ရင်သွေးငယ်လေးတွေကို ကိုယ်ဝန်ဆောင်ချိန်မှာ ကိုယ်ဝန်ဆောင်မေမေတွေဟာ စိတ်ဖိစီးမှုဒါဏ်ခံကြရလေ့ရှိပါတယ်တဲ့။ အမျိုးသမီး ၇၀% သောမေမေတွေဟာ ဒီဝေဒနာကို ခံစားကြရလေ့ရှိပါတယ်။ ၇၀% ဆိုတာ အလွန်များပြားတဲ့ ပမာဏဖြစ်ပါတယ်နော်။ များသောအားဖြင့် လူအများအပြားဟာ ကိုယ်ဝန်ဆောင်ချိန် မိခင်တွေကို ပျော်ရွှင်နေကြတယ်၊ အခွင့်အရေးတွေ လိုသလိုရနေတတ်တယ်လို့ ထင်မြင်ယူဆတတ်ကြပါတယ်။ ဒါကြောင့်လည်း သူတို့ဟာ စိတ်ချမ်းသာနေမယ်၊ ပျော်ရွှင်နေလိမ့်မယ်လို့ တွေးလေ့ရှိပါတယ်။ တကယ်တော့ ဒီအချက်ဟာ မှားပါတယ်။ အမျိုးသမီးတွေဟာ ကိုယ်ဝန်ဆောင်ချိန်မှာ အလွန်စိတ်ဖိစီးမှုများတတ်ပါတယ်။ ဒါကြောင့်လည်း စိတ်ဖိစီးမှုဝေဒနာကို ဖျောက်ဖို့ ချဉ်ခြင်းတက်တာမျိုး၊ ဂျီကျတာမျိုးတွေဖြစ်လာတတ်တာပါ။ ကိုယ်ဝန်ဆောင်အမျိုးသမီးတွေထဲက ၂၀% လောက်ဟာ အလွန်အမင်းပြင်းထန်တဲ့ စိတ်ဖိစီးမှုဝေဒနာမျိုးတွေနဲ့ ရင်ဆိုင်ရတတ်ပါတယ်။ ဒီလိုရင်ဆိုင်ရပြီဆိုရင် စိတ်ဓာတ်ကျတာမျိုး၊ သောကများနေတာမျိုး၊ စိတ်ဖိစီးမှုများနေတာမျိုး၊ ဝမ်းနည်းနေတာမျိုး၊ မျှော်လင့်ချက်မဲ့နေတာမျိုး၊ အဆိုးတွေပဲ တွေးနေတာမျိုး၊ ကောင်းကောင်းအိပ်မရတာမျိုး၊ အာရုံစူးစိုက်မှုနည်းပါးလာတာမျိုး၊ အစာစားချင်စိတ်ပျောက်သွားတာမျိုးတွေဖြစ်လာနိုင်ပါတယ်။ ဒါကြောင့် ဂရုစိုက်ဖို့ သတိရှိဖို့ […]

ရုပ်ရှင်ထဲမှာ မင်းသမီးအန်နေပြီဆိုရင် ကိုယ်ဝန်ရှိဖို့ ၉၉ရာခိုင်နှုန်းသေချာပါတယ်။ အပြင်မှာလည်း နေလို့မကောင်းဘူး။ အန်တယ်။ ပျို့တယ်ဆိုရင် ကိုယ်ဝန်ရှိနေလားဆိုပြီး အရင်စဥ်းစားကြပါ တယ်။ ကိုယ်ဝန်ဆောင်တွေ မှာ ပျို့တာ၊ အန်တာကပုံမှန်ပါပဲ။ ဒါကို Morning sicknessလို့ခေါ်ပါတယ်။ Morning  ဆိုပေမယ့် တစ်နေကုန်အန်ချင်လည်း အန်နိုင်ပါတယ်။ ၁ရာခိုင်နှုန်းလောက်ကတော့ အပြင်းအထန်အန်တာ၊ ပျို့တာ ဖြစ်နိုင်ပါတယ်။ ဒါကို hyperemesis gravidarum (HG)လို့ခေါ်ပါတယ်။ ပြင်းထန်လွန်းလို့အစားမဝင်တာ၊ ရေမဝင်တာအထိဖြစ်တတ်ပါတယ်။ သိပ်ဆိုးရင် ဆေးရုံတက်ရတဲ့အထိ ဖြစ်တတ်ပါတယ်။ ဘာကြောင့်ဖြစ်တာလဲ။ ဘာကြောင့်လဲဆိုတာ အတိအကျမပြောနိုင်သေးပေမယ့် ဟော်မုန်းအပြောင်းအလဲလို့ကြောင့်လို့ ယူဆကြပါတယ်။ အထူးသဖြင့် အချင်းကထုတ်တဲ့hCGဟော်မုန်းပါ။ သာမန်ကိုယ်ဝန်ဆောင်တွေပျို့အန်တာက ကိုယ်ဝန်၃ ၄လလောက်ဆိုရင် သက်သာသွားတတ်ပေမယ့် HGကတော့ ဒီ့ထက်ပိုကြာတတ်ပါတယ်။ အဖြစ်များတဲ့သူတွေကတော့ အရင်ကမိသားစုထဲမှာ HGဖြစ်ဖူးတဲ့သူတွေ အမြွှာကိုယ်ဝန်ရှိသူတွေ အဝလွန်သူတွေ သားဦးကိုယ်ဝန်တွေ စပျစ်သီးကိုယ်ဝန်ရှိသူတွေမှာ ပိုတွေ့ရတတ်ပါတယ်။ ဘာလက္ခဏာတွေခံစားရမှာလဲ။ HGက သာမန်morning […]

ကိုယ့်ကျန်းမာရေးတစ်ခုတည်းကြောင့် ဆေးလိပ်ဖြတ်ဖို့ခက်နေသေးတယ်ဆိုရင် ကိုယ်ဝန်ရှိတယ်၊ ဒါမှမဟုတ် ကိုယ်ဝန်ယူတော့မယ်လို့ စိတ်ကူးမိတာနဲ့ ကိုယ့်ကလေးအတွက်တော့ ဆေးလိပ်ဖြတ်သင့်နေပါပြီ။ ဘာကြောင့်လဲဆိုတော့ မိမိကိုယ်တိုင်ဆေးလိပ်သောက်ရင် သင့်ကိုယ်ဝန်မရခင်၊ ကိုယ်၀န်ဆောင်ကာလနဲ့ မွေးပြီးတဲ့အခါ သုံးချိန်စလုံးကို ဆေးလိပ်က ထိခိုက်စေတာမို့လို့ပါပဲ။ ဘယ်လိုဆေးလိပ်အမျိူးအစားမှာမဆို ပါ၀င်တဲ့ နီကိုတင်းဓာတ်၊ ကာဗွန်မိုနောက်ဆိုက်နဲ့ တခြားမြောက်မြားစွာသောအဆိပ်အတောက်တွေဟာ သင်ရှူသွင်းရာက သွေးကြောထဲကတဆင့် သင့်ကလေးဆီကို တိုက်ရိုက်ရောက်ပါတယ်။ အကျိူးဆက်အနေနဲ့ သင်ကိုယ်တိုင်နဲ့ သင့်ရဲ့ ကြီးထွားနေတဲ့ကလေးကို အောက်ဆီဂျင်ပမာဏလျော့နည်းစေပါတယ်။ ကလေးရဲ့ နှလုံးခုန်နှုန်းကိုမြန်စေပါတယ်။ ကိုယ်၀န်ပျက်ကျခြင်း၊ သားလျှောခြင်းတွေကို ဖြစ်စေပါတယ်။ လမစေ့ဘဲမွေးတာ၊ ပေါင်မပြည့်ဘဲမွေးတာတွေကို အင်္ဂါမပြည့်စုံတာတွေလဲဖြစ်တတ်ပါတယ်။ရုတ်တရက် ကလေးအသက်သေဆုံးတဲ့အထိ ဖြစ်နိုင်ပါတယ်။ ဆေးလိပ်သောက်တာများလေလေ၊ ဒါမှမဟုတ် သူများသောက်တဲ့ဆေးလိပ်ငွေ့ကိုရှူရှိက်ရတာများလေလေ အပေါ်က ကျန်းမာရေးပြသနာတွေရင်ဆိုင်ရတာများလေလေပါပဲ။ကိုယ်၀န်ဆောင်စဉ်မှာ  ဆေးလိပ်နဲ့ထိတွေ့တာ ဘယ်လောက်ထိရတယ်၊ဘယ်လောက်ထိဆို အန္တရာယ်ကင်းတယ်ဆိုတဲ့ safe level လုံး၀မရှိတဲ့အတွက် လုံး၀ကိုရှောင်ကြဉ်ရမှာပါ။ ဆေးလိပ်ငွေ့ရှူရှိုက်မိရင် တချို့တွေက ကိုယ်ကိုယ်တိုင်ဆေးလိပ်မသောက်ပေမယ့် မိသားစု၀င်တစ်ဦးဦးကဆေးလိပ်သောက်တဲ့အခါ မီးလောင်နေတဲ့ ဆေးလိပ်ကထွက်တဲ့အငွေ့နဲ့ ဆေးလိပ်သောက်သူက […]

အမြွှာကိုယ်ဝန်လေးဆို မလိုချင်တဲ့သူမရှိပါဘူး။ ကိုယ်လည်းတစ်ခါပဲ ဗိုက်နာရတယ်၊ ကလေးအချင်းချင်းလည်း အဖော်ရတယ်မလား။ ပြီးတော့ နှစ်ယောက်လုံးကို ဆင်တူလေးတွေ ဝတ်ပေး၊ ချစ်စရာလေး ဘယ်လောက်ကောင်းလိုက်လဲ။ ဒါပေမယ့် ဒီလို ပျော်စရာကောင်းတာတွေက ကလေးမွေးပြီး နောက်ပိုင်းမှပါ။ ကိုယ်ဝန်ဆောင်တဲ့အချိန်မှာတော့ မေမေတို့ ခံစားရတဲ့ ဝေဒနာတွေက မသေးလှပါဘူး။ အမြွှာကိုယ်ဝန်ဆောင်ထားတဲ့ မေမေတိုင်း ဘယ်လို လက္ခဏာတွေ ကြုံတွေ့ရနိုင်လဲ။ ။ ကိုယ်ဝန်ဆောင်ချိန် ဗိုက်ထဲ ရင်သွေးလေး တစ်ယောက်တည်းရှိတာတောင် ပျို့ချင် အန်ချင်တာ၊ ဗိုက်အောင့်ဗိုက်နာတာတွေ ခြေလက်ဖောရောင်တာတွေ ဖြစ်တာ နှစ်ယောက်တောင် ရှိတယ်ဆိုရင် ပြောမနေနဲ့တော့။ ကဲ ဘယ်လို တွေ ကြုံတွေ့ရမလဲ။ Morning Sickness ကိုယ်ဝန်စစချင်းရဲ့ အစောပိုင်း လက္ခဏာတွေထဲမှာ Morning Sickness မနက်ပိုင်းပျို့အန်ခြင်းက အဖြစ်အများဆုံးနဲ့ အခံစားရဆုံးပါ။ ရင်သွေးလေးတစ်ယောက်တည်းရှိတုန်းကတောင် စားချင်းသောက်ချင်စိတ်လည်းမရှိ တစ်ချိန်လုံးလည်း ပျို့အန်ချင်နေတာ ဗိုက်ထဲ […]

ကိုယ်ဝန်ရှိတာမှ မကြာသေးဘူး။ ချော်လဲမလဲ၊ သေချာလည်း ဂရုစိုက်နေပါရက်နဲ့ ကိုယ်ဝန်ပျက်ကျသွားတယ်ဆိုရင် Blighted Ovum ကြောင့်လို့ပြောလို့ရပါတယ်။ ရင်သွေးလိုချင်လို့ ကြိုးစားပါတယ်ဆိုမှ Blighted Ovum ကြောင့် ကိုယ်ဝန်ပျက်သွားရရင် ယူကျုံးမရဝမ်းနည်းတတ်ကြသူချည်းပါပဲ။ ဒီတော့ ကိုယ်ဝန်ပျက်ကျစေတဲ့ Blighted Ovum ဆိုတာ ဘယ်လိုကြီးလဲ။ Blighted Ovum ဆိုတာဘာလဲ။ ။ Blighted Ovum ဆိုတာ သုတ်ကောင်လေးနဲ့မမျိုးဥ ထိတွေ့သွားပြီး သန္ဓေအောင်တဲ့အဆင့်ရောက်သွားတဲ့ ဥလေးဟာ သားအိမ်ထဲကိုဆင်းလာပေမယ့် သန္ဓေသားလောင်းအဖြစ် ဆက်မဖွံ့ဖြိုးတဲ့ ဖြစ်စဉ်ကို ပြောတာဖြစ်ပါတယ်။ အလွယ်ပြောရရင် အဆင်းသာရှိပေမယ့် အချင်းမရှိတဲ့သဘောပေါ့။ သန္ဓေအောင်တဲ့ဥလေးသာရှိပေမယ့် သန္ဓေသားလောင်းအဖြစ် ဆက်မဖွံ့ဖြိုးနိုင်တာပေါ့ ။ ဒီလိုနဲ့ကျန်ခဲ့တဲ့ သန္ဓေအောင်ဥလေးကို Blighted Ovum လို့ခေါ်တာဖြစ်ပါတယ်။ ကိုယ်ဝန်လနုတဲ့အချိန် သားပျက်သားလျှောဖြစ်တာ ၂ ယောက်ရှိတယ်ဆို ၁ ယောက်က Blighted […]

အခုတလော ဆိုရှယ်မီဒီယာတွေမှာ ကိုယ်ဝန်ဖျက်ဆေးတွေ၊ ကိုယ်ဝန်ဖျက်နည်းတွေကို ပြောင်ပြောင်တင်းတင်းရေးသားလာကြတာကို တွေ့လာရပါတယ်။ ကိုယ်ဝန်ဖျက်ချခြင်းဟာ တရားဝင်ပါသလား။ ဥပဒေရှုထာင့်၊ လူမှုရေးရှုထောင့် ဘယ်လိုရှိပါသလဲ။ ကိုယ်ဝန်ဖျက်ချခြင်းဟာ ကမ္ဘာ့နိုင်ငံအသီးသီးမှာ မတူညီတဲ့ ယဉ်ကျေးမှုစံနှုန်းတွေ၊ နောက်ခံအခြေအနေတွေအရ ရှုမြင်ပုံ အမျိုးမျိုးကွဲပြားပါတယ်။ မြန်မာနိုင်ငံမှာဆိုရင်လည်း ဘာသာရေးအရ သူတစ်ပါးအသက်နဲ့ သက်ဆိုင်တဲ့ကိစ္စဖြစ်လို့ မကောင်းမှုတစ်ခုအနေနဲ့ ယူဆထားပါတယ်။ ဥပဒေနှင့် မညီပါ ပထမဆုံးတင်ပြချင်တာကတော့ မြန်မာနိုင်ငံမှာ ရာဇသတ်ကြီးဥပဒေ ပုဒ်မ ၃၁၂ အရ ကိုယ်ဝန်ဖျက်ချခြင်းကို တားမြစ်ထားပါတယ်။ ထောင်ဒဏ် (၃) နှစ်ကျခံနိုင်တဲ့ ဥပဒေဖြစ်ပါတယ်။ ကိုယ်ဝန်ရင့်မာချိန် ကလေးလှုပ်ပြီဆိုရင် (၇)နှစ်ထိ ကျခံနိုင်ပြီး တရားမဝင်ကိုယ်ဝန်ဖျက်ချချိန်မှာ မိခင်သေဆုံးရင် ပြစ်ဒဏ်ပိုများသွားပါတယ်။ နောက်တစ်ချက်က မိမိကိုယ်ဝန်ကိုပျက်ကျစေဖို့ ကိုယ်တိုင်အားထုတ်တယ်ဆိုရင် ကိုယ်ဝန်ဆောင်အမျိုးသမီးဟာလည်း ဒီပုဒ်မနဲ့ အကျုံးဝင်မှာ ဖြစ်ပါတယ်။ ဒါဆိုရင် မြန်မာပြည်မှာ တရားဝင်ကိုယ်ဝန်ဖျက်ချခွင့် ဘယ်အခြေအနေတွေမှာရှိပါသလဲ.. ခြွင်းချက်တော့ ရှိပါတယ်။ မိခင်ရဲ့ အသက်ကို […]

မိန်းကလေးတွေရဲ့ မိန်းမကိုယ်ဆိုတာ ခြောက်သွေ့နေရင် စိုးရိမ်ရလောက်အောင် တစ်ချိန်လုံး စိုထိုင်းဆရှိတဲ့ နေရာတစ်ခုပါ။ ကျန်းမာတဲ့ မိန်းမကိုယ်တစ်ခုကနေ အရည်တွေ ပုံမှန် ဆင်းလေ့ရှိပါတယ်။ အပျိုဖော်ဝင်စကနေပြီးတော့ အသက်တော်တော်ကြီးတဲ့အထိပေါ့။ အဲဒီအထဲမှာ ကိုယ်ဝန်ဆောင်ချိန်မှာ ဆင်းတဲ့ မိန်းမကိုယ်က အရည်တွေအကြောင်းကို ပြောပြချင်ပါတယ်။ ကိုယ်ဝန်ဆောင်ချိန်ဆို ရာသီသွေးသာထိန်သွားပေမယ့် အခြား ပုံမှန်ဆင်းတတ်တဲ့ အရည်တွေရှိပါသေးတယ်။ သူတို့အကြောင်းကို လေ့လာကြည့်ရအောင် ။ ။ ကိုယ်ဝန်ဆောင်ချိန် မိန်းမကိုယ်ကနေ ပုံမှန် ဆင်းတတ်တဲ့ အရည်ဆိုတာ ဘယ်လိုမျိုးလဲ။ ။ ကိုယ်ဝန်ရဲ့ အစောပိုင်း လက္ခဏာတွေထဲမှာ မိန်းမကိုယ်ကနေ အရည်ဆင်းတာ တစ်ခု အပါအဝင်ပါ။ ပုံမှန်ဆိုရင် မိန်းမကိုယ်ကနေ အရည်များများဆင်းပြီး ဆေးပညာမှာဆို leukorrhea လို့ခေါ်တဲ့ အရည်ကြည် ( ဒါမှမဟုတ် ) အဖြူရောင်အရည်လေးတွေ ဆင်းပြီး အနံ့သက်သက်လေးရှိပါတယ်။ မိန်းမကိုယ်နဲ့ […]

ကိုယ်ဝန်ဆောင်ဖူးတဲ့ အမျိုးသမီးတော်တော်များများသိကြမှာပါ။ ကိုယ်ဝန်ရင့်လာလေလေ ကိုယ်ခန္ဓာပေါ်က တချို့အရာတွေ ပြောင်းလဲလာလေလေဆိုတာမျိုးကို။ ကိုယ်အလေးချိန်၊ မိန်းမကိုယ်က အဖြူဆင်းတာတွေ၊ ခြေထောက်ဖောရောင်တာတွေ အပြင် အသက်ရှူရခက် တာကလည်း လရင့်နေတဲ့ ကိုယ်ဝန်ဆောင်တိုင်း ကြုံတွေ့ရတတ်တဲ့ ပြဿနာတစ်ခုပါ။ ဒီလို အသက်ရှူရခက်တာ ဘာကြောင့်ဖြစ်ရတာလဲ။ စိုးရိမ်ရလား ။ ကိုယ်ဝန်ရင့်လာတဲ့အချိန်မှာ အသက်ရှူရခက်တာ ပုံမှန် ဖြစ်နေကျ အရာတစ်ခုပါ။ ကြီးလာတဲ့ ဗိုက်ထဲက ရင်သွေးလေးက အသက်ရှူတဲ့နေရာ တစ်စိတ်တစ်ပိုင်းဖြစ်တဲ့ ရင်ဝမ်းခြား အမြှေး diaphragm ကို သွားဖိတဲ့အခါ အသက်ရှူုရခက်သလို ကိုယ်ဝန်ဆောင်ချိန် ထွက်နေတတ်တဲ့ ပရိုဂျက်စတုန်းဟော်မုန်းကြောင့်လည်း အသက်ရှူရ ကြပ်တတ်ပါတယ်။ ဒါတွေက ကိုယ်ဝန်ရင့်လာတဲ့အခါ ဖြစ်နေကျဆိုရမယ့် ပြဿနာတွေပါ။ ကိုယ်ဝန်ရင့်လာတဲ့အခါ အသက်ရှူခက် တာ ပုံမှန် ပြဿနာတစ်ခုဆိုပေမယ့် ခုပြောပြမယ့် ပြဿနာတွေရှိရင်တော့ စိုးရိမ်စရာရှိပါတယ်။ နဂိုပန်းနာရင်ကြပ်ရောဂါ ရှိတဲ့သူတွေ ကိုယ်ဝန်က ပန်းနာရင်ကြပ်ရောဂါကို […]

ကိုယ်ဝန်ဆိပ်တစ်ခါ တက်တယ်ဆိုတဲ့ ပြဿနာဟာ ကိုယ်ဝန်ဆောင်တော်တော်များများ ကြုံတွေ့ရတတ်တဲ့ ပြဿနာတစ်ခုပါ။ တစ်ခါကိုယ်ဝန်ဆိပ်တက်ဖူးပြီး ကိုယ်ဝန် တစ်ခုခုချွတ်ချော်သွားပြီဆိုတာနဲ့ ခေါင်းထဲရောက်လာတဲ့ မေးခွန်းကတော့ နောက်ကိုယ်ဝန်ထပ်ယူသင့်လား ယူရင်ဒါမျိုး ထပ်ဖြစ်မှာလားဆိုတဲ့ မေးခွန်းပဲ ဖြစ်ပါတယ်။ ဘယ်သူကတော့ ကိုယ်ဝန်ရပြီးကာမှ ပြန်ပြီး ပျက်ကျသွားတာမျိုး လိုချင်မလဲနော်။ ကိုယ်ဝန်ဆောင်ရတာ လွယ်တဲ့ အလုပ်မှ မဟုတ်တာ။ ဒီတော့ ကိုယ်ဝန်ဆိပ်တစ်ခါတက်ဖူးရင် နောက်ကိုယ်ဝန်ကို ထိခိုက်နိုင်လား၊ ဘယ်လိုတွေ ဖြစ်နိုင်လဲဆိုတဲ့အကြောင်းလေးတွေ ပြောပြပေးချင်ပါတယ်။ ချိန်ဆလို့ရတာပေါ့။ ။ အရင်ကိုယ်ဝန်တုန်းက ကိုယ်ဝန်ဆိပ်တက်ဖူးခဲ့ရင် လေ့လာချက်တွေအရ အရင်တုန်းက ကိုယ်ဝန်ဆိပ်တစ်ခါ တက်ဖူးခဲ့ရင် နောက်ကိုယ်ဝန်မှာ ကိုယ်ဝန်ဆိပ်တက်နိုင်ချေ ၂၀ ရာခိုင်နှုန်းရှိတယ်လို့ဆိုပါတယ်။ နောက်ကိုယ်ဝန်မှာ ကိုယ်ဝန်ဆိပ်တက်နိုင်ချေ အနည်းအများကတော့ အရင်က ဖြစ်ဖူးတဲ့ ကိုယ်ဝန်ဆိပ်တက်ခြင်း ဘယ်လောက်ပြင်းထန်လဲဆိုတာနဲ့ ကိုယ်ဝန်သည်တွေရဲ့ နေထိုင်စားသောက်မှု ပုံစံပေါ် မူတည်ပြီး ကွဲပြားသွားပါတယ်။ ဒါကြောင့် အရင်ကိုယ်ဝန်မှာ […]