သားဥကြွေခြင်းကို တွက်ချက်ခြင်း

ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။

မှ အချက်အလက် စစ်ဆေးထားပါသည်။
16/09/2021
health-tool-icon
28

ရာသီရက်စုစုပေါင်း

(days) ရက်

7

အမေးများသော မေးခွန်းများ

သားဥကြွေခြင်းဆိုတာ ဘာလဲ။

သားဥကြွေခြင်းဆိုတာ ရာသီစက်ဝန်းအတွင်းမှာ သားဥအိမ်ကနေ သားဥကြွေပြီး သားဥပြွန်ကို ရွေ့သွားတာပဲ ဖြစ်ပါတယ်။ အဲ့ဒီ သားဥပြွန်မှာ မျိုးဥလေးက မျိုးအောင်ဖို့အတွက် စောင့်နေပြီး မျိုးမအောင်ဘူးဆိုရင်တော့ မျိုးဥလေးလည်း ပျက်စီး၊ သားအိမ်နံရံလည်း ကွာကျပြီး ရာသီသွေးအနေနဲ့ ဆင်းလာပါတယ်။

 

 

သားဥကြွေမယ့်ရက် တွက်ချက်ခြင်း ကိရိယာက ကိုယ်ဝန်ရအောင် ကူညီပေးနိုင်သလား။

သားဥကြွေမယ့်ရက် တွက်ချက်ခြင်း ကိရိယာက သင်ဘယ်တော့ သားဥကြွေမလဲဆိုတာကို အကြမ်းဖျင်း ခန့်မှန်းပေးနိုင်ပါတယ်။ မျိုးအောင်မယ့် ရက်တွေကို သိထားတာက ကိုယ်ဝန်ရဖို့ အခွင့်အလမ်းကို များစေပါတယ်။ ဆိုလိုတာက သားဥကြွေမယ့်ရက် တွက်ချက်ခြင်း ကိရိယာက သင့်ကို ကိုယ်ဝန်ရအောင်  ကူညီပေးနိုင်ပေမယ့် ၁၀၀% ရကို ရရမယ်လို့ အာမမခံပေးနိုင်ပါဘူး။

သားဥကြွေမယ့်ရက် တွက်ချက်ခြင်း ကိရိယာကို သန္ဓေတားဖို့ သုံးနိုင်ပါသလား။

သားဥကြွေမယ့်ရက် တွက်ချက်ခြင်း ကိရိယာကို သန္ဓေတားဖို့အတွက်တော့ မသုံးစေချင်ပါဘူး။ ဒီကိရိယာကနေ ရက်ရှောင်ဖို့ တွက်လို့ ရပေမယ့် ရက်ရှောင်တဲ့ နည်းလမ်းက သန္ဓေတားနည်းတွေထဲမှာ ထိရောက်မှု အနည်းဆုံး နည်းလမ်းပါ။ ထိရောက်မှုက ၇၆%လောက်ပဲ ရှိပါတယ်။ ဒီကိရိယာကို မျိုးအောင်နိုင်မယ့်ရက်တို့၊ သားဥကြွေမယ့်ရက်တို့ကို ကြည့်ဖို့ပဲ သုံးစေချင်ပါတယ်။

သားဥကြွေတာနဲ့ မျိုးအောင်နိုင်တဲ့ ရက်တွေက ဘယ်လောက်လောက် ကြာသလဲ။

အမျိုးသမီးတွေရဲ့ ရာသီစက်ဝန်းတွေက မတူတာကြောင့် မျိုးအောင်မယ့်ရက်တွေကလည်း တစ်ယောက်နဲ့ တစ်ယောက် မတူပါဘူး။ မျိုးအောင်နိုင်မယ့်ရက်က စုစုပေါင်း ၆ရက်လောက် ရှိပါတယ်။ ဒါပေမယ့် သားဥကြွေပြီးသွားရင်တော့ ၁၂နာရီနဲ့  ၄၈နာရီလောက်ပဲ ခံပါတယ်။ ဘာကြောင့်လဲဆိုတော့ မျိုးဥလေးက အဲ့လောက်ပဲ အသက်ရှင်လို့ပါ။

ဒါကြောင့် မျိုးဥမကြွေခင် ရှေ့ရက်တွေမှာ အတူနေပြီး မိန်းမကိုယ်ထဲကို သုက်ကောင်လေးတွေက အရင်ရောက်နှင့်နေသင့်ပါတယ်။ သုက်ကောင်လေးတွေကတော့ အထဲမှာ ၅ရက်လောက်ထိ နေနိုင်လို့ပါ။ အကောင်းဆုံးက မျိုးဥမကြွေခင် ရှေ့၃ရက်လောက်မှာအတူနေထားတာပဲ ဖြစ်ပါတယ်။

သားဥကြွေမယ့်ရက် တွက်ချက်ခြင်း ကိရိယာက သားလေး ဒါမှမဟုတ် သမီးလေးရဖို့ ကူညီပေးနိုင်ပါသလား။

ယေဘူယျအားဖြင့်တော့ သားဥကြွေမယ့်ရက် တွက်ချက်ခြင်း ကိရိယာကိုသုံးပြီး သားလေး ဒါမှမဟုတ် သမီးလေးမွေးဖို့ မရွေးချယ်နိုင်ပါဘူး။ လွန်ခဲ့တဲ့ နှစ်ပေါင်းများစွာက လေ့လာချက်တော်တော်များများမှာ ဘာလေးမွေးမလဲဆိုတာကို ရွေးချယ်နိုင်ဖို့ လေ့လာခဲ့ကြပါတယ်။ ဒီထဲမှာ Shettles methodကတော့ လူပြောအများဆုံးပါ။ ဒီနည်းလမ်းက အတူနေတဲ့အချိန်အပါအဝင် တခြားနည်းလမ်းတွေကို အသုံးပြုပြီး ဘာလေးမွေးမလဲဆိုတာကို ဖန်တီးယူတာပဲ ဖြစ်ပါတယ်။ ဒါပေမယ့် ဒီနည်းလမ်းက အလုပ်ဖြစ်မဖြစ်ဆိုတာကိုတော့ သိပ္ပံနည်းကျ လေ့လာချက် မရှိပါဘူး။

သားဥကြွေတဲ့ လက္ခဏာတွေက ဘာတွေလဲ။

ရာသီစက်ဝန်းတွေ၊ မျိုးအောင်နိုင်တဲ့ရက်တွေ၊ သားဥကြွေတဲ့ရက်တွေက တစ်လနဲ့ တစ်လ ကွဲပြားနိုင်ပေမယ့် သားဥကြွေခါနီးရင် ခံစားရတဲ့ လက္ခဏာတွေကတော့ အတူတူပဲ ဖြစ်ပါတယ်။ သားဥကြွေခါနီးရင်

−အရောင်ကြည်ပြီး ပျစ်တဲ့ အဖြူတွေ ဆင်းတာ

−ခန္ဓာကိုယ်အပူချိန် အနည်းငယ်တက်တာ

−ရင်သားတွေ တင်းပြီးနာတာ

−ဝမ်းဗိုက်အောက်ပိုင်း တစ်ဖက်တစ်ချက်က အောင့်တာ

−လိင်စိတ်တက်တာပဲ ဖြစ်ပါတယ်။

ရာသီမလာခင်  ၁၀ရက်ကနေ ၁၆ရက်ကြားမှာ ဒီလိုခံစားရရင် ဒါသားဥကြွေတာ ဖြစ်ဖို့များပါတယ်။

 

ရာသီမမှန်တဲ့သူတွေမှာ သားဥကြွေမကြွေကို ဘယ်လိုသိနိင်မလဲ။

ရာသီမမှန်ဘူးဆိုရင် သားဥဘယ်အချိန်ကြွေမလဲဆိုတာ ခန့်မှန်းရခက်ပါတယ်။ ဘာကြောင့်လဲဆိုတော့ သင်က သားဥလည်း မှန်မှန်ကြွေမှာ မဟုတ်သလို သားဥကြွေမယ့်အချိန်ကလည်း တစ်လနဲ့ တစ်လ တူမှာ မဟုတ်ပါဘူး။ ဒီတော့ ခန္ဓာကိုယ်အပူချိန်ကို ပုံမှန်တိုင်း၊ မှတ်ထားပြီး သားဥကြွေမယ့်ရက်နဲ့ မျိုးအောင်မယ့်ရက်တွေကို ခန့်မှန်းနိုင်ပါတယ်။

advertisement iconadvertisement
ကျန်းမာရေး ဆောင်းပါးများ
ကျန်းမာရေးစစ်ဆေးခြင်း
အဖွဲ့အစည်း