(၅) ခြံထဲမှာ အပင်ရေလောင်း၊ ပေါင်းသင်၊ မြက်နှုတ်တာကလည်း တစ်မိနစ်ကို ၅-၇ ကယ်လိုရီလောက် လောင်ကျွမ်းပါတယ်။
ကယ်လိုရီလောင်ကျွမ်းနဲ့ဖို့ နည်းမျိုးစုံ သုံးနိုင်ပါတယ်
ရုတ်တရက် ကြည့်လိုက်ရင် ကယ်လိုရီ ၅၀၀ လောင်ကျွမ်းဖို့ Gymမှာပဲ ပြေးစက်မှာ အားနဲ့မာန်နဲ့ တစ်နာရီလောက် ပြေးရမလား၊ အိမ်မှာပဲ HIITကို ၄၅မိနစ်လောက် ဆော့ရမလား ဒါမှမဟုတ် ပစ္စည်းတွေမပြီး လှေကားကို ၂နာရီနီးပါး တက်လိုက်ရမလားပေါ့။
တကယ်တော့ ဒီလောက်မလိုပါဘူး။ တစ်မျိုးတည်းနဲ့ ကယ်လိုရီ ၅၀၀ လောင်အောင် လုပ်ဖို့ မလိုပါဘူး။ ဥပမာ ကိုယ်က
Gymမှာ နာရီဝက်လောက် လမ်းလျှောက်မယ် (ကယ်လိုရီ ၂၀၀)
အိမ်မှာ ယောဂလေး နာရီဝက်လောက် ဆော့လိုက်မယ် (ကယ်လိုရီ ၁၂၀)
ခြံထဲမှာ နာရီဝက်လောက် အပင်ရေလောင်းလိုက်မယ် (ကယ်လိုရီ ၁၈၀)
ဒါဆိုရင်လည်း ကယ်လိုရီ ၅၀၀ ပြည့်သွားတာပါပဲ။ ကိုယ်နိုင်သလောက် လေ့ကျင့်ခန်းတွေကို ကိုယ်နိုင်သလောက် အချိန်ပေးပြီး လုပ်လို့ ရပါတယ်။ တစ်မျိုးတည်းနဲ့ ကယ်လိုရီ ၅၀၀ ပြည့်အောင် လုပ်ရမယ်လို့ မဆိုလိုပါဘူး။
တကယ်လို့ လေ့ကျင့်ခန်းနဲ့ ကယ်လိုရီ ၅၀၀ မလောင်နိုင်ဘူးဆိုရင်တော့ ကိုယ်စားမယ့် ကယ်လိုရီကို လျှော့လိုက်လို့ ရပါတယ်။ ကယ်လိုရီအပိုမတက်ဘူးဆိုရင် ကိုယ်အလေးချိန်လည်း တက်မှာ မဟုတ်ပါဘူး။
အရေးကြီးတာက လေ့ကျင့်ခန်းပဲလုပ်မယ် ဒါမှမဟုတ် အစားပဲရှောင်မယ်ဆိုပြီး တစ်ခုတည်းနဲ့ ကိုယ်အလေးချိန်ကို မလျှော့ဖို့ပါပဲ။ အစားအသောက်ရော လေ့ကျင့်ခန်းရော မျှလုပ်မှ ကျန်းမာတဲ့ ကိုယ်အလေးချိန်ကို ရရှိမှာ ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။