ဒီလေ့ကျင့်ခန်း လုပ်ဖို့အတွက် ခန္ဓာကိုယ်ကို မတ်မတ်လေး ရပ်ပါ။ လက်နှစ်ဖက်ကို လက်ချောင်းလေးတွေ အချင်းချင်း ယှက်ပါ။ ဆုပ်ထားတဲ့လက်ကို မေးစေ့နဲ့ တညီတည်းဖြစ်အောင် မြှောက်ထားပါ။ ပြီးရင် ရှေ့ခြေထောက်တစ်ဖက်ကို ဒူးထောင်တဲ့ ပုံစံထားပြီး နောက်ခြေထောက် တစ်ဖက်ကို ဒူးထောက်တဲ့ ပုံစံ လုပ်ပေးပါ။ တစ်ဖက်ပြီး တစ်ဖက် လုပ်ပေးပါ။ ကြွက်သားတွေကို ပြေလျော့စေပြီး သွေးကြောတွေကို စီးဆင်းမှု ကောင်းစေဖို့လည်း ထောက်ကူပေးမှာပါ။
အရင်ဆုံး ခုံတစ်လုံးကို ယူပါ။ နောက်မှီပါတဲ့ ခုံကိုပါ။ ပြီးရင် ခန္ဓာကိုယ်ကို မတ်မတ်ရပ်လို့ ခြေထောက်တွေကို ပခုံး အကွာအဝေးအတိုင်း ခွဲထားပါ။ လက်နှစ်ဖက်နဲ့ ခုံကို အားပြုပြီး ခြေဖနောင့် နှစ်ဖက်စလုံးကို မြှောက်နိုင်သမျှ မြှောက်ပေးပါ။ မြင်သာအောင် ပြောပြရရင် ခြေဖျားထောက်တဲ့ ပုံစံပေါ့။ ဒီလိုလုပ်ပေးတာက ခြေသလုံးကြွက်သားတွေကို ပြေလျော့စေမှာပါ။ လေ့ကျင့်ခန်း လုပ်တဲ့အခါ ဒူးနည်းနည်း ကွေးထားပါ။
Squats ထိုင်တာကတော့ တော်တော်များများနဲ့ ရင်းနှီးပြီးသား ဖြစ်မှာပါ။ အထူးသဖြင့် လေဒီလေးတွေနဲ့ပေါ့။ Squats ထိုင်ဖို့ အရင်ဆုံး ခြေထောက် နှစ်ဖက်ကို ပခုံးအကျယ်အတိုင်း ခွာပြီး ရပ်ပါ။ ပြီးရင် တင်ပါးကို နောက်ပစ်ရင်း ထိုင်ချပါ။ ထိုင်ခုံမှာ ထိုင်တဲ့ အနေအထားမျိုးပါ။ ဒီလို လေ့ကျင့်ခန်း လုပ်ချိန်မှာ လက်နှစ်ဖက်ကို ရှေ့တည့်တည့်ကို ဆန့်တန်းထားပြီး လက်ချောင်းလေးတွေ အချင်းချင်းကို တင်းတင်းလေး ယှက်ထားဖို့ မမေ့ပါနဲ့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။