ကလေးလေးတွေရဲ့ ဝမ်းက ပုံမှန်ထက်ကို ပိုပြီးအရည်အဖြစ်သွားနေခြင်းဖြစ်ပါတယ်။ ဒီလို ဝမ်းလျှောတာဟာ ဘယ်ကလေးမှာ မဆိုဖြစ်နိုင်ပါတယ်။
ဒါဟာ ကလေးတွေမှာဖြစ်လေ့ဖြစ်ထရှိတဲ့ရောဂါတစ်မျိုးဖြစ်ပြီး အိမ်မှာ ကုသရုံနဲ့ သက်သာသွားတာများပါတယ်။ ဒါပေမယ့်သေချာ ဂရုစိုက်ကုသခြင်းမရှိရင်တော့ ဒီဝမ်းလျှောရောဂါဟာ အန္တရာယ်ရှိလာနိုင်ပါတယ်။
ဝမ်းလျှောရောဂါဆိုတဲ့အတိုင်းပဲ ဝမ်းကတော့ အရည်အဖြစ်သွားနေပါလိမ့်မယ်။ ဝမ်းလျှောတာ အပြင်
အောက်ပါလက္ခဏာတွေပြနေရင်တော့ ဆရာဝန်နဲ့ဆွေးနွေးတိုင်ပင်သင့်ပါတယ်။
ရေဓါတ်ဆုံးရှုံးမှုလွန်ကဲခြင်း လက္ခဏာတွေဖြစ်တဲ့
အဓိကဖြစ်စေတာတွေကတော့ မသန့်ရှင်းတဲ့ အစားအသောက်တွေ စားမိသောက်မိတာကနေဖြစ်ပါတယ်။ တစ်ခါတစ်ရံမှာရောဂါပိုးရှိတဲ့လူရဲ့ အညစ်အကြေးတွေနဲ့ မတော်တဆ ထိမိကိုင်မိတာတွေကနေလဲဖြစ်တတ်ပါတယ်။ တခြားဖြစ်စေတာတွေကတော့ ဘက်တီးရီးယား၊ ဗိုင်းရပ်စ်၊ ဓါတ်မတည့်တာ သို့မဟုတ် အဆိပ်မိတာတွေပဲဖြစ်ပါတယ်။
ဝမ်းလျှောတာက မသက်သာပဲ ဆက်တိုက်ဖြစ်နေမယ်ဆိုရင်တော့ပြင်းထန်တဲ့ အာဟာရချို့တဲ့ခြင်းကိုဖြစ်လာစေနိုင်ပါတယ်။ ကလေး ဝမ်းလျှောပြီဆိုရင် အန္တရာယ်အပေးနိုင်ဆုံးကရေဓါတ်ခမ်းခြောက်တာဖြစ်ပါတယ်။ ဒီတော့ ကလေးဝမ်းလျှောပြီဆိုတာနဲ့ အရည်များများတိုက်ကျွေးဖို့သာပြင်ပါ။ပြီးမှ အကျိုးပြုဘက်တီးရီးယားဆေးတွေပေးပါ။
ဝမ်းလျှောတာကို အဓိက ကုသတဲ့နေရာမှာတော့ အရည်များများတိုက်ခြင်းက အဓိကအကျဆုံးဖြစ်ပါတယ်။
ဝမ်းလျှောတာကိုသေချာဂရုတစိုက် ကုသမှုမပြုရင်တော့ အစာချေစနစ်ကိုထိခိုက်လာနိုင်ပြီး အာဟာရချို့တဲ့ခြင်း၊ ခုခံအားကျဆင်းခြင်းအပြင်နောက်ဆုံးသေဆုံးခြင်းအထိပါဖြစ်လာနိုင်ပါတယ်။
အာဟာရလုံလုံလောက်လောက်ပေးဖို့ အလွန်အရေးကြီးပါတယ်။ အာဟာရလုံလုံလောက်လောက်ပေးခြင်းဖြင့် ကလေးရဲ့ အစာချေစနစ်ကိုကောင်းမွန်လာစေပြီး ဝမ်းလျှောခြင်းကိုလျော့နည်းလာစေတဲ့အပြင် ကလေးရဲ့ အာဟာရပြည့်ဝမှုကိုပါ အထောက်အကူဖြစ်စေပါတယ်။ ဝမ်းလျှောနေစဉ် အစာကျွေးတာက ပိုဆိုးစေနိုင်တယ်ဆိုပြီးတော်တော်များများက အထင်မှားနေကြပါတယ်။ တကယ်တော့ အစာကြေလွယ်တဲ့ အစားအသောက်တွေကျွေးရမှာဖြစ်ပါတယ်။ ဥပမာ ကြက်သားလေးကိုပြုတ်ပြီး မုန်လာဥနဲ့ဖြစ်ဖြစ် အားလူးနဲ့ဖြစ်ဖြစ်ချက်ကျွေးပေးပါ။
နောက်ပြီးတော့ ကလေးကို အကျိုးပြုဘက်တီးရီးယားဆေးတွေပေးဖို့လည်း မမေ့ပါနဲ့။ အကျိုးပြုဘက်တီးရီးယားတွေက ကလေးရဲ့အစာချေစနစ်ရဲ့ ခံနိုင်ရည်ကိုကောင်းမွန်စေပြီး တခြားသောရောဂါပိုးများ၊ ဗိုင်းရပ်စ်များကိုပြန်လည်တိုက်ထုတ်ပေးပါတယ်။
ကလေးတွေမှာ ဝမ်းလျှောရောဂါမဖြစ်အောင် မိဘတွေအနေနဲ့ ကလေးတွေရဲ့နေထိုင်စားသောက်မှုကို အထူးဂရုစိုက်ရမှာဖြစ်ပါတယ်။
ဝမ်းလျှောရောဂါဟာ မိဘတွေသေချာဂရုစိုက်ပေးပြီး ကာကွယ်လို့ရပါတယ်။ ဒါကြောင့် မိဘတွေအနေနဲ့ ကလေးတွေမှာဖြစ်တတ်တဲ့ ဝမ်းလျှောရောဂါအကြောင်း၊ ရောဂါလက္ခဏာတွေနဲ့ ဘယ်လိုပြုစုစောင့်ရှောက်ရမလဲဆိုတဲ့ ဗဟုသုတလဲ ရှိထားသင့်ပါတယ်။ အကောင်းဆုံးနည်းလမ်းကတော့ဆေးရုံမှာ အနီးကပ်စောင့်ကြည့်ကုသတာ အကောင်းဆုံးပဲဖြစ်ပါတယ်။
Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။