အသက်ရှူလမ်းကြောင်း ပိုးဝင်ခြင်းတွေကို ဘယ်လို စစ်ဆေးနိုင်သလဲ။
အသက်ရှူလမ်းကြောင်း အပေါ်ပိုင်းပိုးဝင်ခြင်းတွေကိုတော့ လက္ခဏာနဲ့ အဓိက ခွဲခြားပါတယ်။ ရောဂါရာဇဝင်မေးမြန်းတာ၊ လူနာကို စမ်းသပ်တာနဲ့တင် သိနိုင်ပါတယ်။ အောက်ပိုင်း အသက်ရှူလမ်းကြောင်း ပိုးဝင်တာတွေကတော့ အသေးစိတ် စစ်ဆေးမှုတွေ လိုနိုင်ပါတယ်။ လူနာပေါ်မူတည်ပြီး
- သွေးစစ်တာ
- ရင်ဘတ်ဓာတ်မှန်
- သလိပ်စစ်တာ စတာတွေ လိုနိုင်ပါတယ်။
ဘက်တီးရီးယားကြောင့် အဖြစ်များတဲ့အတွက် ပိုးသတ်ဆေး မှန်မှန်ကန်ကန်ပေးနိုင်အောင် ပိုးမွေးဖို့ လိုကောင်း လိုနိုင်ပါတယ်။
အသက်ရှူလမ်းကြောင်း ပိုးဝင်ခြင်းတွေကို ဘယ်လိုကုသနိုင်သလဲ။
အသက်ရှူလမ်းကြောင်း အပေါ်ပိုင်း ပိုးဝင်ခြင်းတွေက ဗိုင်းရပ်စ်ကြောင့် အဖြစ်များတဲ့အတွက် ခုခံအားတက်နေပြီး ရောဂါကို ကုသရပါတယ်။ ဒါကြောင့်
- များများ အနားယူပါ။
- ရေများများသောက်ပါ။
- ကိုက်ခဲတာ၊ ဖျားတာရှိရင် ပါရာစီတမော သောက်နိုင်ပါတယ်။ တခြားအကိုက်အခဲပျောက်ဆေးတွေကိုတော့ ဆရာဝန်ညွှန်မှ သောက်ပါ။
- လည်ပင်းနာတာ၊ ချောင်းဆိုးတာရှိရင် ရေနွေးလေး၊ ပျားရည်နွေးနွေးလေး သောက်နိုင်ပါတယ်။ ဆားရည်နဲ့ ပလုပ်ကျင်းနိုင်ပါတယ်။
- နှာစေးနှာပိတ်ရင် ရေနွေးငွေ့ ရှူပေးပါ။
- ပရုတ်ဆေးပါတာလေး ရင်ဘတ်ကို လူးပေးပါ။
- ပိုးသတ်ဆေးတွေက လိုလေ့ မရှိပါဘူး။ ဆရာဝန်ညွှန်မှသောက်ပါ။
အောက်ပိုင်း အသက်ရှူလမ်းကြောင်း ပိုးဝင်ခြင်း (ဥပမာ အဆုတ်ရောင်ရောဂါ)တွေက ပိုပြင်းထန်တတ်တဲ့အတွက် ဆရာဝန်နဲ့ ပြဖြစ်အောင် ပြပါ။ လိုအပ်ရင် ပိုးသတ်ဆေးတွေ ပေးပါလိမ့်မယ်။ ပိုးသတ်ဆေးတွေသောက်တဲ့အခါ ဆရာဝန်ညွှန်ကြားတာကို သေချာလိုက်နာပါ။
အသက်ရှူလမ်းကြောင်း ပိုးဝင်ခြင်း တွေကို ဘယ်လိုကာကွယ်မလဲ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။