ကလေးငယ်လေးတွေမှာ ဝက်ခြံပေါက် တဲ့အခါ
မွေးခါစ ကလေးငယ်လေးတွေမှာ ဝက်ခြံပေါက် တာမျိုး မြင်ဖူးပါသလား။ လူကြီးတွေကတော့ ကလေးလေးက မသန့်လို့လား ဒါမှမဟုတ် မေမေ ဘာစားမိလို့များလဲလို့ စိုးရိမ်ကြပေမယ့် ဒါတွေကြောင့် ဖြစ်တာ မဟုတ်ပါဘူး။ ကလေးတွေမှာ ပေါက်တဲ့ ဝက်ခြံက များသောအားဖြင့်တော့ အန္တရာယ်မရှိလှပါဘူး။ ကလေးငယ်လေးတွေမှာ ပေါက်တဲ့ ဝက်ခြံဆိုတာ ဘယ်လိုမျိုးလဲ ကလေးငယ်လေးတွေမှာ ပေါက်တဲ့ ဝက်ခြံက လူကြီးတွေမှာလိုမျိုး ဘက်တီးရီးယားတွေကြောင့် ဖြစ်တာ မဟုတ်ပါဘူး။ များသောအားဖြင့် ၂ပတ်သားလောက်ဆို စပေါက်တတ်ပါတယ်။ ပြီးရင်တော့ သူ့အလိုလို ပျောက်သွားတတ်ပါတယ်။ လူကြီးတွေလို ဝက်ခြံအမာရွတ်တွေ ဘာတွေလည်း မကျန်ပါဘူး။ (လူကြီးတွေက ကလေးဝက်ခြံကို သွားမညှစ်ဖို့တော့ လိုတာပေါ့) ကလေးဝက်ခြံက ၂ပတ်သားလောက်မှာ အဖြစ်များပေမယ့် ကလေးအသက် ၂လကနေ ၁နှစ်အတွင်း ဖြစ်တဲ့ ဝက်ခြံလည်း ရှိပါတယ်။ ဒါကိုတော့ infantile acneလို့ ခေါ်ပါတယ်။ […]