ကလေးကို ကျောင်းသွားရတာက သူ့အတွက် ခက်ခဲတယ်ဆိုပေမယ့် ကျောင်းတက်မှ စာလုံးလေးတွေကို သိလာမယ်။ အနီးဝန်းကျင်က အရာလေးတွေကို ဘယ်လို ခေါ်လဲဆိုတာတွေကို သိလာမယ်။ သူငယ်ချင်းတွေ ရလာမယ် စသဖြင့် ကလေးကို ရှင်းပြပါ။
ထမင်းဘူးလေးကို သေချာ ပြင်ဆင်ပေးပါ
ကလေးကို ထမင်းဘူးလေးကို သူကြိုက်တတ်တဲ့ ဟင်းလေးတွေ ပြင်ဆင်ပေးထားကြောင်း အသိပေးရင်း ကျောင်းသွားချင်အောင် စည်းရုံးပါ။ ကျောင်းကပြန်လာရင်လည်း ကျောင်းတက်တဲ့အတွက် ဆုချတဲ့ အနေနဲ့ ဘယ်လိုလေးတွေ ပြင်ဆင်ပေးမယ်ဆိုတာမျိုးလေးကို သေချာရှင်းပြရင်း ကျောင်းသွားချိန် ငိုတာကို ရှောင်ဖို့ လုပ်ပါ။
ကျောင်းက ပြန်လာချိန်မှာ ကလေးကို ချီးကျူးဖို့ မမေ့ပါနဲ့
ကလေးက ကျောင်းသွားရတာ ပျော်လာပြီး သူ့ကိုယ်သူ ယုံကြည်မှု တိုးလာစေဖို့အတွက် ကလေးကို ကျောင်းက ပြန်ရောက်တိုင်းမှာ သားသားက တော်လိုက်တာ မီးမီးက လိမ္မာလိုက်တာ ကျောင်းသွားတယ်။ တစ်နေ့တာ ကျောင်းမှာ သူငယ်ချင်းတွေနဲ့ ကောင်းကောင်းဆော့တယ်၊ မန်းမန်းတွေလည်း ကုန်အောင် စားတယ်လို့ ဆရာမကလည်း ပြောတယ်။ မေမေ့ ကလေးလေးက တော်လိုက်တာ စသဖြင့် ချီးကျူးပေးပါ။
ဒီလို ချီးကျူးပေးတာက ကလေးကို ကျောင်းတက်ဖို့ စိတ်အားထက်သန်စေမှာပါ။
ကလေးကို ကျောင်းမနောက်ကျအောင် ဂရုစိုက်ပါ
ကလေးက တစ်ခါတလေမှာ ကျောင်းမသွားချင်တာက ကျောင်းနောက်ကျမှ သွားရလို့၊ ပြန်လာကြိုချိန် မေမေက နောက်ကျလို့ စတာတွေကြောင့်လည်း ဖြစ်နိုင်ပါတယ်။ ဒါကြောင့် ကလေးကို ကျောင်းပို့ချိန်ကိုလည်း အချိန်မီ ပို့ပေးပြီး ပြန်ကြိုချိန်မှာလည်း နောက်မကျဖို့ ဂရုစိုက်ပေးပါ။ ကျောင်းကြိုနောက်ကျတာကလည်း ကလေးကို ကျောင်းမတက်ချင်အောင် ဖြစ်စေနိုင်ပါတယ်။
ကလေးက ကျောင်းမသွားချင်လို့ အချိန်ဆွဲတာမျိုးကို ခွင့်မပြုမိပါစေနဲ့
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။