အစာအိမ်နှင့်အူလမ်းကြောင်း ကျန်းမာရေး

အသည်းစ နမူနာယူစစ်ဆေးခြင်း (Liver Biopsy) ဆိုတာကတော့ အသည်းကနေ တစ်ရှူးစ အနည်းငယ်ကို ခွဲစိတ်မှုနည်းလမ်းအားဖြင့် ရယူပြီး ရောဂါဗေဒဓာတ်ခွဲခန်းကို ပို့ဆောင်စစ်ဆေးခြင်းပဲ ဖြစ်ပါတယ်။ တစ်ရှူးစကို နမူနာယူစစ်ဆေးခြင်းအားဖြင့် အသည်းမှာ ကင်ဆာ၊ အသည်းခြောက်ခြင်း စတဲ့ ပုံမှန်မဟုတ်တဲ့ အနေအထားတွေ ဖြစ်ပေါ်နေခြင်း ရှိမရှိ သိနိုင်မှာ ဖြစ်ပါတယ်။ လိုအပ်ရင် သွေးစစ်ခြင်း၊ ပုံရိပ်ဖော်စစ်ဆေးခြင်း စတာတွေ ထပ်မံလုပ်ဆောင်ပါတယ်။ အသည်းဟာ ကိုယ်ခန္ဓာအတွက် အရေးကြီးလှတဲ့ အင်္ဂါအစိတ်အပိုင်းတခု ဖြစ်ပါတယ်။ ကိုယ်ခန္ဓာရဲ့ ဇီဝဖြစ်ပျက်မှုလုပ်ငန်းစဉ်တွေကို လုပ်ဆောင်ဖို့ အရေးကြီးတဲ့ ပရိုတိန်းနဲ့ အင်ဇိုင်းတွေ ထုတ်လုပ်ရာမှာ၊ သွေးထဲက အညစ်အကြေးတွေကို ဖယ်ထုတ်ရာမှာ၊ ရောဂါပိုးတွေကို တိုက်ထုတ်ရာမှာနဲ့ ဗီတာမင် အာဟာရဓာတ်တွေကို စုပ်ယူရာမှာ အရေးပါပါတယ်။ ဒါကြောင့် အသည်းမှာ ပြဿနာတခုခုရှိလာရင် တစ်ရှူးစနမူနာရယူ စစ်ဆေးဖို့ လိုအပ်ပါတယ်။ အသည်းစနမူနာယူစစ်ဆေးခြင်း […]

အစာအိမ်အူလမ်းကြောင်း ဟာ အဆင့်မြင့်ရှုပ်ထွေးတဲ့ အင်္ဂါအစိတ်အပိုင်းတစ်ခု ဖြစ်ပါတယ်။ ဒါ့အပြင် အစာအိမ်အူလမ်းကြောင်းဟာ ကိုယ်ခံအား၊ စိတ်ကျန်းမာရေး၊ ဟော်မုန်းဆိုင်ရာ ရောဂါများ၊ အရေပြားပြဿနာ၊ ကင်ဆာ စတဲ့ရောဂါတွေ ဖြစ်ပွားခြင်းနဲ့လည်း ဆက်စပ်နေပါတယ်။ ထူးခြားချက်တစ်ခုကတော့ အစာအိမ်အူလမ်းကြောင်းတလျှောက်မှာ အကျိုးပြုဘက်တီးရီးယားတွေ ရှိနေခြင်းပါပဲ။ လူတစ်ဦးချင်းစီရဲ့ အစာအိမ်အူလမ်းကြောင်းထဲမှာ ဘက်တီးရီးယားမျိုးကွဲပေါင်း ၃၀၀ ကနေ ၅၀၀ အထိ ရှိနေနိုင်ပြီး အများစုဟာ အကျိုးပြုဘက်တီးရီးယား ဖြစ်ပါတယ်။ အနည်းငယ်ကပဲ အန္တရာယ်ပေးနိုင်တဲ့ ပိုးမွှားတွေဖြစ်ပါတယ်။ အစာအိမ်အူလမ်းကြောင်း ကျန်းမာရေးမကောင်းသည့် လက္ခဏာများ စိတ်ဖိစီးမှုများခြင်း၊ အအိပ်အနေနည်းခြင်း၊ အဆင့်ဆင့်ပြုပြင်ထားပြီး သကြားပါဝင်မှုမြင့်မားသော အစားအစာများ စားသုံးခြင်း၊ ပဋိဇီဝဆေးဝါးအချို့ သုံးစွဲခြင်း စတာတွေဟာ အူလမ်းကြောင်းမှာရှိတဲ့ အကျိုးပြုဘက်တီးရီးယားတွေကို ထိခိုက်စေနိုင်ပါတယ်။ ၎င်းတို့နဲ့ ဆက်နွယ်နေတဲ့ ဦးနှောက်၊ နှလုံး၊ ကိုယ်ခံအား၊ အရေပြား၊ ကိုယ်အလေးချိန်နှင့် ဟော်မုန်း စတဲ့ […]

သည်းခြေအိတ် ဟာ အစာခြေစနစ်အတွက် လိုအပ်တဲ့ သည်းခြေရည်များကို သိုလှောင်ထားပေးတဲ့ အင်္ဂါအစိတ်အပိုင်း ဖြစ်ပါတယ်။ ဝမ်းဗိုက်ရဲ့ ညာဘက်ပိုင်း အသည်းရဲ့အောက်မှာ ကပ်လျက် တည်ရှိပါတယ်။ စားသောက်လိုက်ချိန်မှာ သည်းခြေအိတ်ဟာ လှုပ်ရှားလာပြီး သည်းခြေရည်တွေကို အူလမ်းကြောင်းထဲ ညှစ်ထုတ်ပေးပါတယ်။ သည်းခြေအိတ် ရဲ့လုပ်ငန်းတာဝန်တွေက ဘာတွေလဲ သည်းခြေအိတ် ဟာ သည်းခြေစနစ်မှာပါဝင်တဲ့ အစိတ်အပိုင်းတစ်ခု ဖြစ်ပါတယ်။ သည်းခြေစနစ်မှာ အသည်း၊ သည်းခြေအိတ်၊ သည်းခြေပြွန်များနဲ့ သည်းခြေအရည်ပါဝင်ပါတယ်။ အဆိုပါစနစ်ဟာ သည်းခြေရည်များ ထုတ်လုပ်ခြင်း၊ သိုလှောင်ခြင်း၊ အသုံးပြုခြင်းအတွက် ဆောင်ရွက်ပေးတဲ့စနစ်ဖြစ်ပါတယ်။ သည်းခြေရည်များဟာ အစိမ်းရင့်ရောင်၊ စိမ်းဝါရောင် စသဖြင့် ခပ်ပျစ်ပျစ်ရှိပြီး အဆီဓာတ်ကို ချေဖျက်နိုင်ဖို့အတွက် အသည်းကနေ ထုတ်လုပ်ပေးပါတယ်။ အသည်းဟာ တစ်ရက်ကို ခန့်မှန်းခြေ ၂၇ မှ ၃၄ အောင်စအထိ ထုတ်လုပ်ပေးပါတယ်။ စားသောက်လိုက်ချိန်မှာ သည်းခြေရည်များဟာ အသည်းကနေ အူသိမ်ထဲကို […]

လိပ်ခေါင်းဆိုတာဟာ စအိုမှာရှိတဲ့ သွေးပြန်ကြောတွေ ဖောင်းကားလာရာကနေ ဖြစ်ပေါ်ပါတယ်။ သွေးပြန်ကြောများရဲ့ တည်နေရာကို မူတည်ပြီး အပြင်လိပ်ခေါင်းနဲ့ အတွင်းလိပ်ခေါင်းဆိုပြီး ရှိပါတယ်။ ဝမ်းချုပ်ရင် ဖြစ်နိုင်ခြေများပြီး အမျှင်ဓာတ်များသော အစားအစာများ စားသောက်ခြင်း၊ တရက်လျှင် ရေဖန်ခွက် ၈ခွက်ခန့် သောက်သုံးခြင်း စတာတွေနဲ့ ကာကွယ်နိုင်ပါတယ်။ ဝမ်းချုပ်ရင် လိပ်ခေါင်းအခြေအနေ ပိုဆိုးနိုင်တာမို့ ဝမ်းပျော့ဆေး၊ ဝမ်းချူဆေးများလည်း သုံးနိုင်ပါတယ်။ နောက်ဆက်တွဲပြဿနာများ အပြင်လိပ်ခေါင်းကြောင့် နာကျင်ပြီး သွေးခဲများ ဖြစ်ပေါ်နိုင်ပါတယ်။ အတွင်းလိပ်ခေါင်းဖြစ်ရင် စအိုဝကနေ အပြင်ကို စူထွက်လာပြီး နာကျင်မှု ခံစားရပါတယ်။ ရောဂါပိုးဝင်နိုင်ခြေလည်း ရှိပါတယ်။ ပုံမှန်နည်းလမ်းများနဲ့ မသက်သာရင် ခွဲစိတ်ကုသရတတ်ပါတယ်။ လက္ခဏာများ များသောအားဖြင့် အတွင်းလိပ်ခေါင်းကြောင့် နာကျင်ခြင်း မဖြစ်နိုင်ပါဘူး။ မနာပေမယ့် အိမ်သာသွားစဉ် သွေးယိုခြင်းဖြစ်နိုင်ပါတယ်။ တခါတရံမှာ အပြင်ကို စူထွက်လာနိုင်ပါတယ်။ အပြင်လိပ်ခေါင်းကြောင့်လည်း ဝမ်းသွားစဉ် သွေးပါတတ်ပါတယ်။ အပြင်ဘက်မှာရှိတာကြောင့် နာကျင်ခြင်း၊ […]

အစာအိမ်အူလမ်းကြောင်းစနစ်ဟာ ကိုယ်ခန္ဓာထဲမှာ ရှုပ်ထွေးပြီးရှည်လျားတဲ့ စနစ်တခုဖြစ်ပါတယ်။ အူလမ်းကြောင်းတခုလုံးဟာ ပါးစပ်ကနေ စတင်ပြီး စအိုမှာဆုံးပါတယ်။ အစာအိမ်အူလမ်းကြောင်းရဲ့ လုပ်ငန်းတာဝန်ကတော့ စားသောက်လိုက်တဲ့ အစားအသောက်တွေကနေ ကိုယ်ခန္ဓာအတွက် လိုအပ်တဲ့ အာဟာရဓာတ်တွေ စုပ်ယူပေးပြီး မလိုအပ်တဲ့ အညစ်အကြေးများကို ပြန်လည်စွန့်ထုတ်ပေးခြင်းပဲ ဖြစ်ပါတယ်။ အစာအိမ်အူလမ်းကြောင်းဟာ ရှည်လျားလှသလို ပြဿနာလည်း မျိုးစုံဖြစ်နိုင်ပါတယ်။ ရောဂါအစုံဖြစ်နိုင်ပြီး လက္ခဏာလည်းဆင်တူကြတာမို့ တခါတရံမှာ ထင်မြင်ယူဆချက်မှားယွင်းနိုင်ပါတယ်။ အသေးအဖွဲပြဿနာတွေဖြစ်ပေမယ့် ထိရောက်စွာ မကုသဘဲ ထားလိုက်ရင် ပိုမိုဆိုးရွားသွားတာတွေ ဖြစ်နိုင်ပါတယ်။ မည်သည့်ရောဂါလက္ခဏာမဆို ဆရာဝန်နဲ့ တိုင်ပင်ပြသနိုင်ရင် အကောင်းဆုံးပါပဲ။ ယခုဆက်လက်ဖော်ပြမယ့် အကြောင်းအရာတွေကတော့ အတွေ့ရများတဲ့ အစာအိမ်အူလမ်းကြောင်းပြဿနာတွေပဲ ဖြစ်ပါတယ်။ အလွန်အမင်းဝမ်းချုပ်ခြင်း တရက်နှစ်ရက်လောက် ဝမ်းချုပ်ခြင်း၊ ဝမ်းမာခြင်းများဟာ သိပ်ပြီးပြဿနာ မရှိပါဘူး။ ဒါပေမယ့် ရက်ကြာကြာ ဝမ်းချုပ်ခြင်း၊ စမြင်းခံခြင်း စတာတွေဟာ အူလမ်းကြောင်းကို ထိခိုက်လာနိုင်ပါတယ်။ အလွန်အမင်း ဝမ်းချုပ်ခြင်းကြောင့် စအိုဝန်းကျင်မှ […]

သည်းခြေအိတ် ဆိုတာ ဝမ်းဗိုက်ရဲ့ညာဘက်ခြမ်း အသည်းရဲ့အောက်ခြေမှာ အိတ်ပုံသဏ္ဌာန် တည်ရှိနေတဲ့ အင်္ဂါအစိတ်အပိုင်းဖြစ်ပါတယ်။ သူ့ရဲ့လုပ်ငန်းတာဝန်ကတော့ သည်းခြေရည်တွေကို သိုလှောင်ပေးဖို့နဲ့ ထုတ်လွှတ်ပေးဖို့ ဖြစ်ပါတယ်။ အဆိုပါ သည်းခြေရည်များကို အသည်းကနေ ထုတ်လုပ်ပေးပြီး အဆီဓာတ်ကို ချေဖျက်ပေးဖို့ ရည်ရွယ်ချက်နဲ့ ထုတ်လုပ်ခြင်း ဖြစ်ပါတယ်။ ကိုလက်စထရောနဲ့ ဘီလီရူဘင်ဆိုတဲ့ အသည်းရဲ့ရောင်ခြယ်ဓာတ်တွေ များပြားလာရင် သည်းခြေအိတ်နဲ့ပတ်သက်တဲ့ ရောဂါတွေ ဖြစ်လာပါတယ်။ ကြုံတွေ့ရနိုင်တဲ့ အခြေအနေတွေကတော့ - သည်းခြေကျောက်တည်ခြင်း - သည်းခြေကျောက်များကြောင့် ရုတ်တရက် (သို့မဟုတ်) နာတာရှည်ရောင်ရမ်းခြင်း - သည်းခြေပြွန်ကျောက်တည်ခြင်း စတာတွေ ဖြစ်ပါတယ်။ အဆိုပါအခြေအနေတွေကြုံလာရတဲ့အခါ အတော်လေး ခံရခက်ပါတယ်။ ဗိုက်အောင့်ခြင်း၊ ကျောအောင့်ခြင်း၊ ပျို့အန်ခြင်း စတဲ့လက္ခဏာတွေ ကြုံတွေ့ရပါတယ်။ လိုအပ်ရင် သည်းခြေအိတ်ကို ခွဲစိတ်ဖယ်ရှားဖို့် လိုပါတယ်။ လူတယောက်ဟာ သည်းခြေအိတ်မရှိဘဲနဲ့ ကျန်းမာစွာ နေထိုင်နိုင်ပါတယ်။ သည်းခြေအိတ်မရှိရင် အသည်းကနေ ထွက်လာတဲ့ သည်းခြေရည်များဟာ […]

အစာအိမ်ဟာ ပါးစပ်ကစပြီး စအိုမှာအဆုံးသတ်တဲ့ အူလမ်းကြောင်းမှာ အရေးအပါဆုံး အစိတ်အပိုင်းတခု ဖြစ်ပါတယ်။ အစာများကို ချေဖျက်ပြီး လိုအပ်တဲ့အာဟာရဓာတ်များရရှိအောင် လုပ်ဆောင်ပေးပါတယ်။ အစာအိမ်မရှိခဲ့ရင် အစားအစာများကို ကောင်းစွာချေဖျက်နိုင်ခြင်း မရှိတော့ဘဲ နေထိုင်စားသောက်မှုပုံစံလည်း အတော်လေးကို ပြောင်းလဲသွားမှာ ဖြစ်ပါတယ်။ အစာအိမ်ဖြတ်ထုတ်ကုသခြင်း (Gastrectomy) ဆိုတာကတော့ အကြောင်းတခုခုကြောင့် အစာအိမ်ရဲ့ မကောင်းတော့တဲ့ အစိတ်အပိုင်းကိုဖြစ်စေ၊ တခုလုံးကိုဖြစ်စေ ခွဲစိတ်ဖယ်ရှားခြင်း ဖြစ်ပါတယ်။ အဓိကအားဖြင့် အစာအိမ်ဖြတ်ထုတ်ကုသခြင်း ၃မျိုးရှိပါတယ်။ ၎င်းတို့ကတော့ - အစာအိမ် တပိုင်းတစကို ဖြတ်ထုတ်ခြင်း (Partial Gastrectomy)။ အစာအိမ်ရဲ့ တစိတ်တပိုင်းလောက်သာ ဖြတ်ထုတ်ပါတယ်။ များသောအားဖြင့် အောက်ပိုင်းကို ဖြတ်ထုတ်ကြပါတယ်။ - အစာအိမ်တခုလုံး ဖြတ်ထုတ်ခြင်း (Full Gastrectomy) - အစာအိမ်ဘယ်ဘက်အပိုင်းဖြတ်ထုတ်ခြင်း (Sleeve Gastrectomy)။ များသောအားဖြင့် ကိုယ်အလေးချိန်လျှော့ချဖို့ ရည်ရွယ်ချက်နဲ့ ကုသခြင်း ဖြစ်ပါတယ်။ အစာအိမ်ဖြတ်ထုတ်ကုသခြင်း ဘာကြောင့်လုပ်ရသလဲ တခြားနည်းလမ်းတွေနဲ့ […]

ဗိုင်းရပ်စ်ပိုးကြောင့် အစာအိမ်နဲ့အူလမ်းကြောင်း ရောင်ရမ်းတဲ့အခါ အထက်လန်အောက်လျှော ဖြစ်တတ်ပါတယ်။ Stomach Flu လို့လည်း ခေါ်ဝေါ်ကြပြီး ကမ္ဘာတလွှားက လူအများကို နှစ်စဉ်ဒုက္ခပေးနေတဲ့ ပြဿနာ ဖြစ်ပါတယ်။ ဗိုင်းရပ်စ်ကြောင့်ဖြစ်တဲ့ အထက်လန်အောက်လျှောဟာ ရောဂါပိုးကူးစက်မိထားသူနဲ့ ထိတွေ့ရာကနေဖြစ်စေ၊ ရောဂါပိုးရှိတဲ့ အစားအစာနဲ့ရေကို စားသောက်မိရာကနေ ဖြစ်စေ ကူးစက်နိုင်ပါတယ်။ ကဲ ...... ဗိုင်းရပ်စ်ပိုးကြောင့် အထက်လန်အောက်လျှောဖြစ်ခြင်း (viral gastroenteritis) အကြောင်းလေး လေ့လာလိုက်ရအောင်နော်။ ဗိုင်းရပ်စ်ပိုးကြောင့် အထက်လန်အောက်လျှောဖြစ်ခြင်း (viral gastroenteritis) ဘာကြောင့်ဖြစ်တတ်သလဲ အစာအိမ်အူလမ်းကြောင်းကို ဒုက္ခပေးတဲ့ ဗိုင်းရပ်စ်ပိုးတွေကြောင့် ဖြစ်တတ်ပါတယ်။ ကလေးငယ်တွေ၊ သက်ကြီးရွယ်အိုတွေ၊ ကိုယ်ခံအားနည်းပါးသူတွေမှာ အဖြစ်များပါတယ်။ အစားအစာများကို ကိုင်တွယ်ရာမှာ မသန့်ရှင်းခြင်း၊ ရေဆိုးရေညစ်များနှင့် သောက်သုံးရေထိစပ်နေခြင်း၊ အစားအစာများကို ကျက်အောင် မချက်ဘဲ စားသုံးမိခြင်း စတဲ့ အခြေအနေတွေကနေ ကူးစက်နိုင်ပါတယ်။ ရောဂါဖြစ်စေတဲ့ […]

အူလမ်းကြောင်းထဲကို ဘက်တီးရီးယားပိုးအချို့ဝင်ရောက်တဲ့အခါ အထက်လန်အောက်လျှောရောဂါ ဖြစ်တတ်ပါတယ်။ အစာအိမ်နံရံနဲ့ အူလမ်းကြောင်းမှာ ရောင်ရမ်းပြီး အဆက်မပြတ်အန်ခြင်း၊ ဝမ်းပျက်ခြင်းတွေကြောင့် အထက်လန်အောက်လျှောလို့ ခေါ်ဝေါ်ခြင်း ဖြစ်ပါတယ်။ ဘက်တီးရီးယားပိုးကြောင့် အထက်လန်အောက်လျှောဖြစ်ရခြင်းဟာ တစ်ကိုယ်ရေသန့်ရှင်းမှု အားနည်းခြင်းကြောင့် ဖြစ်တတ်ပါတယ်။ တိရစ္ဆာန်များနဲ့ လက်ပွန်းတတီးထိတွေ့ခြင်း၊ ဘက်တီးရီးယားပါသော အစားအစာနှင့်ရေကို စားသောက်မိခြင်း စတာတွေကနေ ရောဂါပိုးဝင်ရောက်နိုင်ပါတယ်။ ဘက်တီးရီးယားကနေ အဆိပ်အတောက်တွေ ထုတ်လွှတ်တဲ့အတွက် ရောဂါဝေဒနာ ခံစားရခြင်း ဖြစ်ပါတယ်။ လက္ခဏာများ ဝင်ရောက်ကူးစက်တဲ့ ရောဂါပိုးအမျိုးအစားပေါ် မူတည်ပြီး ဖြစ်ပေါ်တဲ့လက္ခဏာ ကွားခြားမှုရှိနိုင်ပါတယ်။ တွေ့ရများတဲ့ လက္ခဏာတွေကတော့ - အစားပျက်ခြင်း - ပျို့ခြင်း၊ အန်ခြင်း - ဝမ်းပျက်ခြင်း - ဗိုက်နာ ဗိုက်အောင့်ခြင်း - သွေးဝမ်းသွားခြင်း - အဖျားတက်ခြင်း စတာတွေ ဖြစ်ပါတယ်။ အဆိုပါလက္ခဏာတွေကြုံလာရပြီး ရက်အနည်းငယ်နဲ့မှ မသက်သာရင် ဆရာဝန်နဲ့ပြသသင့်ပါတယ်။ ကလေးငယ်တွေဆိုရင် အန်ပြီး ဝမ်းသွားပြီဆိုတာနဲ့ ဆရာဝန်ချက်ချင်းပြသင့်ပါတယ်။ အကြောင်းအရင်းများ အထက်လန်အောက်လျှောဖြစ်စေတဲ့ ဘက်တီးရီးယားမျိုးစုံ ရှိပါတယ်။ အဓိကဖြစ်စေတဲ့ ပိုးမွှားတွေကတော့ • […]