အသက်ရှူလမ်းကြောင်းကျန်းမာရေး

အသက်ရှူလမ်းကြောင်းပိုးဝင်တယ်ဆိုတာ ဘာလဲ။ အဲဒါက အအေးမိ၊နှာစေး ဖြစ်ဖူးသူတွေ သိပြီးသားဖြစ်မယ့် အဖြစ်များတဲ့ရောဂါဖြစ်စဉ်ပါ။ ဒါပေမယ့် အသက်ရှုူလမ်းကြောင်းဆိုတာမှာ ခန္ဓာဗေဒအရ အထက်ပိုင်းနဲ့အောက်ပိုင်းနှစ်မျိုးခွဲခြားထားပါတယ်။ ကူးစက်လွယ်တဲ့ အသက်ရှူလမ်းကြောင်းပိုးဝင်ခြင်း ရက်တိုဝေဒနာတွေက နှာခေါင်း၊လည်ချောင်း၊လေပြွန်၊လည်ချောင်းဝနဲ့ အသံအိုးတို့လို အသက်ရှူလမ်းကြောင်းအထက်ပိုင်းမှာ ရောဂါပိုးဝင်တာ(URI) ဖြစ်ပါတယ်။ နှာစေးနှာပိတ်နဲ့ လည်ချောင်းနာတို့လို အအေးမိလက္ခဏာတွေဆိုရင်တော့ အဖြစ်များဆုံး URIတွေဆိုတာ သေချာပါတယ်။ တခြား URIတွေကတော့ ထိပ်ကပ်နာ၊ အသံအိုးရောင်ခြင်း စတာတွေပါဝင်ပါတယ်။ အသက်ရှူလမ်းကြောင်းအောက်ပိုင်းမှာတော့ အဆုတ်နဲ့သက်ဆိုင်ပါတယ်။ ဒါ့ကြောင့် လေပြွန်ရောင်ခြင်းနဲ့ နမိုးနီးယားတို့ကတော့ ဒီလက္ခဏာထဲမှာပါဝင်ပါတယ်။ အအေးမိဝေဒနာတွေက ဗိုင်းရပ်စ်ပိုးကြောင့်ဖြစ်ရတာဖြစ်ပြီး လက္ခဏာတွေကတော့ နှာရည်ယိုခြင်း၊ နှာပိတ်ခြင်း၊ ချောင်းဆိုးခြင်း၊ လည်ချောင်းနာခြင်း၊ အသံဝင်ခြင်း၊ ကိုယ်ပူခြင်း၊ လည်ချောင်းယားခြင်းတို့ဖြစ်တတ်ပါတယ်။ ဒါတွေကို ကုသရာမှာ ဆရာဝန်ပေးတဲ့ဆေးဝါးအကူအညီတစ်ခုတည်းနဲ့တော့ မလုံလောက်ပါဘူး။ ဆေးဝါးအပြင် ကိုယ်ခံအားက ခုခံပေးနိုင်ဖို့လည်း လိုတာကြောင့် ဆင်ခြင်နေထိုင်သင့်တဲ့အချက်တွေရှိပါတယ်။ အနေအထိုင်၊ အပြုအမူအမှားတွေကြောင့် ရောဂါမသက်သာဘဲ […]

အအေးမိတုပ်ကွေးရောဂါပိုးကို ကြိုတင်ကာကွယ်ဖို့ ထိရောက်တဲ့နည်းလမ်းတစ်ခု ဟတ်ချိုး ဟတ်ချိုးနဲ့ နှာချေသံထွက်လာပြီး နှာရည်ပါကျလာပြီ၊ နေလို့မကောင်းတော့ဘူးဆိုရင် ဖျားတော့မယ်လို့ သိကြတယ်။ ရာသီကြောင့်အအေးမိဝေဒနာဖြစ်တာလား၊ တုပ်ကွေးဖြစ်တော့မှာလား စိုးရိမ်ရပါပြီ။ သာမန်အအေးမိဝေဒနာပဲဖြစ်ဖြစ် တုပ်ကွေးပဲဖြစ်ဖြစ် နှာစေး၊နှာပိတ်၊လည်ချောင်းနာ၊ချောင်းဆိုး၊ ကိုယ်ပူ စတဲ့လက္ခဏာတွေထဲမှာ လည်ချောင်းနာက ခံရအခက်ဆုံးပါ။ အသက်ရှူလမ်းကြောင်းပိုးဝင်ခြင်းလို့ဆေးပညာအရခေါ်ကြတဲ့ အအေးမိဝေဒနာမှာရောဂါပိုးတွေက ပုံမှန်အားဖြင့် လည်ချောင်းနဲ့ခံတွင်းမှာ ရှိနေတတ်ပါတယ်။ ဒီဝေဒနာတွေ စပြီး ခံစားလာရတဲ့အခါ ဒါမှမဟုတ် ဖြစ်ဖို့ အစပျိုးနေပြီလို့ ခံစားရရင် နာမကျန်းတဲ့ အဆင့်မရောက်အောင် ဘယ်လိုကာကွယ်လို့ရမလဲ။ ကိုယ့်အတွက်တင်မကဘဲ ကိုယ့်မိသားစု၊ ကိုယ့်သားသမီး၊ ကိုယ်ချစ်ခင်ရသူတွေမှာ ဘယ်လိုဂရုစိုက်ပေးနိုင်မလဲ။ ကြိုတင်ကာကွယ်နိုင်တဲ့ အလွယ်ဆုံးနည်းက အားရှိအောင်ကျွေး၊ အာဟာရပြည့်ဝအောင် ဂရုစိုက်ပေးပြီး ကိုယ်ခံအားကို မြှင့်တင်ပေးရမှာပါ။ ဒါပေမယ့် ဗိုင်းရပ်စ်နဲ့ ဘက်တီးရီးယားပိုးတွေကြောင့် ဖြစ်လာရတဲ့ ဒီဝေဒနာတွေအတွက်က ဒီလောက်နဲ့မလုံလောက်ပါဘူး။ ပဋိဇီဝဆေးတွေ သုံးစရာမလိုဘဲ ကြိုတင်ကာကွယ်ပေးမယ့်၊ ဖြစ်လာခဲ့ရင်တောင် ဝေဒနာသက်သာအောင် ကူညီပေးမယ့်အရာတစ်ခုရှိတယ်။ […]

အမျိုးအစား အမှတ်တံဆိပ်များစွာရှိကြတဲ့အထဲ ခံတွင်းသန့်ဆေးရည်ရွေးချယ်ဖို့က ရှုပ်ထွေးနိုင်ပါတယ်။ ဘက်တီးရီးယားသေစေတဲ့ ခံတွင်းသန့်ဆေးရည်တွေ၊ သွားပိုးစားခြင်းကိုကာကွယ်ပေးတဲ့ဆေးရည်၊ ခံတွင်းနံ့ဆိုးပျောက်စေတဲ့ဆေးရည် စသည်ဖြင့် အာနိသင်ကွဲပြားတဲ့အမျိုးအစားတွေ များစွာရှိနေတာဆိုတော့ရွေးရခက်နိုင်တာပေါ့။ ဒါ့ကြောင့် ကိုယ့်ရဲ့လိုအပ်ချက်ကိုမူတည်ပြီး ကိုယ်နဲ့အသင့်တော်ဆုံးဖြစ်မယ့်ခံတွင်းသန့်ဆေးရည်ကိုရွေးချယ်ရမှာပါ။ ဘယ်သူသုံးမှာလဲ၊ ဘယ်လိုအာနိသင်မျိုးကိုလိုအပ်တာလဲ၊ သုံးမယ့်သူမှာ ဘာပြဿနာတွေရှိနေလဲ ဆိုတဲ့ အချက်သုံးချက်ကို အရင်တွေးကြည့်ပြီးမှ အဆင်ပြေဆုံး အမျိုးအစားတစ်ခုကိုသုံးမယ်ဆိုရင် ထိရောက်တဲ့အကျိုးကျေးဇူးကိုရရှိနိုင်ပါလိမ့်မယ်။ ကလေးအတွက် သုံးမယ်ဆိုရင် ခံတွင်းသန့်ဆေးရည်သုံးမယ်ဆိုရင် ကလေးက အသက် ၆နှစ်အထက်ရှိသင့်ပါတယ်။ နားမလည်သေးတဲ့အသက်အရွယ်မှာ ကလေးအများစုက ခံတွင်းသန့်ဆေးရည်ကိုထွေးမထုတ်ဘဲ မျိုချတတ်တာကြောင့် ၆ နှစ်အောက်တွေကိုပေးမသုံးသင့်တာပါ။ ဒါ့ကြောင့် အသုံးပြုလို့ရတဲ့အရွယ် ကလေးတွေကိုတောင် ခံတွင်းသန့်ဆေးရည်သုံးတဲ့အခါတိုင်း လူကြီးကဘေးကနေကြီးကြပ်ပေးသင့်ပါတယ်။ အထူးသဖြင့် မျိုမချဘဲ ပလုပ်ကျင်းပြီးထွေးပစ်ရဲ့လား။ ကလေးတွေအတွက်က ပြင်းရှတဲ့အရသာမဟုတ်ဘဲ သွားပိုးစားခြင်းကို ကာကွယ်ပေးတဲ့ အယ်ကိုဟောမပါ၊ ဖလူအိုရိုက်ပါဝင်တဲ့ အမျိုးအစားက သင့်တော်ပါတယ်။ သွားပိုးစားတတ်သူဖြစ်ရင် အကြောင်းရင်းအမျိုးမျိုးကြောင့် သွားပိုးစားပြီး သွားအခေါင်းပေါက်ဖြစ်နေသူတွေရှိပါတယ်။ ဒါတွေက စားသောက်တဲ့အာဟာရ၊ သွားရဲ့ပုံပန်းသဏ္ဍာန်၊ခံတွင်းကဘက်တီးရီးယား စတဲ့အချက်တွေကြောင့်ဖြစ်နိုင်ပါတယ်။ […]

နေပူလိုက် မိုးရွာလိုက်၊ ပူလိုက်အေးလိုက်နဲ့ ရာသီအကူးအပြောင်းမှာ အအေးမိဖျားနာခြင်းဆိုတာ အခန့်မသင့်ရင် ဖြစ်လာတတ်တဲ့ ဝေဒနာဖြစ်ပါတယ်။ နှာလေး တရွှတ်ရွှတ်၊ ချောင်းလေး တဟွတ်ဟွတ်နဲ့ လူကြားထဲ အလုပ်သွားနေရတာ၊ အပြင်သွားနေရတာလည်း အဆင်မပြေလှပါဘူး။ ဒါတောင် ရောဂါက ဒီအတိုင်း မနေပါဘူး။ နှာစေးနှာပိတ်ရာကနေ နောက်ဆုံးကျ လည်ချောင်းနာ၊ အဖျား တက်လာတဲ့အထိ ဖြစ်လာမှာပဲ။ ဒီလက္ခဏာတွေ ဖြစ်လာရတာက အအေးမိ ဖြစ်စေတဲ့ ဗိုင်းရပ်စ်ပိုးကြောင့် ဖြစ်ပါတယ်။ တော်တန်ရုံဆို ကိုယ်ခံအားစနစ်ရဲ့ ခုခံမှုကြောင့် လက္ခဏာတွေ လျော့ပါးသက်သာနိုင်ပေမယ့် လူတိုင်းရဲ့ ခန္ဓာကိုယ်ကြံ့ခိုင်မှုက မတူညီကြတာကြောင့် မြန်မြန်ပျောက်ကင်းချင်ရင် ဆေးကုသမှု ခံယူတာ ကောင်းပါတယ်။ နှာစေးနှာပိတ်နေရင် သို့မဟုတ် ချောင်းဆိုးနေရင်နေရခက် ပင်ပန်းရတဲ့အပြင် ညဘက်လည်း အိပ်မရ၊ အသက်ရှူမဝ ဖြစ်ရပါတယ်။ လည်ချောင်းနာရင်လည်း ရေတောင် မျိုချရခက်ပြီး နာကျင်ရတာကြောင့် အစားပျက်ရ […]