ချင်း (ဂျင်း) က အူမကြီးကို သန့်စင်ပေးနိုင်တဲ့ ဓာတ်တိုးဆန့်ကျင် အာနိသင် ပြည့်ဝတဲ့ မီးဖိုချောင်တွင်းက ဆေးတစ်လက်ပါ။ ဟင်းချက်တဲ့အခါ ချင်း(ဂျင်း) ထည့်ချက်တာ၊ ချင်း (ဂျင်း) လက်ဖက်ရည် နွေးနွေးလေး သောက်ပေးတာက မိုးအေးအေးမှာ နွေးထွေးစေပြီး တုပ်ကွေး မဖြစ်အောင်လည်း ကာကွယ်ပေးနိုင်မှာပါ။
လေးညှင်းပွင့်က ကိုယ်ခံအားကို အားဖြည့်ပေးပြီး အစာခြေစနစ်ကို ကျန်းမာစေနိုင်ပါတယ်။ ဘက်တီးရီးယား နဲ့ ဗိုင်းရပ်စ်တွေ ကူးစက်ခံရမှုကို ထိထိရောက်ရောက် ကာကွယ်ပေးနိုင်တာကြောင့် တုပ်ကွေးကာလမှာ မေ့မထားသင့်တဲ့ ဆေးတစ်လက်ပါ။
မုန်လာဥနီမှာ ကိုယ်ခံအားကို အားဖြည့်ပေးနိုင်တဲ့ beta carotene နဲ့ ဗီတာမင် A တို့ ကြွယ်ဝစွာ ပါဝင်နေပါတယ်။ မုန်လာဥနီက သွေးအားပြည့်စေသလို ဓာတ်တိုးပစ္စည်းတွေကြောင့် ထိခိုက်မှုတွေ မဖြစ်စေဖို့လည်း ကာကွယ်ပေးပါတယ်။
ဆီလီနီယမ် ကြွယ်ဝစွာ ပါဝင်နေတဲ့ ဥအမျိုးမျိုးက သိုင်းရွိုက်ဂလင်းကို ကျန်းမာစေပြီး ကိုယ်ခံအားကို အားဖြည့်ပေးပါတယ်။ နောက်တစ်ချက်က ကြက်ဥ၊ ဘဲဥတွေမှာ ပရိုတင်းနဲ့ အမိုင်နိုင် အက်ဆစ်တို့ ကြွယ်ဝစွာပါဝင်နေတာပါ။
ပရိုတင်း ကြွယ်ဝမှုက ကိုယ်ခံအားစနစ်က T-cell တွေကို အားဖြည့်ပေးပြီး အအေးမိ၊ တုပ်ကွေးမဖြစ်စေဖို့ ကာကွယ်ပေးပါတယ်။
ကီဝီသီးမှာ ဗီတာမင် C၊ carotenoidsနဲ့ polyphenols တို့ ပါဝင်နေမှုက ကိုယ်ခံအားကို အထိရောက်ဆုံး အားဖြည့်ပေးနိုင်ပါတယ်။ ဖျားနာမှု ကင်းစေဖို့ ကူညီပေးသလို အဖျား တာတိုစေဖို့လည်း ထောက်ကူပေးပါတယ်။ အခုလို တုပ်ကွေးရာသီမှာ ကီဝီသီးလိုမျိုး ဗီတာမင် C ကြွယ်ဝတဲ့ အသီးတွေ စားပေးတာက တုပ်ကွေးကို အထိရောက်ဆုံး ကာကွယ်ပေးနိုင်မှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။