ဒီအချိန်မှာ ဘေဘီလေး ရဲ့ ကြီးထွားဖွံ့ဖြိုးမှုက အရင်ကအပတ်တွေကနဲ့ မတူတော့တာ အမှန်ပါပဲ။ ဒီကာလမှာ ဘေဘီလေး က ကိုယ်အလေးချိန် - ပျမ်းမျှအားဖြင့် တစ်လကို ၁ ပေါင်ခွဲခန့်တက်လာပါမယ်။ အရပ်အမြင့် - တစ်လကို ၁ လက်မစီတိုးရပါမယ်။ ဦးခေါင်းအရွယ်အစား - တစ်လကို လက်မဝက်စီလောက် တိုးလာရပါမယ်။ ဒါက ဘေဘီလေး တစ်ယောက်ရဲ့ ပုံမှန်ဖွံ့ဖြိုးမှု ဖြစ်စဉ်ပါ။ ဒီအရွယ်မှာ ဘေဘီလေး က ဘာတွေလုပ်တတ်ပြီလဲ………… ဘေဘီလေးရဲ့ ကြီးထွားဖွံ့ဖြိုးမှုဖြစ်စဉ် စတင်နေပါပြီ။ ဒီကာလကစပြီး မေမေဖဖေတို့ စိတ်လှုပ်ရှားမှုအပြည့်နဲ့ ဘေဘီလေးရဲက တိုးတက်မှုတွေကို မြင်တွေ့စောင့်ကြည့်ရတော့မှာဖြစ်ပါတယ်။ ကြွက်သားတွေက အရင်ကထက် သန်မာလာပြီး လှုပ်ရှားမှုတွေပိုလုပ်နိုင်လာပါပြီ။ ခြေလက်တွေကိုလည်း အရင်ကထက် ကွေးနိုင်ဆန့်နိုင်လာပါပြီ။ ဒီကာလ အပိုင်းအခြားမှာ ဘေဘီလေးက • အရင်မွေးစကလို အမှုမဲ့ အမှတ်မဲ့လှုပ်ရှားမှုမျိုးတွေ သိပ်မရှိတော့ဘူး • လည်ပင်းကကြွက်သားတွေ သန်မာလာပြီ။ […]

ပရိုတင်းလို့ပဲခေါ်ခေါ်၊ အသားဓာတ် လို့ပဲ ပြောပြော ခန္ဓာကိုယ်အတွက် မရှိမဖြစ်လိုအပ်တဲ့ အာဟာရဓာတ်တစ်မျိုးဆိုတာ မေမေတို့သိထားပြီးသားဖြစ်မှာပါ။ ဘာလို့ဆို ပရိုတင်းက သားသားမီးမီးတို့ရဲ့ခန္ဓာကိုယ် ကြီးထွားဖွံ့ဖြိုးမှုမှာ အရေးပါတဲ့ အခန်းကဏ္ဍကနေ ပါဝင်နေလို့ပါပဲ။ ဘယ်လို အရေးပါနေတာလဲ ကိုယ့်ကလေးက သူများတန်းတူ ကြီးထွားလာဖို့၊ သန်စွမ်းကျန်းမာဖို့၊ ခန္ဓာကိုယ်အစိတ်အပိုင်းတွေ ကောင်းကောင်းဖွံ့ဖြိုးလာဖို့အတွက် ပရိုတင်းကို မရှိမဖြစ်လိုအပ်ပါတယ်။ အဓိကအားဖြင့် ပရိုတင်းရဲ့အရေးပါတဲ့ ဖွံ့ဖြိုးမှုအပိုင်းတွေက - ကြွက်သားတည်ဆောက်မှုကို အားဖြည့်တယ် ကလေးရဲ့ခန္ဓာကိုယ်မှာရှိတဲ့ ကြွက်သားတစ်ရှူးတွေ တည်ဆောက်မှု၊ ထိန်းသိမ်းမှုနဲ့ အစားထိုးဖြစ်ပေါ်မှုတွေမှာ အားဖြည့်ကူညီပေးနိုင်တာ ပရိုတင်းဓာတ်ပါ။ ကြွက်သားတည်ဆောက်မှုနဲ့ ကြီးထွားဖွံ့ဖြိုးမှုမှာ ပရိုတင်းက အရေးကြီးဆုံးပါပဲ။ ဆဲလ်တွေဖွံ့ဖြိုးမှုမှာ ကူညီပေးတယ် အရေပြား၊ လက်သည်း၊ ခြေသည်းနဲ့ ဆံပင် တို့အတွက် ဆဲလ်တွေဖွံ့ဖြိုးမှုနဲ့ ပြန်လည်ဖြစ်ပေါ်မှုကို ကူညီပေးနိုင်ပါတယ်။ အနာကျက်မြန်တာ၊ ဆံပင်သန်တာ၊ လက်သည်းခြေသည်းကျန်းမာတာက အသားဓာတ် ရဲ့ အကျိုးကျေးဇူးတွေပါ။ ကိုယ်ခံအား ကောင်းစေတယ် ခန္ဓာကိုယ်ရဲ့ အင်ဇိုင်း၊ ဟော်မုန်းတွေဖြစ်တည်လာဖို့ […]

ကစားစရာ ကလေးတွေရဲ့ကြီးထွားဖွံ့ဖြိုးမှုအတွက် အဓိကကျတဲ့နေရာကနေပါဝင်နေတဲ့ ဇာတ်ကောင်တစ်ခုပေါ့။ ကလေးတွေရဲ့ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ကြီးထွားဖွံ့ဖြိုးဖို့အတွက် ကစားစရာတွေကပေးစွမ်းနိုင်ပါတယ်။ ကလေးလေးတွေရဲ့ အပျော်ရွှင်ဆုံးအချိန်က ကစားစရာ အသစ်လေးတွေရတဲ့အချိန်ပါ။ ကလေးဘဝတုန်းက ကစားစရာအသစ်လေးတွေရဖို့က အကြီးမားဆုံးမျှော်လင့်ချက်ဖြစ်ခဲ့ကြဖူးတယ်ဟုတ်။ ဒါကြောင့် ကိုယ်တိုင်က မိဘအရာရောက်လာတဲ့အခါ ရင်သွေးလေးကို သူတို့အသက်အရွယ်နဲ့လိုက်ဖက်မယ့် အရုပ်လေးတွေကို ဝယ်ပေးဖို့ မမေ့ပါနဲ့နော်။ အရုပ်တွေက ကလေးကိုပျော်ရွှင်အောင်လုပ်ဆောင်ပေးနိုင်သလို ကလေးရဲ့ အာရုံခံစားမှုနဲ့ ဖန်တီးနိုင်စွမ်းတွေဖြစ်ပေါ်လာအောင် လှုံ့ဆော်ပေးပါတယ်။ ကလေးလေးတွေကောင်းကောင်းမွန်မွန်ကြီးပြင်းလာဖို့ဆိုရင်ကလေးလေးတွေဖွံ့ဖြိုးလာတဲ့အလျောက် လိုက်ဖက်ညီမယ့် အရုပ်လေးတွေကိုရွေးချယ်ပေးဖို့ကလည်း မိဘတွေအနေနဲ့မေ့ထားလို့မဖြစ်တဲ့ အချက်တစ်ခုပေါ့။ ကဲ ကလေးလေးတွေကို ဘယ်လိုအရုပ်လေးတွေနဲ့ပေးဆော့မှာလဲ။ ကလေးလေးတွေကို အသက်အရွယ်အလိုက် သင့်တော်မယ့်အရုပ်လေးတွေနဲ့ပေးကစားရင် ရရှိလာမှာတွေက ကလေးငယ်ရဲ့ ရုပ်ပိုင်းဆိုင်ရာနဲ့စိတ်ပိုင်းဆိုင်ရာကြီးထွားဖွံ့ဖြိုးမှုအပေါ်မှာ အကျိုးသက်ရောက်မှုရှိစေတယ်။ သင်ယူမှုစွမ်းရည်တိုးတက်ကောင်းမွန်လာမယ်။ ကလေးရဲ့ အာရုံစူးစိုက်မှုကိုကောင်းမွန်လာစေမယ်။ အရောင်တွေကိုခွဲခြားသိမြင်လာမယ်။ မျက်လုံးနဲ့လက်လှုပ်ရှားမှုကို ချိတ်ဆက်မိလာမယ်။ ကြွက်သားလှုပ်ရှားမှုတွေကောင်းမွန်လာမယ်။ ပြဿနာဖြေရှင်းနိုင်စွမ်းကောင်းလာမယ်။ အသက်အရွယ်အလိုက်ပေးကစားသင့်တဲ့အရုပ်တွေက ကလေးအသက်အရွယ်အလိုက်ပေးကစားသင့်တဲ့အရုပ်တွေက မွေးကင်းစ ကနေ အသက် ၈ လအထိ ဒီအရွယ်မှာတော့ ကလေးကိုသေးသေးကွေးကွေးလေးတွေပေးဆော့မယ့်အစား […]

ဆော့ရင်း ကစားရင်းနဲ့ သင်ယူလေ့လာဖြစ်ဖို့က ကလေးတစ်ယောက်ရဲ့ဖွံ့ဖြိုးမှုမှာ အရေးပါတဲ့အချက်တစ်ချက်ဖြစ်ပါတယ်။ သူတို့လေးတွေက မွေးစအရွယ်တည်းကကိုဘေးပတ်ဝန်းကျင်ကို စူးစမ်းလေ့လာရင်း၊ ကိုယ်တိုင် ပါဝင်လှုပ်ရှားလာရင်း အရာရာသင်ယူတတ်ပါတယ်။ ကစားဖို့၊ စားဖို့နဲ့ အိပ်ဖို့ပဲသိသေးတာဖြစ်ပေမယ့် သူတို့လုပ်နေကျ အဲဒီသုံးမျိုးကနေပဲ ကလေးရဲ့ ဉာဏ်ရည်ဉာဏ်သွေး ဖွံ့ဖြိုးလာအောင် အစတည်းက လမ်းဖွင့်ပေးလို့ရပါတယ်။ ဉာဏ်ရည်ဖွံ့ဖြိုးစေမယ့် ကစားစရာတွေရွေးချယ်ပေးတဲ့အခါ ကလေးတွေမှာ လုပ်နိုင်စွမ်း၊ သိနိုင်စွမ်းအရည်အချင်းလေးတွေ တိုးတက်လာပါလိမ့်မယ်။ ပြဿနာဖြေရှင်းဖို့နဲ့ အကျိုးအကြောင်းနားလည်နိုင်စွမ်း လေ့လာမှတ်သားနိုင်စွမ်း ကိုယ့်ကိုယ်ကိုယ်အားကိုး ကိုယ်တိုင်လုပ်ဆောင်ချင်စိတ် တီထွင်ဆန်းသစ်နိုင်စွမ်း ထိန်းချုပ်မှုမလိုဘဲ သွက်လက်တဲ့ ဆုံးဖြတ်ချက်ချနိုင်စွမ်း စတာတွေကို ငယ်စဉ်တည်းက အလေ့အကျင့်မွေးမြူပေးသလိုဖြစ်စေမှာပါ။ ကလေးတွေကမွေးကင်းစအရွယ်တည်းကလေ့လာမှတ်သားတတ်တာကြောင့် ကလေးတွန်းလှည်းတွေမှာ နှိပ်ရင်မတူညီတဲ့အသံတွေမြည်တဲ့ အရုပ်လေးတွေထည့်သွင်းတတ်ကြတာဖြစ်ပါတယ်။ ကလေးရဲ့ဉာဏ်ရည်ကိုအသုံးပြုရတဲ့ ကစားစရာတွေက အသက်အပိုင်းအခြားအလိုက် ဉာဏ်ရည်ဉာဏ်သွေး ဖွံ့ဖြိုးမှုကိုအားပေးတဲ့ အကောင်းဆုံးအကူအညီဖြစ်ပါတယ်။ ဘယ်လိုမျိုးလေးတွေပေးကစားမလဲ ဂီတတူရိယာလေးတွေ ကလေးတွေဟာ သီချင်းနားထောင်ရတာထက်အော်ဂင်၊ စန္ဒရားအသေးလေးတွေ၊ ခလုတ်ပါတဲ့ဂီတာလေးတွေလို ကစားစရာလေးတွေနဲ့ ကိုယ်တိုင်သီချင်းသံဖန်တီးရတာပိုနှစ်သက်ကြပါတယ်။ ဒီလိုမျိုးတွေနဲ့ကစားတဲ့ကလေးတွေက ကိုယ်အလိုရှိတာအမူအရာနဲ့ဆက်သွယ်ပြောဆိုနိုင်စွမ်းပိုကောင်းပြီး အရွယ်ရောက်တဲ့အခါ […]

နှစ်စဉ်နှစ်တိုင်း ကလေးထောင်ပေါင်းများစွာဟာ ထိုင်ကွင်းသုံးခြင်းရဲ့နောက်ဆက်တွဲဖြစ်တဲ့ လှေကားပေါ်ကနေပြုတ်ကျပြီး အရေးပေါ်ဌာနကိုရောက်လာကြပါတယ်။ထိုင်ကွင်းလို့ခေါ်တဲ့ baby walker တွေထဲဝင်နေရတာဟာ ကလေးတွေအတွက် ပျော်စရာကောင်းပါတယ်။ ဒါပေမယ့် ဘယ်လိုပဲ လုံခြုံရေးအကာအကွယ်တွေယူယူ ဆယ်စုနှစ်တွေအတွင်းမှာ ထိုင်ကွင်းတွေနဲ့ ဆက်စပ်တဲ့ ထိခိုက်ဒဏ်ရာအရေအတွက်ဟာ တစ်ချိန်လုံးမြင့်တက်နေတဲ့အတွက် အမေရိကန်နိုင်ငံမှာ ထိုင်ကွင်းအသုံးပြုမှုကို လုံးဝတားမြစ်ထားပါတယ်။ ၁၉၉၀ ကနေ ၂၀၁၄ အတွင်း အသက်ဆယ့်ငါးလအောက် ကလေးပေါင်း နှစ်သိန်းသုံးသောင်းကျော် (၂၃၀၆၇၆)ယောက်ဟာ ထိုင်ကွင်းတွေကြောင့်ထိခိုက်ဒဏ်ရာရခဲ့ပါတယ်။ ကလေးတွေအများစုဟာ ခေါင်းနဲ့လည်ပင်းမှာ ထိခိုက်ဒဏ်ရာရခဲ့ကြတာဖြစ်ပြီး ၇၅ ရာခိုင်နှုန်းဟာ လှေကားပေါ်က ပြုတ်ကျခဲ့တာဖြစ်ပါတယ်။ ထိုင်ကွင်းဆိုတာ ထိုင်ကွင်းဆိုတာ ဘီးပါတဲ့ ထိုင်ခုံတွေဖြစ်ပြီး ခြေထောက်ချထားဖို့ အပေါက်လဲပါပါတယ်။ အဓိကအားဖြင့် အသက်ငါးလကနေ ဆယ့်ငါးလအတွင်း လမ်းမလျှောက်တတ်သေးတဲ့ ကလေးတွေကို သူတို့ဖာသာသူတို့ သွားနိုင်အောင် ကူညီပေးတဲ့ ပစ္စည်းတစ်ခုပါ။ ဝဝတုတ်တုတ်ခြေထောက်ကလေးတွေကို ကန်ပြီး အခန်းတစ်ခုထဲမှာ လျှောက်သွားနေတဲ့ကလေးလေးတစ်ယောက်ကို ကြည့်ရတာပျော်စရာ […]

ရွှေပန်း ဒါမှမဟုတ် ဂျိူးကလေးမာပြီးထောင်တယ်ဆိုတာ တကယ်တော့ ကျန်းမာတဲ့ယောက်ျားလေးတစ်ယောက်ဆိုတာကို ပြသနေတာပါ။ ဒါပေမယ့် ကလေးငယ်တွေမှာ ဖြစ်တာကို စတွေ့မိတဲ့အခါ မိဘတွေအထူးသဖြင့် အမေတွေအနေနဲ့ စိုးရိမ်ပူပန်တတ်ကြပါတယ်။ ယောကျ်ားလေးတွေမှာ လိင်အင်္ဂါဘယ်အရွယ်ကစ ထောင်မတ်တတ်သလဲ ယောက်ျားလေးတစ်ယောက်ဟာ ငယ်ရွယ်လွန်းတဲ့အသက်အရွယ်၊ အတိအကျပြောရရင် မမွေးသေးခင်မိခင်ရဲ့ ဝမ်းဗိုက်ထဲမှာကတည်းက စပြီးထောင်မတ်တတ်ပါတယ်။ ဒါကြောင့် သင့်မွေးကင်းစကလေးငယ်လေးကို ဒိုင်ဘာလဲပေးတဲ့အခါ ဒါမှမဟုတ် ရေချိူးပေးတဲ့အခါ ဂျိူးလေးထောင်နေတာတွေ့ရင် သိပ်မအံ့သြပါနဲ့။ ဒါဟာ သဘာဝတရားသာဖြစ်ပြီး သင့်ကလေးကျန်းမာတယ်ဆိုတာကိုပြသနေတာပါ။ မွေးကင်းစ ကလေးငယ်ဟာ တဖြည်းဖြည်းအရွယ်ရောက်လာတာနဲ့အမျှ သူ့ခန္ဓာကိုယ်မှာ ဘာတွေရှိလဲဆိုတာကို စတင်စူးစမ်းပါတော့တယ်။ အဲလိုစူးစမ်းတဲ့အခါ သူတို့ရဲ့ရွှေပန်းလေးကို ကိုင်ကြည့်တာမျိူးလဲ ပါဝင်တတ်ပါတယ်။ ဒါကြောင့် သူတို့လိင်အင်္ဂါလေးထောင်မတ်တာဟာလည်း အဆန်းတကြယ်တော့မဟုတ်လှပါဘူး။ အရွယ်ရောက်ပြီးအမျိုးသားတစ်ယောက်ရဲ့ လိင်အင်္ဂါထောင်မတ်မှုနဲ့မတူတာက ကလေးငယ်တွေရဲ့လိင်အင်္ဂါထောင်မတ်မှုဟာ သုက်မထွက်တတ်ပါဘူး။ အသက်ဆယ့်တစ်နှစ်ဝန်းကျင် ဒါမှမဟုတ် ဒီ့ထက်ပိုကြီးတဲ့အရွယ်ရောက်မှသာ လူပျိုပေါက်ဘဝကို စတင်ပြောင်းလဲပြီး သုက်လွှတ်တာမျိူးစရှိတာပါ။ ဘာကြောင့်ဖြစ်ရတာလဲ ကလေးတွေဘာကြောင့် လိင်အင်္ဂါထောင်မတ်ရတာလဲဆိုတာ အကြောင်းအရင်းအမျိုးမျိုးရှိပါတယ်။ သေချာတာကတော့ လိင်စိတ်နိုးထတာကြောင့် မဟုတ်ပါဘူး။ မွေးကင်းစကလေးတွေမှာတော့ ဘာအကြောင်းမှမရှိဘဲ လေအေးနဲ့ထိတွေ့တဲ့အခါ၊ ဆီးသွားချင်တဲ့အခါ ထောင်မတ်တတ်ပါတယ်။ ဒီ့ထက်နည်းနည်းပိုကြီးတဲ့ကလေးတွေမှာတော့ လိင်တံကို ထိတွေ့မိတာ၊ ပွတ်မိတာ ဒါမှမဟုတ် လက်နဲ့ကစားတာဟာ ခံစားလို့ကောင်းလို့ ကစားတာမျိူးလည်း ရှိတတ်ပါတယ်။တချို့သောကလေးတွေကတော့ အိပ်ရာမဝင်ခင် မှာ ကိုယ့်ဘာသာ နှစ်သိမ့် soothing effect ရစေဖို့ ကစားတာမျိုးလဲ ရှိတတ်ပါတယ်။ ဒါပေမယ့် သိထားသင့်တာက အဲလိုဖြစ်ရင်တောင် ဒါဟာ ရာနှုန်းပြည့် ပုံမှန်အခြေအနေပဲဆိုတာပါ။ ဒါပေမယ့် ဒီလိုအခြေအနေကို ကောင်းမွန်စွာ ကိုင်တွယ်နိုင်မယ့် နည်းလမ်းတွေရှိပါတယ်။ အရေးအကြီးဆုံးတစ်ချက်က သင့်ကလေးဒီလို လိင်တံကိုကိုင်တွယ်ကစားတာဟာ ရှက်စရာ ဒါမှမဟုတ် မှားယွင်းတဲ့ကိစ္စလို့ ကလေးအနေနဲ့မခံစားမိစေဖို့ပါပဲ။ ဒါပေမယ့် တပြိုင်နက်တည်းမှာ ကလေးကို သင့်အနေနဲ့ ဒီကိစ္စဟာ ပုဂ္ဂလိကဆန်တဲ့ ကိစ္စမျိူးဖြစ်တယ်။ဒါမျိူးဟာ private ကိစ္စဖြစ်လို့ သီးသန့်နေရာနဲ့ အချိန်မှာပဲလုပ်ရမယ်ဆိုတာ ပေးသိထားသင့်ပါတယ်။ တချို့ကလေးတွေအတွက်တော့ လိင်အင်္ဂါကိုကစားတာ၊ ဒါမှမဟုတ် ထောင်မတ်လာတာဟာ ပျော်စရာလုံးဝမဟုတ်ပါဘူး။ အဲလိုဖြစ်တဲ့အချိန် လိင်အင်္ဂါအရွယ်အစားပြောင်းလဲသွားမှုအပေါ် ကြောက်တတ်ပြီး တချိူ့ကတော့ သက်တောင့်သက်သာမရှိဘဲ နာကျင်တတ်တာမျိူးတောင်ရှိတတ်ပါတယ်။ ဒါကြောင့် ဒီလိုဖြစ်လို့ သင့်ကလေးနာကျင်တယ် ဒါမှမဟုတ် ငိုတယ်ဆိုရင်လည်း မအံ့သြပါနဲ့။ အဲလိုထောင်မတ်တာကို သင်ကြုံတဲ့အခါ ဒါဟာယောက်ျားလေးတွေမှာ တစ်ခါတစ်ရံဖြစ်တတ်တဲ့ပုံမှန်ကိစ္စပဲဆိုတာ ပြောပြပါ။ သက်တောင့်သက်သာရှိဖို့ ပွပွချောင်ချာင်ဘောင်းဘီဝတ်တာ၊ ရေချိူးတာမျိူးလုပ်ပေးနိုင်ပါတယ်။ ဘယ်လိုအချိန်မှာ စိုးရိမ်သင့်သလဲ အများစုသော လိင်အင်္ဂါထောင်မတ်မှုတွေဟာ ပုံမှန်ပဲဖြစ်ပြီး အန္တရာယ်မရှိဘဲ သူ့အလိုလိုပျောက်သွားတတ်ပါတယ်။ ဒါပေမယ့် ဒီလိုထောင်မတ်တာဟာ အချိန်တစ်ရာရီနဲ့အထက် ကြာနေတာမျိုး၊ ဖျားတာ၊ လိင်အင်္ဂါနီရဲတာ၊အဖုအပိန့်ထတာမျိူး ရောင်နေတာမျိူး အတော်ကိုနာကျင်နေတာမျိုးရှိရင်တော့ ဆရာဝန်နဲ့တိုင်ပင်ပြသသင့်ပါတယ်။

ဘေဘီလေးက အမြဲလိုလို W ပုံစံထိုင်နေတယ်။ ဘာတွေများဖြစ်လာနိုင်လဲဆိုပြီး သိချင်နေတဲ့မေမေဖေဖေတွေရှိနေလား။ ဒါဆိုရင်တော့ ဒီဆောင်းပါးလေးကို ဖတ်ကြည့်ပါလို့ပြောပါရစေနော်။ W ပုံစံထိုင်ခြင်းဆိုတာ W ပုံစံထိုင်တယ်ဆိုတာကဘေဘီလေးကခြေထောက်နှစ်ဖက်စလုံးကို ဒူးကွေးလို့နောက်ပစ်ပြီးထိုင်နေတဲ့ ပုံစံမျိုးပါ။ ကြမ်းပြင်မှာခြေထောက်နှစ်ဖက်ကို W ပုံစံအတိုင်းချပြီး ထိုင်တဲ့ပုံစံမျိုးပါ။ ဒါပေမယ့် ဒီထိုင်တဲ့ပုံစံက ကလေးတော်တော်များများထိုင်လေ့ရှိကြတဲ့ ပုံစံတစ်ခုပါ။ အထူးသဖြင့် စထိုင်တတ်စကလေးတွေမှာ အများဆုံးတွေ့ရတဲ့ ထိုင်တဲ့ ပုံစံတစ်မျိုးပါ။ W ပုံစံထိုင်ခြင်းက အန္တရာယ်ရှိလား........ W ပုံစံထိုင်တာက ကလေးအများစုထိုင်နေကျပုံစံတစ်ခုပါ။ ခဏတဖြုတ်ဆိုရင် ကိစ္စမရှိပေမယ့်ရေရှည်မှာတော့ ကလေးကို ထိခိုက်လာနိုင်တာတွေရှိနိုင်ပါတယ်။ မိဘအများစုက ကလေးဒီလိုထိုင်နေတဲ့အခါ သူတို့လေးတွေ သက်သောင့်သက်သာရှိလို့ ထိုင်နေတာပဲလေ။ သူတို့လေးတွေ အဆင်ပြေနေရင်ပြီးတာပဲဆိုပြီး ထားလိုက်မိတတ်ကြပါတယ်။ တကယ်တော့ အမြဲလိုလိုကလေးက ဒီလိုထိုင်နေတာမျိုးကို အမှုမဲ့အမှတ်မဲ့မထားလိုက်သင့်ပါဘူး။ အကြောင်းကတော့ ဒီထိုင်တဲ့ပုံစံကရေရှည်မှာ ကလေးရဲ့ ကိုယ်နေဟန်ထားအပြင် ကြီးထွားဖွံ့ဖြိုးမှုကိုပါ ထိခိုက်လာနိုင်တာကြောင့်ပါ။ W ပုံစံထိုင်ခြင်းက ဘယ်လိုသက်ရောက်မှုတွေရှိလာနိုင်လဲ...... ဘေဘီလေးအနေနဲ့ အမြဲလိုလို […]

နှလုံးရောဂါဆိုတာ လူကြီးတွေဆီမှာတောင် မဖြစ်ချင်တာ ကလေးတွေမှာ မွေးရာပါပါလာတာဆိုတော့ ပိုဆိုးပြီပေါ့။ နှလုံးက ကိုယ်ခန္ဓါရဲ့ အလုပ်အများဆုံးနဲ့ အရေးအကြီးဆုံး အရာတစ်ခုလေ။ ဒါကိုမှ အကြောင်းမလှခဲ့လို့ ကိုယ့်ကလေးမှာ မွေးရာပါ နှလုံးရောဂါပါလာပြီဆိုရင်တော့ အခြား ပုံမှန်ကလေးတွေထက် ပိုဂရုစိုက်ပေးဖို့ လိုလာပါပြီ။ ဒီဆောင်းပါးထဲမှာတော့ မွေးရာပါ နှလုံးရောဂါတွေထဲကမှ အဖြစ်များတဲ့ ပြဿနာတစ်ခုဖြစ်တဲ့ Tetralogy of Fallot ခေါ် မွေးရာပါပြာနှမ်းနှလုံးရောဂါရှိတဲ့ ကလေးကို ဘယ်လို ဂရုစိုက်စောင့်ရှောက်ရမလဲဆိုတဲ့အကြောင်းလေး ပြောပြပေးချင်ပါတယ်။ Tetralogy of Fallot ဆိုတာ ဘာလဲ။ ပြုစုရမယ့်အကြောင်းမပြောခင် ရောဂါအကြောင်းလေး အရင်ပြောပြချင်ပါတယ်။ Tetralogy of fallot ဆိုတာ tetra ဆိုတဲ့အတိုင်း နှလုံးချို့ယွင်းချက် ၄ ခုပေါင်းထားတဲ့ ပြဿနာတစ်ခုပါ။ ဒီလို ချို့ယွင်းချက်ကြောင့် နှလုံးပုံစံမမှန်တော့တဲ့အပြင် သွေးထဲ ေအာက်ဆီဂျင်ပါဝင်လည်းနည်းသွားပြီး အောက်ဆီဂျင်နည်းတဲ့သွေးတွေ တစ်ကိုယ်လုံးမှာ […]

ဦးနှောက် အမြှေးရောင်တယ်ဆိုတာကဘာလဲ.......... ဦးနှောက်အမြှေးရောင်တယ်ဆိုတာက ဦးနှောက်နဲ့ကျောရိုးနဗ်ကြောကို ဖုံးအုပ်ထားတဲ့ အမြှေးပါးလေးရောင်ရမ်းတဲ့ အခြေအနေတစ်ရပ်ပါ။ ဦးနှောက်အမြှေးရောင်တာက အရွယ်မရွေးဖြစ်နိုင်တဲ့ရောဂါတစ်ခုပေါ့။ ဦးနှောက် အမြှေးရောင်ရောဂါက လူတစ်ဦးကနေ တစ်ဦးကို မကူးစက်နိုင်ပါဘူး။ရောဂါရှိတဲ့ခြင်ကိုက်ခံရမှသာကူးစက်နိုင်တာပါ။ ဦးနှောက်အမြှေးရောင်ရောဂါကမြန်မြန်သိပြီးမြန်မြန်ကုသနိုင်ရင်ပျောက်ကင်းနိုင်ခြေပိုများပါတယ်။ ကာကွယ်တာက ကုသတာထက်ပိုကောင်းတယ်ဆိုတဲ့ စကားအတိုင်း ဦးနှောက်အမြှေးရောင်ကို ကာကွယ်ဖို့ အကောင်းဆုံးသောနည်းလမ်းက ကာကွယ်ဆေးထိုးနှံတာပါပဲ။ ဘာတွေကြောင့်ဦးနှောက် အမြှေးရောင်ဖြစ်တာလဲ........ ဦးနှောက်အမြှေးရောင်ရောဂါဖြစ်ရတာကခြင်ကိုက်တာကနေတဆင့် ကူးစက်တဲ့ ဗိုင်းရပ်စ် တွေကြောင့်ပါ။ရောဂါရှိတဲ့သူက အခြားတစ်ဦးကို ကိုင်တွယ်ထိတွေ့ရုံ၊ နမ်းရှုတ်ရုံလောက်နဲ့မဖြစ်သလိုရောဂါပိုးရှိနေသူက နှာချေ၊ချောင်းဆိုးတာတွေကနေတဆင့်လည်းရောဂါပိုးတွေ မကူးစက်နိုင်ပါဘူး။ အဓိကကတော့ရောဂါပိုးသယ်ဆောင်ထားတဲ့ခြင် ကိုက်ခံရတာကြောင့်ဖြစ်ရတာပါ။ ဒီရောဂါကဖြစ်နိုင်ခြေနည်းတယ်ဆိုပေမယ့်သေသေချာချာကုသမှုမလုပ်ဘူးဆိုရင်တော့ အသက်အန္တရာယ်ထိခိုက်တာမျိုးအထိဖြစ်နိုင်ပါတယ်။ ဘယ်လိုလက္ခဏာတွေတွေ့ရနိုင်လဲ...... ဦးနှောက်အမြှေးရောင်ရောဂါက ကူးစက်ခံရသူရဲ့ အသက်အရွယ်ကိုလိုက်ပြီးခံစားရတဲ့ လက္ခဏာတွေ ကွာခြားနိုင်ပါတယ်။ များသောအားဖြင့်ကတော့ အဖျားတက်မယ် အားအင်ကုန်ခမ်းသလိုဖြစ်မယ် ခြေကုန်လက်ပမ်းကျမယ် ခေါင်းကိုက်မယ် အလင်းဒဏ်မခံနိုင်ဖြစ်မယ် ဇက်ကြောကြီးတောင့်နေမယ် အရေပြားမှာ အနီရောင်အဖုအပိမ့်တွေထွက်မယ် စသဖြင့်ခံစားရနိုင်ပါတယ်။ ဘေဘီလေးတွေမှာ ဆိုရင်ရော......... ဘေဘီလေးတွေမှာ ဦးနှောက် အမြှေးရောင်ရောဂါခံစားရမယ်ဆိုရင်တော့ စိတ်ဆိုးနေမယ် အစားမစားဘဲဖြစ်မယ် တစ်ချိန်လုံးအိပ်နေမယ် (မှိန်းနေမယ်) […]

မီးဖွားတယ်ဆိုတာ ရိုးရိုးပဲ မွေးမွေး၊ ခွဲပြီးပဲ မွေးမွေး အပြောင်းအလဲတွေ အများကြီးနဲ့ ကြုံတွေ့ရမယ့် ကိစ္စ တစ်ခုပါ။ အနေအထိုင်ဆင်ခြင်ရမယ်၊ အာဟာရရှိတာတွေ စားရမယ်၊ အိပ်ရေးဝဝအိပ်ရမယ် စတာတွေပေါ့။ ဒါတွေအားလုံးလည်း ဂရုစိုက်ဆင်ခြင်တယ် မိခင်ရော ကလေးရော ကျန်းမာနေတယ် ခရီးလည်း သွားချင်တယ်။ မီးဖွားပြီး ခရီးသွား ဖို့ ဘယ်လောက်စောင့်ရမလဲ။ မီးဖွားပြီး ခရီးသွား တဲ့အခါ မီးဖွားပြီးနောက်ပိုင်း ကာလဆိုတာ ကိုယ်ဝန်ဆောင်ချိန်၊ မီးဖွားချိန်တုန်းက ပင်ပန်းခဲ့ရတဲ့ကိုယ်ခန္ဓာ အနားယူရမယ့်အချိန်ပါ။ အနားယူတယ်ဆိုတာ တစ်ပတ်လောက်နဲ့တင်မရပါဘူး။ အချိန်တော်တော်ယူပြီးမှ ကိုယ်ခန္ဓာကို အနားပြန်ပေးဖို့လိုပါတယ်။ ခရီးသွားတယ်ဆိုတာ ပျော်ရပေမယ့် မသိမသာ စိတ်ဖိစီးမှုလေးတွေ ရှိတတ်ပါတယ်။ အနားယူဖို့လိုနေတဲ့အချိန် ဖိစီးမှုတွေ ဝင်လာတာက မိခင်ရဲ့ ကျန်းမာရေးကို သက်ရောက်မှုလေးတွေ ရှိတတ်ပါတယ်။ နို့ထွက်တယ်၊ မထွက်ဘူးဆိုတဲ့ ကိစ္စဟာလည်း မိခင်ရဲ့ […]