အဖျော်ယမကာများ
အဖျော်ယမကာမျိုးစုံဟာ အစာအိမ်အချဉ်ပေါက်ခြင်းကို ပိုဆိုးစေတတ်ပါတယ်။ အထူးသဖြင့်
– အယ်လ်ကိုဟော
– ကော်ဖီ၊ လက်ဖက်ရည်
– ကာဗွန်ဖြည့်ထားသော အချိုရည်များ
– ချဉ်သောအရသာရှိသော အသီးဖျော်ရည်များ စတာတွေ ဖြစ်ပါတယ်။
အခြား အစားအစာများ၊ ဆေးဝါးများ၊ အားဖြည့်ဓာတ်စာများ
အစားအစာနဲ့ဆေးဝါးမျိုးစုံဟာ အစာရေမျိုအောက်ခြေကြွက်သားကို အားလျော့စေပါတယ်။ အဲဒီအချိန်မှာ အစာအိမ်အချဉ်ပေါက်ခြင်း လက္ခဏာတွေ ဖြစ်ပေါ်လာတတ်ပါတယ်။ ဥပမာအားဖြင့် အောက်ပါအစားအစာတွေ စားသောက်ပြီးရင် ဖြစ်ပေါ်လာတတ်ပါတယ်။
– ချောကလက်
– ပူရှိန်း
– သံဓာတ် (သို့) ပိုတက်ဆီယမ် အားဖြည့်ဓာတ်စာများ
– ပဋိဇီဝဆေးများ
– အက်စ်ပရင် အပါအဝင် အကိုက်အခဲပျောက်ဆေးများ
– နိုက်ထရိတ်
– alpha-blocker ဆေးများ
– calcium channel blocker ဆေးများ
– theophylline
– tricyclics
– အဆင့်ဆင့်ပြုပြင်ထားသော အစားအစာများ စတာတွေကြောင့် အစာအိမ်အချဉ်ပေါက်ဝေဒနာ ပိုဆိုးနိုင်ပါတယ်။
ဆေးပုံမှန်သောက်ရဲ့သားနဲ့ အစာအိမ်အချဉ်ဓာတ် များနေဦးမယ်ဆိုရင်တော့ ဆရာဝန်နဲ့ ပြသတိုင်ပင်သင့်ပါတယ်။
အစားအသောက်စားသုံးတဲ့ ပုံစံကို ပြောင်းလဲခြင်း၊ အစားအသောက် ဆင်ခြင်သတိထားခြင်း စတာတွေဟာ အစာအိမ်အချဉ်ဓာတ်လျော့ပါးစေဖို့ ကူညီနိုင်မှာ ဖြစ်ပါတယ်။ အစာအိမ်ဆေးများကို ရေရှည်စွဲသုံးဖို့လည်း မကောင်းတာကြောင့် အစားအသောက်ပုံစံ၊ နေထိုင်မှုပုံစံတွေနဲ့ ထိန်းသိမ်းရမှာ ဖြစ်ပါတယ်။ အစားကို နည်းနည်းစီခွဲစားပြီး စားပြီးချိန်မှာလည်း မတ်မတ်ထိုငနေသင့်ပါတယ်။ အပူအစပ်များ၊ အချဉ်များသော အစာများကို သတိပြုစားသုံးရပါမယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။