ကလေးပြုစုစောင့်ရှောက်ခြင်း

သားလေးကချောင်းတွေဆိုးနေတယ်။ အချိုတွေကျွေးမိလို့ဖြစ်မယ်၊ သကြားလုံးမစားနဲ့တော့နော် လို့မေမေတို့ပြောမိနေကျပါ။ ဒါပေမယ့် ဒီလိုမျိုးချည်းပဲ တထစ်ချမတွေးသင့်ပါဘူး။ ချောင်းဆိုးတယ်ဆိုတာ လက္ခဏာတစ်ခုဖြစ်တာကြောင့် ကလေးမှာ တခြားဘာထူးခြားနေတာရှိလဲကြည့်ရပါဦးမယ်။ ကိုယ်ဘာဖြစ်နေလဲ၊ ဘာတွေခံစားနေရလဲဆိုတာ လိပ်ပတ်လည်အောင်မပြောပြတတ်သေးတဲ့ ကလေးလေးတွေကို မိဘတွေက ဂရုစိုက်စောင့်ကြည့်ပေးမှစောစောကုသနိုင်မှာပါ။ အအေးမိဝေဒနာဆိုတာ ကလေးတွေမှာအဖြစ်များဆုံးရောဂါတွေထဲပါဝင်တာကြောင့် ဒီလက္ခဏာတွေနဲ့ပတ်သက်ပြီး ဗဟုသုတတွေကို မိဘတွေ သိထားသင့်ပါတယ်။ ကလေးတွေမှာ တစ်နှစ်ကို ၆ ကြိမ် ကနေ ၈ ကြိမ်ထက်မနည်း အအေးမိဝေဒနာခံစားရတတ်ပါတယ်။ ဘာတွေကြောင့် အအေးမိစေနိုင်တာလဲ ဗိုင်းရပ်စ်ပိုးက နှာခေါင်းနဲ့လည်ချောင်းအတွင်း ကူးစက်ရရှိပြီးနောက် အအေးမိခြင်းလက္ခဏာေတွဖြစ်လာပါတယ်။ ဗိုင်းရပ်စ်ပိုး အမျိုးအစား၂၀၀ကျော်ကြောင့် အအေးမိခြင်းကိုဖြစ်စေတာပါ။ အများစုကrhinovirusesကြောင့်ဖြစ်တာပါ။ အအေးမိဖျားနာဖြစ်နေတဲ့သူ တစ်ဦးဦးနဲ့ ထိတွေ့မှုရှိခဲ့ရင် ဒါမှမဟုတ် အောက်ပါနည်းလမ်းတွေတဆင့် ကလေးကိုကူးစက်နိုင်ပါတယ်။ လေထဲကတဆင့် -အအေးမိဖျားနာဖြစ်နေတဲ့လူတစ်ယောက်က နှာချေလိုက်မယ်ဆိုရင် ဗိုင်းရပ်စ်တွေကလေထဲမှာပျံ့နှံ့သွားနိုင်ပါတယ်။ အဲဒီလေကို ကလေးကရှူရှိုက်မိလိုက်ရင် ကူးစက်နိုင်ပါတယ်။ တိုက်ရိုက်ထိတွေ့မှု -ရောဂါရှိသူကို ကလေးကထိတွေ့မိတာကို ဆိုလိုပါတယ်။နေမကောင်းဖြစ်နေသူက […]

ဘေဘီလေးက ဖေဖေမေမေတို့နဲ့ သွေးအမျိုးအစားမတူတာမျိုးဖြစ်နိုင်လား ...... ဖေဖေက Aသွေးပါ။မေမေက Bသွေးပါ။ ဒါပေမယ့် မွေးလာတဲ့ ဘေဘီလေးက Oသွေးဖြစ်နေတယ်။ ဒါက ဖြစ်နိုင်ရဲ့လားလို့ တွေးနေတာလား။ ဒါဆိုရင်တော့ပြောစရာရှိတာက ဖြစ်နိုင်ပါတယ်ဆိုတဲ့ အချက်ပါ။ ဖေဖေက Aသွေး၊ မေမေက Bသွေးဖြစ်နေတာနဲ့ပဲ ဘေဘီလေးက Aသွေး ဒါမှမဟုတ် Bသွေး ဖြစ်နေစရာတော့ မလိုဘူးပေါ့။ ဘာကြောင့် ဒီလိုပြောရလဲဆိုတာကို သိချင်တယ်ဆိုရင်သွေးအမျိုးအစားဖြစ်နိုင်ခြေလေးကို အတူတူတွက်ချက်ကြည့်ရအောင်လား။ ဘေဘီလေးက ဖေဖေမေမေတို့နဲ့ သွေးအမျိုးအစားမတူတာမျိုး ဖြစ်နိုင်လား......... ဘေဘီလေးက ဖေဖေမေမေတို့နဲ့ သွေးအမျိုးအစားမတူတာမျိုးဖြစ်နိုင်လား ..... ဆိုတော့ ဘေဘီလေးကဖေဖေမေမေတို့နဲ့ သွေးအမျိုးအစား မတူတာက ဖြစ်နိုင်တဲ့အခြေအနေတစ်ရပ်ပါ။ အကြောင်းကတော့ DNA ကနေပဲ စပြောလိုက်ရအောင်လား။ သက်ရှိတိုင်းမှာ DNA ဆိုတာရှိတယ်။ ဒီ DNA ကပဲ ဘယ်သူဘယ်ဝါဆိုတာကို ခွဲခြားပေးတာပေါ့။ လူတစ်ယောက်မှာ မျိုးဗီဇပေါင်း ၂၀၀၀၀ […]

အမျိုးသမီးတွေအနေနဲ့မိခင်နို့ တိုက်ကျွေးခြင်းကြောင့် ရရှိလာတဲ့ အကျိုးကျေးဇူးတွေကို ပိုမိုသိရှိလာအောင် လှုံ့ဆော်ကြရာမှာ ဒီနေ့အခါဟာ အတက်ကြွဆုံး အချိန်ပါပဲ။ သုတေသနတွေအရလည်း အကျိုးကျေးဇူးအသစ်တွေ ထပ်မံတွေ့ရှိထားပါတယ်။   မိခင်နို့တိုက်ခြင်းဟာ သွေးလွှတ်ကြောများကိုကျန်းမာသန်စွမ်းစေပါတယ်။ သုတေသနအသစ်အရမိခင်နို့တိုက်ခြင်းဟာ သွေးလွှတ်ကြောတွေကို ကျန်းမာသန်စွမ်းစေတယ်လို့ သိရပါတယ်။ မိခင်နို့တိုက်သူ အမျိုးသမီးများအနေနဲ့ အသက်ကြီးသွားတဲ့အခါ နှလုံးထိခိုက်မှုနဲ့ လေဖြတ်နိုင်ခြေကို လျော့ကျစေတယ်လို့ ဆိုပါတယ်။ မိခင်နို့တိုက်ကျွေးနေတဲ့ငယ်ရွယ်သူအမျိုးသမီးတွေရဲ့ သွေးလွှတ်ကြောများဟာ သက်လတ်ပိုင်းအရွယ်ရောက်လာတဲ့အခါ နို့ဘူးတိုက်သူအမျိုးသမီးတွေထက် ပိုမိုကျန်းမာကောင်းမွန်တယ်လို့ သိရပါတယ်။ သားဖွားမီးယပ်ဆေးပညာဂျာနယ်တစောင်မှာလည်း မိခင်နို့တိုက်ကျွေးခြင်းနဲ့ သွေးလွှတ်ကြောများရဲ့ ကျန်းမာရေးကြားက ဆက်စပ်မှုကို ဖော်ပြထားပါတယ်။ ဒါပေမယ့် ဖြစ်နိုင်ခြေ အကျိုးအပြစ်အားလုံးကို ကျောက်ချက်ဆွဲဖို့တော့ စောပါသေးတယ်လို့ ဆိုထားပါတယ်။ သုတေသီများဟာ အနည်းဆုံး ကလေးတကြိမ်မွေးဖူးသူ အမေရိကန် အမျိုးသမီးဦးရေ ၈၀၀ကျော်ကို လေ့လာခဲ့ပါတယ်။ အဲဒီအမျိုးသမီးများအနက် နို့တိုက်ခြင်း ပိုများသူများရဲ့ ကရော့တစ်သွေးပြန်ကြောဟာ သက်လတ်ပိုင်းအရွယ်ရောက်ချိန်မှာ ထူထဲမှုသိပ်မဖြစ်လာဘူးလို့ ဆိုပါတယ်။   မိခင်နို့တိုက်ခြင်း၏ အကျိုးကျေးဇူးများ ကိုယ်ခန္ဓါအနှံ့ကိုသွေးများစီးဆင်းရာမှာ ကရော့တစ်သွေးလွှတ်ကြောဟာ သွေးများကို ဦးနှောက်ဆီ ပို့ဆောင်ပေးပါတယ်။ အဲဒီသွေးလွှတ်ကြောရဲ့ နံရံတွေထူထဲလာရင် သွေးလွှတ်ကြောကျဉ်းလာပြီး နှလုံးထိခိုက်ခြင်း၊ လေဖြတ်ခြင်းများ ဖြစ်နိုင်ပါတယ်။ ဒါဟာ မိခင်နို့တိုက်ခြင်းရဲ့ […]

ကလေးဆိုတာကြောက်တတ်တယ် ဆိုပြီး စကြနောက်ကြတာလည်း လူကြီးတွေပါပဲ။ပြောလို့မနိုင်ရင် ကလေးတွေငြိမ်သွားအောင် ဟိုခြောက်ဒီခြောက်နဲ့ခြောက်လှန့်ကြတယ်။ဒေဝေါဆိုတာ ဘာကြီးမှန်းလည်းမသိဘဲ ကလေးတွေကကြောက်ကြတာပဲ။ မအိပ်ရင်တောင် ကြောင်ကြီးကိုက်လိမ့်မယ်ဆိုပဲ။ ဥပမာ ပိုးဟပ်ကြောက်တာ၊ပင့်ကူကြောက်တာဆိုလည်း ချစ်စရာ၊ရယ်စရာအဖြစ်သဘောထားတတ်ကြတယ်၊ ချစ်လို့စတတ်ကြတယ်။ ဒါတွေကို လုပ်သင့်ရဲ့လား။ ငယ်ငယ်လေးတည်းက ကလေးရဲ့စိတ်မှာအကြောက်တရားသွင်းပေးခဲ့တာ မိဘကိုယ်တိုင်ဖြစ်နေရင် ဒီကလေး နောက်ပိုင်းကိုယ့်ကိုယ်ကိုယ်ယုံကြည်မှုအပြည့်နဲ့ ရပ်တည်နိုင်ဖို့ ပင်ပန်းရပါလိမ့်မယ်။ ရုပ်ရှင်တွေမှာ တွေ့ရတတ်တဲ့ အနောက်တိုင်းဓလေ့ကို ကြည့်ပါဦး(သရဲကားမဟုတ်)။ ကလေးတွေကို ငယ်တည်းက သီးသန့်အခန်းနဲ့နေစေတာနော်။ ကိုယ်တိုင်ဖြေရှင်းတတ်ဖို့၊ ကိုယ်တိုင်ရပ်တည်တတ်ဖို့၊ အရာရာမှီခိုမနေဖို့ အကျင့်လေးသွင်းပေးတာပါ။ကြောက်တတ်တဲ့စိတ်ကိုဖြစ်တည်မလာအောင် ကျင့်ပေးတာပါ။ မဟုတ်ရင် အမေနဲ့အဖေအလယ်မှာအိပ်တာတောင် အခန်းထောင့်ကိုကြည့်ပြီးကြောက်နေဦးမှာ။ ဒီမှာတော့နွေးထွေးတဲ့မိသားစုမေတ္တာပေးတတ်တဲ့ယဉ်ကျေးမှုကြောင့်ဖေဖေမေမေတို့က ရင်နဲ့မကွာစောင့်ရှောက်ကြပါတယ်။ ဒါပေမယ့်ခုနပြောသလိုခြောက်လှန့်ပြီးမှ မိဘကိုအားကိုးလာ၊ပြောစကားနားထောင်လာအောင် လုပ်တဲ့နည်းကတော့ အကျိုးဆက်ရှိနိုင်ပါတယ်နော်။ အဲကစပြီးကြောက်စိတ်အခံရှိတဲ့ကလေးက လူစိမ်းကြောက်တတ်၊ အသံကြားလည်းကြောက်တတ်၊ အရိပ်မြင်လည်းကြောက်၊ မီးပျက်လည်းကြောက်၊ သရဲကြောက်တတ်လာပါတော့တယ်။ ကိုယ့်ကလေးအတွက် ဘာလုပ်ပေးရမလဲ ကြောက်တတ်တဲ့ကလေးကို ဆက်မခြောက်ဘဲဖေးမအားပေးသင့်တယ်၊ အကြောက်တရားကနေလွတ်မြောက်အောင် ကူညီပေးသင့်ပါတယ်။ မဟုတ်ရင် အရွယ်ရောက်လာရင်တောင်မှ မလုပ်ရဲ၊မကိုင်ရဲ၊ […]

ဘေဘီလေးအတွက် Diaper ဘယ်လိုလဲပေးမလဲ ! အသစ်စက်စက် မေမေဖေဖေတို့အနေနဲ့ဘေဘီလေးကို သေးခံ (Diaper) သုံးပေးချင်ပေမယ့် သေးခံ ဘယ်လို လဲပေးရမလဲ မသိဘူးဆိုပြီး ဖြစ်နေလား။ ဒါဆိုရင်တော့ ဒီဆောင်းပါးလေးကို တူတူဖတ်ကြည့်ပြီး ဘေဘီလေးကို အဆင်ပြေပြေနဲ့ သေးခံ လဲပေးကြည့်ရအောင်လား.............. ဘေဘီလေးအတွက် Diaper ဘယ်လိုလဲပေးမလဲ ဘေဘီလေးကို သေးခံလဲပေးမယ်ဆိုရင် ပထမဆုံး လုပ်ရမယ့် အချက်က လိုအပ်တဲ့ ပစ္စည်းတွေကို ပြင်ဆင်ဖို့ပါ။ ပြီးမှ တစ်ဆင့်ချင်းစီ လုပ်ပေးရုံပါနော်။ လိုအပ်တာတွေက ဘာတွေဖြစ်မလဲ........... သန့်စင်ခြောက်သွေ့နေတဲ့ သေးခံ အသစ် သန့်ရှင်းရေး လုပ်ပေးဖို့ ဂွမ်းစ၊ ရေ ဒါမှမဟုတ် wet tissue လွှင့်ပစ်စရာပုံး ဒါမှမဟုတ် အမှိုက်အိတ် သေးခံလောင်တာကို ကာကွယ်ဖို့ လူးပေးတဲ့ ခရင်မ် ဒါမှမဟုတ် Baby Oil […]

ဘေဘီလေးကိုပြုစုရတာ လွယ်ကူတယ်တော့မဟုတ်လှပါဘူး။ ဒီလိုပြုစုမှုတွေထဲမှာ မသိလိုက်ဘဲ အမှားလုပ်မိတာမျိုးတွေလည်း ရှိနိုင်ပါတယ်။ ဒီတစ်ခေါက်တော့ ဘေဘီလေးကို Diaper  လဲပေးတဲ့အခါ လုပ်မိနေနိုင်တဲ့ အမှားတွေအကြောင်းပြောပြပေးချင်ပါတယ်။ ဘေဘီလေးကို Diaper (သေးခံ) လဲပေးတဲ့အခါ လုပ်မိနိုင်တဲ့ အမှားအချို့ ဘေဘီလေးကိုသေးခံလဲပေးတဲ့အခါ သတိမထားမိလိုက်ဘဲ ဒီလိုအမှားတွေလုပ်မိနေနိုင်ပါတယ်။ အဆင်သင့်မပြင်ထားမိတာ ဘေဘီလေးအတွက်သေးခံလဲပေးတဲ့အခါ လိုအပ်မယ့် ပစ္စည်းတွေကို အဆင်သင့်မပြင်ထားမိတာမျိုးဖြစ်နိုင်ပါတယ်။ ဒါကြောင့်ဘေဘီလေးကိုသေးခံလဲပေးတဲ့အခါ လိုအပ်မယ့် ပစ္စည်းတွေကိုခြင်းတစ်ခုတည်းမှာ စုစည်းထည့်ထားပါ။ပြီးရင် လိုအပ်မယ့်ပစ္စည်းတွေကို လက်လှမ်းမီတဲ့နားထိယူပြီးမှ ကလေးကိုသေးခံလဲပေးပါ။ ဒီလိုအသင့်ပြင်ထားမှုက ကလေးကို မတော်တဆလိမ့်ကျတာမျိုးမဖြစ်အောင်ကာကွယ်နိုင်မှာပါ။ သေးခံကိုသေချာမဝတ်ပေးမိတာ ဒါက အသစ်စက်စက်မိဘတွေမှာဖြစ်တတ်ပါတယ်။ ကလေးကိုနေရတာ သက်သောင့်သက်သာမဖြစ်မှာစိုးပြီး ခပ်လျော့လျော့လေးဝတ်ပေးမိတာ၊ ဒါမှမဟုတ်လျော့ကျနေမှာစိုးပြီး ခပ်တင်းတင်းဝတ်ပေးမိတာမျိုးပေါ့။သေးခံကို ခပ်တင်းတင်းဝတ်ပေးမိတာက ကလေးရဲ့ သွေးစီးဆင်းမှုကို အနှောင့်အယှက်ဖြစ်စေနိုင်ပြီးသေးခံကြောင့် အရေပြားပွန်းနိုင်ခြေများစေနိုင်ပါတယ်။ ဘေဘီလေးကို သန့်ရှင်းပေးတဲ့နည်းလမ်းမမှန်တာ သေးခံလဲပေးဖို့အတွက် ဘေဘီလေးကို သန့်ရှင်းပေးတဲ့အခါ ရေစွတ်ထားတဲ့ ဂွမ်းစ ဒါမှမဟုတ် wet tissues ကို အရှေ့ကနေ အနောက်ကို ဆွဲယူတဲ့ […]

ကလေးတွေမှာ ဖြစ်တဲ့ ဝမ်းကိုက်ရောဂါ ဆိုတာဘာလဲ။ ဝမ်းကိုက်ရောဂါဆိုတာ Salmonella(စဲလ်မိုနဲလား) နှင့် Shigella(ရှီဂဲလ်လား)ဆိုတဲ့ ဘက်တီးရီးယားတွေကြောင့်ဖြစ်တဲ့ အူလမ်းကြောင်းရောဂါတစ်မျိုးဖြစ်ပါတယ်။ ဒီရောဂါပိုးဟာရောဂါးပိုးရှိနေတဲ့ မစင်နဲ့ တိုက်ရိုက်ထိတွေ့မိရာကနေ ကူးစက်နိုင်ပါတယ်။ ထို့အပြင် မသန့်ရှင်းတဲ့ အစားအသောက်တွေ စားသောက်မိခြင်း, မသန့်ရှင်းတဲ့ရေထဲမှာရေကူးမိခြင်းတို့ကနေလဲဖြစ်နိုင်ပါတယ်။ အသက် ၂ နှစ်ကနေ ၄ နှစ်ကလေးတွေ မှာ အဖြစ်များနိုင်ပါတယ်။ဆောင်းရာသီထက်နွေရာသီလို အချိန်အခါမျိုးမှာ ပိုအဖြစ်များနိုင်ပါတယ်။ ရောဂါလက္ခဏာတွေက ဘာတွေလဲ။ လက္ခဏာတွေကတော့ရောဂါပိုးဝင်ပြီးချိန်ကစပြီး တစ်ရက်၊ နှစ်ရက်လောက် အကြာမှာ ဝမ်းလျှောခြင်း၊အန်ခြင်း၊ဖျားခြင်းနှင့် ဗိုက်အောင့်ခြင်းတွေ စဖြစ်လာပါမယ်။ ဝမ်းလျှောတာက ၅ ရက်ကနေ ၇ ရက်လောက်ထိ ဆက်တိုက်ဖြစ်နိုင်တာကြောင့် ကလေးငယ်လေးတွေအတွက်ဆေးရုံမှာ တက်ရောက်ကုသမှုခံယူတာ အကောင်းဆုံးပါပဲ။ ကလေးက ဝမ်းလျှောပြီး အဖျား ၁၀ဝံFလောက်ဖြစ်နေတယ်ဆိုရင် အမြန်ဆုံးဆရာဝန်သွားပြသင့်ပါတယ်။ ဘာတွေက ဝမ်းကိုက်ရောဂါကိုဖြစ်စေတာလဲ။ ဝမ်းကိုက်ရောဂါကို အဓိကဖြစ်စေတာကတော့ ဘက်တီးရီးယားပိုးတွေပဲဖြစ်ပါတယ်။ Salmonella(စဲလ်မိုနဲလား)၊ Shigella(ရှီဂဲလ်လား)၊ E.coli(အီးကိုလိုင်း)၊Campylobacter (ကမ်ပိုင်လိုဘက်တာ) အစရှိတဲ့ […]

ကလေးတွေမှာဖြစ်တဲ့ ဝမ်းလျှောရောဂါဆိုတာ ဘာလဲ။ ကလေးလေးတွေရဲ့ ဝမ်းက ပုံမှန်ထက်ကို ပိုပြီးအရည်အဖြစ်သွားနေခြင်းဖြစ်ပါတယ်။ ဒီလို ဝမ်းလျှောတာဟာ ဘယ်ကလေးမှာ မဆိုဖြစ်နိုင်ပါတယ်။ ဒါဟာ ကလေးတွေမှာဖြစ်လေ့ဖြစ်ထရှိတဲ့ရောဂါတစ်မျိုးဖြစ်ပြီး အိမ်မှာ ကုသရုံနဲ့ သက်သာသွားတာများပါတယ်။ ဒါပေမယ့်သေချာ ဂရုစိုက်ကုသခြင်းမရှိရင်တော့ ဒီဝမ်းလျှောရောဂါဟာ အန္တရာယ်ရှိလာနိုင်ပါတယ်။ ကလေးတွေမှာ ဝမ်းလျှောရောဂါဖြစ်ရင် ဘယ်လို လက္ခဏာတွေပြလဲ။ ဝမ်းလျှောရောဂါဆိုတဲ့အတိုင်းပဲ ဝမ်းကတော့ အရည်အဖြစ်သွားနေပါလိမ့်မယ်။ ဝမ်းလျှောတာ အပြင် အန်ခြင်း အစားအသောက်ပျက်ခြင်း ဖျားခြင်း မအီမသာဖြစ်ခြင်း ရေဓါတ်ခမ်းခြောက်ခြင်း ကိုယ်အလေးချိန်ကျခြင်း တို့ပါဖြစ်နိုင်ပါတယ်။ ဘယ်အချိန်မှာ ဆရာဝန်နဲ့ပြသင့်လဲ။ အောက်ပါလက္ခဏာတွေပြနေရင်တော့ ဆရာဝန်နဲ့ဆွေးနွေးတိုင်ပင်သင့်ပါတယ်။ ဝမ်းလျှောခြင်းက တစ်ရက်၊နှစ်ရက်နဲ့ မသက်သာသွားရင် အဖျား ၁၀၂ံF နှင့် အထက်ရှိနေရင် ခဏခဏအန်နေပြီး ဘာအရည်မှသောက်မရနိင်အောင်ဖြစ်နေရင် ဝမ်းထဲမှာသွေး သို့မဟုတ် ချွဲတွေပါလာရင် ဆရာဝန်နဲ့ပြသင့်နေပါပြီ ရေဓါတ်ဆုံးရှုံးမှုလွန်ကဲခြင်း လက္ခဏာတွေဖြစ်တဲ့ ပါးစပ်နှင့် […]

ကျောင်းပိတ်ရက်မှာ ပျော်လည်းပျော်မယ်၊ ပိုလည်းတော်မယ့် လှုပ်ရှားမှုများ က ဘာတွေဖြစ်မလဲဆိုတာကို အတူတူ ကြည့်လိုက်ရအောင်လား ..... မေမေဖေဖေတို့ရေ နွေရာသီ ကျောင်းပိတ်ရက်မှာ ကလေးတွေအပျော်ဆုံးအချိန်ပါ။ ကျောင်းတက်စရာ၊စာကျက်စရာမလို၊ တီဗီကြည့်မယ်၊ ဂိမ်းဆော့မယ်၊ အပြင်ထွက်ကစားမယ်ဆိုပြီးတော့ပေါ့။ အားလပ်တဲ့အချိန်လေး ကလေးတွေပျော်တာလည်းကောင်းပေမယ့် အပျော်အပါးနဲ့အကြာကြီးလွှတ်မထားသင့်ပါဘူး။ သုံးလပိတ်ပြီးရင်ကျောင်းပြန်တက်ရမှာပဲဆိုတော့ ကလေးတွေစိတ်လေသွားလို့မဖြစ်ဘူးလေ။ တီဗီကြည့်၊ ဂိမ်းတွေချည်းဆော့လို့ မျက်စိထိခိုက်လာတာ၊ အပြင်တွေချည်းထွက်ကစားလို့ စိတ်ပူနေရတာတွေမဖြစ်ရအောင် စည်းနဲ့ကမ်းနဲ့တော့ ရှိသင့်ပါတယ်။ ဘယ်အချိန်က ဘယ်အချိန်အတွင်း လွတ်လွတ်လပ်လပ်ကစားကြ ဆိုပြီး အချိန်တစ်ခုကန့်သတ်ပေးတာကောင်းပါတယ်။ကျောင်းပိတ်တုန်းလေး အားလပ်ရက်မှာ ကလေးတွေကို ပုံစံချ တင်းကျပ်ဖို့တော့ မလုပ်ပါနဲ့။ပေါ့ပေါ့ပါးပါးနေရင်း အကျိုးရှိစေမယ့် ပျော်ရွှင်စရာလှုပ်ရှားမှုတွေ ဖန်တီးပေးတာက ကလေးတွေအတွက်ပျော်လည်းပျော်၊ ဖွံ့ဖြိုးမှုအတွက်လည်း အထောက်အကူဖြစ်စေပါလိမ့်မယ်။ ဒါဆို နွေရာသီကျောင်းပိတ်ရက်မှာ ကလေးတွေအတွက် ဘာတွေစီစဉ်ပေးရကောင်းမလဲ.... ကျောင်းပိတ်ရက်မှာ ပျော်လည်းပျော်မယ်၊ ပိုလည်းတော်မယ့် လှုပ်ရှားမှုများ ကျောင်းပိတ်ရက်မှာ ပျော်လည်းပျော်မယ်၊ ပိုလည်းတော်မယ့် လှုပ်ရှားမှုများကတော့ မိသားစုလိုက် ခရီးထွက်မယ် အမှတ်တရအဖြစ်ရော အပန်းဖြေခရီးအနေနဲ့ပါ […]

ကိုယ့်ရဲက ရင်နဲ့အမျှချစ်ရတဲ့ သားသမီးလေးကို ကျန်းမာပျော်ရွှင်စွာနဲ့ ကြီးပြင်းလာစေချင်တာက မိဘတိုင်းရဲ့ ထပ်တူကျနေမယ့် စိတ်ကူးလေးတစ်ခုဆိုတာ နားလည်ပါတယ်။ ဒါပေမယ့် ဆုတောင်းတဲ့အတိုင်း မပြည့်ခဲ့ရင်တောင် သားသမီးကို ဂရုဏာပိုသက်လို့ ရင်ထဲကနေ နှစ်နှစ်ကာကာချစ်တတ်ကြတာကလည်း မိဘတွေပဲမဟုတ်လား။ ဒီတစ်ခေါက်တော့ ဦးနှောက်အကြောသေရောဂါ (Cerebral Palsy) ခံစားနေရတဲ့ ကလေးကို မိဘတွေအနေနဲ့ ဘယ်လိုပြုစုစောင့်ရမလဲ ဆိုတာကိုပြောပြပေးပါရစေနော်။ ဦးနှောက်အကြောသေရောဂါ (Cerebral Palsy) ဆိုတာဘာလဲ...... ဦးနှောက်အကြောသေရောဂါဆိုတာက ကြွက်သားတွေနဲ့ အာရုံကြောတွေကို ထိခိုက်စေတဲ့ရောဂါအခြေအနေတစ်မျိုးပါ။ ဒီရောဂါကို ခံစားရတဲ့အခါ ကလေးက လှုပ်ရှားမှုပိုင်းမှာထိခိုက်တာ စကားပြောဆိုမှုပိုင်းမှာထိခိုက်တာမျိုးတွေဖြစ်နိုင်ပါတယ်။ ဒီရောဂါက မျိုးရိုးကြောင့်ဖြစ်တာမျိုးမဟုတ်ဘဲ ကလေးငယ်စဉ်ဘဝမှာစတင်ဖြစ်ပွားတာပါ။ ဘာကြောင့် ဦးနှောက်အကြောသေရောဂါ (Cerebral Palsy) ခံစားရနိုင်လဲ......... ဦးနှောက်အကြောသေရခြင်းရဲ့ အဓိကအကြောင်းအရင်းက ဦးနှောက်ကို သွေးစီးဆင်းရောက်ရှိမှုနည်းသွားတာကြောင့်ပါ။ ဒါပေမယ့် အခုလိုအခြေအနေတွေကြောင့်လည်း ကလေးမှာ ဦးနှောက်အကြောသေရောဂါကိုခံစားရနိုင်ပါတယ်။ ကိုယ်ဝန်ဆောင်ချိန်၊ မွေးဖွားတဲ့အချိန်နဲ့ ကလေးဘဝအစောပိုင်းမှာ ထိခိုက်မှုတစ်ခုခုခံစားခဲ့ရတာ […]