ကျန်းမာစေမည့် ကိုယ်လက်လှုပ်ရှားမှုများ

‌လေ့ကျင့်ခန်း လုပ်တာက ကျန်းမာရေးအတွက် ကောင်းတဲ့အကျင့်ပါ။ အမျိုးသမီးတွေအတွက်ဆိုရင် လေ့ကျင့်ခန်း လုပ်တာက ရာသီစက်ဝန်းနဲ့ ရာသီလာချိန်မှာ ခံစားရတတ်တဲ့ ဝေဒနာတွေအပေါ်မှာပါ သက်ရောက်မှု ရှိပါတယ်။ အမျိုးသမီးတွေက တစ်လလုံးလုံး ဟော်မုန်းအတက်အကျတွေ ဖြစ်နေတာကြောင့် ဒီတိုင်းလေ့ကျင့်ခန်း လုပ်တာထက်စာရင် ရာသီစက်ဝန်းအလိုက် လေ့ကျင့်ခန်း လုပ်တာက ခန္ဓာကိုယ်နဲ့ ပိုပြီး လိုက်လျောညီထွေ ရှိစေပါတယ်။ ဘယ်သူတွေက ရာသီစက်ဝန်းနဲ့ ညှိပြီး လေ့ကျင့်ခန်း လုပ်သင့်သလဲ အမျိုးသမီးတိုင်းက လုပ်သင့်ပါတယ်။ လက်ရှိမှာလေ့ကျင့်ခန်း လုပ်လက်စသူတွေရော၊ ခုမှလေ့ကျင့်ခန်း စလုပ်မဲ့သူတွေရော လုပ်နိုင်ပါတယ်။ ပိုပြီး လုပ်သင့်တဲ့သူတွေကတော့ သားဥအိမ်အရည်အိတ်တည်တဲ့ ရောဂါစု (PCOS) ရှိတဲ့သူတွေ အဝလွန်တဲ့သူတွေ အမြဲလိုလို အားမရှိဘဲ နုံးလွယ်တဲ့သူတွေ လိင်စိတ်နည်းသူတွေ ကလေးယူဖို့ ကြိုးစားနေတဲ့ သူတွေပဲ ဖြစ်ပါတယ်။ ရာသီစက်ဝန်းအလိုက် လေ့ကျင့်ခန်း လုပ်ခြင်းရဲ့ အကျိုးကျေးဇူး ရာသီစက်ဝန်းနဲ့ ညှိပြီး […]

တစ်နေ့တာရဲ့အချိန် တော်တော်များများကို ဖုန်းငုံ့သုံးရင်း လက်ပ်တော့တွေကို တစ်ချိန်လုံး သုံးနေရတယ်ဆိုတော့  အချိန်ကြာလာတာနဲ့အမျှ ဇက်ကြောတွေ တောင့်တင်းတာကို ခံစားရနိုင်ပါတတယ်။ ဒီအခြေအနေကို Tech neck လို့ ခေါ်ပါတယ်။ ဒီတစ်ခေါက်တော့ တစ်နေ့တာမှာ လက်ပ်တော့ ဖုန်းတွေ သုံးရင်း ခံစားရတဲ့ Tech neck ကို ဘယ်လို ဖြေလျော့ရမလဲ ဆိုတာကို ပြောပြပေးချင်ပါတယ်။ ကဲ …. Tech Neck ကို ဒီလို ဖြေလျော့ရအောင်လား!   Tech Neck ကို ဒီလို ဖြေလျော့ရအောင်လား! (၁) Stretches Neck ( လည်ပင်းကြွက်သားတွေ ဖြေလျော့မယ်) ဒီလေ့ကျင့်ခန်းကို လုပ်ဆောင်ဖို့အတွက် ဆိုရင်တော့ အရင်ဆုံး ရုံးထိုင်ခုံမှာ ခါးမတ်မတ် လက်ပြင်ဆန့်ဆန့်လေး ထိုင်မယ်။ ဇက်ကို ဘေးဘက်ကို စောင်းမယ်။ ကြွက်သားလေးတွေ […]

မိုးစဝင်တဲ့အခါ ရာသီဥတုက နွေရာသီလောက် မပူလောက်တဲ့အတွက် လေ့ကျင့်ခန်း ပြန်လုပ်မယ်ဆို လုပ်လို့ ရနေပါပြီ။ ပူလို့ gymမသွားနိုင်သူတွေကလည်း ခုလိုရာသီဆို gymပြန်ရောက်လာကြပါပြီ။ မိုးစရွာလာလို့ အပူလျော့လာတာ မှန်ပေမယ့် မိုးရာသီမှာ လေ့ကျင့်ခန်းလုပ်မယ်ဆိုရင် သတိထားရမဲ့ အချက်လေးတွေ ရှိပါတယ်။ ဘယ်အချိန်မှာ လေ့ကျင့်ခန်းလုပ်လို့ အကောင်းဆုံးလဲ။ မိုးရာသီမှာ အေးတော့ ဘယ်အချိန်လုပ်လုပ် လုပ်လို့ရတယ်လို့ ထင်ကြပါတယ်။ မိုးရာသီမှာ လေ့ကျင့်ခန်းလုပ်မယ်ဆိုရင် ‘စိုထိုင်းဆ’ကိုထည့်တွက်ရပါတယ်။ ဒါက ဘာလို့ အရေးကြီးတာလဲဆိုရင် ချွေးတွေအငွေ့ပြန်ဖို့ စိုထိုင်းဆပေါ် မူတည်နေလို့ပါ။ ဘာကြောင့်လဲဆိုတော့ ချွေးတွေက အငွေ့ပြန်ဖို့ ခန္ဓာကိုယ်အပူချိန်ကို ယူသုံးရလို့ပါ။ ဒါကြောင့် ခန္ဓာကိုယ်အပူချိန် လျော့ကျဖို့ဆိုရင် ချွေးထွက်တာအပြင် ချွေးတွေအငွေ့ပြန်ဖို့လည်း လိုပါတယ်။ မြင်သာအောင် ပြောရရင် နွေအကုန် မိုးအစဆို မိုးလေးမစို့မပို့ ရွာတတ်ပါတယ်။ မိုးရွာပေမဲ့ အေးလာဆိုရင် မအေးပါဘူး။ မအေးတဲ့အပြင် ချွေးစေးတွေထွက်ပြီး […]

ညဘက်တွေမှာ ကောင်းကောင်း အိပ်ပျော်ဖို့က ကျန်းမာတဲ့ ဘဝနေထိုင်မှုပုံစံကို ပိုင်ဆိုင်ဖို့ရာမှာ အတော်လေး အရေးပါပါတယ်။ အိပ်ရေးဝမှာ ခန္ဓာကိုယ်က ဇီဝကမ္မဖြစ်စဉ်တွေကို ကောင်းကောင်း လည်ပတ်နိုင်မှာပါ။ အိပ်ရေးပျက်တာက အဝလွန်တာ၊ သွေးတိုးတာ၊ ဆီးချို၊ နှလုံးရောဂါနဲ့ အမျိုးမျိုးသော ကျန်းမာရေး ပြဿနာတွေကို ဖြစ်စေနိုင်ပါတယ်။ ဒါကြောင့် ညဘက်တိုင်းမှာ အိပ်ရေးဝဝ အိပ်ပျော်စေဖို့အတွက် အိပ်ရာမဝင်ခင် လုပ်ဆောင်ပေးသင့်တဲ့ လေ့ကျင့်ခန်းတွေက ဘာတွေများလဲ! ဆိုတာကို ပြောပြပေးချင်ပါတယ်။ https://hellosayarwon.com/digestive-health/constipation-digestive-health/best-exercises-to-ease-constipation/ အိပ်ရာမဝင်ခင် လုပ်ဆောင်ပေးသင့်တဲ့ လေ့ကျင့်ခန်းတွေက ဘာတွေများလဲ! ပုံမှန်အားဖြင့်တော့ အိပ်ချိန်နဲ့ကပ်ပြီး လေ့ကျင့်ခန်း မလုပ်သင့်ပါဘူး။ ဘာကြောင့်လဲဆိုတော့ လေ့ကျင့်ခန်းလုပ်တဲ့အခါ နှလုံးခုန်နှုန်းတွေမြန်၊ ချွေးတွေထွက်ပြီး လူလည်း လန်းလာတာကြောင့် အိပ်စက်ခြင်းကို အနှောင့်အယှက်ဖြစ်စေလို့ပါ။ ဒါပေမယ့် ဒါနဲ့ ပြောင်းပြန်၊ အပေါ့စားလေ့ကျင့်ခန်းတွေ၊ ခန္ဓာကိုယ်ကို အနားရစေတဲ့ လေ့ကျင့်ခန်းတွေ လုပ်တာကျတော့ အိပ်ပျော်စေဖို့ […]

ကျန်းမာစေဖို့ ကိုယ်လက်လေ့ကျင့်ခန်း လုပ်ပါ။ လေ့ကျင့်ခန်း လုပ်ခြင်းက အကောင်းဆုံးသော ဆေးဝါးပါဆိုတာမျိုးတွေကို ကြားဖူးကြမယ် ထင်ပါတယ်။ ကိုယ်လက်လေ့ကျင့်ခန်း ပုံမှန်လုပ်ပေးတာက ကျန်းမာစေတယ်ဆိုပေမယ့် အရမ်းပြင်းပြင်းထန်ထန် လုပ်တာမျိုးကတော့ အရိုးအဆစ် နဲ့ ကြွက်သားတွေကို နာကျင်ကိုက်ခဲတာမျိုးတွေ ဖြစ်စေနိုင်ပါတယ်။ လေ့ကျင့်ခန်း လုပ်တာက စလုပ်စမှာ နာကျင်နိုင်သလို ပုံမှန်ထက် ပြင်းပြင်းထန်ထန် လုပ်တဲ့အခါမျိုးမှာလည်း နာကျင်တာမျိုး ဖြစ်နိုင်ပါတယ်။ လေ့ကျင့်ခန်းက တစ်နေ့ကို နည်းနည်းချင်းစီ တိုးလုပ်သွားတာက အကောင်းဆုံးပါ။ ဒီတော့ ပိန်ချင်ဇောနဲ့ ဖြစ်ဖြစ် ကြွက်သားတက်အောင်ဆိုပြီး ဖြစ်ဖြစ် လေ့ကျင့်ခန်းတွေကို ပြင်ပြင်းထန်ထန် လုပ်မိလို့ နာကျင်နေတာတွေကို သက်သာစေဖို့ ဘယ်လို လုပ်ရမလဲဆိုတာကို ပြောပြပေးသွားပါမယ်။ လေ့ကျင့်ခန်း လုပ်ရင် ကြွက်သား နဲ့ အရိုးအဆစ်တွေ နာကျင်မှာလား လေ့ကျင့်ခန်းကို  နည်းစနစ်မှန်မှန်၊ အတိုင်းအဆ မှန်မှန်လုပ်မယ်ဆိုရင်တော့ နာကျင်မှုတွေကို လျော့ပါးစေမှာပါ။ […]

တစ်နေ့တာရဲ့ အချိန်တော်တော်များများကို မတ်တတ်ရပ်ရင်း ကုန်ဆုံးနေရပါသလား! လုပ်ငန်းခွင် လိုအပ်ချက်အရ မတ်တတ်ပဲရပ်နေရလို့ ကျန်းမာရေးကို ထိခိုက်မှာ စိုးနေပြီလား! ဒါဆိုရင်တော့ မတ်တတ်ပဲ တစ်ချိန်လုံး ရပ်နေရသူတွေအတွက် အကြောတွေ ပြေလျော့စေပြီး ကျန်းမာစေမယ့် လေ့ကျင့်ခန်းလေးတွေကို မျှဝေပေးချင်ပါတယ်။ မတ်တတ် အကြာကြီး ရပ်တာက ကျန်းမာရေးကို ထိခိုက်စေနိုင်လား! အလုပ်ထဲမှာ တစ်နေ့တာလုံးလည်း မတ်တတ်ရပ်ရတယ်။ ဖိနပ်ကလည်း သက်သောင့်သက်သာ ရှိတဲ့ ဖိနပ်မျိုး မဟုတ်ဘူးဆိုရင် အရိုးအဆစ်နဲ့ ကြွက်သားတွေ နာကျင်တာ ဒဏ်ဖြစ်တာတွေကို ခံစားရနိုင်ပါတယ်။ ဒါတင်လားဆိုတော့ မဟုတ်ပါဘူး။ တစ်နေ့ကို ၈ နာရီနဲ့အထက် မတ်တတ်ရပ်တာက ခြေထောက်သွေးပြန်ကြောရောဂါ ခံစားရတာ၊ နှလုံးထိခိုက်တာ၊ ခြေထောက်ရောင်တာ၊ ခါးအောက်ပိုင်းတွေ နာကျင်တာ၊ ဇက်ကြောနဲ့ ပခုံးထဲက တဆစ်ဆစ် နာကျင်တာမျိုးတွေ ခံစားရနိုင်ပါတယ်။ ခြေဖဝါးနာကျင်တာနဲ့ ခြေထောက်မှာ အရည်ကြည်ဖု […]

နှစ်သစ်စချိန်မှာ ကျန်းမာရေးအတွက် အထောက်အကူ ရအောင်ဆိုပြီး အိမ်မှာနေရင်း ယောဂလေ့ကျင့်ခန်း လုပ်ချင်တယ်။ ဘယ်ကနေ ဘယ်လို စလုပ်ရမလဲ မသိဘူးဆိုတဲ့သူတွေ ရှိလား! ဒီတစ်ခေါက်တော့ နှစ်သစ်မှာ ယောဂ စကစားကြမယ့်သူတွေအတွက် လုပ်ဆောင်ရလွယ်ကူစေမယ့် ယောဂပို့စ်လေးတွေအကြောင်း ပြောပြပေးချင်ပါတယ်။ ယောဂ လေ့ကျင့်ပေးတာ ကျန်းမာစေသလား! ယောဂက စိတ်ပိုင်းဆိုင်ရာ ကျန်းမာစေသလို စိတ်ခံစားမှုလည်း ကောင်းစေပါတယ်။ ရုပ်ပိုင်းဆိုင်ရာ ကျန်းမာစေဖို့လည်း ထောက်ကူပေးပါတယ်။ ယောဂ လေ့ကျင့်ပေးတာက အသားအရေကို ကြည်လင်စေသလို ကိုယ်တွင်းအင်္ဂါတွေကိုလည်း ကျန်းမာစေပါတယ်။ ကိုယ်နေဟန်ထား အချိုးကျစေပြီး စိတ်ဖိစီးတာ စိတ်ဓာတ်ကျတာတွေလည်း ကင်းဝေးစေမှာပါ။ ယောဂက အရွယ်တိုင်း လေ့ကျင့်ပေးလို့ ရသလို ကျန်းမာစေဖို့ရော သန်စွမ်းကြံ့ခိုင်စေဖို့ပါ ထောက်ကူပေးပါတယ်။ စိတ်ပျော်ရွှင်စေပြီး ကိုယ်ခံအား ကောင်းစေဖို့ ထောက်ကူပေးပါတယ်။ ဒီတော့ ဘာလုပ်မယ် စိတ်ကူးလဲ!  ယောဂ ကစားမယ် စိတ်ကူးတယ်ဆိုရင်တော့ ယောဂကို […]

လေ့ကျင့်ခန်း လုပ်ပြီးချိန်မှာ ခန္ဓာကိုယ်မှာ ချွေးတွေ အရမ်းထွက်ပြီး ရေဓာတ်ရော ဓာတ်ဆားဓာတ်ပါ ဆုံးရှုံးနေမယ်ဆိုတာ ထွေထွေထူးထူး ပြောနေစရာတောင် လိုမယ် မထင်ပါဘူး။ ဒီလို ဆုံးရှုံးသွားတဲ့ ရေဓာတ်ကို အမြန်ဆုံး ပြန်ဖြည့်ဖို့ လိုပါမယ်။ ဒါကို ဖြေရှင်းပေးနိုင်မယ့် အကောင်းဆုံး နည်းလမ်းက လေ့ကျင့်ခန်း လုပ်ပြီးချိန်မှာ ရေသောက်တာပါ။ ဒီတော့ လေ့ကျင့်ခန်း လုပ်ပြီးချိန်မှာ ဘယ်လို အကြောင်းအရာတွေကြောင့် ရေသောက်သင့်တာလဲ ဆိုတာကို အတူတူ ကြည့်လိုက်ရအောင်နော်။ https://hellosayarwon.com/health-fitness/exercise-safety-tips/precautions-tips-for-exercises-in-monsoon/ လေ့ကျင့်ခန်း လုပ်ပြီးချိန်မှာ ရေသောက်ပါ လေ့ကျင့်ခန်း လုပ်ပြီးချိန်မှာ ရေသောက်ပါ လို့ ပြောရတာက လေ့ကျင့်ခန်း လုပ်တာရဲ့ အကျိုးကျေးဇူး ပြည့်ပြည့်ဝဝ ရရှိစေဖို့ပါ။ လေ့ကျင့်ခန်း လုပ်ပြီးချိန်မှာ ရေသောက်တာကနေ ဘယ်လို အကျိုးကျေးဇူးတွေ ရရှိစေနိုင်လဲဆိုတာကို အတူတူ ကြည့်လိုက်ရအောင်နော်။ လေ့ကျင့်ခန်း ပြင်းပြင်းထန်ထန် လုပ်ပြီးချိန်မှာ […]

ခေါင်းတစ်ခြမ်းကိုက်တာက အဖြစ်များတဲ့ ခေါင်းကိုက်ဝေဒနာ တစ်ရပ်ပါ။ ခေါင်းတစ်ခြမ်းကိုက်တာက တစ်ခါတလေမှာ တော်တော်လေး ပြင်းထန်ပြီး နေ့စဉ်လုပ်ငန်းတာဝန်တွေကို ထိခိုက်စေနိုင်ပါတယ်။ ခေါင်းတစ်ခြမ်းကိုက်တဲ့အခါ ခေါင်းကိုက်တာနဲ့အတူ မအီမသာဖြစ်တာ၊ အလင်းရောင်ကို မခံနိုင်တာ၊ ခေါင်းတစ်ခြမ်းပဲ ပြင်ပြင်းထန်ထိုးကိုက်တာမျိုး ခံစားရနိုင်ပါတယ်။ ဒီတစ်ခေါက်တော့ ခေါင်းတစ်ခြမ်းကိုက်တာကို သက်သာစေမယ့် ယောဂပို့စ် တွေ အကြောင်း ပြောပြပေးချင်ပါတယ်။ https://hellosayarwon.com/brain-ns/headaches-and-migraines/migraine-dos-and-donts/ ယောဂက ခေါင်းတစ်ခြမ်း ကိုက်တာကို သက်သာစေနိုင်လား သုတေသီတွေရဲ့ လေ့လာမှုတွေအရတော့ ယောဂ လေ့ကျင့်တာက ခေါင်းတစ်ခြမ်းကိုက်တာကို သက်သာစေနိုင်ပါတယ်။ ခေါင်းတစ်ခြမ်းကိုက်တာကိုတင် သက်သာစေတာ မဟုတ်ဘဲ ယောဂလေ့ကျင့်တာ စိတ်ဖိစီးမှုကို ပြေလျော့စေတယ် စိုးရိမ်စိတ် လျော့ပါးစေတယ် အခြား စိတ်ကျန်းမာရေးပြဿနာတွေကို ပြေလျော့စေတယ် မကြာခဏ ခေါင်းကိုက်တာကို သက်သာစေတယ် ခေါင်းကိုက်တာကို ကာလတိုစေတယ် တင်းအားကြောင့်ဖြစ်တဲ့ ခေါင်းကိုက်တာကို သက်သာစေတယ်။ ယောဂက ခေါင်းတစ်ခြမ်းကိုက်တာကို သက်သာစေနိုင်တယ်ဆိုပေမယ့် လူတစ်ယောက်နဲ့ […]

လေ့ကျင့်ခန်း လုပ်တာက ကျန်းမာစေတယ်ဆိုပေမယ့် ရောဂါအခံရှိသူတွေအတွက် လေ့ကျင့်ခန်းတိုင်းက အဆင်မပြေနိုင်ပါဘူး။ ဥပမာ နှလုံးရောဂါ ရှိသူတွေအတွက်ဆိုရင် အရမ်းကို ပင်ပန်းစေမယ့် လေ့ကျင့်ခန်းတွေက အဆင်မပြေနိုင်ပါဘူး။ ဒီတစ်ခေါက်တော့ နှလုံးရောဂါ ရှိသူတွေအတွက် အကောင်းဆုံး လေ့ကျင့်ခန်းများ အကြောင်းကို ပြောပြပေးချင်ပါတယ်။ ခန္ဓာကိုယ်ရဲ့ ရှင်သန်မှု အချက်ပြ အရာလေးတစ်ခု [သို့မဟုတ်] နှလုံး ကျန်းမာစေဖို့ လေ့ကျင့်ခန်း လုပ်ပါ နှလုံးရောဂါက ပြင်းထန်သလို ခန္ဓာကိုယ်ကို ပြင်းပြင်းထန်ထန် ထိခိုက်စေနိုင်တဲ့ ကျန်းမာရေး အခြေအနေ တစ်ရပ်ပါ။ နှလုံးရောဂါရှိသူတွေရော မရှိသူတွေမှာပါ ကျန်းမာစေဖို့၊ နှလုံးကြွက်သားတွေ သန်မာစေဖို့ လေ့ကျင့်ခန်း လုပ်ဆောင်ဖို့ လိုပါမယ်။ နှလုံးကျန်းမာမှ နေ့စဉ်ဘဝကို ကျန်းမာပျော်ရွှင်စွာ ဖြတ်သန်းနိုင်မှာပါ။ နှလုံးမှာ နှလုံးသွေးကြောကျဉ်းတာကစလို့ နှလုံးရောဂါ အမျိုးမျိုးကို ခံစားရနီုင်ပါတယ်။ လေ့ကျင့်ခန်း လုပ်တာက နှလုံးကျန်းမာစေတယ်ဆိုပေမယ့် နှလုံးရောဂါရှိသူတွေအတွက်တော့ […]