ကလေးပြုစုစောင့်ရှောက်ခြင်း

အတက်ရောဂါကို လူတိုင်းကြားဖူးကြမှာပါ။ တစ်ကိုယ်လုံး ကော့ပြန်ပြီးတော့ မျက်ဖြူလန် ပါးစပ်စိပြီး တောင့်နေတာမျိုးပေါ့။ အတက်ရောဂါက ကြည့်လိုက်ရင်သာ တောင့်ပြီး မျက်ဖြူလန်သွားတတ်လို့ အရမ်းကြီးစိုးရိမ်ရတယ်လို့ ထင်စရာရှိပေမယ့် တကယ်တမ်းသူက ရောဂါတွေရဲ့ လက္ခဏာတစ်ခုသာဖြစ်လို့ တက်နေ ရင်း အသက်ဆုံးရှုံးတာ ရှားပါတယ်၊၊ ဒီတိုင်း ကလေးကိုယ်ပူရင်တောင် စိုးရိမ်နေရတဲ့ မိဘတွေ ကလေးများ တက်သွားလို့ကတော့ ပူထူပြီး ဘာလုပ်ရမှန်းကို မသိတော့တာနဲ့တင် အချိန်တွေကြာသွားတတ်ပြီး ကလေးကို ထိခိုက်တာမျိုးတွေ ဖြစ်စေတတ်ပါတယ်။ ဒါကြောင့် ပထမအကြိမ် တက်ဖူးတာဖြစ်ဖြစ်၊ အရင်တုန်းကလည်း ခဏခဏ တက်ဖူးတဲ့ ကလေးတစ်ယောက် ပိုင်ဆိုင်ထားတဲ့ မိဘတိုင်း ကလေးတွေ တက်တဲ့အခါ ဘယ်လို ပြုစုရမလဲ၊ ဘာတွေ လုပ်ပေးရမလဲဆိုတာကို သိဖို့ ဒီဆောင်းပါးလေးကို ဖတ်ထားဖို့လိုပါတယ်။ အရင်ဆုံး ကလေးတစ်ယောက် တက်နေ ပြီဆို တွေ့ရမယ့် လက္ခဏာတွေကို […]

ငါးစားရင် ဉာဏ်ကောင်းတယ်။ ကလေးကို ဉာဏ်ကောင်းစေချင်လို့ ငါးကျွေးချင်တယ်။ ကလေးတွေကို ဘယ်ချိန်မှာ ငါးစကျွေးမလဲ ။ ငါးဆို ဘယ်ငါးဖြစ်ဖြစ် ကျွေးလို့ရတာလားဆိုပြီးခေါင်းထဲမှာ အတွေးတွေများနေရတဲ့ မေမေတို့အတွက် ဒီဆောင်းပါးလေးက အဖြေပေးနိုင်မှာပါ။ ကလေးတွေကို ဘယ်ချိန်မှာ ငါးစကျွေးမလဲ........ ငါးက ကလေးကို ကျန်းမာဖွံ့ထွားစေမယ့် အစားအစာတစ်မျိုးပါ။ ကလေးက solid food စစားနိုင်ပြီဆိုတာနဲ့ ငါးစကျွေးလို့ရပါတယ်။ ဖြည့်စွက်စာ စစားတဲ့ကလေး အသက် ၆ လလောက်ဆို စကျွေးလို့ရပါတယ်။ ဒါပေမယ့် ကလေး အာဟာရဆရာဝန်နဲ့ သေချာတိုင်ပင်ပြီးမှာတော့ကျွေးသင့်ပါတယ်။ ကလေးမှာ အစားဓာတ်မတည့်တာမျိုးဖြစ်နိုင်ရင် ကလေးကို ထိခိုက်နိုင်တာကြောင့်ပါ။ ငါးက ကလေးကို ဓာတ်မတည့်ဖြစ်စေနိုင်တာလား..... ငါးက ကလေးကို ဓာတ်မတည့်ဖြစ်စေနိုင်တဲ့ အစားအစာတွေထဲမှာ ထိပ်ဆုံးပါ။ ဒါကြောင့် ကလေးကို ငါးစမကျွေးခင်မှာ အသား၊ သစ်သီးတွေနဲ့ ဟင်းသီးဟင်းရွက်တွေ ကျွေးပေးသင့်ပါတယ်။ ငါးက ကျန်းမာရေးနဲ့ […]

ကလေးကအဖော်အရမ်းမက်လို့ ဘယ်လိုပြောရမှန်းကို မသိတော့ဘူးဆိုတဲ့မေမေတွေရှိလား။ ဒါဆိုရင်တော့ စိတ်မညစ်ပါနဲ့တော့။ ဒီနည်းလမ်းလေးတွေကိုလက်တွေ့အသုံးချကြည့်ဖို့ပြောပါရစေ။ အဖော်မက်တာက ကလေးတွေရဲ့သဘာဝ ကလေးတိုင်းလိုလိုက အဖော်မင်ကြသူတွေပါပဲ။ တစ်ယောက်တည်း မွေးထားတဲ့ကလေးတွေနဲ့ အကြီးတွေ အသက်ကွာလွန်းတဲ့ကလေးတွေက အခြားကလေးတွေထက် ပိုပြီးအဖော်မက်ကြပါတယ်။ အဖော်မက်တာက ပြဿနာမဟုတ်ပေမယ့် ကလေးက အဖော်မက်တာအရမ်းလွန်ပြီး သူငယ်ချင်းတွေရဲ့ အနိုင်ကျင့်ခံ၊ ခိုင်းဖက်ဖြစ်လာတာကတော့ပြဿနာပါ။ မေမေတို့အနေနဲ့လည်း အရမ်းစိတ်မကောင်းဖြစ်မိမှာအမှန်ပဲလေ။ အဖော်မက်တဲ့ ကလေးတွေက သူငယ်ချင်းတွေဘာပြောပြောခေါင်းညိတ်လုပ်ပေးလို့ သူ့ကိုခင်နေရင်ပြီးရောနေနေတာက အချိန်ကြာလာတဲ့အခါပြဿနာရှိလာနိုင်ပါတယ်။ ကလေးက အဖော်အရမ်းမက်တဲ့ ပြဿနာကို ဒီလိုဖြေရှင်းပါ လူဆိုတာ အပေါင်းအသင်းပတ်ဝန်းကျင်ရှိရမှာမှန်ပေမယ့် အကျိုးမပြုဘဲ အနိုင်ကျင့်တဲ့ ပတ်ဝန်းကျင်အခြေအနေကတော့ကောင်းကျိုးထက် ဆိုးကျိုးများလာနိုင်ပါတယ်။ ကလေးက အဖော်အရမ်းမက်နေပြီဆိုရင်.... ကလေးကို အချိန်ပေးပါ ကလေးတွေ အဖော်အရမ်းမက်ရတဲ့ပြဿနာတစ်ခုက မိဘတွေက သူ့ကို အချိန်လုံလောက်အောင် မပေးနိုင်တာကြောင့်ဖြစ်နိုင်ပါတယ်။ ဒါကြောင့် ကလေးကိုနေ့စဉ် အချိန်ပေးနိုင်အောင်ကြိုးစားပေးပါ။ နားထောင်ပေးပါ ကလေးတွေမှာလည်း ငယ်သေးလို့တွေးပူတာမရှိဘူး၊ စိတ်ဖိစီးမှုမရှိဘူးမထင်ပါနဲ့။ ကလေးတွေမှာလည်း ရင်ဖွင့်ချင်တဲ့ အကြောင်းအရင်းတွေရှိနေပါတယ်။ ဒါကြောင့် ကလေးရဲ့ အရင်းနှီးဆုံး […]

ဝမ်းချုပ်တဲ့အချိန်ဆိုရင် ဝေဒနာခံစားနေတဲ့သူရော၊ မိသားစုဝင်တွေအတွက် သိပ်ကို စိတ်ညစ်စရာပဲပေါ့။ ဝမ်းလည်း မသွားရ၊ နေလို့ထိုင်လို့လည်း မကောင်း၊ အထူးသဖြင့် ကလေးတွေ ဝမ်းချုပ်ပြီဆိုရင် မိဘတွေလည်း တစ်ခုခုများ ဖြစ်ပြီလားဆိုပြီးတော့ ရင်တွေ ပူ၊ စိုးရိမ်နေရတာပေါ့။ တကယ်တော့ ကလေးအရွယ်မှာ ဝမ်းချုပ်တာက ဖြစ်လေ့ဖြစ်ထရှိတဲ့ ပြဿနာတစ်ခုမို့ စိတ်တော့ အရမ်းပူဖို့ မလိုပါဘူး။ ကလေးဝမ်းချုပ်နေမှန်း ဘယ်လိုသိလဲ။ ပုံမှန်ကလေးတစ်ယောက်က တစ်နေ့ကို တစ်ကြိမ် ဝမ်းပုံမှန်သွားတတ်ပါတယ်။ ကိုယ့်ရဲ့ ကလေးက ရက်အတော်ကြာအောင် ဝမ်းလုံးဝမသွားဘူးဆိုရင်တော့ ဒါဝမ်းချုပ်တာ ဖြစ်နိုင်ပါတယ်။ ကလေးမှာ ဗိုက်အောင့်ဗိုက်နာတဲ့ အမူအရာတွေ၊ ဗိုက်က ဖောရောင်သလို ဖြစ်နေတာ၊ အော့အန်တာ၊ အစားသိပ်မစားနိုင်တာ၊ စိတ်တိုလွယ်တာ၊ ဝမ်းသွားနေစဉ် နာကျင်မှုကြောင့် အော်ငိုတာ၊ ဝမ်းကို ညှစ်ပြီးသွားရတဲ့အခါမှာ ကလေးက အိမ်သာတက်ဖို့ လန့်ပြီး ရှောင်နေတာ၊ ကလေးသေးခံမှာ […]

ကလေးတွေဟာ လမ်းစမလျှောက်တတ်ခင်စကားမပြောတတ်ခင်ကတည်းက အမြင်အာရုံနဲ့ပတ်သက်ပြီး စတင်သင်ယူခဲ့ရတာဖြစ်ပါတယ်။ ကလေးတွေဟာ သူတို့ရဲ့ဘဝသက်တမ်းတစ်လျှောက်မှာလိုအပ်တဲ့ အမြင်အာရုံစွမ်းရည်ကို မွေးကတည်းကရရှိလာခဲ့တာမဟုတ်ပါဘူး။ ကလေးတွေအနေနဲ့ သူတို့ ပတ်ဝန်းကျင်က အခြေအနေတွေကို သိနားလည်ပြီး ပတ်ဝန်းကျင်အခြေအနေပေါ်ကိုလိုက်လျောညီထွေ တုံ့ပြန် နိုင်ဖို့အတွက် သူတို့အမြင်အာရုံကနေတဆင့်ရရှိလာတဲ့သတင်းအချက်အလက်တွေကို ဦးနှောက်ကိုပေးပို့ပြီး ဘယ်လိုအသုံးချရမလဲဆိုတာကို သင်ယူဖို့လိုအပ်ပါတယ်။ မွေးဖွားလာတဲ့အချိန်ကနေစပြီး ကလေးတွေဟာ သူတို့ရဲ့မျက်လုံးလေးတွေနဲ့ ကမ္ဘာတလွှားကအရာတွေကို စူးစမ်းလေ့လာနေကြတာဖြစ်ပြီး သူတို့လေးတွေက လက်တွေနဲ့ပစ္စည်းတွေကိုဆွဲတာ၊လေးဘက်ထောက်သွားတာနဲ့ ထိုင်တာတွေမလုပ်ခင်မှာ သူတို့လေးတွေရဲ့မျက်လုံးအမြင်အာရုံကသူတို့ကြီးထွားသန်စွမ်းဖို့အတွက်အရေးပါတဲ့ အချက်အလက်တွေနဲ့လှုံ့ဆော်မှုတွေကိုလုပ်ဆောင်ဖို့ ထောက်ပံ့ပေးမှုတွေကိုလုပ်ဆောင်ပါတယ်။ ကျန်းမာသန်စွမ်းတဲ့မျက်စိတွေနဲ့ကောင်းမွန်တဲ့အမြင်အာရုံတွေက မွေးကင်းစအရွယ်နဲ့ကလေးတွေရဲ့ သင်ယူမှုအပိုင်းမှာ အရေးပါတဲ့အခန်းကဏ္ဍကနေပါဝင်နေပါတယ်။ ကလေးတွေမှာ မျက်စိနဲ့အမြင် အာရုံချို့ယွင်းတာမျိုးဖြစ်ပေါ်ပါက ကြီးထွားဖွံ့ဖြိုးမှုကိုနှောင့်နှေးစေနိုင်ပါတယ်။ ဒါကြောင့် ကလေးတွေ ကြီးထွားသန်စွမ်းပြီးသင်ယူနိုင်ဖို့လိုအပ်တဲ့ အမြင်အာရုံစွမ်းရည်တွေကို ဖွံဖြိုးတိုးတက်စေဖို့အတွက် ကလေးတွေရဲ့အမြင်အာရုံဆိုင်ရာ ချို့ယွင်းမှုတွေကိုစောစောသတိပြုနိုင်ဖို့ကအရေးကြီးလှပါတယ်။ မိဘတွေအနေနဲ့ ကလေးတွေရဲ့မျက်စိနဲ့အမြင်အာရုံကောင်းမွန်စွာဖွံ့ဖြိုးလာစေဖို့အတွက် ကလေးတွေမှာ မျက်စိ၊အမြင်အာရုံနဲ့ပတ်သက်ပြီးပြဿနာရှိတဲ့လက္ခဏာရပ်တွေပေါ်နေသလား ဆိုတာကိုစောင့်ကြည့်သင့် သလို အသက် ၆လအရွယ်မှာကတည်းက မျက်စိအထူးကုတွေနဲ့ကလေးရဲ့အမြင်အာရုံပိုင်းကို စစ်ဆေးသင့်ပါ တယ်။ မိဘတွေအနေနဲ့ […]

ကလေးဆိုတာ မူကြိုတွေ၊ကျောင်းတွေမတက်ခင်မွေးကတည်းကစပြီး အရာရာစူးစမ်းလေ့လာတော့တာ။ အရင်ဆုံး သူ့မျက်စိရှေ့မှာမြင်ရတဲ့ မျက်နှာတွေကိုမှတ်မယ်၊နောက်ဘေးဝန်းကျင်ကိုစပ်စုမယ်။ ဘယ်သူတွေ ဘာတွေလုပ်လဲ၊ ဘယ်လိုလုပ်လဲအတုခိုးမယ်။ ကလေးတွေကို ဘယ်ခေါ်သွားသွား ပတ်လည်လှည့်ပြီးလျှောက်ကြည့်တတ်တာတွေ့ဖူးမှာပေါ့။ အဲဒါသူတို့ရဲ့လေ့လာသင်ယူနေတဲ့ ကြိုးပမ်းမှုတွေပါပဲ။မူကြိုကစကျောင်းစပို့ပြီဆို သူတို့ရဲ့ဦးနှောက်ဖွံ့ဖြိုးမှုကို အရောင်တင်ပံ့ပိုးပေးတာဖြစ်လို့ ဉာဏ်ရည်ဖွံ့ဖြိုးမှုကမြန်မြန်ဆန်ဆန်တိုးတက်လာပါလိမ့်မယ်။ ဒါပေမယ့် ဒီအခြေအနေမှာ အရေးပါတဲ့အချက်တစ်ချက်ကိုမေမေတို့မေ့မထားသင့်ပါဘူး။ ကလေးရဲ့ဖွံ့ဖြိုးမှုတိုင်းမှာ အားဖြည့်ပေးမယ့် အာဟာရပဲဖြစ်ပါတယ်။ ဉာဏ်ရည်ဖွံ့ဖြိုးမှုနဲ့ အမြင်အာရုံကောင်းဖို့ အကျိုးပြုမယ့် အာဟာရဓာတ်တွေ သူတို့စားတဲ့အထဲ ပါဝင်နေမှဖြစ်ပါမယ်။ မဟုတ်ရင် ဘယ်လောက်ကောင်းတဲ့ကျောင်းမှာထားထား၊ ဘယ်လောက်ပဲ သင်ပေးပေး ကလေးရဲ့ လေ့လာနိုင်စွမ်းကကောင်းမလာနိုင်ပါဘူး။ဒီတော့ ကလေးတွေကို ဉာဏ်ပိုကောင်းစေဖို့အထောက်အကူဖြစ်စေမယ့် အစားအသောက်တွေမေမေတို့ကျွေးပေးရင် ကွက်တိပဲပေါ့။ အဲဒီထဲမှာ ဘာတွေပါနိုင်လဲဆိုတော့ - ကြက်ဥ ကြက်ဥမှာပါတဲ့ ပရိုတင်းနဲ့ အာဟာရဓာတ်တွေက ကလေးကိုအာရုံစူးစိုက်မှုပိုကောင်းစေနိုင်ပါတယ်။ မကြာမကြာ ကြက်ဥပူတင်းလေးလုပ်ကျွေးမလား၊ ကြက်ဥပြုတ်ကျွေးမလားဒါမှမဟုတ် ပေါင်မုန့်ကြက်ဥကြော်ပေါ့။ ဒိန်ချဉ် အကျိုးပြုအဆီတွေကလည်း ဦးနှောက်ကျန်းမာရေးအတွက် အရေးကြီးပါတယ်။ အဆီမထုတ်ထားတဲ့ ဒိန်ချဉ်တွေဟာ ဦးနှောက်ဆဲလ်တွေကို အကြောင်းအရာသတင်းပေးပို့နိုင်စွမ်းနဲ့လက်ခံနိုင်စွမ်းပိုကောင်းအောင် […]

သကြားလုံးကြိုက်တယ်၊ ဂျယ်လီကြိုက်တယ်၊ အချိုရည်ကြိုက်တယ် ဆိုတာ ကလေးသဘာဝပါပဲ။ ကလေးတွေက လူကြီးတွေထက် အချိုပိုကြိုက်ကြပါတယ်။ ငိုနေရင်တောင် သကြားလုံးလေးပေးလိုက်ရင်ငြိမ်သွားတာမျိုး၊ အချိုရည်လေးတစ်ငုံပေးလိုက်ရင်ကျေနပ်နေသွားတာမျိုး၊ လက်ဆောင်ပေးလို့ သကြားလုံး၊ဂျယ်လီလေးတွေပေးရင်လည်း သိပ်သဘောကျ။ ဒါပေမယ့် ဒါတွေက များလာရင် ကလေးအတွက် အဆိပ်အတောက်ြဖစ်စေနိုင်တယ်ဆိုတာမေမေတို့ သိထားသင့်ပါတယ်။ အချိုစွဲလမ်းခြင်း အချိုစားတာများလွန်းရင် မစားရမနေနိုင်စွဲလမ်းတဲ့အဆင့်ကိုရောက်ပြီး လူရောစိတ်ပါ ဆိုးကျိုးသက်ရောက်မှုတွေဖြစ်လာနိုင်ပါတယ်။ အချိုစွဲလမ်းခြင်းဆိုတာ အစားအသောက်စွဲလမ်းမှုတစ်မျိုးဖြစ်ပြီးဆေးစွဲသလိုကိုဖြစ်စေနိုင်ပါတယ်။ ကလေးက အချိုမစားရတာနဲ့ စိတ်အပြောင်းအလဲမြန်၊ စိတ်တိုစိတ်ဆတ်လာတာ၊ တုန်တုန်ရီရီဖြစ်တာ၊ တက်ကြွလှုပ်ရှားမှုလွန်ကဲတာ၊လေးကန်ထိုင်းမှိုင်းတာတွေဖြစ်လာနိုင်တယ်။ အချိုစားတာများရင် အဝလွန်ြခင်း၊ အာဟာရချို့တဲ့ခြင်း(အာဟာရဓါတ်တွေအလုံအလောက်မရနိုင်လို့)နဲ့ သွားပိုးစားခြင်းစတဲ့ ဆိုးကျိုးတွေကလည်းရှိတယ်။ ဒါ့ကြောင့် ဒီလိုအလွန်အကျွံစွဲလမ်းတဲ့အဆင့်ကို အရောက်မခံဘဲ ကလေးကို စားသောက်ပုံအမူအကျင့်အချိန်မီပြောင်းလဲပေးဖို့လိုပါတယ်။ အချိုလုံးဝမစားရဘူးဆိုတာတွေမလုပ်ဘဲ မေမေတို့ ဉာဏ်ကောင်းဖို့တော့လိုတာပေါ့နော်။ အချိုရည်တွေကို အိမ်မှာ အလွယ်တကူသောက်ဖို့ဝယ်မထားပါနဲ့ အိမ်မှာ အသင့်ရှိနေရင် ကလေးကတောင်းနေမှာ၊ တစွတ်စွတ်သောက်နေမှာသေချာတာပေါ့။ မတိုက်ရင်လည်းတော်တော်ဂျီကျမှာနော်။ ကိုယ်တိုင်ဖျော်တဲ့ အချိုလျှော့အသီးဖော်ျရည်ကို အချိုရည်ဘူးခွံ ဒါမှမဟုတ် လှတပတဘူးလေးတွေထဲထည့်ပါ။ ကလေးတွေသောက်လည်းဘေးမဖြစ်စေဘူး၊ […]

မိဘတွေကတော့ ကိုယ့်သားသမီးကို အကောင်းဆုံးတွေချည်းဖြစ်စေချင်တာပဲပေါ့။ အကောင်းဆုံးအာဟာရတွေကျွေးမယ်၊ အကောင်းဆုံးအဝတ်အစားလေးတွေဝယ်ပေးမယ်၊ အကောင်းဆုံးကျောင်းမှာထားပေးမယ်။ ဒါပေမယ့် ရွယ်တူလေးတွေနဲ့ယှဉ်ရင် ကိုယ့်ကလေးက ထွားသင့်သလောက်မထွားဘူးလို့မြင်လာတဲ့အခါ စိတ်တွေမအေးနိုင်တော့ဘူးမဟုတ်လား။ ဒီလောက်ဂရုစိုက်ကြလျက်နဲ့ ဘာလို့ကလေးက ကြီးထွားဖို့နှေးနေရတာလဲလို့ အားမလိုအားမရတွေဖြစ်ကြရပါတယ်။ ကလေးရဲ့ကြီးထွားဖွံ့ဖြိုးမှုမှာ ဘာတွေက သက်ရောက်မှုရှိနေလဲဆိုတော့ အများအားဖြင့် - မျိုးဗီဇနဲ့ဆိုင်တယ်။ စားသောက်ပုံအလေ့အထနဲ့ အာဟာရ ရရှိမှုကအရေးပါတယ်။ ဟော်မုန်းလုပ်ဆောင်ချက်တွေနဲ့ဆိုင်တယ်။ ရောဂါအခံ သို့မဟုတ် ကျန်းမာရေးပြဿနာတစ်ခုခုနဲ့ဆိုင်တယ်။ ကလေးတွေရဲ့ ကြီးထွားဖွံ့ဖြိုးမှုနှုန်းက တစ်ဦးနဲ့တစ်ဦးတော့မတူနိုင်ပါဘူး။ ဒါ့ကြောင့်အမြဲတမ်းတော့ တခြားရွယ်တူကလေးတွေနဲ့ ယှဉ်ကြည့်လို့မရပါဘူး။ဖေဖေမေမေတို့အနေနဲ့လုပ်နိုင်တာက ကိုယ့်ကလေးရဲ့ ကိုယ်အလေးချိန်နဲ့ အရပ်ဖွံ့ဖြိုးမှုကို ပုံမှန်စောင့်ကြည့်ထားဖို့ပါပဲ။ ဒါမှ ကြီးထွားဖွံ့ဖြိုးမှုကရပ်နေသလား၊ ပုံမှန်တိုးတက်မှုရှိနေသလား သိနိုင်မှာပါ။ ကလေးက ထွားသင့်သလောက်မထွားဘဲ သူငယ်ချင်းတွေကြားမှာ လူကောင်သေးနေတယ်ဆိုရင် အသေးစိတ်အားဖြင့် ဒီအချက်တွေကြောင့်ဖြစ်နိုင်ပါတယ်။ ကလေးကို ကြီးထွားဖွံ့ဖြိုးမှုနှေးစေတဲ့အကြောင်းရင်းများ မျိုးဗီဇကြောင့်သာမဟုတ်ဘူးဆိုရင် ကလေးသိပ်မထွားတာ အဓိကအားဖြင့် နောက်ထပ်အကြောင်းရင်းသုံးမျိုးပဲရှိပါတယ် - စားသောက်မှုအာဟာရ၊ ပတ်ဝန်းကျင်ပံ့ပိုးမှုနဲ့ ကျန်းမာရေးပြဿနာအခံတို့ဖြစ်ပါတယ်။ ကျန်းမာရေးပြဿနာအခံ ကလေးမှာ ကျန်းမာရေးပြဿနာရှိနေတာကြောင့်လည်း ဖွံ့ဖြိုးမှုကဖြစ်သင့်သလောက်ခရီးမရောက်တာလည်းရှိပါတယ်။ […]

ကိုယ့်ကလေးက အိပ်နေတာလေးကိုကြည့်ရင်းတောင် သနားလိုက်တာဆိုပြီးဖြစ်တတ်တာကမေတ္တာတရားကြီးမားတဲ့မေမေတို့မဟုတ်လား။ ကလေးကဆော့ရင်းမောလို့ အိပ်သွားရင်တောင်မှတော်တော်ပင်ပန်းနေလား မသိဘူး။ သနားပါတယ်ဆိုပြီးဖြစ်တတ်တယ်ဟုတ်။ ဒီခံစားချက်ကိုမေမေဖြစ်ဖူးသူတွေပဲနားလည်မှာပါနော်။ ဘယ်သူတွေဘယ်လောက်ချစ်ချစ် ဝမ်းနဲ့လွယ်မွေးထားရတဲ့ သားသမီးတွေကို အချစ်ဆုံးက မိခင်တွေပါပဲ။မေမေဖြစ်လာရင် ကိုယ့်အတွက်ထက် သားသမီးအတွက် အရင်ဆုံးစဉ်းစားမိတယ်ဟုတ်။မေမေတို့စဉ်းစားမိတဲ့အချက်တွေထဲကတစ်ခုကို ဒီဆောင်းပါးလေးထဲမှာ တူတူဆွေးနွေးကြည့်ရအောင်နော်။ မေမေတို့စဉ်းစားမိတဲ့အချက်တွေထဲကတစ်ခု မေမေတွေက ကိုယ့်သားသမီးကို ဘယ်သူနဲ့ယှဉ်ယှဉ် မသာရင်တောင်အောက်မကျစေချင်တဲ့သူတွေပေါ့။ ဒီစိတ်ကူးတွေကို အကောင်အထည်ဖော်ဖို့လုပ်ပေးတဲ့ မေ့မထားသင့်တဲ့သူတွေကတော့ဖေဖေတို့ပေါ့။မေမေဖေဖေတို့က ကိုယ့်သားသမီးကို အမြဲ ကျန်းမာပျော်ရွှင်နေစေချင်သလို ကလေးက အခြားကလေးတွေနဲ့ယှဉ်လိုက်ရင် ညှက်နေမှာကိုလည်း စိုးရိမ်တတ်ကြပါသေးတယ်နော်။ ဒီအချိန်မှာမေမေတို့ ကလေးညှက်နေတာကိုဖြေရှင်းဖို့ စဉ်းစားမိနိုင်တဲ့ နည်းလမ်းတစ်ခုရှိနေတတ်ပါတယ်နော်။ ဒါကတော့ အားဆေးတိုက်ရင်ကောင်းမလားဆိုတာပါ။ ကလေးကို ထွားစေဖို့ဘာရွေးရမလဲ.......ဖြည့်စွက်စာလား......... အားဆေးလား ကလေးတစ်ယောက်က ပထမ ၆ လမှာမေမေ့နို့ချိုကနေ လိုအပ်တဲ့အာဟာရတွေကို အပြည့်အဝရရှိပါတယ်။ ၆ လနောက်ပိုင်းရောက်လာတဲ့အခါ လိုအပ်တဲ့ အာဟာရလိုအပ်ချက်ပြည့်မီဖို့မေမေ့နို့အပြင်ဖြည့်စွက်စာတွေကိုပါမှီခိုလာရပါတယ်။ ဒီအချိန်မှာ ကလေးကမေမေ့နို့ကိုလည်းသောက်မယ်။ဖြည့်စွက်စာကိုလည်းစားမယ်ဆိုပေမယ့် အပြောင်းအလဲမှာ မှန်းထားသလောက်တက်မလာတာမျိုးဖြစ်နိုင်ပါတယ်။ ဒါက ကလေးကမကျန်းမာလို့ဖြစ်တာမဟုတ်ဘဲ အပြောင်းအလဲကြောင့်ဖြစ်တဲ့ […]

ကလေးတွေ ငိုတယ်ဆိုတာ မဆန်းပါဘူး။ စကားမပြောတတ်သေးတဲ့ သူတို့လေးတွေအတွက် ငိုတယ်ဆိုတာက သူတို့ဆာလောင်နေတယ်ဆိုတာ၊ သူတို့လေးတွေရဲ့ အဝတ်တွေစိုနေတယ်ဆိုတာနဲ့ သူတို့မအီမသာဖြစ်နေတယ်ဆိုတာတွေကိုဖော်ပြပေးနေတဲ့ အချက်ပြမှုပဲ ဖြစ်ပါတယ်။ ဒါ့အပြင် ငိုကြွေးခြင်းက သူတို့အနေနဲ့ ဝေဒနာတစ်ခုခုကို ခံစားနေရတယ်ဆိုတာကိုလည်း ဖော်ပြခြင်းဖြစ်ပါတယ်။ ဒီထဲမှာ အဖြစ်အများဆုံးကတော့ လေနာဝေဒနာပါ။ အရမ်းကြီးပြင်းထန်ဆိုးရွားတဲ့ ရောဂါတစ်မျိုးမဟုတ်ပေမယ့် ညတိုင်းငိုယိုနေတဲ့ ကိုယ့်ရဲ့ ကလေးကို ကြည့်ရတာ ဘယ်မိဘအတွက်မှ စိတ်ချမ်းသာစရာမကောင်းပါဘူး။ ဒီဆောင်းပါးမှာတော့ ကလေးလေနာဖြစ်နေရင် ဘယ်လိုသက်သာအောင်လုပ်မလဲဆိုတာကို ပြောပြပေးသွားမှာ ဖြစ်ပါတယ်။ ကလေးမှာ လေနာဖြစ်နေတယ်ဆိုတဲ့ လက္ခဏာများ ကလေးဆိုတာကတော့ ငိုမှာပါပဲ။ မွေးကင်းစကလေးငိုတိုင်း ရောဂါကြောင့်မဟုတ်ပါဘူး။ ကလေးသဘာဝအတိုင်း ငိုတာပါ။ မွေးကင်းစကလေးတွေဟာ တစ်နေ့ကို ၂ နာရီလောက် ငိုတတ်ကြပါတယ်။ ဒီအချက်လေးတွေရှိနေရင် ကလေးမှာ လေနာဖြစ်နေတာ ဖြစ်နိုင်ပါတယ်။ အကြောင်းအရင်းမရှိဘဲ ငိုနေတာ။ (ဆာတာလည်းမဟုတ်၊ သေးခံညစ်ပေနေတာမျိုးလည်းမဟုတ်ဘဲ ငိုနေရင်) ညနေတိုင်း […]