပေါ်ကုသဖို့ လိုအပ်တာ ရှိသလို နာတာရှည်ဝေဒနာအနေနဲ့ တဖြည်းဖြည်း ပျက်စီးလာတာတွေလည်း ရှိပါတယ်။ ရုတ်တရက် ဖြစ်တတ်တဲ့ ဆီးချိုရောဂါရဲ့ နောက်ဆက်တွဲ ပြဿနာများ သွေးတွင်းသကြားဓာတ် […]
ဆီးချိုရောဂါ နောက်ဆက်တွဲ ပြဿနာများ
ပန်းသေပန်းညှိုးဖြစ်တာက ဆီးချိုရှိတဲ့ အမျိုးသား ၃၅ ရာခိုင်နှုန်း ကနေ ၇၅ ရာခိုင်နှုန်းလောက်မှာ ခံစားရလေ့ရှိတဲ့ ကျန်းမာရေး ပြဿနာ တစ်ရပ်ပါ။ ဆီးချိုရှိတဲ့ အမျိုးသား ၇၅ ရာခိုင်နှုန်းလောက်ဟာ ဆီးချို စရှိပြီး ၁၀ နှစ် ကနေ ၁၅ နှစ်တာ ကာလအတွင်းမှာ ပန်းသေပန်းညှိုးရောဂါကို အခြေအနေ အတိုင်းအတာ တစ်မျိုးစီနဲ့ ရင်ဆိုင်ရပါတယ်။ ဒီပြဿနာက သက်လတ်ပိုင်းမှာ သိပ်မပြင်းထန်ပေမယ့် အသက် ၇၀ ကျော်လာပြီဆိုရင်တော့ ဒီ ကျန်းမာရေးပြဿနာရဲ့ သက်ရောက်မှုက အတော်လေး ပြင်းထန်လာတာမျိုးရှိနိုင်ပါတယ်။ ဆီးချိုရှိသူတွေမှာ ဘာလို့ ပန်းသေပန်းညှိုး ဖြစ်ရတာလဲ ....... ပန်းသေပန်းညှိုး ဖြစ်စေနိုင်တဲ့ အကြောင်းအရင်းတွေကတော့ တော်တော်လေး ရှုပ်ထွေးပါတယ်။ ဆီးချို ဖြစ်ပြီး အချိန်ကြာလာတဲ့အခါ ခန္ဓာကိုယ်က အာရုံကြောတွေ၊ ကြွက်သားတွေ နဲ့ သွေးကြောတွေက […]
ဆီးချိုရောဂါ နောက်ဆက်တွဲ ပြဿနာများ
ဆီးချိုရောဂါဆိုတာ နာတာရှည် ရောဂါဖြစ်ပြီး ခန္ဓာကိုယ်ကနေ သွေးတွင်းသကြားဓာတ်ကို ထိန်းချုပ်ဖို့ ခက်ခဲတဲ့ အခြေအနေတစ်ခုပါ။ သေချာမကုသဘူးဆိုရင် အချိန်ကြာလာတာနဲ့ အမျှ ဆီးချိုရောဂါရဲ့ နောက်ဆက်တွဲ ဝေဒနာတွေကို ခံစားရမှာပါ။ ဒီထဲမှာ ဆီးချိုကြောင့် သွေးကြောထိခိုက်မှု တွေ ဖြစ်ပြီး သွေးကြောတွေ ကျဉ်းတာလည်း ပါပါတယ်။ သွေးကြောတွေ ကျဉ်းလာတာနဲ့အမျှ ကိုယ်တွင်းအင်္ဂါအတွက် လိုအပ်တဲ့ အာဟာရနဲ့ အောက်ဆီဂျင်တွေ မရတာကြောင့် ရေရှည်မှာ ကိုယ်တွင်းအစိတ်အပိုင်းတွေ ပျက်စီးတတ်ပါတယ်။ သွေးကြောရောဂါတွေက ပြင်းထန်ပြီး ဆီးချိုလူနာတွေရဲ့ အသက်ကို ခြိမ်းခြောက်နေတာကြောင့် သတိထားသင့်ပါတယ်။ ဆီးချိုရောဂါရှင်တွေမှာ သွေးကြောထိခိုက်မှု တွေ ဘာကြောင့် ဖြစ်ရတာလဲ။ အဓိက အချက်ကတော့ သွေးတွင်းသကြားဓာတ် မြင့်တက်လို့ပါ။ သွေးထဲမှာ သကြားဓာတ်တွေ များလွန်းနေတာက ရေရှည်မှာ ဆဲလ်နဲ့ တစ်ရှူးတွေကို ပျက်စီးစေပါတယ်။ ဒီထဲမှာ သွေးကြောနံရံတွေမှာ […]
ဆီးချိုရောဂါ နောက်ဆက်တွဲ ပြဿနာများ
ဆီးချိုရောဂါရှင်တွေက နည်းနည်းလောက် သက်တမ်းကြာလာပြီဆိုရင် ဒီပြဿနာလေးတွေ ပြောလေ့ရှိပါတယ်။ ဆရာရယ် အစာမကြေဘူး၊ အမြဲတမ်း ရင်ခေါင်းတောင့်တယ်။ ဗိုက်ကယ်တယ်။ ရင်ပူတယ် စသဖြင့် ဝမ်းဗိုက်ပြဿနာ ပေါင်းများစွာကို ပြောပြလေ့ရှိပါတယ်။ ဆီးချိုက ကောင်းကောင်းမထိန်းနိုင်ဘူးဆိုရင်၊ သက်တမ်းကြာလာပြီဆိုရင် နောက်ဆက်တွဲတွေ ဖြစ်တတ်တယ်ဆိုတာ ဆီးချိုရှိတဲ့သူတိုင်း သိပါတယ်။ သူတို့ ခုလို ခံစားနေရတဲ့ ဝမ်းဗိုက်ပြဿနာတွေကရော ဆီးချိုကြောင့်ပဲလား။ ဘာကြောင့် ဝမ်းဗိုက်ပြဿနာ တွေ ခံစားရတာလဲ။ ယေဘုယျအားဖြင့် ပြောရမယ်ဆိုရင်တော့ ဆီးချိုသက်တမ်းကြာလာလေလေ (အမျိုးအစား ၁ပဲဖြစ်ဖြစ်၊ ၂ပဲဖြစ်ဖြစ်) ကိုယ်ထဲက ကိုယ်တွင်းအင်္ဂါတွေကို အနည်းနဲ့ အများထိခိုက်နိုင်ပါတယ်။ ဒီထဲမှာ အစာအိမ်နဲ့ အူလမ်းကြောင်းလည်း ပါပါတယ်။ ဆီးချိုကို ဖြစ်စေတဲ့ အကြောင်းရင်း (ဥပမာ အဝလွန်ခြင်း)ကြောင့် ဖြစ်နိုင်သလို ဆီးချိုရဲ့ နောက်ဆက်တွဲဖြစ်တဲ့ သွေးတွင်းသကြားဓာတ်တက်တာ၊ HbA1cလို့ ခေါ်တဲ့ သုံးလဆီးချိုဓာတ်တက်တာကြောင့်လည်း ဖြစ်နိုင်ပါတယ်။ ဒီထဲမှာမှ […]
