ကလေးပြုစုစောင့်ရှောက်ခြင်း

သားသားမီးမီးလေးတွေကျန်းမာနေတာကမေမေ့အတွက်ပျော်စရာတစ်ခုပါ။ သားသမီးလေးတွေ ကျန်းကျန်းမာမာနဲ့သောင်းကျန်းဆော့ကစားနေတာက ထိန်းရသိမ်းရပင်ပန်းတယ်ဆိုပေမယ့် ဖျားနေတာထက် ပိုကောင်းတယ်ဆိုတာကို လက်ခံတယ်မှတ်လားမေမေတို့။ ဒီခံစားချက်ကိုမေမေတွေပဲပိုနားလည်မှာပါ။ ကလေးနေမကောင်းဖြစ်တာကတော်တော်လေးစိတ်ဖိစီးရသလို ပင်ပန်းခက်ခဲတဲ့ အခြေအနေတစ်ရပ်ပါ။ မိခင်ဘဝရဲ့ ခက်ခဲတဲ့ အစိတ်အပိုင်းတစ်ခုဆိုလည်း အမှန်ပဲပေါ့။ မေမေတို့အတွက် အသုံးတည့်စေမယ့် ကလေးတွေဖျားနာတဲ့အခါ ဘယ်လိုစောင့်ရှောက်ပေးရမလဲဆိုတာကို အခုဆောင်းပါးလေးထဲမှာပြောပြပေးလိုပါတယ်။ ကလေးကအရမ်းငယ်နေသေးတဲ့အရွယ်ဖြစ်မယ်ဆိုရင် မိဘတွေက ကလေးရဲ့ အမူအရာလေးတွေကို ကြည့်ပြီး ဘယ်နေရာမှာနေမကောင်းဖြစ်နေလဲဆိုတာကို စဉ်းစားရတာကလည်း မိခင်ဘဝရဲ့တာဝန်တစ်ရပ်ပါ။ ကိုယ်ရဲ့ ရင်သွေးလေးတွေကို ခံစားနေရတဲ့ဝေဒနာတွေ သက်သာအောင်လုပ်ပေးချင်တာကတော့ မိဘတိုင်းလိုလိုမှာရှိနေမယ့်မေတ္တာတရားပေါ့။ဘေဘီလေးတွေနေထိုင်မကောင်းဖြစ်တဲ့အခါဘယ်လိုများပြုစုပေးမလဲ ဆက်ကြည့်လိုက်ရအောင်ပါ။ ကလေးတွေနေထိုင်မကောင်းတဲ့အခါ အခုလိုပြုစုပေးပါ (၁) ကလေးကို သက်တောင့်သက်သာဖြစ်အောင်ထားပေးပါ ကလေးကဖျားနေတဲ့အခါမျိုးမှာ ကလေးကို သက်တောင့်သက်သာဖြစ်အောင်ထားပေးပါ။ စိတ်ပိုင်းဆိုင်ရာကျန်းမာလာစေဖို့အတွက်လည်း အားပေးစကားလေးတွေပြောပေးပါ။ အရင်ကထက်ပိုဂရုစိုက်ပေးပါ။ ကလေးအနားမှာထိုင်ပါ၊ ပုံပြင်စာအုပ်ဖတ်ပြပေးပါ၊ သီချင်းဆိုပြပေးပါ၊ ကလေးရဲ့ လက်ကလေးတွေကို ကိုင်ထားပေးပါ၊ ကလေးကအရမ်းငယ်သေးရင်ပွေ့ချီထားပေးပါ။ ဒီအပြုအမူလေးတွေက ကလေးကိုမြန်မြန်နေကောင်းလာစေဖို့ အထောက်အကူရပါတယ်။ (၂) အိပ်ရေးဝဝအိပ်ပါစေ ကလေးတွေကိုပြည့်ပြည့်ဝဝအနားယူခွင့်ပေးတာက ကလေးတွေကို ကျန်းမာလာစေမယ့်နည်းလမ်းတစ်ခုပါ။ ကလေးကဖျားနေတဲ့အခါကျောင်းသွားခိုင်းတာမျိုး၊ […]

ငယ်ငယ်ကတော့ ကိုယ်တွေ စကားနားမထောင်ဘူးဆိုရင် အမေက ကြိမ်လုံးနဲ့ တီးတာပဲဟုတ်။ ဒီဘက်ခေတ်မှာတော့ ဒီအယူအဆတွေက ပြောင်းလဲလာပါပြီ။ ကလေးတွေကို ရိုက်ပြီးဆုံးမမှဖြစ်မှာလား ။ သင်ကိုယ်တိုင်ရော ဘယ်လို ထင်ပါသလဲ။ ကိုယ်တိုင်ရဲ့ ယူဆချက် မှန်ရဲ့လားဆိုတာကို ဆန်းစစ်ကြည့်ရအောင်နော်။ ကလေးတွေကို ရိုက်ပြီးဆုံးမမှဖြစ်မှာလား သားသမီးကို ဆုံးမတာလည်း ဆုံးမတာပေါ့လေ။ ဒါပေမယ့် ကလေးတွေကို  ရိုက်မောင်းပုတ်မောင်း နဲ့ ဆုံးမတာမျိုးကတော့ ဘယ်လိုမှ မဖြစ်သင့်တဲ့ ဆုံးမမှုမျိုးပါ။ သားသမီးတွေကို ရိုက်နှက်ဆုံးမခြင်းအားဖြင့် ကလေးတွေဟာ- လူကြောက်တတ်၊ လူရှိန်တတ်လာမယ်၊ အပေါင်းအသင်းမဆန့်တော့ဘူး။ လူစိမ်းတွေကို ကြောက်တတ်လာမယ်။ ရန်လိုဒေါသထွက်တတ်လာမယ်။ ထိခိုက်အနာတရဖြစ်မယ်။ စိတ်ဒဏ်ရာတွေ ရသွားမယ် အစရှိတဲ့ ပြဿနာတွေနဲ့ ကြုံတွေ့လာရနိုင်ပါတယ်။ ဒါကြောင့် ကလေးတွေကို ရိုက်နှက်ဆုံးမရတဲ့ အခြေအနေမဆိုက်ရအောင် ဘာတွေ လုပ်နိုင်မလဲဆိုတာကို ကြည့်ကြရအောင်။ ၁။ ပတ်ဝန်းကျင် အနေအထားကို ပြောင်းပေးပါ။ မီးဖိုချောင်ထဲ၊ ကြောင်အိမ်ထဲကို […]

သင့်ကလေး ဆယ်ကျော်သက်အရွယ်မှာ ခံစားရလေ့ရှိတဲ့ စိတ်ခံစားမှု ပဋိပက္ခတွေကို ဘယ်လို ကူညီရင်ဆိုင်ပေးမလဲ? ဟိုးအရင်ကတည်းက ပြောလေ့ရှိတဲ့ စကားလေးလိုပါပဲ ..... 'ဆယ်ကျော်သက်အရွယ်ဆိုတာဟာ လေတိုက်လို့ သစ်ရွက်ကလေး လှုပ်ရင်တောင် ရယ်ချင်သလို ငိုချင်သလို ဖြစ်တဲ့အရွယ်'လေ။ ဒီလို အရွယ်ရောက်ရင် ဆယ်ကျော်သက် အတော်များများဟာ စိတ်ခံစားမှုဆိုင်ရာ ပဋိပက္ခတွေကို ခံစားရလေ့ရှိတာ ဓမ္မတာပါပဲ။ ဆယ်ကျော်သက်တိုင်းတော့ မဟုတ်ဘူးပေါ့လေ။ ခန္ဓါကိုယ်အတွင်း ဇီဝကမ္မဖြစ်စဉ်တွေကြောင့် ကြီးကောင်ဝင်လာပြီ၊စိတ်ကစားချင်လာပြီ၊ကျောင်းစာတွေကလည်း အရင်နှစ်တွေကထက် ပိုများလာမယ်၊ကျောင်းပြင်ပ အားကစားလှုပ်ရှားမှုတွေ၊အဖွဲ့အစည်းနဲ့ စုဖွဲ့လှုပ်ရှားမှုတွေကို ပိုကြုံတွေ့လာရမယ် စသဖြင့် ဒီလိုမျိုး ဘေးတီးပေးနေတဲ့ အချက်တွေကြောင့်လည်း သင့်ကလေးအနေနဲ့ စိတ်ပိုင်းဆိုင်ရာဖိစီးမှု၊အဆင်မပြေမှုတွေနဲ့ ရင်ဆိုင်လာရတတ်ပါတယ်။ ဒီလို အခြေအနေမျိုးမှာ သင့်ဖက်ကနေ သင့်တင့်လျောက်ပတ်တဲ့ နည်းမှန်လမ်းမှန်တွေကို သုံးပြီး ထိန်းကျောင်းပေးမယ်ဆိုရင် ကလေးအတွက် များစွာ အကျိုးဖြစ်ထွန်းမယ့်အပြင် သင့်အနေနဲ့လည်း မိဘတယောက်ရဲ့ ပီတိကို […]

တကယ်လို့ သင့်ကလေးက သူ့ရဲ့ပန်းကန်ထဲမှာထည့်ပေးထားတဲ့ အစားအသောက်တွေကို မလှုပ်တလှုပ်နဲ့ ကုန်အောင်မစားတာနဲ့ပဲ ကလေးက အစားအသောက်ကြေးများတဲ့သူလို့မြန်မြန်ဆန်ဆန်ကြီးမဆုံးဖြတ်လိုက်ပါနဲ့။ ကလေးကအစားအသောက်တွေကို ဟက်ဟက်ပက်ပက်ကြီးမစားရတဲ့အကြောင်းအရင်းတွေက အများကြီးရှိနေနိုင်ပါတယ်။ အဖြစ်နိုင်ဆုံးသောအချက်တွေထဲကတစ်ခုကတော့ ကလေးရဲ့ အစာခြေစနစ်မှာ ပြဿနာရှိနေတာဖြစ်နိုင်ပါတယ်။ ဒီနေရာမှာ မေးစရာတစ်ခုရှိလာနိုင်ပါတယ်။ ဒါကတော့ ကလေးမှာ အစာခြေစနစ်ပြဿနာရှိနေလားဆိုတာကို ဘယ်လိုသိနိုင်မှာလဲ ဆိုတဲ့အချက်ပါ။ အစာခြေစနစ်ပြဿနာ အဓိပ္ပါယ်ဖွင့်ဆိုချက်နဲ့လက္ခဏာရပ်များ အစာခြေစနစ်ပြဿနာဖြစ်စေတဲ့အကြောင်းအရင်းတွေကဘာတွေများလဲ။ အစာခြေစနစ်ကိုပြဿနာဖြစ်စေတဲ့အကြောင်းအရင်းတွေကရောဂါပိုးကူးစက်တာ၊ အစားအစာဓါတ်မတည့်တာတွေကနေစလို့ဘေဘီလေးတွေကို အခင်းကြီးသွားတတ်အောင်လုပ်ဆောင်ပေးတဲ့အလေ့အကျင့်တွေအထိဖြစ်နိုင်ခြေတွေကတော့ အဆုံးအစမရှိပါပဲ။ ကလေးမှာခံစားနေရတဲ့ အစာခြေစနစ်ပြဿနာက သိပ်မပြင်းထန်ဘူးဆိုရင်ဆေးခန်းပြစရာမလိုဘဲ အိမ်မှာတင်ဘဲ ကုသလို့ရပေမယ့်အောက်မှာပြောပြမယ့်လက္ခဏာတွေထဲက တစ်ခုခုပဲဖြစ်နေပြီဆိုရင်တော့ တတ်ကျွမ်းနားလည်သူနဲ့ အမြန်ဆုံးသွားရောက်ပြသဖို့လိုမှာဖြစ်ပါတယ်။ (၁) ဝမ်းလျှောခြင်း ဝမ်းအရည်တွေသွားနေတာ ချွဲလိုမျိုးဝမ်းတွေသွားနေတာ သွေးဝမ်းသွားနေတာ ကလေးက တစ်နေ့တာအတွင်း ဝမ်း ၅ကြိမ်လောက်သွားနေတာ ၃ရက်ကျော်တဲ့အထိ ကလေးက ဝမ်းလျှောနေတာ (၂) ဝမ်းချုပ်ခြင်း ကလေးက တစ်ပတ်ကို ၃ ကြိမ်လောက်ပဲဝမ်းသွားတာ အော့အန်တာ၊ဖျားတာ၊ကိုယ်အလေးချိန်ကျတာ၊ ဝမ်းဗိုက်ရောင်ရမ်းမှုနဲ့အတူ ဝမ်းချုပ်နေတာ (၃)အော့အန်ခြင်း အန်တဲ့ထဲမှာသွေး […]

မိခင်နို့က ကလေးရဲ့ဖွံ့ဖြိုးကြီးထွားမှုကိုမြှင့်တင်ပေးနိုင်တဲ့ အာဟာရဓာတ်တွေများစွာပါဝင်နေတဲ့ အစားအစာတစ်ခုဖြစ်တာကြောင့် ကလေးငယ်လေးတွေကို မဖြစ်မနေ မိခင်နို့တိုက်ကျွေးသင့်ပါတယ်။ ဒီအချက်ကပဲ မိခင်လောင်းအသစ်စက်စက်တွေကို အာဟာရပြည့်ဝတဲ့ နို့ရည်ရရှိစေဖို့ ဘယ်လိုလုပ်ဆောင်ရမလဲဆိုတာ ပိုစိတ်ဝင်စားစေတာပါ။ ဒီတော့ မိခင်နို့ထွက်များစေမယ့် အစားအစာများ အကြောင်းကို လေ့လာလိုက်ရအောင်နော်။ မိခင်နို့ထွက်များစေမယ့် အစားအစာများ မိခင်နို့ထွက်များစေမယ့် အစားအစာများ ကတော့ ဘာလီ (Barley) International Board Certified Lactation Consultant တစ်ဦးဖြစ်တဲ့ အာဟာရဗေဒဆိုင်ရာကျွမ်းကျင်သူ Alicia C. Simpson ကတော့ ဘာလီစေ့က prolactin လို့ခေါ်တဲ့ နို့ရည်ထွက်ရှိစေတဲ့ ဟော်မုန်းပမာဏကိုမြင့်တက်စေနိုင်တဲ့ beta-glucan ကြွယ်ဝစွာပါဝင်တဲ့ အစားအစာတစ်မျိုးပါလို့ပြောကြားထားပါတယ်။ ဘာလီက မိခင်နို့ကို အာဟာရပြည့်ဝစေရုံသာမက မိခင်ရဲ့ ခန္ဓာကိုယ် ကိုယ်ခံအားကိုလည်း တိုးတက်ကောင်းမွန်စေနိုင်ပါတယ်။ အုတ်ဂျုံ ဘာလီပြီးရင်တော့ ဒုတိယမြောက်beta-glucan ပါဝင်မှုအများဆုံးအစားအသောက်က အုတ်ဂျုံပါ။ အုတ်ဂျုံက မိခင်နို့ရည်ထွက်ရှိမှုကို တိုးစေနိုင်တယ်လို့ လူသိများတဲ့ […]

lcFOS ဆိုတာဘာလဲ လူ့ခန္ဓါကိုယ်ရဲ့အစာခြေစနစ် အတွင်းမှာ အဏုဇီဝပိုးမွှားလေးတွေ ထရီလျံနဲ့ချီပြီး ရှိနေပါတယ်။ အဲဒီထဲမှာ ဘက်တီးရီးယား၊ ဗိုင်းရပ်စ်နဲ့မှိုပိုးတွေ ပါဝင်ပါတယ်။ ဘက်တီးရီးယားဆိုတာနဲ့ မကောင်းတာမဟုတ်ပါဘူး။ တချို့ဘက်တီးရီးယားတွေက အစာကိုချေဖျက်ပြီး အာဟာရဓါတ်စုပ်ယူဖို့ အထောက်အကူပေးတာကြောင့် ခန္ဓါကိုယ်အတွက်ကောင်းကျိုးပြုပါတယ်။ ဒီလိုအကျိုးပြုဘက်တီးရီးယားတွေကိုProbiotics လို့ခေါ်ပါတယ်။Probioticsတွေက အူလမ်းကြောင်းမှာ လုံလောက်တဲ့အရေအတွက်ရှိနေမှ အစာခြေစနစ်ကောင်းမွန်ပြီး ကျန်းမာစေမှာဖြစ်ပါတယ်။ Probioticsတွေအတွက်က lcFOS လို Prebioticsတွေလိုအပ်ပါတယ်။Prebiotics ဆိုတာ အူထဲမှာချေဖျက်စုပ်ယူလို့မရပေမယ့် အစာခြေလမ်းကြောင်းထဲမှာကျန်ရှိနေပြီး အူတွင်းဘက်တီးရီးယားတွေအတွက် အာဟာရအဖြစ်ထောက်ပံ့ပေးတဲ့ ကာဗိုဟိုက်ဒရိတ်တွေ သို့မဟုတ် အမျှင်ဓါတ်တွေဖြစ်ပါတယ်။ lcFOS ဆိုတာprebiotic တစ်မျိုးဖြစ်တဲ့long chain fructo-oligosaccharides ရဲ့ အတိုကောက်ဖြစ်ပါတယ်။ မိခင်နို့ နဲ့ နို့မှုန့်တချို့မှာ ပါရှိတဲ့ lcFOS က ကလေးရဲ့အူမကြီးအတွင်းမှာရှိတဲ့ အကျိုးပြုဘက်တီးရီးယားလေးတွေရဲ့ ဖွံ့ဖြိုးမှုနဲ့လုပ်ဆောင်ချက်ကို နှိုးဆွပေးနိုင်စွမ်းရှိပါတယ်။ ဒါ့ကြောင့်ပဲ ကလေးတွေမှာ ဝမ်းမှန်စေပြီးမွေးကင်းစအရွယ်ဝမ်းချုပ်ခြင်းကို ကာကွယ်ပေးနိုင်ပါတယ်။   Prebioticsတွေက အစာချေဖျက်နိုင်စွမ်းနဲ့ […]

၉ လလုံးလုံး သားအိမ်ထဲမှာနေရင်း အခြားသူတစ်ယောက်ရဲ့ စားသုံးတဲ့အစားအသောက်တွေ၊ ကာကွယ်ပေးမှု နဲ့ အနွေးဓါတ်ပေါ်မှာ မှီခိုနေခဲ့တာပါ။ လူတစ်ယောက်အပေါ်မှာမှီခိုနေရင်း အသက်ရှင်ခဲ့ရမှုကနေတဆင့်ပြောပြဖို့မလွယ်တဲ့ သံယောဇဉ်တစ်ခုတည်ဆောက်နိုင် ခဲ့သလို ရိုသေလေးစားချစ်ခင်မှုတွေပေါက်ဖွားလာခဲ့ပါတယ်။ ဒီလိုမှီခိုနေတာကို ကြည်ကြည်ဖြူဖြူခွင့်ပြုပေးရင်းစောင့်ရှောက်ပေးခဲ့သူက အခြားသူမဟုတ်ပါဘူး မေမေပါ။ ဘဝမှာတွေ့ကြုံရတဲ့ အကောင်းအဆိုးတွေမှန်သမျှကို မျှဝေခံစားပေးတဲ့ အရင်းနှီးဆုံးသူက မိခင်ပါ။ ကမ္ဘာပေါ်မှာ မေတ္တာတရားအကြီးမားဆုံးသူတွေကိုပြပါဆိုရင် မိခင်တွေပဲဖြစ်မှာပါ။ မေမေကတော့ အရွယ်ရောက်ကြီးပြင်းလာတဲ့ တစ်လျှောက်လုံး တွေ့ဆုံခဲ့ရသူတွေထဲမှာ အနွေးထွေးဆုံးသူပါ။ သားသမီးတွေပျော်ရွှင်နေလား၊ စိတ်ညစ်နေလား၊ အခက်အခဲဖြစ်နေလားဆိုတာနဲ့ နှစ်သိမ့်အားပေးမှုကိုလိုအပ်နေလားဆိုတာကို မပြောဘဲသိရှိနိုင်သူကမေမေတွေပါ။ စိတ်ဓါတ်ကျစရာတွေနဲ့တွေ့တိုင်း နှစ်သိမ့်အားပေးရင်းရှေ့ဆက်လျှောက်ဖို့ အင်အားတွေဆောင်ကြဉ်းပေးတာ လုံခြုံနွေးထွေးမှုကို ခံစားရအောင်လုပ်ဆောင်ပေးနိုင်သူက မေမေအပြင်အခြားမရှိပါဘူး။ အူဝဲလို့အော်ရင်း ငိုယိုပြီး လူ့လောကထဲကို ဝင်လာနိုင်ဖို့ ခက်ခက်ခဲခဲမွေးထုတ်ပေးခဲ့ရသူတွေကမေမေတွေပေါ့။ မွေးဖွားသန့်စင်ပြီးချိန်မှာ ကိုယ့်ကိုနွေးနွေးထွေးထွေးလေးပွေ့ဖက်ပြုစုစောင့်ရှောက်ပေးတဲ့ လက်တစ်စုံ ပိုင်ရှင်ကို ဘယ်သူဘယ်ဝါဆိုတာမသိသေးပေမယ့်မေမေကတော့မွေးလာတဲ့သားသားမီးမီးလေးတွေကို ဘယ်လိုပဲဖြစ်ဖြစ် ဘုရားပေးတဲ့ လက်ဆောင်အဖြစ်ကျေကျေနပ်နပ်ကြီး လက်ခံလိုက်ပါပြီ။ ကိုယ်ကမရင်းနှီးပေမယ့် […]

အဓိပ္ပါယ်ဖွင့်ဆိုချက်Febrile seizures in children (ကလေးများတွင်အဖျားကြောင့်တက်သောရောဂါ) ကဘာလဲ။ လျင်မြန်စွာ ကိုယ်ပူချိန်မြင့်တက်လာသော ကလေးများတွင်အဖျားကြောင့်တက်တတ်သည်။ သင့်ကလေးများ တွင် အဖျားရှိကြောင်းသင်မသိနိုင်သည်လည်းဖြစ်နိုင်သည်။ ထိုသို့ တက်ခြင်းသည် ကိုယ်ပူချိန်တက်လာသည့် အချိန်ခဏအတွင်းတွင်ပင်ဖြစ်ပွားတတ်သည်။ ကိုယ်ပူချိန်သည်အလွန်မြင့်သွားသောအခါ တက်နိုင်ချေသည် ကုန်ဆုံးသွားနိုင်သည်။ ကလေးအများစုသည် 39*C အထက်တွင် ထိုရောဂါဖြစ်ပွားတတ်သည်။ အကယ်၍ အောက်ပါကဲ့သို့ဖြစ်ပါက တက်ခြင်းသည် အဖျားနှင့် ပတ်သတ်နိုင်သည်။ 24နာရီအတွင်းမှာ တစ်ခါတက်နေခြင်း တခါတက်လျှင်15 မိနစ်ထက်မကြာခြင်း တစ်ကိုယ်လုံးတုန်၍တက်ခြင်း ကိုယ်တစ်ခြမ်းသာမတက်ခြင်း တက်သောကလေးသည် 6 လမှ 5နှစ်အတွင်းသာရှိခြင်း ထိုကလေးတွင် အာရုံကြောရောဂါများမရှိခြင်း ထိုကလေးတွင် အရင်ကတည်းက အဖျားကြောင့်တက်ဖူးခြင်း အဖျားကြောင့်တက်ခြင်းသည် ထိတ်လန့်ဖွယ်ကောင်းသော်လည်း ကလေးကို အများအားဖြင့် ဘေးရန်မပေးနိုင်သည့်အပြင် ဦးနှောက် ထိခိုက်ခြင်း၊ဉာဏ်ရည်ထိခိုက်ခြင်း၊(သို့)ဉာဏ်ရည်နိမ့်ပါးခြင်း စသော နာတာရှည်ပြဿနာများကိုလည်း မဖြစ်စေနိုင်ပါ။ Febrile seizures in children (ကလေးများတွင်အဖျားကြောင့်တက်သောရောဂါ) က ဘယ်လောက်အဖြစ်များသလဲ ဒီရောဂါဟာ 2ရာခိုင်နှုန်းမှ 5ရာခိုင်နှုန်းသော ကလေးများတွင် ဖြစ်ပွားနိုင်ပါသည်။ ကလေးများတွင်နောက်ထပ်တက်နိုင်ပါသည်။ ထပ်၍တက်သွားနိုင်ချေမှာ အသက်ပေါ်မူတည်သော်လည်း […]

အဓိပ္ပါယ်ဖွင့်ဆိုချက်Hypothyroidism in Infants, Children, and Teens (ကလေးများတွင်သိုင်းရွိုက်ဟော်မုန်းနည်းခြင်း) ကဘာလဲ။ ကလေးများမှာ သိုင်းရွိုက်ဟော်မုန်းဆိုးဆိုးရွားရွား နည်းခြင်းဟာ ဖွံ့ဖြိုးမှုနှေးကွေးခြင်း၊ ဉာဏ်ရည်ချို့တဲ့ခြင်း၊ ကြီးထွားမှုနှောင့်နှေးခြင်း စတာတွေကို ဖြစ်စေပါတယ်။ မွေးကင်းစမှာ လက္ခဏာတွေ မတွေ့ရသလောက်ပါပဲ။ ဘယ်အရွယ်လောက်မှာ ချို့ယွင်းချက်တွေ စတွေ့လာရမလဲဆိုတာဟာ ကလေးရဲ့ သိုင်းရွိုက်ဂလင်း ဘယ်လောက်ထိ ကောင်းကောင်းလုပ်နိုင်မလဲဆိုတာပေါ် မူတည်ပါတယ်။ Hypothyroidism in Infants, Children, and Teens (ကလေးများတွင်သိုင်းရွိုက်ဟော်မုန်းနည်းခြင်း) က ဘယ်လောက်အဖြစ်များသလဲ သိုင်းရွိုက်ဟော်မုန်းနည်းခြင်းဟာ ရှားပါးပါတယ်။ ကလေးများ၊ မွေးကင်းစများ အပါအဝင် အသက်အရွယ်မရွေး ဖြစ်တတ်ပါတယ်။ ပိုသိရအောင် ဆရာဝန်နဲ့ တိုင်ပင်ဆွေးနွေးပါ။ လက္ခဏာများHypothyroidism in Infants, Children, and Teens (ကလေးများတွင်သိုင်းရွိုက်ဟော်မုန်းနည်းခြင်း) ရဲ့လက္ခဏာတွေကဘာတွေလဲ မွေးကင်းစများ သိုင်းရွိုက်ဟော်မုန်းနည်းခြင်းဟာ ဘယ်အရွယ်မဆို ဖြစ်တတ်ပေမယ့် လက္ခဏာဟာ ကလေးတွေမှာ ကွာခြားတတ်ပါတယ်။ မွေးကင်းစကလေးတွေမှာ […]

အဓိပ္ပါယ်ဖွင့်ဆိုချက်Lactational Mastitis (မိခင်နို့တိုက်ခြင်းနှင့် ပတ်သတ်သောရင်သား ရောင်ရမ်းခြင်း) ကဘာလဲ။ နို့တိုက်သောကြောင့် ရင်သားရောင်ခြင်းဆိုသည်မှာကလေးကိုမိခင်နို့ တိုက်နေတဲ့ကာလမှာရင်သားတွင် ပိုးဝင်ခြင်းကြောင့် နာခြင်း၊ နီခြင်း၊ ဖျားခြင်း၊ ကြွက်သားများကိုက်ခဲခြင်းနှင့် မအီမသာဖြစ်ခြင်းတို့ဖြစ်ပါတယ်။ ၎င်းက ကလေးမွေးဖွားပြီးနောက် ပထမဆုံးခြောက်ပတ်အတွင်းမှာအဖြစ်အများဆုံးဖြစ်ပါတယ်။ Lactational Mastitis (မိခင်နို့တိုက်ခြင်းနှင့် ပတ်သတ်သောရင်သား ရောင်ရမ်းခြင်း) က ဘယ်လောက်အဖြစ်များသလဲ အသက်အရွယ်မရွေးဖြစ်နိုင်ပြီး အန္တရာယ်ဖြစ်စေတဲ့အချက်တွေကိုလျှော့ချခြင်းနဲ့ ဆောင်ရွက်နိုင် ပါတယ်။ (အခြားအချက်အလက်များသိရှိရဖို့ ဆရာဝန်နဲ့ဆွေးနွေးတိုင်ပင်ပါ။) လက္ခဏာများLactational Mastitis (မိခင်နို့တိုက်ခြင်းနှင့် ပတ်သတ်သောရင်သား ရောင်ရမ်းခြင်း) ရဲ့လက္ခဏာတွေကဘာတွေလဲ အဖြစ်အများဆုံးလက္ခဏာတွေကတော့ -ရင်သားကိုထိပါကနာခြင်းဒါမှမဟုတ် ထိလျှင်ပူနေခြင်း -နေထိုင်မကောင်းခြင်း -ရင်သားရောင်လာခြင်း -နာခြင်းသို့မဟုတ် ပူခြင်းကိုတောက်လျှောက်ခံစားရခြင်းသို့မဟုတ် နို့တိုက်စဉ် ခံစားရခြင်း -အရေပြားနီခြင်းသပ်ပုံစံမြင်ရခြင်း -အဖျား ၁၀၁ နဲ့ ၁၀၁အထက် ဖျားခြင်း ဒီလိုရင်သားရောင်ခြင်းဟာများသောအားဖြင့် နို့တိုက်တာရဲ့ အစောပိုင်းအပတ်တွေမှာအဖြစ်များပေမယ့် နို့တိုက်နေချိန်ကာလတစ်လျှောက်လုံးဘယ်အချိန်မဆိုဖြစ်နိုင်ပါတယ်။ ဒီလိုရောင်ခြင်းဟာရင်သားတစ်ဖက်ထဲကိုပဲဖြစ်စေတာများပါတယ်။ (အပေါ်မှာ မပါခဲ့တဲ့ မပြောခဲ့တဲ့ လက္ခဏာတွေရှိပါသေးတယ်။ တကယ်လို့သင်က သိချင်သေးတဲ့ လက္ခဏာတွေရှိခဲ့ပါက သင့်ရဲ့ ဆရာဝန်နဲ့ဆွေးနွေးတိုင်ပင်ပါ။) ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ အကယ်၍အထက်တွင်ဖော်ပြခဲ့သောရောဂါလက္ခဏာများ ဖြစ်ပေါ်လျှင်လည်းကောင်း၊ မေးလိုသည်များရှိလျှင်သော်လည်းကောင်းဆရာဝန်နှင့်သာ ပြသသင့်ပါသည်။ […]