အစာအိမ်နှင့်အူလမ်းကြောင်း ကျန်းမာရေး

ကော်ဖီဟာ ကမ္ဘာပေါ်မှာ လူကြိုက်များတဲ့ စားသောက်ကုန် တမျိုးဖြစ်ပါတယ်။ ကော်ဖီက လူကို တက်ကြွလန်းဆန်းစေရုံမက တခြားအကျိုးကျေးဇူးတွေ ရနိုင်ပါတယ်။ စိတ်ပိုင်းဆိုင်ရာ တိုးတက်ကောင်းမွန်စေခြင်း၊ လေ့ကျင့်ခန်းလုပ်ဆောင်နိုင်စွမ်း တိုးတက်စေခြင်း၊ နှလုံးရောဂါနဲ့ အယ်လ်ဇိုင်းမား ဖြစ်ပွားနိုင်ခြေ လျော့နည်းစေခြင်း စတဲ့အကျိုးကျေးဇူးတွေ ရရှိနိုင်ပါတယ်။ လူတချို့မှာတော့ ကော်ဖီဟာ အစာအိမ်အူလမ်းကြောင်းအပေါ် သက်ရောက်မှု ရှိတယ်လို့ သိရပါတယ်။ ယခု ဆက်လက်ဖော်ပြမှာကတော့ ကော်ဖီဟာ အစာအိမ်အပေါ် ဘယ်လိုသက်ရောက်မှု ရှိသလဲ ကော်ဖီကြောင့် အစာအိမ်အောင့်နိုင်သလား ဆိုတာပါပဲ။ ကော်ဖီကြောင့် အစာအိမ်အောင့်နိုင်သလား ကော်ဖီကြောင့် အစာအိမ်အောင့်နိုင်သလား ဆိုတော့ ကော်ဖီမှာ အစာအိမ်ထိခိုက်စေတဲ့ ပစ္စည်းမျိုးစုံပါဝင်နေပါတယ်။ ကဖိန်း ကဖိန်းဟာ အာရုံကြောကို လှုံ့ဆော်ပေးနိုင်တာကြောင့် တက်ကြွလန်းဆန်းစေပါတယ်။ ကော်ဖီ ၂၄၀ မီလီလီတာမှာဆိုရင် ကဖိန်းဓာတ် ၉၅ မီလီဂရမ် ပါဝင်ပါတယ်။ ကဖိန်းဟာ စိတ်ပိုင်းဆိုင်ရာကို နိုးကြားတက်ကြွစေတယ်ဆိုပေမယ့် အူလမ်းကြောင်း […]

အသည်းဆိုတာ လူ့ခန္တာကိုယ်မှာ အရေးပါအရာရောက်တဲ့ ကိုယ်တွင်း အစိတ်အပိုင်းတစ်ခုဖြစ်ပါတယ်။ အသည်းဟာ စားလိုက်သမျှ အစားအစာတွေ၊ သောက်လိုက်သမျှ အရည်တွေကို ဓာတ်ပြုဖြိုခဲ့ပြီး အာဟာရဓာတ်တွေကို သွေးကြောထဲပို့ပေးတဲ့အလုပ်ကို လုပ်ဆောင်ပေးပါတယ်။ ကိုယ်တွင်းထဲက မကောင်းတဲ့ အကျိုးမပြုတဲ့ ဓာတ်တွေကို စွန့်ထုတ်ပေးတဲ့ လုပ်ငန်းစဉ်ကိုလည်း အသည်းကပဲ လုပ်ဆောင်ပေးတာပါ။ ဒီလောက် အရေးပါအရာရောက်တဲ့အသည်းဟာ လူတွေရဲ့ မဆင်မချင်ပြုမှုနေထိုင်မှုတွေကြောင့် အမြဲတစေ ထိခိုက်ပျက်စီးရတတ်ပါတယ်။ တစ်ချို့သေ အပြုအမူတွေနဲ့ စားသောက်နေထိုင်မှုပုံစံတွေဟာ အသည်းကို အကြီးအကျယ် ထိခိုက်စေနိုင်ပါတယ်။ ဒါပေမယ့် ဒီလိုဖြစ်စေနိုင်တယ်ဆိုတာကို လူအတော်များများက သတိမူမိခြင်းမရှိတတ်ပါဘူး။ အရက်သောက်ခြင်းဟာ အသည်းကိုထိခိုက်စေနိုင်တယ်လို့ လူအတော်များများက သိထားကြပါတယ်။ ဒါပေမယ့် ဒီလိုမျိုး အသည်းကို ထိခိုက်စေနိုင်တဲ့ တခြားအချက်တွေ ရှိနေပါသေးတယ်။ အဲ့ဒီအချက်တွေကို ပြောပြချင်ပါတယ်။ သင့်အသည်းကို ထိခိုက်စေမယ့် အရာ ၉ ခု သကြား - သကြားအလွန်အမင်း စားတာဟာ […]

ပျို့အန်ချင်စိတ်ဟာ အစာအိမ်ကနေ အော်ဂလီဆန်စွာ ပေါ်ထွက်လာတတ်ပြီး အန်ခြင်းကို ဖြစ်စေတတ်ပါတယ်။ ရောဂါပိုးဝင်ခြင်း၊ အစာအိမ်အူလမ်းကြောင်း ပြဿနာ၊ ကိုယ်ဝန်ဆောင်ခြင်း၊ နှစ်သက်ဖွယ်မရှိသော အနံ့အသက် စတာတွေကနေ အစပျိုးတတ်ပါတယ်။ ယခုဆက်လက်ဖော်ပြမှာကတော့ ပျို့အန်ချင်စိတ်ကို ပယ်ဖျောက်နိုင်မယ့် နည်းလမ်းများ ဖြစ်ပါတယ်။ ယာယီသက်သာစေမယ့် နည်းလမ်းတွေကနေ ရေရှည်အတွက် ကျင့်သုံးသင့်တဲ့ နည်းလမ်းတွေအထိ ပါဝင်ပါတယ်။ ပျို့အန်ချင်စိတ်ကို ပယ်ဖျောက်နိုင်မယ့် နည်းလမ်းများ ပျို့အန်ချင်စိတ်ကို ပယ်ဖျောက်နိုင်မယ့် နည်းလမ်းများ ကတော့ ၁။ မတ်မတ်ထိုင်ပါ၊ အစာအိမ်ကို ဖိမထားပါနဲ့ အစာစားပြီးချိန်မှာ လှဲမနေဖို့ ငယ်ငယ်ကတည်းက လူကြီးတွေပြောဆိုတာကို ကြားဖူးကြပါလိမ့်မယ်။ လှဲနေတဲ့အချိန်မှာ အစာခြေရည်များဟာ အစာရေမျိုကနေ ထွက်လာပြီး ပျို့အန်ချင်စိတ်နဲ့ မအီမသာဖြစ်စေပါတယ်။ ဗိုက်ကို ဖိပြီးနေခြင်းဟာလည်း သက်သောင့်သက်သာမဖြစ်စေဘဲ ပျို့အန်ချင်စိတ်ကို ပိုဆိုးစေပါတယ်။ တကယ်လို့ အန်ချင်စိတ်ဖြစ်နေရင် ခန္ဓာကိုယ်ကို မတ်မတ်နေရပါမယ်။ အထက်ပိုင်းကို နောက်ဖက်မှီထားသင့်ပါတယ်။ တတ်နိုင်သလောက် လှုပ်လှုပ်ရှားရှားလည်း […]

အစာအိမ်အချဉ်ပေါက်ခြင်းဆိုတာ အစာအိမ်ထဲမှာရှိတဲ့ အစားအစာများ၊ အစာချေရည်များဟာ အစာမျိုပြွန်ထဲကို ပြန်လျှံတက်လာခြင်းကို ဆိုလိုပါတယ်။ အစာမျိုပြွန်အောက်ခြေ ကြွက်သားလျော့ရဲသွားပြီး အစာအိမ်ထဲက အက်ဆစ်ဓာတ်တွေ အစာမျိုပြွန်ထဲ ရောက်ကုန်ရင် ဖြစ်တတ်ပါတယ်။ တကယ်လို့ အဲဒီအခြေအနေတွေ တစ်ပတ်ကို နှစ်ကြိမ်ထက် ပိုဖြစ်နေမယ်ဆိုရင် ဆေးပညာအရ GERD (Gastroesophageal disease) လို့ ရောဂါအမည်တပ်ပါတယ်။ အစာအိမ်အချဉ်ပေါက်ခြင်းနဲ့ ဆက်စပ်နေတဲ့ အခြေအနေတွေဟာ အောက်ပါအတိုင်း ဖြစ်ပါတယ်။ - စားသောက်ပြီးနောက် သင့်ကိုယ်ခန္ဓာ၏ ပုံစံအနေအထား - စားသောက်သည့်ပမာဏ - အစားအသောက်အမျိုးအစား စတာတွေ ဖြစ်ပါတယ်။ သင့်အနေနဲ့ အစာအိမ် အူလမ်းကြောင်းပြဿနာတခုခုဖြစ်ပြီဆိုရင် ဘယ်လောက်စားမယ်၊ ဘာစားမယ်ဆိုတာ သတိပြုသင့်ပါတယ်။ စားသောက်ပြီးချိန်မှာ မတ်မတ်ထိုင်နေခြင်း၊ အစားကို နည်းနည်းစီ အချိန်ခွဲစားခြင်း စတာတွေဟာ အစာအိမ်အချဉ်ပေါက်ခြင်းကို ကာကွယ်နိုင်ပါလိမ့်မယ်။ ဒါပေမယ့် ဘာကိုရှောင်ရမလဲ၊ ဘာကိုစားရမလဲဆိုတာဟာ စဉ်းစားဖို့ လိုပါမယ်။ အစာအိမ်အချဉ်ပေါက်ခြင်းကို ဘယ်အစားအစာတွေက […]

အစာအစားချိန်မမှန်ခြင်း၊ အပူအစပ် စားမိခြင်းတွေကြောင့် လူအများဟာ အစာအိမ်မချဉ်ပေါက်ခြင်း၊ လေချဉ်တက်ခြင်း၊ ရင်ပူခြင်း တို့ကို ကြုံတွေ့ရတတ်ပါတယ်။ အဲဒီအခါ အစာအိမ်ဆေးများနဲ့ သက်သာပျောက်ကင်းပေမယ့် ရေရှည်အတွက် အစာအိမ်အချဉ်ပေါက်ပြီး ရင်ပူနေခြင်းကို သက်သာစေဖို့ ဆိုရင် နေထိုင်မှုပုံစံတွေပါ ဆင်ခြင်ပြောင်းလဲပေးနိုင်ဖို့ လိုပါတယ်။ အဓိကကတော့ စားသောက်မှုပုံစံ ဖြစ်ပါတယ်။ အစာအိမ်အချဉ်ပေါက်ပြီး ရင်ပူနေခြင်းကို သက်သာစေဖို့ အစာအိမ်ထဲမှာ အက်ဆစ်ဓာတ်တွေများလာရင် အပေါ်ကို ပြန်ဆန်တက်ပါတယ်။ အစာရေမျိုထဲကို အချဉ်ဓာတ်တွေ လျှံတက်ပြီး ရင်ပူခြင်း၊ လေချဉ်တက်ခြင်း ဖြစ်တတ်ပါတယ်။ တခါတရံဆို အန္တရာယ်မရှိပေမယ့် မကြာခဏဖြစ်လာရင်တော့ အစာရေမျိုအတွင်းသားကို လောင်စားစေတတ်ပါတယ်။ အများစုမှာတော့ ရင်ပူခြင်း၊ လည်ချောင်းနာခြင်းတွေ ခံစားရပါတယ်။ ယခုဆက်လက်ဖော်ပြမယ့် အကြောင်းအရာတွေကတော့ ဒီပြဿနာကို ဘယ်လိုကာကွယ်နိုင်မလဲ ဆိုတာပါပဲ။ အစာအိမ်အချဉ်ပေါက်ပြီး ရင်ပူနေခြင်းကို သက်သာစေဖို့ ဆိုရင် ၁။ အစားအများကြီးမစားပါနဲ့ အစာရေမျိုကနေ အစာအိမ်ထဲဝင်တဲ့နေရာမှာ ကြွက်သားအရစ်ရှိပြီး အဆို့ရှင်လို […]

လူ့ကိုယ်ခန္ဓာဟာ ပြင်ပလေကို မျိုချမိရာကနေဖြစ်စေ၊ စားလိုက်တဲ့ အစားအစာတွေကို ချေဖျက်ရာကဖြစ်စေ အူလမ်းကြောင်းထဲမှာ လေပွခြင်းကို ဖြစ်ပေါ်စေပါတယ်။ အဲ့ဒီအခါ လေချဉ်တက်ခြင်း၊ လေပွခြင်း၊ လေလည်ခြင်း စတာတွေဖြစ်ပေါ်ပါတယ်။ ပျမ်းမျှအားဖြင့် လူတယောက်ဟာ တနေ့မှာ အနည်းဆုံး ၁၄ကြိမ်ခန့် လေလည်လေ့ရှိပါတယ်။ လူတချို့ကတော့ တခြားသူတွေနဲ့စာရင် လေပွခြင်း လေလည်ခြင်း ဖြစ်တတ်ပါတယ်။ တကယ်လို့ သင်ဟာ လေပွတတ်သူဆိုရင် သင့်ရဲ့စားသောက်မှုပုံစံတွေကို ပြောင်းလဲခြင်းအားဖြင့် အထောက်အကူ ပြုနိုင်ပါတယ်။ ယခုဖော်ပြပေးမှာကတော့ လေပွခြင်းကို အများဆုံးဖြစ်ပေါ်စေတဲ့ အစားအသောက်တွေပဲ ဖြစ်ပါတယ်။ ဒါတွေကို သတိပြုခြင်းအားဖြင့် လူအများအလယ်မှာ မကြာခဏ လေတက်ခြင်း၊ လေလည်ခြင်းတွေကို ရှောင်ရှားနိုင်မှာ ဖြစ်ပါတယ်။ ၁။ ပဲအမျိုးမျိုး လေပွစေတတ်တဲ့ အစားအစာတွေကို စဉ်းစားရင် ပဲအမျိုးမျိုးဟာ ထိပ်ဆုံးမှာ ရှိနေပါလိမ့်မယ်။ ပဲတွေမှာ raffinose ဆိုတဲ့ သကြားတမျိုး ပါဝင်ပါတယ်။ […]

အစားတခုခုစားပြီးချိန် ဝမ်းပျက်ခြင်းကို အင်္ဂလိပ်လို postprandial diarrhea (PD) လို့ ခေါ်ပါတယ်။ အစားစားပြီး သိပ်မကြာခင်မှာ ဝမ်းသွားချင်လာပြီး အိမ်သာနေရာကို အလျင်စလို ရှာဖွေရတဲ့အထိ ဖြစ်တတ်ပါတယ်။ ဒီပြဿနာရှိတဲ့ လူတချို့ဟာ ဝမ်းသွားခါနီး ဗိုက်အောင့်လာတတ်ပါတယ်။ များသောအားဖြင့် ဝမ်းသွားပြီးချိန်မှာ သက်သာသွားတတ်ပါတယ်။ အစာစားပြီး သိပ်မကြာခင် ဝမ်းပျက်ခြင်း ဘာကြောင့်ဖြစ်သလဲ အောက်ပါအခြေအနေတွေကြောင့် ဖြစ်တတ်ပါတယ်။ ဗိုင်းရပ်စ်ပိုးဝင်ရောက်ခြင်း။ အစာအိမ်အူလမ်းကြောင်းကို ဗိုင်းရပ်စ်ပိုးဝင်ရောက်ခြင်းကြောင့် အစာစားပြီး ဝမ်းပျက်ခြင်း ဖြစ်နိုင်ပါတယ်။ အဆိုပါအချိန်မှာ အစာအိမ်လမ်းကြောင်းဟာ အစားအသောက် အတော်ရွေးပြီး ဝမ်းပျက်လွယ်ပါတယ်။ ရက်အနည်းငယ်ထိ ကြာတတ်ပါတယ်။ လက်တို့စ်မတည့်ခြင်း။ နို့ထွက်ပစ္စည်းတွေမှာ တွေ့ရတဲ့ သကြားတမျိုးဖြစ်တဲ့ လက်တို့စ်နဲ့ မတည့်သူတွေဟာ လက်တို့စ်ပါတဲ့ အစားအစာတခုခုကို စားသောက်ပြီးတာနဲ့ ဝမ်းပျက်တတ်ပါတယ်။ လေပွခြင်း၊ ဗိုက်အောင့်ခြင်း၊ ဝမ်းပျက်ခြင်း စတာတွေ ကြုံရပါတယ်။ အစာအဆိပ်သင့်ခြင်း။ […]

လူအတော်များများ တစ်ကြိမ်တစ်ခါတော့ လိပ်ခေါင်းရောဂါ ရဖူးကြပါတယ်။ လိပ်ခေါင်း ရောဂါဆိုတာ အူမကြီးလမ်းကြောင်းအဆုံး၊ စအိုဝနားက သွေးကြောတွေရောင်ရမ်းပြီး ဖြစ်လာတဲ့ ရောဂါတစ်ခုပါ။ လိပ်ခေါင်း အမျိုးအစားအမျိုးမျိုးရှိပြီး အတွင်းလိပ်၊ အပြင်လိပ်စသည်ဖြင့် ခွဲခြားနိုင်ပါတယ်။ အခုဆောင်းပါးမှာတော့ လိပ်ခေါင်းရောဂါမဖြစ်အောင် စားသုံးပေးရမယ့် အစားအစာတွေကို ပြောပြပေးပါ့မယ်။ စအိုဝနားက သွေးကြောတွေအပေါ် ဖိအားသက်ရောက်မှု သာမန်ထက်များလာတဲ့အခါ လိပ်ခေါင်းရောဂါ ဖြစ်လာပါတယ်။ အိမ်သာအကြာကြီးတက်တာ၊ အဝလွန်တာ၊ ကိုယ်ဝန်ဆောင်ထားရတာ၊ အထိုင် များတာ စတာတွေအားလုံးက စအိုဝသွေးကြောတွေကို ဖိအားပိုသက်ရောက်စေပါတယ်။ ဝမ်းသွားချင်တာကို မသွားဘဲ အောင့်အီးချုပ်တည်းထားတာနဲ့ ဝမ်းမာမာတွေသွားတာလည်း လိပ်ခေါင်းထွက်အောင် အားပေးပါတယ်။ ဒါ့ကြောင့် ဝမ်းသွားချင်ရင် လုံးဝမချုပ်တည်းထားဖို့ လိုပါတယ်။ ဝမ်းပျော့ပျော့သွားဖို့အတွက် အမျှင်ဓာတ်နဲ့ ရေဓာတ်လုံလုံလောက်လောက်ရအောင် စားသောက်ရပါမယ်။ အမျှင်ဓာတ်ရဖို့အတွက် အောက်ပါအစားအသောက်တွေ များများစားပေးပါ။ ပဲမျိုးစုံ - အစားအစာတွေကနေ soluble နဲ့ […]

ဝမ်းလျှောဝမ်းပျက်ခြင်းဟာ အစာအိမ်အူလမ်းကြောင်း ပြဿနာပဲ ဖြစ်ပါတယ်။ အရွယ်ရောက်ပြီးသူအများစုဟာ နှစ်စဉ် ဝမ်းပျက်ဝမ်းလျှောခြင်းကို ကြုံတွေ့ရပါတယ်။ များသောအားဖြင့် မကောင်းတဲ့ ဘက်တီးရီးယား၊ ဗိုင်းရပ်စ် စတာတွေကို ကိုယ်ခန္ဓာကနေ ဖယ်ရှားဖို့ လုပ်ဆောင်ခြင်းကြောင့် ဖြစ်ပါတယ်။ ဝမ်းလျှောဝမ်းပျက်ခြင်းကို ဖြစ်စေတဲ့ အစားအသောက်တွေကြောင့်လည်း ဖြစ်တတ်ပါတယ်။ အများအားဖြင့် အဆိုပါအစားအစာတွေမှာ သဘာဝအတိုင်းမဟုတ်ဘဲ လူတို့ဖန်တီးထားတဲ့ ဆိုးဆေး၊ ဟင်းခတ်ပစ္စည်း စတာမျိုးတွေ ပါဝင်ပြီး စားမိသူတွေကို အစာအိမမ်အူလမ်းကြောင်းကို ထိခိုက်စေတတ်ပါတယ်။ ၁။ ပူစပ်သော ဟင်းခတ်ပစ္စည်းများ အစပ်အရသာဟာ လူတွေရဲ့ ခံတွင်းကို နှိုးဆွနိုင်ပေမယ့် အစာကြောင့် ဝမ်းပျက်ခြင်းကို အများဆုံးဖြစ်စေတဲ့ အကြောင်းအရင်းဖြစ်ပါတယ်။ အထူးသဖြင့် စားဖူးနေကြသိပ်မဟုတ်တဲ့ အစပ်ပြင်းတဲ့ အရသာမျိုးဖြစ်ပါတယ်။ ပူစပ်ေသာအရသာဟာ အစာအိမ်နံရံကိုပါ နာစေပါတယ်။ လေပွခြင်း၊ ရင်ပူခြင်း၊ ဗိုက်အောင့်ခြင်းတွေအပြင် ဝမ်းပျက်ခြင်းကိုပါ ဖြစ်စေတတ်ပါတယ်။ ငရုတ်သီးမှုန့်တွေ ငရုတ်ဆီတွေဟာ ဖြစ်စေပါတယ်။ ခံတွင်းမြိန်စေဖို့ […]