အသက်ရှူလမ်းကြောင်းကျန်းမာရေး

ရေစိုကြီးနဲ့ မနေနဲ့။ ဆံပင်တွေ စိုရင် ဖျားဦးမယ် ခေါင်းကို သေချာ လုံအောင်ဆောင်းထား။ ခေါင်းရေစိုကြီးနဲ့ အပြင်မထွက်နဲ့ ဖျားမယ်လေဆိုတဲ့ စကားတွေကို ငယ်ငယ်ကတည်းက ရင်းနှီးကျွမ်းတဝင်ဖြစ်ခဲ့ဖူးမယ် ထင်ပါတယ်။ ဒါတွေက တကယ်ပဲ ဖျားစေတာလားလို့ တွေးမိဖူးပါတယ်။ စာဖတ်ပရိသတ်ကြီးလည်း တွေးမိဖူးတယ်ဟုတ်။ ဒါဆိုရင်တော့ ဆံပင်စိုလို့ ဖျားတာလားဆိုတာကို သေချာသိရအောင် ဒီဆောင်းပါးလေးကို ဖတ်ကြည့်လိုက်စို့နော်။ ဆံပင်စိုလို့ ဖျားတာလား......... မိုးရေထဲ ထွက်ခါနီးရင် ခေါင်းကို သေချာလုံအောင် ခေါင်းစွပ်စွပ်ပါ။ ခေါင်းရေစိုပြီး တော်ကြာ ဖျားဦးမယ်ဆိုတော့ ခေါင်းရေမစိုရင် မဖျားတော့ဘူးလားလို့ သိချင်မိမယ် ထင်ပါတယ်။ တကယ်ကတော့ အအေးမိတာ၊ ဖျားတာ၊ တုပ်ကွေးဖြစ်တာက ခေါင်းရေစိုလို့ ဖြစ်တာ မဟုတ်ပါဘူး။ ဗိုင်းရပ်စ်ကြောင့် ဖြစ်ရတာပါ။ ဆံပင်ရေစိုနဲ့ အပြင်ထွက်ရင် လေတိုက်ခံရလို့ ဖျားတာလည်း မဟုတ်ပါဘူး။ ဆံပင်စိုနဲ့ အပြင်ထွက်တာကြောင့် ဖျားစေတဲ့ ဗိုင်းရပ်စ်က […]

ချောင်းဆိုးပျောက်ဆေး တွေသောက်ပြီးရင် အိပ်ငိုက်တတ်တယ်ဆိုတာကို တော်တော်များများသိကြပါတယ်။ တချို့ကလည်း ဒီလိုငိုက်တာကို မကြိုက်လို့ ချောင်းဆိုးတာကို သည်းခံပြီး မသောက်ကြတာ ရှိပါတယ်။ ချောင်းဆိုးပျောက်ဆေးတွေက ဘာကြောင့် ငိုက်တာလဲ။ ဒီလို ငိုက်တာက အန္တရာယ်ရှိလားဆိုတာ ပြောပြပေးပါ့မယ်။ ချောင်းဆိုးပျောက်ဆေးလား၊ ချွဲပျော်ဆေးလား ချောင်းဆိုးလို့ ဆေးသောက်မယ်ဆိုရင် ချောင်းခြောက်လား၊ ချောင်းစိုလားဆိုတာ အရင်ခွဲရပါတယ်။ ပေးရတဲ့ဆေး မတူသလို အာနိသင်ကလည်း မတူလို့ပါ။ ချောင်းခြောက်ဆိုရင် ချောင်းဆိုးပျောက်ဆေး ပေးရပါတယ်။ ဘူးမှာ Cough suppressant, Antitussives တို့ ရေးထားတတ်ပါတယ်။ ချွဲထွက်တဲ့ ချောင်းဆိုရင်တော့ ချွဲပျော်ဆေး ပေးရပါတယ်။ ဘူးမှာ  Expectorantတို့ Mucolyticတို့ ရေးထားတတ်ပါတယ်။ ဒီနှစ်ခုက အလုပ်ပုံခြင်း မတူတာကြောင့် မှားသောက်မိလို့ မရပါဘူး။ ချောင်းဆိုးပျောက်ဆေး အမျိုးအစားများ တစ်ခါ ချောင်းခြောက်ဆိုးလို့ သောက်ရတဲ့ ချောင်းဆိုးပျောက်ဆေး တွေမှာမှ နှစ်မျိုး ထပ်ခွဲထားပါတယ်။ […]

ချောင်းဆိုးတယ် ဆိုတာ လည်ချောင်းနဲ့ အဆုတ်က အမှုန်အမွှားတွေ၊ ပိုးတွေကို အပြင်ထွက်စေတဲ့ သဘာဝနည်းလမ်းတစ်ခုပါ။ သာမန် တစ်ချက်၊ နှစ်ချက်လောက် ချောင်းခြောက် ထဆိုးတာ၊ သလိပ်လည်း မထွက်ဘူးဆိုရင် စိုးရိမ်စရာ မဟုတ်ပါဘူး။ ဒါပေမယ့် ဆက်တိုက်ဆိုးနေမယ်ဆိုရင်တော့ နောက်ကွယ်မှာ ရောဂါတစ်ခုခု ရှိနေနိုင်ပါတယ်။ ချောင်းခြောက်ဆိုးရတဲ့ အကြောင်းရင်းများ ချောင်းခြောက်ဆိုးရတဲ့ အကြောင်းရင်းတွေကတော့ ခုလိုကာလမှာဆိုရင် ကိုဗစ် ပန်းနာရင်ကျပ် လေပြွန်ရောင်တာ အဆုတ်ပိုးဝင်တာ တီဘီရောဂါ စားချဉ့်ပြန်ရောဂါ စတာတွေမှာ ဖြစ်နိုင်ပါတယ်။ အဆုတ်ရောဂါ တော်တော်များများမှာ ချောင်းဆိုးတာက တွဲနေတတ်ပါတယ်။ အဆုတ်နဲ့ မဆိုင်ဘဲ တခြားရောဂါ (ဥပမာ ဓာတ်မတည့်တာ၊ နှလုံးပျက်စီးတာ) တွေနဲ့ ဆေးဝါးရဲ့ ဘေးထွက်ဆိုးကျိုးကြောင့်လည်း ချောင်းခြောက်ဆိုးတတ်ပါသေးတယ်။ စိုးရိမ်စရာ ကောင်းတဲ့ ချောင်းခြောက်ဆိုးခြင်း များ ချောင်းခြောက်ဆိုးတာက သာမန်အားဖြင့်တော့ စိုးရိမ်စရာတော့ မဟုတ်ပါဘူး။ ဒါပေမယ့် ရက်ရှည် ချောင်းဆိုးနေရင် […]

ချောင်းဆိုးတာက လည်ချောင်း နဲ့ အဆုတ်ထဲကို ရောက်ရှိလာတဲ့ ပြင်ပက ပစ္စည်းတွေကို ခန္ဓာကိုယ်က ပြင်ပကို ပြန်လည် ထုတ်လွှတ်တဲ့ ဇီဝဖြစ်စဉ် တစ်ရပ်ပါ။ ဖုန်မှုန့်တွေ ရှူရှိုက်မိတဲ့အခါ ချောင်းဆိုးတာက အဆုတ်ထဲကို ရောက်လာတဲ့ ဖုန်မှုန့်တွေကို ခန္ဓာကိုယ် ပြင်ပကို ပြန်လည် စွန့်ထုတ်တာပါ။ ချောင်းဆိုးတာက နေ့စဉ် ဘဝမှာ ဖြစ်လေ့ဖြစ်ထရှိတဲ့ ကျန်းမာရေးပြဿနာ တစ်ခုပေါ့။ ချောင်းဆိုးတဲ့ ဆိုတဲ့ နေရာမှာ ချွဲ၊ သလိပ်ပါတဲ့ ချောင်း အစို ဆိုးတာနဲ့ ချွဲ၊ သလိပ်တွေ လုံးဝ မပါတဲ့ ချောင်းခြောက် ဆိုးတာ ဆိုပြီးပါ။ ချောင်း အစိုဆိုးတာက သိပ်မစိုးရိမ် ရပေမယ့် ကိုဗစ် ဖြစ်ပြီးတဲ့နောက်မှာတော့ ချောင်းခြောက်ဆိုးတာက စိုးရိမ်စရာ ကျန်းမာရေး အခြေအနေ တစ်ရပ်ဖြစ်လာခဲ့ပါတယ်။ ချောင်းခြောက် ဆိုးတာက […]

အခုကာလက တုပ်ကွေး အဖြစ်များတဲ့ ကာလပါ။ နှစ်စဉ် မိုးကျလာပြီဆိုရင် တုပ်ကွေးကလည်း မိုးနဲ့အတူ ပါလာတတ်တဲ့ အရာပေါ့။ တုပ်ကွေးက စကားလုံးကသာ တုပ်ကွေးလို့ ဆိုတာ တုပ်ကွေး ဖြစ်ပြီဆိုရင် ခံစားရတာ အတော်လေး မသက်သာလှပါဘူး။ ဒီတော့ အခုလို တုပ်ကွေးအဖြစ်များတဲ့ ကာလမှာ တုပ်ကွေးကာကွယ်ဖို့ ဘာတွေကို အဓိကထား စားပေးသင့်လဲဆိုတာကို Helloဆရာဝန် ပရိသတ်ကြီးအတွက် ပြောပြပေးသွားပါမယ်။ တုပ်ကွေးရာသီမှာ တုပ်ကွေးကာကွယ်ဖို့ ဒါတွေစားပေးပါ........... တုပ်ကွေးရာသီမှာ တုပ်ကွေးကွေးကြသူတွေထဲ မပါစေဖို့ဆိုရင်တော့ နေ့စဉ်စားသုံးမှုမှာ ဒါလေးတွေ ထည့်စားပေးဖို့ လိုပါမယ်။ ကြက်သွန်ဖြူ ကြက်သွန်ဖြူမှာ ကူးစက်တတ်တဲ့ ရောဂါပိုးတွေကို တိုက်ဖျက်နိုင်တဲ့ အစွမ်းရှိပါတယ်။ သာမန်အအေးမိ ဖျားနာတာကစလို့ တုပ်ကွေးတွေအထိပါ ကာကွယ်ပေးနိုင်တဲ့ အာနိသင်ရှိတယ် လို့ ၂၀၀၄ ခုနှစ်က လုပ်ခဲ့တဲ့ လေ့လာမှုတွေအရ သိရပါတယ်။ ဒါ့ကြောင့် ဒီကာလမှာ တုပ်ကွေးကာကွယ်ဖို့ဆိုရင် […]

အော်ရင်းဟစ်ရင်း အသံဝင် သွားတယ်ဆိုတာ ဖြစ်လေ့ရှိတဲ့ ပြဿနာတစ်ခုပါပဲ။ Hoarseness ဆိုတာက အသံပြာသွားတာ၊ အသံဝင် သွားတာပါ။ အော်ရင်းဟစ်ရင်း အလွန်အကျွံဖြစ်သွားရင် ဒါမှမဟုတ် အားကုန်သွားတာမျိုးဖြစ်ခဲ့ရင် ဒီပြဿနာကြုံရနိုင်ပါတယ်။ လည်ချောင်းနာရင်လည်း ဖြစ်တတ်ပါတယ်။ ဒါမှမဟုတ်လည်း အဖျားရောဂါပိုး ကူးစက်တာမျိုးကြောင့်လည်း ဖြစ်နိုင်ပါတယ်။ အသံဝင် တာကို အဖြစ်စေနိုင်ဆုံးကိစ္စကတော့ အော်ဟစ်ပြောဆိုတာ၊ အော်ဟစ်ကြွေးကြော်တာမျိုးတွေကြောင့်လို့ ဆိုနိုင်ပါတယ်။ ဒါက ယာယီကိစ္စဖြစ်ပေမယ့် အင်တိုက်အားတိုက် ကြွေးကြော်ပြောဆိုမှုတွေလုပ်မိရင် အသံဝင်သွားတတ်တာက သဘာဝကိစ္စဖြစ်ပါတယ်။ အသံဝင်ရာမှာ အော်ဟစ်ကြွေးကြော်မှုတွေကြောင့် သာမန် အသံဝင်တာနဲ့ ကျန်းမာရေးပြဿနာတစ်စုံတစ်ရာကြောင့် အသံဝင်တာဆိုပြီး အကြမ်းဖျဉ်းခွဲခြားနိုင်ပါတယ်။ အော်ရင်းဟစ်ရင်း အသံဝင် သွားခြင်းကို သက်သာစေမယ့် နည်းလမ်းတွေ အသံဝင်ခြင်းကို အများဆုံးဖြစ်စေတဲ့ ကိစ္စက အထက်မှာပြောခဲ့သလို အော်ဟစ်ခြင်းနဲ့ အာပေါင်အာရင်းသံသံနဲ့ ပြောဆိုခြင်းတွေကြောင့်ပါပဲ။ အားကစာပွဲတွေ၊ ဆန္ဒပြပွဲတွေ၊ လူစုလူဝေးအခမ်းအနားတွေမှာ အချိန်ကြာမြင့်စွာ အော်ဟစ်အားပေးရင်းနဲ့ အသံဝင်တာမျိုး မကြာခနကြုံရတတ်ပါတယ်။ ကျန်းမာရေးပြဿနာကြောင့်မဟုတ်ပဲ ဒီလို အခြေအနေမျိုးတွေကြောင့် […]

နှာခေါင်းကနေစလို့ အဆုတ်လေအိတ်ငယ်မှာ ဆုံးသွားတဲ့ အသက်ရှူလမ်းကြောင်း ဟာ ရောဂါပေါင်းစုံ ဖြစ်နိုင်ပါတယ်။ အထူးသဖြင့် မြန်မာနိုင်ငံမှာဆိုရင် ပိုးဝင်တဲ့ ပြဿနာ အဖြစ်များပါတယ်။ သာမန် အအေးမိတုပ်ကွေးကနေစလို့ အဆုတ်ရောင်တဲ့အထိ ဖြစ်တာတွေ ရှိပါတယ်။ အဖြစ်များတဲ့ အသက်ရှူလမ်းကြောင်း ပိုးဝင်ခြင်း တွေက ဘာလဲဆိုတာ ပြောပြပေးသွားပါမယ်။ အသက်ရှူလမ်းကြောင်း ပိုးဝင်ခြင်း အမျိုးအစား အသက်ရှူလမ်းကြောင်းကို တည်ဆောက်ပုံအရ အပေါ်ပိုင်းနဲ့ အောက်ပိုင်းဆိုပြီး ခွဲလိုက်ပါတယ်။ အသက်ရှူလမ်းကြောင်း အပေါ်ပိုင်းက နှာခေါင်းကနေ အသံအိုးထိ ပါပါတယ်။ အသံအိုးကနေ အဆုတ်လေအိတ်ငယ်တွေထိကိုတော့ အောက်ပိုင်း အသက်ရှူလမ်းကြောင်းအဖြစ်သတ်မှတ်ပါတယ်။ အပေါ်ပိုင်းအသက်ရှူလမ်းကြောင်းမှာ အဖြစ်များတဲ့ ပိုးဝင်ကူးစက်ခြင်းများ အအေးမိတုပ်ကွေး ထိပ်ကပ်နာ အာသီးရောင် လည်ပင်းနာ အသံအိုးရောင် စတာတွေက အဖြစ်များပါတယ်။ အများစုက ဗိုင်းရပ်စ်ကြောင့် ဖြစ်တာများပြီး အခြေအနေဆိုးလေ့မရှိပါဘူး။ တစ်ပတ် ၂ပတ်လောက်ဆို သက်သာသွားကြပါတယ်။ အောက်ပိုင်း အသက်ရှူလမ်းကြောင်းမှာ အဖြစ်များတဲ့ […]

အဆုတ်သွေးကြောသွေးခဲပိတ်ဆို့ခြင်း (Pulmonary Embolism) ဟာ ခြေထောက်ပိုင်းက သွေးကြောတွေထဲမှာ စတင်ဖြစ်ပေါ်လာတဲ့ သွေးခဲများ အဆုတ်ဆီကို ရောက်လာရာကနေ ဖြစ်ပွားပါတယ်။ ကိုယ်ခန္ဓာရဲ့ တခြားအစိတ်အပိုင်းတွေတွေကနေလည်း ရောက်လာနိုင်ပါတယ်။ အဲဒီလိုမျိုး ကိုယ်ခန္ဓာ အစိတ်အပိုင်းတနေရာရာမှာ ဖြစ်ပေါ်နေတဲ့ သွေးခဲဟာ သူ့နေရာကနေ ပြုတ်ထွက်ပြီး သွေးလည်ပတ်မှုစနစ်ထဲရောက်လာတတ်ပါတယ်။ နောက်ဆုံး အဆုတ်သွေးကြောတွေဆီကို ရောက်ရှိပြီး ပိတ်ဆို့သွားတဲ့အခါ အသက်အန္တရာယ်ကြုံနိုင်ပါတယ်။ အဆုတ်သွေးကြောပိတ်ဆို့တဲ့အခါ ရင်ဘတ်အောင့်ခြင်း၊ အသက်ရှူကြပ်ခြင်း၊ နှလုံးခုန်မမှန်ခြင်း၊ သတိလစ်ချင်သလိုဖြစ်ခြင်း စတာတွေ ဖြစ်နိုင်ပါတယ်။ အဆုတ်သွေးကြောပိတ်ဆို့ခြင်းကိုဖြစ်စေတဲ့ အကြောင်းအရင်းတွေ များစွာရှိပါတယ်။ ဆေးရုံတက်ရောက်ချိန် အထူးသဖြင့် ခွဲစိတ်ကုသပြီးချိန်မှာ ကြုံတွေ့ရတတ်ပါတယ်။ ယေဘုယျအားဖြင့် ခွဲစိတ်ပြီးချိန်မှာ ဆေးရုံမှာရော အိမ်မှာပါ သေချာစွာ ဂရုတစိုက်ပြုစုကုသရင် ကာကွယ်နိုင်ပါတယ်။ အဓိကဖြစ်ပေါ်ရခြင်းဟာ အိပ်ရာထဲမှာ အချိန်အတော်ကြာ လဲလျောင်းနေရလို့ ဖြစ်ပါတယ်။ လမ်းမလျှောက်ဘဲ၊ ခြေထောက်များကို မလှုပ်ရှားဘဲနေတာ ကြာလာတဲ့အခါ သွေးလည်ပတ်မှု သိပ်မကောင်းတော့ပါဘူး။ […]

နမိုးနီးယားလို့ခေါ်တဲ့ အဆုတ်ရောင်ခြင်းဟာ ရောဂါပိုးဝင်ခြင်းကြောင့် အဆုတ်ထဲက လေအိတ်ကလေးတွေ ရောင်ရမ်းခြင်းပဲ ဖြစ်ပါတယ်။ လေအိတ်ထဲမှာ အရည်များ၊ ပြည်များ၊ ဆဲလ်အသေများနဲ့ ပြည့်လာတတ်ပါတယ်။ ဗိုင်းရပ်စ်၊ မှို၊ ဘက်တီးရီးယား စတဲ့ရောဂါပိုးမျိုးစုံကြောင့် ဖြစ်နိုင်ပါတယ်။ ယခုဆောင်းပါးမှာ ဆက်လက်ဖော်ပြမှာကတော့ ဘက်တီးရီးယားကြောင့် အဆုတ်ရောင်ခြင်း အကြောင်းဖြစ်ပါတယ်။ ဘက်တီးရီးယားကြောင့် အဆုတ်ရောင်ခြင်းဟာ အဆုတ်ရဲ့အပိုင်းတစ်ပိုင်းလောက်မှာ ကွက်ပြီးဖြစ်တာ ရှိနိုင်သလို အဆုတ်တစ်ခုလုံးကို ပျံ့သွားခြင်းမျိုးလည်း ဖြစ်နိုင်ပါတယ်။ အဆုတ်ရောင်တဲ့အခါ ကိုယ်ခန္ဓာကနေ အောက်ဆီဂျင်ကို လုံလောက်စွာ ရရှိဖို့ ခက်ခဲသွားစေပါတယ်။ ဘက်တီးရီးယားကြောင့် အဆုတ်ရောင်ခြင်းဟာ သိပ်မဆိုးရွားတဲ့ အခြေအနေရှိသလို အသက်အန္တရာယ် ကြုံလောက်သည်အထိ ဆိုးရွားပြင်းထန်တာမျိုးလည်း ရှိပါတယ်။ အဆုတ်ရောင်ခြင်းရဲ့ ဆိုးရွားမှုအခြေအနေဟာ - ဘက်တီးရီးယားအင်အား - ဘယ်လောက်မြန်မြန်ဆန်ဆန်နဲ့ ရောဂါသိပြီး ကုသနိုင်သလဲ - အသက်အရွယ် - အခြားကျန်းမာရေးပြဿနာ ရှိမရှိ စတာတွေအပေါ်မှာ မူတည်ပါတယ်။ ဘက်တီးရီးယားကြောင့် အဆုတ်ရောင်တဲ့လက္ခဏာတွေက ဘာတွေလဲ ဘက်တီးရီးယားကြောင့် […]

နာတာရှည် လေပြွန်ရောင် ရောဂါ (Chronic bronchitis) ဆိုတာ နာတာရှည် လေပြွန်ကျဉ်းရောဂါ (COPD)ရဲ့ ရောဂါအခွဲတစ်ခုပါပဲ။ ဒါကြောင့် ဖြစ်တဲ့ အကြောင်းရင်းတွေကလည်း ခပ်ဆင်ဆင်ပါပဲ။ ဖြစ်နိုင်တဲ့အကြောင်းရင်းတွေကို သိထားရင် ကြိုတင်ကာကွယ်နိုင်သလို ကိုယ်က ဖြစ်နိုင်ခြေများတဲ့သူလားဆိုတာကိုလည်း ဆန်းစစ်နိုင်ပါတယ်။ နာတာရှည် လေပြွန်ရောင် ခြင်းရဲ့ သဘောသဘာဝ ဘာတွေက ဖြစ်စေတာလဲဆိုတာကို မပြောခင် ရောဂါရဲ့ သဘောသဘာဝကို အရင်ပြောပြပါ့မယ်။ ဒါမှ ဖြစ်စေတဲ့အကြောင်းရင်းတွေနဲ့ ချိတ်ဆက်လို့ ရမှာပါ။ နာတာရှည် လေပြွန်ရောင်တဲ့ ရောဂါမှာ လေပြွန်နံရံတွေက အကြောင်းအမျိုးမျိုးကြောင့် ခဏခဏ ထိခိုက်လာတဲ့အတွက် ရောင်ရမ်းလာပါတယ်။ ဒါကလည်း တစ်ခါ နှစ်ခါ မဟုတ်ပါဘူး။ နာတာရှည်ဆိုတော့ ကြာလာတဲ့အခါ လေပြွန်တွေ ပျက်စီးလာပါတယ်။ လေပြွန်တွေ ရောင်ရမ်းပြီး ချွဲတွေ ထွက်လာတဲ့အတွက် အဆုတ်ထဲကို လေဝင်ဖို့ ခက်လာပါတယ်။ ဒါကြောင့်ပဲ အသက်ရှူရခက်ပြီး […]