ချစ်ရေးချစ်ရာမှာ နှလုံးသားနဲ့ ဦးနှောက် ဘယ်အရာက ပိုအရေးကြီးသလဲဆိုတာမျိုး မကြာခန တွေးဖြစ်ကြတယ်။ ချစ်မိပြီဆိုရင် အရာရာကို နှလုံးသားနဲ့ ဆုံးဖြတ်ချက်ချဖြစ်ကြတာများတယ်လို့လည်း ဆိုစကားတွေရှိကြတယ်။ တွေ့ဖူးကြမှာပါ။ ချစ်သူက တားလို့ အရက်မသောက်တော့ပဲ ဖြတ်လိုက်တာတို့၊ လိမ္မာသွားတာတို့၊ Bonnie’N’Clyde တို့လို့ အတူလက်တွဲပြီး ပေတေလေလွင့် ဆိုးခဲ့ကြတာတို့။ အချစ်ဟာ လူတစ်ယောက်ရဲ့ စဉ်းစားချင့်ချိန်နိုင်စွမ်း၊ တွေးခေါ်နိုင်စွမ်းနဲ့ အမူအကျင့်တွေကို ချုပ်ကိုင်ထားတဲ့ ဦးနှောက်ကို ထိမ်းချုပ်စေခိုင်းနိုင်သလား။ ဒါအမှန်ပဲလား။ အချစ်က ဦးနှောက်ကို ထိမ်းချုပ်နိုင်တာလား? ခန္တာကိုယ်ကြီးတစ်ခုလုံးရဲ့ ကျန်းမာရေးကိုရော အချစ်က သက်ရောက်နိုင်တာလား? ဟုတ်ပါ့မလား? သိပ္ပံနည်းကျ လေ့လာမှုတွေက အချစ်ဟာ လူ့ကျန်းမာရေးနဲ့ ဆက်နွယ်နေတယ်ဆိုတာကို သက်သေပြထားနိုင်နေပါပြီ။ ချစ်ခြင်းမေတ္တာဟာ လူတစ်ယောက်ရဲ့ စိတ်နဲ့ ကိုယ် ကျန်းမာရေးကို ဘယ်လိုများ အထောက်အကူပြုပါသလဲ။ ချစ်မေတ္တာက လူ့ကျန်းမာရေးကို အကျိုးပြုတဲ့ အချက် ၇ […]