ကလေးငယ်များအတွက် အကောင်းဆုံးအသားအရေ ထိန်းသိမ်းနည်းလမ်းညွှန်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

အရေပြားကလူ့ခန္ဓါကိုယ်ရဲ့ အကြီးဆုံးအစိတ်အပိုင်းတစ်ခုပါ။ အရေပြားထိန်းသိမ်းစောင့်ရှောက်မှုက အရွယ်သုံးပါးစလုံးအတွက် အရေးပါပါတယ်။ ကလေးအရွယ်ကနေစလို့ အသက်အရွယ်ရလာတဲ့အထိ အရေးပြားကိုထိန်းသိမ်းစောင့်ရှောက်ဖို့လိုပါတယ်။ အရွယ်ရောက်လာတဲ့အခါ ကိုယ့်ဘာသာအရေပြားကိုထိန်းသိမ်းစောင့်ရှောက်နိုင်တယ်ဆိုပေမယ့် ငယ်စဉ်အရွယ်မှာတော့ မိဘတွေကစောင့်ရှောက်ပေးရမှာဖြစ်ပါတယ်။ မွေးကင်းစကလေးငယ်တွေရဲ့ အရေပြားက အရမ်းထိခိုက်လွယ်ပြီး အရမ်းနူးညံ့တာကြောင့်ထိန်းသိမ်းရတာလည်း အလုပ်ပိုပါတယ်။ လူကြီးတွေလိုမျိုး သင့်တော်ရာ အဆင်ပြေရာ အသားရေထိန်းသိမ်းခြင်းပစ္စည်းတွေသုံးတာမျိုးမရဘဲ ထိခိုက်လွယ်တဲ့အသားလေးကို နူးနူးညံ့ညံ့နဲ့ ဂရုစိုက်ကြင်နာပေးဖို့လိုအပ်ပါတယ်။ ဒီအတွက် အခက်အခဲတွေ့နေတဲ့ မိဘတွေအတွက် ကလေးငယ်ရဲ့အသားအရည်ကို ဘယ်လိုဂရုစိုက်ရမလဲဆိုတာကိုဖော်ပြပေးလိုက်ပါတယ်။

ကလေးကိုဘယ်လိုရေချိုးပေးမလဲ

ကလေးငယ်လေးတွေရဲ့ အရေပြားက လူကြီးတွေထက် အဆ ၃၀လောက်ပိုပါးပါတယ်။ ဆပ်ပြာတွေ၊အသားအရေအတွက်သုံးတဲ့ပစ္စည်းတွေကြောင့်ထိခိုက်မှုကလည်း ပိုများပါတယ်။ အထူးသဖြင့်မွေးကင်းစကလေးငယ်တွေရဲ့ အသားအရေက ထိခိုက်မှုဒဏ်ကိုခံနိုင်ရည်တော်တော်လေးနည်းပါတယ်။ ဒါကြောင့်မွေးကင်းစ ကလေးငယ်တွေကိုရေချိုးပေးတဲ့အခါ ရိုးရိုးရေသန့်သန့်လေးနဲ့ ချိုးပေးတာကအကောင်းဆုံးဖြစ်ပါလိမ့်မယ်။ ကလေးငယ်က ၂ လသားလောက်ရောက်လာပြီဆိုရင်တော့ ကလေးတွေအတွက် သီးသန့်ထုတ်ထားတဲ့ အပျော့စားဆပ်ပြာရည်လေးနဲ့ချိုးပေးလို့ရပါပြီ။ရေချိုးတဲ့အခါမှာလည်း တစ်ပတ်ကို ၃ ကြိမ်လောက်နဲ့ အချိန် ၃ မိနစ်ကနေ ၅ မိနစ်လောက်အထိပဲချိုးပေးတာက အကောင်းဆုံးဖြစ်ပါလိမ့်မယ်။ ကလေးအတွက် ဆပ်ပြာရည်ဝယ်ယူတဲ့အခါသေသေချာချာစစ်ဆေးဖို့လိုအပ်သလို တတ်သိနားလည်တဲ့သူနဲ့တိုင်ပင်သင့်ပါတယ်။

အစိုဓါတ်ထိန်းခရင်မ်လူးပေးပါ

ကလေးငယ်ကိုရေချိုးပြီးတဲ့အခါ အသားအရေခြောက်သွေ့တာမျိုးမဖြစ်စေဖို့အတွက် အစိုဓါတ်ထိန်းခရင်မ်တစ်ခုခုလူးပေးရပါမယ်။ ကလေးတွေအတွက်သီးသန့်ထုတ်ထားတဲ့အစိုဓါတ်ထိန်းခရင်မ်မျိုးကိုဆိုလိုချင်တာပါ။ အစိုဓါတ်ထိန်းခရင်မ်ကိုရေချိုးပြီးပြီးချင်းလူးပေးတာကအကောင်းဆုံးပါ။

နေရောင်ထဲထွက်တဲ့အခါ ကလေးကိုနေလောင်ကာခရင်မ်လူးပေးပါ

ကလေးငယ်ရဲ့အသားအရေက အရမ်းကိုထိခိုက်လွယ်တာကြောင့်နေရောင်နဲ့တိုက်ရိုက်မထိတွေ့စေတာကပိုကောင်းပါတယ်။ ကလေးကိုမွေးကင်းစကနေ ၆ လအတွင်းနေရောင်ထဲထွက်တာမျိုးမလုပ်ရင် အကောင်းဆုံးဖြစ်မှာပါ။ ကလေးကိုနေရောင်ထဲခေါ်သွားမယ်ဆိုရင်လည်း ကလေးတွေအတွက် ထုတ်ထားတဲ့နေလောင်ကာခရမ်လူးပေးပြီးခေါ်သွားတာက အသင့်တော်ဆုံးပါ။ ကလေးကိုနေရောင်ကျတဲ့နေရာမှာပေးဆော့မယ်ဆိုရင်လည်း ဦးထုပ်ဆောင်းပေးတာ၊ အင်္ကျီလက်ရှည်ဝတ်ပေးတာ၊ဘောင်းဘီရှည်ဝတ်ပေးတာမျိုးတွေလုပ်ပေးဖို့လိုပါလိမ့်မယ်။

ကလေးကိုနှိပ်နယ်ပေးပါ

ကလေးကိုနှိပ်ပေးတာကလည်း အရေပြားကျန်းမာစေနိုင်တဲ့နည်းလမ်းတစ်ခုလို့ဆိုရပါမယ်။ ကလေးငယ်ကိုကော်ဇောပေါ်မှာစောင်နုနုလေးခင်းပေးပြီး အခန်းအပူချိန်မှာ မုန်ညှင်းဆီ၊သံလွင်ဆီ ဒါမှမဟုတ် ကလေးနဲ့သင့်တော်မယ့် Baby Oil တစ်ခုခုကိုလိမ်းပေးပြီး ညင်ညင်သာသာလေးနှိပ်ပေးမယ်ဆိုရင် ကလေးကိုအိပ်ပျော်စေမှာဖြစ်သလို ကိုယ်ခံအားတိုးမြင့်စေပြီးရောဂါတွေကိုတိုက်ထုတ်နိုင်အောင်လည်း အထောက်အကူပြုပေးမှာဖြစ်ပါတယ်။ ဒါ့အပြင်အသားအရေအတွက် လိုအပ်တဲ့အာဟာရဓါတ်တွေကိုလည်းရရှိစေမှာဖြစ်ပါတယ်။

ကလေးကို သေးခံလဲပေးဖို့မမေ့ပါနဲ့

စိုရွှဲနေတဲ့ ကလေးငယ်ရဲ့သေးခံတွေက ကလေးရဲ့အရေပြားကိုထိခိုက်စေနိုင်ပါတယ်။ ညစ်ပေနေတဲ့သေးခံတွေကိုမလဲပေးမိပြီးအချိန်အကြာကြီးထားမိမယ်ဆိုရင် ကလေးငယ်မှာသေးခံလောင်တာမျိုးဖြစ်နိုင်ပါတယ်။ ကလေးသေးခံမှာညစ်ပေနေတာတွေ့တာနဲ့ ချက်ချင်းလဲပေး တာကအကောင်းဆုံးပါ။ ကလေးကိုသေးခံအသစ်လဲခါနီးသန့်စင်တဲ့အခါမှာလည်း ရနံ့လုံးဝမပါတဲ့ သန့်စင်ရည်ကိုအသုံးပြုပေးပါ။ တစ်သျှူးအစိုသုံးတာမျိုးမလုပ်ပါနဲ့။ အချို့တစ်သျှူးအစိုတွေက အယ်လ်ကိုဟောပါဝင်တာကြောင့် ကလေးအသားအရေကိုခြောက်သွေ့ယားယံတာမျိုးဖြစ်စေနိုင်တာကြောင့်ပါ။ ကလေးကိုသေးခံအသစ်လဲပေးခါနီးတိုင်း ကလေးအရေပြားကိုခြောက်သွေ့အောင် ဂွမ်းစနုနုလေး ဒါမှမဟုတ် အဝတ်စနုနုလေးနဲ့ သုတ်ပေးဖို့လည်းမမေ့ပါနဲ့။ ဒီလိုသုတ်ပေးပြီးတဲ့အခါပေါင်ဒါမသုံးဘဲprotective nappy cream ထူထူလေးလူးပေးပါ။သေးခံလောင်တာက ပုံမှန်ဆို ၃ ရက်လောက်ကြာရင်ပျောက်သွားတတ်တာကြောင့် ဆရာဝန်နဲ့ပြဖို့မလိုဘူးဆိုပေမယ့်သေးခံလောင်တာကနေတဆင့် ကလေးမှာ အရေပြားပိုးဝင်တာ၊ မှိုပိုးကူးစက်တာတွေဖြစ်လာမယ်ဆိုရင်တော့ ဆရာဝန်နဲ့ ပြသဖို့လိုပါလိမ့်မယ်။

အပျော့စား အသားအရေထိန်းသိမ်းမှု ပစ္စည်းတွေကိုရွေးချယ်အသုံးပြုပေးပါ

ကလေးတွေအတွက် အထူးသီးသန့်ထုတ်ထားတဲ့ အသားအရေထိန်းသိမ်းမှုပစ္စည်းတွေကိုရွေးချယ်အသုံပြုပေးတာက အကောင်းဆုံးဖြစ်ပါလိမ့်မယ်။ခေါင်းလျှော်ရည်ဆိုရင်လည်း အနံ့လုံးဝမပါဘဲ ကလေးကိုမျက်စိမစပ်စေမယ့်ခေါင်းလျှော်ရည်မျိုး၊ရေချိုးဆပ်ပြာဆိုရင်လည်း ရနံ့လုံးဝမပါတာမျိုး၊ Lotion ဆိုရင်လည်း သဘာဝအဆီတွေကိုအခြေခံထုတ်ထားတဲ့ အရာမျိုးကိုရွေးချယ်အသုံးပြုပေးဖို့လိုပါလိမ့်မယ်။

အရေပြားကိုအစိုဓါတ်ထိန်းပေးနိုင်တဲ့ Lotion မျိုးက ကလေးငယ်တွေအရေပြားထိန်းသိမ်းဖို့အတွက် ပိုပြီးထိရောက်ပါလိမ့်မယ်။ ပိုပြီးထူထူလူးပေးလေလေ ကလေးအသားအရေနူးညံ့စေလေလေပါပဲ။ရေချိုးပေးတဲ့အခါမျိုးမှာလည်း အမွှေးနံ့များလွန်းတာ၊ ပိုးသေစေနိုင်တယ်ဆိုတဲ့ ဆပ်ပြာမျိုးတွေမသုံးပါနဲ့။ ကလေးအရေပြားကိုထိခိုက်စေနိုင်တာကြောင့်ပါ။ ကလေးဆပ်ပြာကတော့အကောင်းဆုံးရွေးချယ်မှုပါပဲ။

ရာသီဥတုအခြေအနေကိုလည်း မပြတ်လေ့လာပေးပါ

ကလေးငယ်ငယ်လေးတွေကိုနေရောင်နဲ့ အရမ်းထိတွေ့စေတာမျိုးက မကောင်းပါဘူး။ မဖြစ်မနေ နေရောင်ထဲခေါ်သွားဖို့လိုမယ်ဆိုရင်တော့ SPF 30 ပါတဲ့ကလေးတွေအတွက် ထုတ်ထားတဲ့နေလောင်ကာခရမ်လူးပေးဖို့မမေ့ပါနဲ့။နေရောင်ထဲမထွက်ခင် နာရီဝက်လောက်ကြိုပြီး ကလေးငယ်ကိုနေလောင်ကာခရင်မ်လူးပေးထားပါ။ ကလေးတွေရဲ့ ချွေးဂလင်းလေးတွေကကောင်းကောင်းမဖွံ့ဖြိုးသေးတာကြောင့်နေရောင်နဲ့ထိတွေ့မှုက ကလေးမှာ မိတ်ထွက်စေနိုင်ပါတယ်။ ဒါကြောင့်နေရောင်ထဲသွားတဲ့အခါ ကလေးငယ်ကို ချည်ထည်လက်ရှည်ပွပွလေးတွေဝတ်ပေးတာ၊ ချည်သားဘောင်းဘီပွပွလေးတွေဝတ်ပေးတာ၊ ဦးထုပ်ဆောင်းပေးတာမျိုးလုပ်ပေးဖို့လိုပါလိမ့်မယ်။

ဆောင်းရာသီမျာဆိုရင်တော့ခြောက်သွေ့တဲ့ရာသီတုက ကလေးအရေပြားကိုတော်တော်လေးထိခိုက်စေနိုင်ပါတယ်။ ကလေးကိုအစိုဓါတ်ရရှိအောင်လုပ်ပေးဖို့လိုပါလိမ့်မယ်။ ကလေးကိုရေဓါတ်ည့်ဝနေစေဖို့လည်း ဂရုစိုက်ဖို့လိုပါလိမ့်မယ်။ခြောက်သွေ့အေးမြတဲ့ရာသီဥတုအခြေအနေမျိုးမှာ ကလေးအရေပြားကို အဆီဓါတ်ပါဝင်တဲ့ Baby Oilလေးတွေလူးပေးရင်လည်းအဆင်ပြေပါတယ်။

အဝတ်အစားတွေလျှော်ဖွတ်တဲ့အခါ အပြင်းစားဆပ်ပြာမှုန့်တွေမသုံးပါနဲ့

အချို့ဆပ်ပြာမှုန့်တွေက အစွန်းအထင်းတွေကျွတ်စေတယ်ဆိုပေမယ့် ဓါတုပစ္စည်းတွေအများအပြားပါဝင်နေတတ်ပါတယ်။ ဒီလိုမျိုး ဆပ်ပြာမှုန့်တွေနဲ့ ကလေးအဝတ်တွေကိုစိမ်ပြီးလျှော်မယ်ဆိုရင် ကလေးအရေပြားမှာခြောက်သွေ့ယားယံတာမျိုးဖြစ်နိုင်ပါတယ်။ ကလေးရဲ့ အဝတ်တွေတင်မဟုတ်ဘဲ ကလေးရဲ့စောင်တွေ၊ရေသုတ်တဘက်တွေနဲ့ အခြားအသုံးအဆောင်တွေကိုလည်း ဆပ်ပြာအပြင်းစားတွေသုံးပြီးမလျှော်သင့်ပါဘူး။

နောက်တစ်ခုကတော့ မဲနယ်ပါ။ အဖြူလေးတွေဆိုမဲနယ်စိမ်မှလှတယ်လို့ထင်တတ်ကြပါတယ်။ ကလေးအနှီးတွေကို မဲနယ်အရမ်းစိမ်မယ်ဆိုရင်တော့ ကလေးအရေပြားကိုထိခိုက်တာမျိုးဖြစ်စေနိုင်ပါတယ်။ဖြစ်နိုင်ရင် ကလေးအနှီးတွေ၊ အဝတ်အစားတွေကို မဲနယ်မစိမ်ပါနဲ့။

ဒီနည်းလေးတွေအတိုင်းလိုက်လုပ်ကြည့်ပြီး သားသားမီးမီးလေးတွေကို ကျန်းမာတဲ့အရေပြားပိုင်ဆိုင်နိုင်အောင်လုပ်ဆောင်ပေးနိုင်ကြပါစေကြောင်း။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုယ်တိုင် နို့ချိုတိုက်ကျွေးတဲ့ မေမေ တွေပဲ ရရှိနိုင်မယ့် အကျိုးကျေးဇူးများ

မေမေ မိခင်နို့ ဘေဘီလေး ကလေး ကလေးအာဟာရ နို့တိုက်ကျွေးခြင်း ကလေးကျန်းမာရေး အကျိုးကျေးဇူး ရောဂါကာကွယ်နိုင်ခြင်း ကိုယ်အလေးချိန် နို့တိုက်မိခင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ကလေးနဲ့ ဖေဖေ ရင်းနှီးချစ်ခင်ဖို့ မေမေတို့ စီမံပေးပါဦးနော်

ဖေဖေ မေမေ ကလေးကျန်းမာရေး မိသားစု ချစ်ခင်ရင်းနှီးမှု ချစ်ခြင်းမေတ္တာ ကလေးအာဟာရ တာဝန်ဝတ္တရား မိဘ မိဘတာဝန် ကလေးပြုစုစောင့်ရှောက်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ကလေး က ညဘက် ချောင်းထဆိုးနေသလား

ကလေး ကလေးကျန်းမာရေး ချောင်းဆိုး မိဘ ညအိပ်ချိန် ချွဲသလိပ် ရင်ကျပ် ကိုယ်ပူခြင်း အဖျားတက်ခြင်း နောက်ဆက်တွဲပြဿနာ အသက်ရှူလမ်းကြောင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

တုပ်ကွေး ကွေးတဲ့ ကလေးလေး မြန်မြန်သက်သာရေး

တုပ်ကွေး ကလေးလေး ကလေးငယ် ကလေးကျန်းမာရေး နာမကျန်း ဖျားနာ အအေးမိ လက္ခဏာ မိဘများအတွက်လမ်းညွှန် အဖျားကျ မြန်မြန်သက်သာရေး ရာသီတုပ်ကွေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

သင့်အတွက် ရွေးချယ်ထားသည်

ကလေးကျန်းမာရေး အကြောင်း

ကလေးကျန်းမာရေး အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 3, 2021 . 3 mins read
Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် စက်တင်ဘာ 16, 2020 . 1 min read
ကိုယ်ဝန်ဆောင်မေမေ ကိုယ်ခံအားကောင်းစေဖို့ ဘာတွေ စားမလဲ

ကိုယ်ဝန်ဆောင်မေမေ ကိုယ်ခံအားကောင်းစေဖို့ ဘာတွေ စားမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 28, 2020 . 2 mins read
ကလေးလေးတွေကို နွေးနွေးထွေးထွေး ပွေ့ဖက် ပေးပါ

ကလေးလေးတွေကို နွေးနွေးထွေးထွေး ပွေ့ဖက် ပေးပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဩဂုတ် 5, 2020 . 2 mins read