ကလေးပြုစုစောင့်ရှောက်ခြင်း

ကျောင်းတက်ရတာကို ကလေးတိုင်းကတော့ မပျော်ကြပါဘူး။ ကျောင်းတက်ရတာကိုက အတော်လေး စိတ်ပျက်စရာကောင်းပြီး ကြီးမားတဲ့ အခက်အခဲ တစ်ခုလို့ ယူဆနေတဲ့ ကလေးတွေက အများကြီး ရှိနေပါတယ်။ အထူးသဖြင့် မူကြိုအရွယ်လေးတွေနဲ့ မူလတန်း အရွယ်လေးတွေမှာပေါ့။ အချို့ဆိုရင် အသက်ရလို့ အလယ်တန်းအရွယ်လောက်ဖြစ်နေတာတောင် ကျောင်းတက်မပျော်ကြတဲ့ သားသားမီးမီးတွေက အများကြီးပါ။ ဒီလို ကျောင်းတက်ရတာ မပျော်ဖြစ်ပြီး ကျောင်းသွားခါနီးတိုင်း ကလေးက ငိုနေတာ မှိုင်နေတာတွေက မေမေအတွက်ရော ဖေဖေ့အတွက်ပါ အတော်လေး ခက်ခဲပါတယ်။ ဒါကြောင့် အခုတစ်ခေါက်မှာတော့ ကျောင်းမတက်ချင်လို့ ငိုနေတဲ့ ကလေးကို ဘယ်လို ဖျောင်းဖျမလဲ! ဆိုတာကို ပြောပြပေးလိုက်ပါတယ်။ ကျောင်းပျင်းတာ ကလေးအပြစ်လား! မေမေဖေဖေတို့က ဘယ်လို မြင်လဲ မသိပေမယ့် ကျောင်းပျင်းတာကို ကလေးအပြစ်လို့တော့ ကျွန်မက မမြင်မိပါဘူး။  သားသားမီးမီးတွေက မွေးစကနေ အရင်ကဆို ၄ […]

ကလေးဆိုတာက ပြေးပြေးလွှားလွှား ဆော့တတ်တာက သဘာဝပါပဲ။ အဖော်စုံရင် ပိုလို့တောင် ဆိုးပါသေးတယ်။ ဒါပေမဲ့ နောက်ကလိုက်ထိန်းရတဲ့ မေမေကတော့ ပင်ပန်းတာပေါ့။ ပြေးရင်းလွှားရင်း ချော်လဲမလား၊ ချွေးတွေထွက်ပြီး အအေးပတ်မလား မိဘကတော့ မျိုးစုံစိတ်ပူတာပဲလေ။ ဒီတော့ ငြိမ်ငြိမ်လေး နေခိုင်းတာပေါ့။ ဒါပေမဲ့ ကလေးဆို လှုပ်လှုပ်ရှားရှားနေမှ ကျန်းမာမယ်၊ အကြမ်းခံတယ်၊ တော်တန်ရုံ မဖျားဘူးလို့လည်း သိထားတော့ ကလေးကို ငြိမ်ငြိမ်လေး နေခိုင်းတာက ကလေး ကိုယ်ခံအားကို ထိခိုက်စေသလား ဆိုပြီး ပြန်တွေးရပြီလေ။  ကလေးတွေ ပြေးလွှားဆော့တဲ့ခေတ် ကုန်များသွားပြီလား! ကလေးဆိုတာ ပြေးလွှားဆော့တယ်ဆိုတဲ့ ခေတ်က ကုန်များကုန်သွားပြီလားလို့တောင် ထင်စရာ ရှိပါတယ်။ ကလေးတွေ ပြေးလွှားဆော့တယ်ဆိုတာ ကိုယ်တွေခေတ်မှာပဲ ကျန်ခဲ့သလိုပေါ့။ ဒီလို ပြောရတာက အခုနောက်ပိုင်း ကလေးတွေဟာ ပြေးလွှားဆော့ဖို့ထက် ယူကျူ့ကြည့်တာ၊ ဖုန်းနဲ့ ဂိမ်းဆော့တာမျိုးတွေကို […]

သားသားမီးမီးတို့ကို ထူးချွန်ထက်မြက်စေချင်ကြတာ မိဘတိုင်းရဲ့ ဆန္ဒပါ။ ဒီလို ထူးချွန်ထက်မြက်စေချင်တယ်ဆိုတဲ့ဆန္ဒလေးမှာ အတူကပ်ပြီး ပါလာတတ်တာလေး တစ်ခုက သားသားမီးမီးတို့ကို စိတ်ဓာတ် ကြံ့ခိုင်ပြီး လူမှုပေါင်းသင်းဆက်ဆံရေး ကောင်းမွန်စေချင် ကြတာပါ။ တစ်ယောက်တည်း မွေးထားတဲ့ သားသားမီးမီးတို့ရဲ့ မိဘတွေဆို ဒီအချက်လေးကို ပိုဂရုစိုက်ကြပါတယ်။  တစ်ယောက်တည်း မွေးထားတဲ့ ကလေးက စိတ်အားငယ်တတ်တယ်ဆိုရင် မေမေဖေဖေတို့အတွက် အတော်လေး ရင်မအေးစရာ ဖြစ်ပြီပေါ့။ ဒီလိုဆိုတော့ ကလေးကို စိတ်ဓာတ်ကြံ့ခိုင်သူလေးဖြစ်အောင် သင်ကြားပေးလို့ရမလား! သားသားမီးမီးတို့ကို စိတ်ဓာတ်ကြံ့ခိုင်သူလေးတွေ ဖြစ်စေဖို့ ဘယ်လို ပျိုးထောင်ပေးမလဲ! ဆိုတာကို အတူတူ ကြည့်လိုက်ရအောင်နော်။  လူကြီးတွေ အမှုမဲ့ အမှတ်မဲ့ ဖြစ်နေတဲ့ အချက်တစ်ခု ဖေဖေမေမေတို့ အမှတ်မှားနေတာ ဖြစ်နိုင်သလို အမှုမဲ့ အမှတ်မဲ့ ဖြစ်နေတဲ့ အချက်လေး တစ်ခု ရှိနေနိုင်ပါတယ်။ ဒါကတော့ လူကြီးတွေမှာမှ […]

ကလေးတွေမှာ တစ်ခုခုစားပြီးတိုင်း ဝမ်းဗိုက်ပြဿနာတွေ ကြုံတွေ့နေရမယ်။ ဝမ်းလျှောတာ၊ လေပွတာတွေ ကြုံနေရမယ်ဆိုရင် အစာချေရခက်တဲ့ ပြဿနာ ရှိနေတာ ဖြစ်နိုင်ပါတယ်။ အထူးသဖြင့် အစားအစာတစ်ခုခုကို စားတိုင်း တိုက်တိုက်ဆိုင်ဆိုင် ဖြစ်နေတယ်ဆိုရင်ပေါ့။ ကလေးတွေမှာ အဖြစ်များတဲ့ အစာချေရခက်တဲ့ ပြဿနာ ဆိုတာ အစာချေရခက်တဲ့ ပြဿနာဆိုတာ ကလေးတွေ စားလိုက်တဲ့ အစားအစာကို ခန္ဓာကိုယ်က မချေဖျက်နိုင်တာ ဒါမှမဟုတ် အစားအစာမှာပါတဲ့ ဓာတ်ပစ္စည်းတစ်မျိုးမျိုးကို အစာချေစနစ်က ခံနိုင်ရည် မရှိတာပဲ ဖြစ်ပါတယ်။ အစာချေရခက်တာနဲ့ အစာဓာတ်မတည့်တာနဲ့ တူပါသလား။ အစာချေရခက်တာနဲ့ အစာဓာတ်မတည့်တာနဲ့က မတူပါ။ အစာဓာတ်မတည့်ဘူးဆိုတာက ကလေး စားလိုက်တဲ့အစားအစာကို သူ့ရဲ့ ခုခံအားစနစ်က တုံ့ပြန်လိုက်တာ ဖြစ်ပါတယ်။ အစာချေရခက်တဲ့ ပြဿနာမှာ ခုခံအားစနစ်မပါပါဘူး။ အစာချေစနစ်နဲ့သာ သက်ဆိုင်တာ ဖြစ်ပါတယ်။ အစာဓာတ်မတည့်တာက ပိုပြင်းထန်ပြီး လက္ခဏာအနေနဲ့ အသားယားတာ၊ နှုတ်ခမ်း၊ မျက်နှာနဲ့ […]

ကလေးတွေ မျက်တောင်ပုတ်ခတ်ပုတ်ခတ် လုပ်နေလို့ တစ်ခုခုများဖြစ်နေကြတာလားဆိုပြီး စိုးရိမ်တဲ့ မိဘတွေ၊ ခဏခဏ လာမေးတဲ့ မိဘတွေ ရှိပါတယ်။ မျက်တောင်ခတ်တာက ခန္ဓာကိုယ်ရဲ့ ပုံမှန်ဖြစ်စဉ်တစ်ခုပါ။ ဒါပေမဲ့ လိုတာထက် ပိုခတ်နေရင်တော့ အောက်ပါအချက်တွေကြောင့် ဖြစ်နိုင်ပါတယ်။ မျက်တောင်ခတ်တာက ကျန်းမာရေးအတွက် လိုအပ်ပါတယ် မျက်တောင်ခတ်တယ်ဆိုတာ ခန္ဓာကိုယ်က အလိုအလျောက် လုပ်နေတဲ့ ဖြစ်စဉ်ပါ။ မျက်တောင်ကို သတိတရ ခတ်နေစရာမလိုပါဘူး။ မျက်လုံးခြောက်တဲ့အခါ၊ အလင်းစူးစူးတွေ ကြည့်မိတဲ့အခါ၊ မျက်လုံးထဲကို တစ်ခုခုဝင်တဲ့အခါ၊ မျက်လုံးကို တစ်ခုခု အန္တရာယ်ဖြစ်တော့မယ်လို့ ထင်တဲ့အခါ အလိုအလျောက် မျက်တောင်ခတ်သွားပါတယ်။ မျက်တောင်ခတ်လိုက်ခြင်းအားဖြင့် မျက်လုံးကို စိုစွတ်စေသလို မျက်လုံးရဲ့ အပေါ်ယံလွှာကိုလည်း သန့်စင်‌စေပါတယ်။ မျက်တောင်ခတ်တာ များနေပြီလို့ ဘယ်လိုသိနိုင်မလဲ မွေးစကလေးတွေကတော့ တစ်မိနစ်ကို ၂ကြိမ်လောက်ပဲ မျက်‌တောင်ခတ်ပါတယ်။ လမ်းလျှောက်တတ်စအရွယ်ဆိုရင်တော့ တစ်မိနစ်ကို ၁၅ခါလောက် ခတ်ပါတယ်။ လူကြီးတွေကတော့ တစ်မိနစ်ကို ၁၄-၁၇ကြိမ်ထိ ခတ်ပါတယ်။ ဒီတော့ […]

မိုးလေးကုန် ဆောင်းလေးကူးချိန်ရဲ့ အလှအပတရားကို ပြည့်ပြည့်ဝဝ မခံစားနိုင်ကြသူလေးတွေ ရှိပါတယ်။ သူတို့လေးတွေကတော့ ချစ်စရာ သားသားမီးမီးတို့ကို ပိုင်ဆိုင်ထားတဲ့ ဖေဖေမေမေတွေပါ။ ကလေးတွေက ကိုယ်ခံအား ပြည့်ပြည့်ဝဝ မဖွံ့ဖြိုးသေးတာကြောင့် ရာသီ အကူးအပြောင်းမှာ ဖျားနာမှု ဖြစ်လွယ်ကြပါတယ်။ ဒီတော့ မိုးကုန်လို့ ဆောင်းကူးချိန်မှာ အေးမြတဲ့ ဆောင်းတွင်းကို မပျော်ခင်မှာ ခေါင်းထဲကို အရင်ဆုံး ရောက်လာတဲ့ အတွေးက အိမ်က သားသားများ  ဖျားလေမလား! မီးမီးများ ဖျားလေမလား! ဟုတ်။  ဒါဆိုရင်တော့ အခုပြောပြမယ် အကြောင်းအရာလေးကို အမြန်ဆုံး ဖတ်ကြည့်ဖို့ လိုနေပါပြီလို့ ပြောချင်ပါတယ်။ ဒီလိုပြောရတာက အခုတစ်ခေါက်မှာ ချစ်ရတဲ့ မေမေ ပရိသတ်တို့အတွက် ဆောင်းတွင်းမှာ သားသားမီးမီး ကိုယ်ခံအား တက်စေဖို့ ဘာတွေ ဂရုစိုက်ပေးဖို့ လိုမလဲ ဆိုတဲ့ အကြောင်းလေးမို့လို့ပါ။  https://hellosayarwon.com/parenting/school-age-children/school-age-children-nutrition/natural-ways-to-boost-childrens-immune-system/ ဆောင်းရာသီမှာ […]

Baby-led weaning (BLW) ဆိုတာ ကလေးက ဦးဆောင်ပြီး အစာစားတာ ဖြစ်ပါတယ်။ ပုံမှန်ဆိုရင် ဖြည့်စွက်စာ စစားတဲ့အရွယ်မှာ ကလေးတွေကို လူကြီးက ဇွန်းနဲ့ ခွံ့ပေမယ့် BLWမှာတော့ ကလေးက ကိုယ့်ဟာကိုယ် ကိုင်စားတာ ဖြစ်ပါတယ်။ Baby-led weaning ရဲ့ ကောင်းကျိုးဆိုးကျိုး တွေက အများကြီး ရှိတာကြောင့် ဖြည့်စွက်စာ မကျွေးခင်မှာ ဒါကို လေ့လာထားသင့်ပါတယ်။ Baby-led weaning ဆိုတာ Baby-led weaning ဆိုတာ ကလေးကို ကိုယ့်အားကိုယ်ကိုးပြီး စားစေတဲ့ သဘောပါပဲ။ စားပွဲမှာထိုင် ကိုင်စား၊ ကလေးပီပီ ဖွချင်လည်းဖွ၊ ဆော့ချင်လည်းဆော့ဆိုပြီး လွတ်လပ်ခွင့်ပေးထားတဲ့ သဘောပါ။ ကလေးနဲ့ အစားအစာကို ရင်းနှီးသွားအောင် လုပ်ပေးတဲ့သဘောဆိုလည်း ဟုတ်ပါတယ်။ အစားအစာတစ်ခု ကလေးပါးစပ်ထဲရောက်ဖို့ မိခင်က တိုက်ရိုက်မထည့်ပေးဘဲ ကလေးကို […]

ပဲနီလေး ဟင်းချိုလေးကို ဆီချက်နိုင်နိုင်လေးနဲ့ ချက်ထားတာ အတော်လေး စားကောင်းပါတယ်။ ဒီလိုပဲဟင်းချိုလေးကို ကလေး လူကြီးမရွေး ကြိုက်ကြပြီး အာဟာရကလည်း ပြည့်ပါတယ်။ ဒီလို ထမင်းမြိန်ပြီး အာဟာရပြည့်တဲ့ ပဲနီလေး ဟင်းချိုလေးကို ဘေဘီလေးကိုရော ကျွေးလို့ ရမလားဆိုပြီး သိချင်နေတဲ့သူတွေလည်း ရှိမယ် ထင်ပါတယ်နော်။ ဒါကြောင့် အခုတစ်ခေါက်တော့ မေမေတို့ သိချင်နေလောက်မယ့် ဘေဘီလေးကို ပဲနီလေး ဟင်းချို ကျွေးလို့ ရမလား! ဘေဘီလေးကို ပဲနီလေး ကျွေးပေးမယ်ဆိုရင် ဘယ်လို အကျိုးကျေးဇူးတွေကို ရနိုင်မလဲ! ဆိုတာကို ပြောပြပေးချင်ပါတယ်။ ပဲနီလေး ဆိုတာ ပဲနီလေး ဆိုတာက အနီရောင် ပဲစေ့ သေးသေးလေးတွေပါ။ ချက်လိုက်ရင်တော့ အဝါရောင် ဖျော့ဖျော့လေး အဖြစ်ပြောင်းသွားတတ်ပြီး အရသာက ချိုချိုဆိမ့်ဆိမ့်လေးပါ။ ဟင်းချို ချက်စားလို့ ရသလို ပဲနှပ်လိုလေး […]

အာလူးက ကစီဓာတ် ကြွယ်ဝသလို အာလူးစားပေးတာက ခန္ဓာကိုယ်ကို ကျန်းမာစေတယ်ဆိုတာကို လူတိုင်းလိုလို သိထားပြီး ဖြစ်မှာပါ။  အာလူးက အာဟာရ ကြွယ်ဝရုံတင်လား ဆိုတော့ မဟုတ်ပါဘူး။ စားလို့လည်း ကောင်းပါသေးတယ်။ ဒီလို စားလို့ ကောင်းတဲ့ အာလူးလေးကို ပူပူလေးကြော် ထမင်းဖြူလေးနဲ့ စားတုန်း ဘေဘီလေးက နည်းနည်းဆိုလို့  ဘေဘီလေး အာလူး စားလို့ရမလား! ဆိုပြီး သိချင်နေပြီလား မေမေ ....... ဒါဆိုရင် ဆောင်းပါးလေးကို ဖတ်ကြည့်စေချင်ပါတယ်။ အာလူး ဆိုတာ အာလူးဆိုတာက ကလေးရော လူကြီးတွေပါ နှစ်ခြိုက်ကြတဲ့ စားစရာ တစ်မျိုးပါ။ ကစီဓာတ် ပြည့်ဝစွာ ပါဝင်နေပြီ အခွံညိုညိုလေးနဲ့ အတွင်းသားက အဖြူရောင်လေး ရှိသလို အဝါရောင်သန်းသန်းလေးလည်း ရှိပါတယ်။ အာလူးအမျိုးအစားပေါ် မူတည်ပြီး အသားမွမွလေးရော စီးပိုင်ပိုင်လေး အမျိုးမျိုး […]

ကိုယ့်ရဲ့ သားသားမီးမီးတွေကို နေ့ရက်တိုင်းမှာ အာဟာရပြည့်ဝစွာနဲ့ အကောင်းဆုံး ကြီးထွားဖွံ့ဖြိုးလာစေချင်တဲ့ ဆန္ဒ မိဘတိုင်းမှာ ရှိပါတယ်။ သားသမီးတိုင်းက မိဘတိုင်းအတွက် တန်ဖိုး မဖြတ်နိုင်တဲ့ ရတနာဖြစ်တာနေတာကိုး။ ဒီဆန္ဒလေးကို ပြည့်ဝအောင် အကောင်အထည်ဖော်ရာမှာလည်း ဖေဖေမေမေတို့ အနေနဲ့  နည်းမျိုးစုံနဲ့ ကြိုးပမ်းတတ်ကြပါသေးတယ်နော်။ ဒီလို ကြိုးပမ်းကြတဲ့အခါ ကလေးကို အာဟာရ ပြည့်ချင်ဇောနဲ့ လုပ်မိနေတဲ့ ဖေဖေမေမေတို့ရဲ့ အလွဲလေးများ အကြောင်းကို သတိထားနိုင်စေဖို့ ဖော်ပြပေးလိုက်ပါတယ်။  ဒီအလွဲလေးတွေက ဘာတွေများ ဖြစ်မလဲ! ကိုယ်တိုင်ရော လုပ်များလုပ်မိနေလားဆိုတာကို သိနိုင်ဖို့ အတူတူ ကြည့်လိုက်ရအောင်နော်။  https://hellosayarwon.com/parenting/toddler-preschooler/toddler-nutrition/can-children-eat-adult-foods/ ကလေးကို အာဟာရ ပြည့်ချင်ဇောနဲ့ လုပ်မိနေတဲ့ ဖေဖေမေမေတို့ရဲ့ အလွဲလေးများ ကလေးကို အာဟာရ ပြည့်ချင်ဇောနဲ့ လုပ်မိနေတဲ့ ဖေဖေမေမေတို့ရဲ့ အလွဲလေးများ ကတော့ တစ်ခု မကရှိနိုင်တာပေါ့နော်။ မိဘတွေ တစ်ယောက်နဲ့ တစ်ယောက် […]