ကလေးဝမ်းအရောင် ရဲ့ အဓိပ္ပာယ်ကို အွန်လိုင်းကနေ စစ်ဆေးကြည့်မယ်

ကလေးတွေရဲ့ ဝမ်းအရောင်က တစ်တခါတလေမှာ မိဘတွေ လန့်သွားလောက်တဲ့ အရောင်ဖြစ်နေတတ်ပါတယ်။ အထူးသဖြင့် အသစ်စက်စက်မိဘတွေအတွက်ပေါ့။ ကလေးကျန်းမာရေးအကြောင်းလေ့လာထားတဲ့ မိဘတွေတောင် ရှိသမျှဝမ်းအရောင်တွေအကြောင်း သိဖို့ခက်ပါတယ်။

ကလေးက ကြီးလာတာနဲ့အမျှ မိခင်နို့အပြင် ဖြည့်စွက်နို့မှုန့်တွေ၊ ဖြည့်စွက်စာတွေ စားလာကြပါပြီ။ ဒါတွေက ဝမ်းအရောင်နဲ့ ပုံစံကို အပြောင်းအလဲဖြစ်စေနိုင်ပါတယ်။ ကလေးတွေရဲ့ ဝမ်းအနေအထားကို သိထားခြင်းက ဘယ်ဟာက ပုံမှန်လဲ၊ ဘယ်ဟာက ပုံမှန်မဟုတ်ဘူးလဲဆိုတာကို သိစေနိုင်ပါတယ်။

မိခင်နို့သောက်တဲ့ ကလေးတွေရဲ့ ဝမ်းက အနံ့သင်းပြီး အဝါရောင်၊ အစိမ်းရောင်၊ အညိုရောင် ရှိတတ်ပါတယ်။ ခပ်ပျစ်ပျစ် ဒါမှမဟုတ် အစေ့လေးတွေ ပါတတ်ပါတယ်။ တစ်ခါတလေ ဝမ်းသွားသလို အရည်တွေပဲ ဖြစ်တတ်ပါတယ်။ (ဒါပေမယ့် ဝမ်းလျှောသလိုတော့ အနံ့မဆိုးပါဘူး)

နို့မှုန့်သောက်တဲ့ ကလေးတွေက ဝမ်းချုပ်တတ်ပါတယ်။ နို့မှုန့်သောက်တဲ့ကလေးတွေမှာ ၅ရက်နဲ့အထက် ဝမ်းချုပ်ရင် (မိခင်နို့တိုက်တဲ့ ကလေးတွေမှာ ၃ရက်နဲ့အထက်) ဆရာဝန်နဲ့ တိုင်ပင်ပါ။ ကလေးက တကယ်ဝမ်းချုပ်တာ ဖြစ်နိုင်ပါတယ်။

ကလေးရဲ့ ဝမ်းက အရည်တွေပဲ ဖြစ်နေတာ၊ အမြုပ်ပါနေတာ၊ အက်စစ်ဓာတ်ဖြစ်နေတာ တွေ့ရတတ်ပါတယ်။ ဒါကြောင့် ကလေးတွေရဲ့ အရေပြားမှာ ပွန်းပြီး သေးခံလောင်တာ ဖြစ်တတ်ပါတယ်။