ကျွန်တော်တို့တွေရဲ့ အဘိုးအဘွားတွေဟာ အသက်ကြီးပေမယ့် မပျက်စီးသေးပါဘူး။ အရင်တုန်းကလိုပဲ သွားနိုင်၊ လာနိုင်၊ စားနိုင်၊ သောက်နိုင်တုန်းပါပဲ။ အိုဇာတာ ကောင်းတယ်ဆိုတာ ဒါမျိုးပေါ့။ ဒီလိုဖြစ်အောင်လည်း ကျွန်တော်တို့တွေက အားပေးထောက်ပံ့ပေးထားတယ်လေ။ တစ်သက်လုံးစောင့်ရှောက်လာခဲ့တဲ့ အဘိုးအဘွားတွေကို ကျွန်တော်တို့က လက်ပြန်ကမ်းပေးဖို့ အချိန်ရောက်လာခဲ့ပါပြီ။ နေဝင်ချိန်မှာ ဆည်းဆာတွေနဲ့ လှပနိုင်ဖို့ ကျွန်တော်တို့တွေမှာ အများကြီး တာဝန်ရှိပါတယ်။ ချစ်ရသော အဘိုးအဘွားများနဲ့ ပျော်ရွှင်စရာအချိန်လေး ဖန်တီးနိုင်ဖို့ အချိန်ပေးပါ။ ဒါအရေးကြီးဆုံးပါပဲ။ ကံကောင်းတာက ဒီမှာက အသက်ကြီးတဲ့အထိ မိဘနဲ့ပဲ အတူနေကြတာ များတဲ့အတွက် နေ့တိုင်းလိုလို တွေ့ဖြစ်ပါတယ်။ ဒါပေမယ့် အလုပ်သိပ်များလွန်းတဲ့အခါကျ တစ်အိမ်ထဲမှာ နေတာတောင် ဂရုမစိုက်မိတဲ့အခါတွေ ရှိတတ်ပါတယ်။ ဒါကြောင့် တစ်နေ့ကို နာရီပိုင်းလောက်ဖြစ်ဖြစ် အားအောင်လုပ်ပြီး အဖော်လုပ်ပေးပါ။ ထမင်းအတူစားပေးပါ။ အဝေးမှာ နေရတယ်ဆိုရင်လည်း အဆက်အသွယ် မပြတ်ပါစေနဲ့။ ဖုန်းလေးတော့ ပုံမှန်ပြောဖြစ်အောင် ကြိုးစားပါ။ […]

အသက်အရွယ်ကြီးရင့်လာချိန်မှာ ခန္ဓာကိုယ်ဟာ လုပ်ဆောင်နိုင်စွမ်းတွေကျဆင်းလာပြီး ကျန်းမာသန်စွမ်းမှုလည်း နည်းပါးလာတတ်ပါတယ်။ အိုမင်းရင့်ရော်ခြင်းဟာ ရှောင်လွဲလို့မရနိုင်တဲ့ အရာဖြစ်ပေမယ့် နောက်ဆက်တွဲ ကျန်းမာရေးပြဿနာတွေကတော့ ဒီလိုမဟုတ်ပါဘူး။ လူတစ်ယောက် မကျန်းမမာဖြစ်ရတဲ့ အဓိကအချက်က နေထိုင်စားသောက်ပုံ စနစ်မကျလို့သာဖြစ်ပါတယ်။ လူတွေထင်ထားသလို အသက်ကြီးလာတာနဲ့ တချို့ရောဂါတွေက မဖြစ်မနေဖြစ်မယ်လို့ မှတ်ယူထားလို့မရပါဘူး။ ဒီအချက်က မှားယွင်းပါတယ်။ အိုမင်းရင့်ရော်ခြင်းဆိုတာက သင့်ရဲ့ ဇီဝကမ္မဖြစ်စဉ် တဖြည်းဖြည်း နှေးကွေးလာတဲ့ အခြေအနေတစ်ရပ်ပါ။ အအိပ်နည်းလာလိမ့်မယ်။ စာဖတ်ရင် မျက်မှန်လိုလာမယ်။ အချို့လူတွေမှာ အကြားအာရုံဆုံးရှုံးလာမယ်။ အရိုးတွေလည်း အိုမင်းလာပြီး လိင်ပိုင်းဆိုင်ရာ တုံ့ပြန်မှုလည်း မတူတော့တဲ့ အနေအထားမျိုးကို ဆိုလိုတာပါ။ လူတွေကြုံဆုံလာရသမျှ ရောဂါတွေအားလုံးက အိုမင်းရင့်ရော်မှုထက် ကိုယ်တိုင်ရဲ့နေထိုင်စားသောက်ပုံ မမှန်ကန်ခဲ့လို့ဖြစ်ရတဲ့ ဝေဒနာတွေက အများစုပါ။ ဒါကြောင့်လဲ အသက်ကြီးလာချိန်မှာ မဖြစ်မနေကြုံဆုံရမယ်လို့ လူတွေထင်နေကြတဲ့ ကျန်းမာရေးပြဿနာတွေဟာ ယုံတမ်းစကားတွေဖြစ်နေလေ့ရှိပါတယ်။ အိုမင်းရင့်ရော်မှုရဲ့ နောက်ဆက်တွဲပြဿနာတွေနဲ့ပတ်သက်ပြီး လူတွေသိနားလည်ထားတဲ့ ဘယ်လိုယုံတမ်းစကားတွေက မှားယွင်းနေလဲဆိုတာကို […]

ဝမ်းချုပ်တာက အသက်အရွယ်ကြီးရင့်လာတဲ့ ဖိုးဖိုးဖွားဖွားတို့မှာ ခံစားရနိုင်တဲ့ အခြေခံ ကျန်းမာရေး ပြဿနာ တစ်ခုပါ။ ဝမ်းချုပ်တာက အစာခြေစနစ်ကို ကာလရှည်ကြာ ထိခိုက်စေနိုင်တဲ့ ကျန်းမာရေး ပြဿနာ တစ်ရပ် ဖြစ်ပြီး ဖိုးဖိုးဖွားဖွားတို့ ကျန်းမာပျော်ရွှင်စွာ ရှင်သန်နိုင်မှုကို ထိခိုက်စေနိုင်တဲ့ ကျန်းမာရေး ပြဿနာတစ်ရပ်ပါ။ ဖိုးဖိုးဖွားဖွားတို့ကို ဘာတွေကများ ဝမ်းချုပ်စေတာလဲ............... ဖိုးဖိုးဖွားဖွားတို့ကို ဝမ်းချုပ်စေနိုင်တဲ့ အကြောင်းအရင်းတွေက တစ်ခုမက ရှိနိုင်ပါတယ်။ တစ်ခါတလေမှာ သောက်သုံးနေရတဲ့ ဆေးဝါးတွေရဲ့ ဘေးထွက်ဆိုးကျိုးဖြစ်နိုင်ပါတယ်။ (ဥပမာ အကိုက်အခဲပျောက်ဆေးတွေ၊ စိတ်ကျရောဂါ သောက်ဆေးတွေကြောင့် ဝမ်းချုပ်နိုင်ပါတယ်) ဒါတွေအပြင် အခုလို အကြောင်းအရင်းတွေကြောင့်လည်း ဝမ်းချုပ်နိုင်ပါတယ်။ အမျှင်ဓာတ် လုံလောက်စွာ မစားမိတာ ရေသောက်နည်းတာ အသက်အရွယ်ကြောင့် အစာခြေစနစ် အားနည်းလာတာ သင့်တင့်တဲ့ ကိုယ်လက်လှုပ်ရှားမှု မရှိတာ လေ့ကျင့်ခန်း ပုံမှန် မလုပ်ဖြစ်တာ အစားကောင်းကောင်း မစားဖြစ်တာ […]

ဝမ်းချုပ်တာက အသက်အရွယ်တိုင်းမှာ ဖြစ်နိုင်တယ် ဆိုပေမယ့် အသက်အရွယ်ကြီးရင့်သူတွေမှာ ပိုအဖြစ်များ ပါတယ်။ ဝမ်းချုပ်တာက အစားအသောက် ပျက်စေသလို အခြားသော နောက်ဆက်တွဲ ကျန်းမာရေး ပြဿနာတွေကိုလည်း ဖြစ်စေနိုင်ပါတယ်။ ဒါကြောင့် သက်ကြီးရွယ်အိုတွေမှာ ဝမ်းချုပ်တဲ့အခါ သက်သာစေဖို့ ဘယ်လိုများ လုပ်ပေးရမလဲ ဆိုတာကို ဒီ ဆောင်းပါးလေးကနေ ပြောပြပေးသွား ပါမယ်။ ဖိုးဖိုးဖွားဖွားတို့ ဝမ်းချုပ်တာကို သက်သာစေမယ့် အိမ်တွင်းကုထုံး အချို့ ဝမ်းချုပ်တဲ့အခါ နောက်ဆက်တွဲ ပြဿနာတွေ မဖြစ်စေဖို့ ဒီ နည်းလမ်းလေးတွေကို အသုံးပြုပေးလို့ ရပါတယ်။ ဝမ်းချုပ်စေတဲ့ အစားအစာတွေကို ရှောင်ပါ ဝမ်းချုပ်နေတဲ့အခါ ပိုဆိုး မသွားစေဖို့အတွက် ဒါတွေကို ရှောင်စေချင် ပါတယ်။ ထမင်း ကောက်ညှင်း သန့်စင်ထားတဲ့ ဂျုံ မမှည့်သေးတဲ့ ငှက်ပျောသီး လက်ဖက်ရည် ချိစ် ချောကလက် အဆီများတဲ့ အစားအစာတွေကို ရှောင်ပါ။ ဝမ်းမှန်စေမယ့် အစားအစာတွေ […]

လူခန္ဓာကိုယ်မှာ အရိုးနဲ့ အဆစ်အမြစ်တွေ ကျန်းမာဖို့က သိပ်ကို အရေးကြီးပါတယ်။ အရိုးဆိုတာက ခန္ဓာကိုယ်ကြီးတစ်ခုလုံးရဲ့ ဒေါက်တိုင်မဟုတ်လား။ အရိုးတွေ အဆစ်အမြစ်တွေ တစ်ခုခုဖြစ်တာနဲ့ လူက ဘုံးဘုံးလဲတော့တာပဲလေ။ အရိုးဆိုတာက အသွင်သဏ္ဍာန်အားဖြင့် မာကျောလှတယ်ထင်ရပေမယ့် အသက်အရွယ်ရလာချိန်မှာ တခြားခန္ဓာကိုယ်အစိတ်အပိုင်းတွေလိုပဲ ယိုယွင်းလာတတ်ပါတယ်။ ငယ်ရွယ်စဉ်မှာကတည်းက အရိုးကျန်းမာအောင် မစောင့်ရှောက်ထားရင် အသက်ကြီးလာတဲ့အခါ အခက်ကြုံပါလိမ့်မယ်။ ဒီတော့ အသက်ကြီးချိန်တိုင်အောင် အဆစ်အမြစ်တွေ ကျန်းမာစေဖို့ စားသင့်တဲ့ အစားအစာများ က ဘာတွေလဲဆိုတာ ပြောပြပေးချင်ပါတယ်။ အသက်ကြီးချိန်တိုင်အောင် အဆစ်အမြစ်တွေ ကျန်းမာစေဖို့ စားသင့်တဲ့ အစားအစာများ အဆစ်အမြစ်တွေကတော့ အရိုးထက်တောင် ပိုစောစောစီးစီးယိုယွင်းတတ်တာပါ။ ဒီတော့ အရေးပါလှတဲ့ ဒီအရာတွေကို ကာလရှည်ကြာ ကျန်းမာနေစေဖို့ ခုချိန်ကတည်းက စောင့်ရှောက်ရပါမယ်။ အလွယ်ဆုံးနည်းကတော့ အဆစ်အမြစ် ကျန်းမာစေမယ့် အစားအစာတွေကို သတ်သတ်မှတ်မှတ်မှီဝဲပေးတာပါပဲ။ အဆစ်အမြစ်ကို ကျန်းမာစေမယ့် အစားအစာတွေဆိုတာ ဘယ်လိုအရာတွေလဲဆိုရင်တော့ ၁။ ချယ်ရီသီး ချယ်ရီသီးက […]

လေ့ကျင့်ခန်း လုပ်တာက အသက်အရွယ်တိုင်းကို သန်မာစေနိုင်ပါတယ်။ ကလေးကစလို့ လူကြီးတွေအထိ လေ့ကျင့်ခန်းလုပ်သင့်ပါတယ်။ လေ့ကျင့်ခန်းလုပ်တဲ့အခါ ခန္ဓာကိုယ် ကြံ့ခိုင်သလို စိတ်ရော လန်းဆန်း ကျန်းမာစေနိုင်ပါတယ်။ ဒီတစ်ခေါက်တော့ ဖေဖေမေမေ၊ ဖိုးဖိုးဖွားဖွားတို့ကို ပျော်ရွှင်ကျန်းမာနေစေဖို့ ဘယ်လို လေ့ကျင့်ခန်းလေးတွေ လုပ်ပေးလို့ ရမလဲဆိုတာ ပြောပြပေးသွားမယ်နော်။ ဖေဖေမေမေ၊ ဖိုးဖိုးဖွားဖွားတို့ကို သန်မာစေမယ့် လေ့ကျင့်ခန်း အသက်အရွယ်ကြောင့် လျော့ကျလာတဲ့ ကြံ့ခိုင်သန်စွမ်းမှုကို အားဖြည့်ဖို့ လေ့ကျင့်ခန်းလုပ်တော့မယ်ဆိုရင် မမေ့မလျော့ လုပ်သင့်တာတစ်ခုက အကြောလျှော့ဖို့ပါ။ အကြောလျှော့တာက ကြွက်သားတွေကို ပြေလျော့စေသလို ကြွက်သားတွေဆီ သွေးစီးဆင်းရောက်ရှိမှုလည်း ကောင်းစေပါတယ်။ လမ်းလျှောက်ပါ ဒီလေ့ကျင့်ခန်းက အပန်းမကြီးသလို စိတ်ရောကိုယ်ပါ ကျန်းမာစေဖို့လည်း အကောင်းဆုံး အားဖြည့်ပေးပါတယ်။ တစ်နေ့ကို ၁၅ မိနစ် ကနေ နာရီဝက်လောက် ပုံမှန် လမ်းလျှောက်ပေးတာက ကောင်းကောင်း အိပ်ပျော်စေပြီး စိတ်ရောကိုယ်ပါ ကျန်းမာလန်းဆန်းစေနိုင်ပါတယ်။ လမ်းလျှောက်တဲ့အခါ သက်သောင့်သက်သာ […]

အသက်အရွယ် ရလာတဲ့ အခါ အစာစားချင်စိတ် နည်းလာပါတယ်။ ဒီလို အနေအထားမှာ ကိုယ်အလေးချိန် ကျသွားတာ။ အင်အား နည်းသွားတာမျိုး ဖြစ်နိုင်ပါတယ်။ ကိုယ်အလေးချိန် နည်းတာနဲ့အတူ ရေရှည်မှာ ကြွက်သားဆုံးရှုံးတာက ဖြစ်လာနိုင်ပါတယ်။ ဒီတော့ ချစ်ရတဲ့ ဖေဖေမေမေ၊ ဖိုးဖိုးဖွားဖွားတွေကို ကျန်းကျန်းမာမာနဲ့ ကိုယ်အလေးချိန် တိုးအောင် ဂရုစိုက်ပေးဖို့ လိုပါမယ်။ ဒါမှ ရောဂါဘယတွေ အန္တရာယ်ကနေ ကင်းဝေးမှာ ဖြစ်သလို အသက်အရွယ်ကြောင့် ဖြစ်တဲ့ ကြွက်သားဆုံးရှုံးတာ၊ အရိုး ကျိုးလွယ်တာမျိုးတွေကို ကာကွယ်နိုင်မှာပါ။ ဒီတော့ အသက်အရွယ်ရလာတဲ့ မေမေဖေဖေ၊ ဖိုးဖိုးဖွားဖွားတွေကို ကျန်းကျန်းမာမာနဲ့ ကိုယ်အလေးချိန် တိုးစေဖို့ ဒါလေးတွေ ကျွေးပေးစေချင်ပါတယ်။ မေမေဖေဖေ၊ ဖိုးဖိုးဖွားဖွားတို့ ကျန်းကျန်းမာမာနဲ့ ကိုယ်အလေးချိန် တိုးစေဖို့ အသက်အရွယ်ရလာချိန်မှာ ကြွက်သားဆုံးရှုံးမှု မဖြစ်စေဖို့အတွက် ချစ်ရတဲ့ မေမေဖေဖေ၊ ဖိုးဖိုးဖွားဖွားတို့ကို ကျန်းကျန်းမာမာနဲ့ […]

ရောဂါတွေ အမျိုးမျိုး ဖြစ်ပွားနေချိန်မှာ ကိုယ်ခံအား ကောင်းအောင် ဂရုစိုက်ဖို့က အရေးအကြီးဆုံးပါ။ ဒီတော့ ကိုယ်ချစ်ရတဲ့ မေမေဖေဖေ၊ ဖိုးဖိုးဖွားဖွားတို့ ကျန်းမာစေဖို့ နဲ့ ကိုယ်ခံအား ပြည့်ဝစေဖို့ ဘာတွေများ ပြင်ဆင်ပေးရမလဲလို့ ခေါင်းခြောက်နေပြီလား။ ဒါဆိုရင်တော့ ချစ်ခင်ရတဲ့ မေမေဖေဖေ၊ ဖိုးဖိုးဖွားဖွားတို့ ကျန်းမာစေဖို့နဲ့ ကိုယ်ခံအား ပြည့်ဝစေဖို့ ဘာတွေပြင်ဆင်ပေးရမလဲဆိုတာကို အတူတူ ကြည့်လိုက်ရအောင်လား........... မေမေဖေဖေ၊ ဖိုးဖိုးဖွားဖွားတို့ ကိုယ်ခံအား ကောင်းစေဖို့ ဘာတွေ ပြင်ဆင်ပေးမလဲ.............. ချစ်ရတဲ့ မေမေဖေဖေ၊ ဖိုးဖိုးဖွားဖွားတို့ ကိုယ်ခံအား ကောင်းစေဖို့အတွက် နေ့စဉ် ပြင်ဆင်ပေးရတဲ့ အစားအသောက်တွေထဲမှာ ဒါလေးတွေ ပါအောင် ပြင်ဆင်ပေးပါ။ ဟင်းနုနွယ် ဟင်းနုနွယ်မှာ ဓာတ်တိုးဆန့်ကျင်ပစ္စည်းတွေ ကြွယ်ဝစွာ ပါဝင်နေပါတယ်။ ဒါတင်လားဆိုတော့ မဟုတ်သေးပါဘူး။ beta carotene၊ ဗီတာမင် A၊ ဗီတာမင် C၊ အမျှင်ဓာတ်၊ မဂ္ဂနီဆီယမ်၊ […]

အသက်ကြီးလာတာ နဲ့အမျှ ဟိုနားက နာ၊ ဒီနားက နာ ဝေဒနာအမျိုးမျိုးကို ခံစားလာရတာ ပုံမှန်ပါပဲ။ ကျန်းမာရေး လိုက်စားလို့ အရွယ်နဲ့ မလိုက်အောင် နုပျိုသန်မာနေဆဲ အဘိုး အဘွားတွေတော့ ရှိပါတယ်။ ဒါပေမယ့် အနည်းနဲ့ အများတော့ အရိုးအဆစ် နဲ့ ပတ်သက်တဲ့ ပြဿနာ ရှိတတ်ကြပါတယ်။ အဘိုးအဘွားတို့ အဖြစ်များတဲ့ နာကျင်ကိုက်ခဲမှုဝေဒနာများ Osteoarthritis ( အရိုးအဆစ်မှာ ရှိတဲ့ အကာအကွယ် အရိုးနု ပျက်စီးသွားတဲ့ အခါ လက်၊ ဒူးခေါင်းနဲ့ တင်ပါးတို့မှာ နာကျင်ကိုက်ခဲစေတဲ့ဝေဒနာ ဖြစ်ပါတယ်။) အကြောတင်ခြင်း၊ အဆစ်လွဲခြင်း ခါးအောက်ပိုင်း နာကျင်ခြင်း အဆစ်ရောင်နာ မဟုတ်တဲ့ အဆစ်အမြစ်နာကျင်မှု ဇက်နာခြင်း ဒူးနာခြင်း အရိုးနု ပျက်စီးခြင်း (ကျောရိုးမကြီးရဲ့ ပုံမှန်တည်ဆောက်ပုံ အချိုးအစားနဲ့ လုပ်ဆောင်ချက် […]

ဇရာက ရှောင်လွှဲလို့ မရပါဘူး။ ကိုယ်တွေ အသက်ကြီးလာတာနဲ့အမျှ ကိုယ်တွေကို ကျွေးမွေးပြုစု စောင့်ရှောက်ခဲ့တဲ့ ဖေဖေမေမေ၊ ဖိုးဖိုးဖွားဖွားတွေလည်း အသက်အရွယ် ကြီးရင့်လာခဲ့ပါပြီ။ အသက်ကြီးလာတဲ့အခါ ကိုယ်ခံအား နည်းလာသလို သန်မာမှု အားနည်းလာပြီး ရောဂါတွေကို ခံစားရနိုင်ခြေကလည်း များလာပါတယ်။ ဒီတော့ ချစ်ရတဲ့ မေမေဖေဖေ၊ ဖိုးဖိုးဖွားဖွားတို့ ကျန်းမာနေစေဖို့ အသက်အရွယ်ရတဲ့အခါ ဘယ်လိုရောဂါတွေ ဖြစ်တတ်လဲဆိုတာကို ဒီဆောင်းပါးလေးမှာ ဖတ်ကြည့်လိုက်ပါ။ အသက်ကြီးရင့်လာတဲ့သူတွေမှာ ဒါတွေ ခံစားရနိုင်ပါတယ်။ အသက်ကြီးတဲ့ ဖြစ်စဉ်က ဆံဖြူရုံ သွားကျိုးရုံ၊ အသားအရေတွေ တွန့်ရုံနဲ့ ပြီးမသွားပါဘူး။ ဒီလို ဝေဒနာတွေပါ ခံစားရနိုင်ပါသေးတယ်။ အာဟာရ ချို့တဲ့မယ် အာဟာရချို့တဲ့တာက သက်ကြီးပိုင်းတွေမှာ အဖြစ်များတဲ့ ကျန်းမာရေး ပြဿနာ တစ်ရပ်ပေါ့။ သွားတွေက အရင်ကလောက် မသန်မာတဲ့အခါ အစားသိပ်မစားဖြစ်တော့တာမျိုး ရှိနိုင်ပါတယ်။ ဒီတော့ လုံလောက်တဲ့ အာဟာရကို မရရှိရာကနေ […]