ကလေးပြုစုစောင့်ရှောက်ခြင်း

ကိုယ့်ကလေးက ဖျားနေတယ်၊ နှာစေးနှာပိတ်၊ ချွဲတွေကျပ်နေတယ်ဆိုရင် ဆေးခန်းပြ၊ ဆေးတိုက်တာကလွဲလို့မိဘတွေမှာ ခြေမကိုင်မိ လက်မကိုင်မိနဲ့ဖြစ်တတ်ပါတယ်။ နှာတရွှီရွှီနဲ့ အသက်ရှူရခက်လို့ ညညမအိပ်နိုင်တဲ့ ကလေး လေး ကို ဘယ်လိုလုပ်ပေးရပါ့မလဲ။ တကယ်တော့ နှာရည်ကျတာကောင်းတဲ့လက္ခဏာပါ။ ဒါက ရောဂါပိုးမွှားတွေကို ဖယ်ရှားတဲ့ ခန္ဓာကိုယ်ရဲ့သဘာဝနည်းလမ်းဖြစ်လို့ပါ။ ။ ဒါပေမယ့် ကလေးမှာ နှာတအားစေးနေရင် နှာခေါင်းဝမှာခြောက်သွေ့တဲ့အခါ နှာခေါင်းပိတ်မှာသေချာပါတယ်။ ဒါဆို အသက်ရှူရခက်လာမယ်၊ နို့စို့ရ၊ အစားစားရခက်လာနိုင်ပါတယ်။ နှာခေါင်းထဲမှာ ပိတ်ဆို့နေတဲ့ဝေဒနာခံစားနေရချိန်မှာ ကလေး ကို သက်တောင့်သက်သာရှိစေဖို့ ဒီလိုလေးတွေလုပ်ပေးနိုင်တယ်နော်။ နှာစေးနှာပိတ် ဖြစ်တဲ့ကလေးကို - ခေါင်းကိုမြှင့်ထားပေးပါ ကလေးကိုသိပ်တဲ့အခါ ဦးခေါင်းကို (ခေါင်းအုံးကို) နည်းနည်းလောက်မြှင့်ပေးထားရင် နှာရည်ပိတ်တာ၊ ချွဲကျပ်တာသက်သာပြီး အသက်ရှူရ ပိုကောင်းစေပါတယ်။ ပိတ်နေတဲ့ နှပ်ချေးဖတ်ကို ဖယ်ထုတ်ပေးပါ နှာရည်ထွက်တာများလွန်းရင် ကလေးရဲ့ နှာခေါင်းဝမှာ ခြောက်ပြီး ပိတ်နေတတ်ပါတယ်။ ဂွမ်းစလေးကို ရေနွေးဆွတ်ပြီး ညင်သာစွာ ဖယ်ရှားသန့်စင်ပေးပါ။ […]

ကိုယ့်ရဲ့ သားသားမီးမီးလေးတွေအတွက်ပဲ ဖြစ်ဖြစ်၊ လက်ဆောင်ပေးဖို့အတွက်ပဲ ဖြစ်ဖြစ် ကလေး အသုံးအဆောင်ပစ္စည်းတွေ ရွေးချယ်တဲ့အခါ ဘာတွေထည့်ပြီး စဉ်းစားဖြစ်လဲ။ ကျသင့်မယ့် ဈေးနှုန်းလား၊ ဘရန်းဖြစ်မဖြစ်လား၊ လှတပတလေးတွေလား။ ဒါတွေထက်ပိုပြီး အရေးကြီးတဲ့အချက်က နုနယ်တဲ့ ကိုယ်ခန္ဓာပိုင်ရှင် ဘေဘီလေးအတွက် ဘေးအန္တရာယ်ကင်းပြီး အဆင်ပြေစေမယ့် အသုံးအဆောင်ပစ္စည်းတွေ ဖြစ်ဖို့ပါပဲ။ အရေပြားနုနုလေးပေါ်မှာ အသုံးပြုမယ့်ပစ္စည်းတွေဆို သက်ရောက်မှုက ပိုသိသာတာပေါ့။ ဓာတ်မတည့်ခြင်းဖြစ်လွယ်တာက ကလေးတွေမှာ အဖြစ်များတဲ့ ပြဿနာတစ်ခုဖြစ်နေတာကြောင့်လည်း ပါပါတယ်။ ဒါ့ကြောင့် ကလေး ရေချိုးဆပ်ပြာ အပါအဝင် ကလေးအတွက် မရှိမဖြစ်လိုအပ်တဲ့ တစ်ကိုယ်ရေသုံးပစ္စည်းတွေကိုဝယ်ယူရာမှာ ဒီအချက်လေးတွေ မေမေတို့ သတိထားဖို့လိုတယ်နော်။ ကလေး ရေချိုးဆပ်ပြာ ဝယ်မယ်ဆိုရင် ဘာတွေ သတိထားသင့်လဲ။ ဘာတွေပါဝင်လဲသိရအောင် Label ကို သေချာဖတ်ပါ။ ကလေး အသားအရေသုံးပစ္စည်းတွေမှာ အရောင်ဆိုးဆေး၊ ရေမွှေးနံ့နဲ့ ဓာတုပစ္စည်းတွေပါနေခဲ့ရင် ပြဿနာရှိပါတယ်။ […]

ဆော့ရင်း ကစားရင်းနဲ့ သင်ယူလေ့လာဖြစ်ဖို့က ကလေးတစ်ယောက်ရဲ့ဖွံ့ဖြိုးမှုမှာ အရေးပါတဲ့အချက်တစ်ချက်ဖြစ်ပါတယ်။ သူတို့လေးတွေက မွေးစအရွယ်တည်းကကိုဘေးပတ်ဝန်းကျင်ကို စူးစမ်းလေ့လာရင်း၊ ကိုယ်တိုင် ပါဝင်လှုပ်ရှားလာရင်း အရာရာသင်ယူတတ်ပါတယ်။ ကစားဖို့၊ စားဖို့နဲ့ အိပ်ဖို့ပဲသိသေးတာဖြစ်ပေမယ့် သူတို့လုပ်နေကျ အဲဒီသုံးမျိုးကနေပဲ ကလေးရဲ့ ဉာဏ်ရည်ဉာဏ်သွေး ဖွံ့ဖြိုးလာအောင် အစတည်းက လမ်းဖွင့်ပေးလို့ရပါတယ်။ ဉာဏ်ရည်ဖွံ့ဖြိုးစေမယ့် ကစားစရာတွေရွေးချယ်ပေးတဲ့အခါ ကလေးတွေမှာ လုပ်နိုင်စွမ်း၊ သိနိုင်စွမ်းအရည်အချင်းလေးတွေ တိုးတက်လာပါလိမ့်မယ်။ ပြဿနာဖြေရှင်းဖို့နဲ့ အကျိုးအကြောင်းနားလည်နိုင်စွမ်း လေ့လာမှတ်သားနိုင်စွမ်း ကိုယ့်ကိုယ်ကိုယ်အားကိုး ကိုယ်တိုင်လုပ်ဆောင်ချင်စိတ် တီထွင်ဆန်းသစ်နိုင်စွမ်း ထိန်းချုပ်မှုမလိုဘဲ သွက်လက်တဲ့ ဆုံးဖြတ်ချက်ချနိုင်စွမ်း စတာတွေကို ငယ်စဉ်တည်းက အလေ့အကျင့်မွေးမြူပေးသလိုဖြစ်စေမှာပါ။ ကလေးတွေကမွေးကင်းစအရွယ်တည်းကလေ့လာမှတ်သားတတ်တာကြောင့် ကလေးတွန်းလှည်းတွေမှာ နှိပ်ရင်မတူညီတဲ့အသံတွေမြည်တဲ့ အရုပ်လေးတွေထည့်သွင်းတတ်ကြတာဖြစ်ပါတယ်။ ကလေးရဲ့ဉာဏ်ရည်ကိုအသုံးပြုရတဲ့ ကစားစရာတွေက အသက်အပိုင်းအခြားအလိုက် ဉာဏ်ရည်ဉာဏ်သွေး ဖွံ့ဖြိုးမှုကိုအားပေးတဲ့ အကောင်းဆုံးအကူအညီဖြစ်ပါတယ်။ ဘယ်လိုမျိုးလေးတွေပေးကစားမလဲ ဂီတတူရိယာလေးတွေ ကလေးတွေဟာ သီချင်းနားထောင်ရတာထက်အော်ဂင်၊ စန္ဒရားအသေးလေးတွေ၊ ခလုတ်ပါတဲ့ဂီတာလေးတွေလို ကစားစရာလေးတွေနဲ့ ကိုယ်တိုင်သီချင်းသံဖန်တီးရတာပိုနှစ်သက်ကြပါတယ်။ ဒီလိုမျိုးတွေနဲ့ကစားတဲ့ကလေးတွေက ကိုယ်အလိုရှိတာအမူအရာနဲ့ဆက်သွယ်ပြောဆိုနိုင်စွမ်းပိုကောင်းပြီး အရွယ်ရောက်တဲ့အခါ […]

Probiotic ဆိုတာ ခန္ဓာကိုယ်ရဲ့အစာခြေစနစ်ကို အကျိုးပြုတဲ့ သက်ရှိဘက်တီးရီးယားတစ်မျိုးပါ။ ဘက်တီးရီးယားဆိုတာနဲ့ရောဂါဖြစ်စေတဲ့ပိုးတွေလို့ အများအားဖြင့်ယူဆကြပါတယ်။ ဒါပေမယ့် ခန္ဓာကိုယ်ထဲမှာ မြောက်မြားစွာရှိနေတဲ့ ဘက်တီးရီးယားတွေကကောင်းတာရော၊ မကောင်းတာပါရှိပါတယ်။ Probiotic ကတော့ အစာခြေစနစ်နဲ့ အူလမ်းကြောင်းကျန်းမာစေဖို့ အကျိုးပြုတဲ့ဘက်တီးရီးယားတွေဖြစ်ပါတယ်။ ဒီလိုအကျိုးပြု Probiotic က ကလေးတွေရဲ့အစာအိမ်နဲ့အူလမ်းကြောင်းကို ကျန်းမာစေဖို့ အထောက်အကူပေးနိုင်မှာကိုလည်း မိဘတွေသိကြမှာပါ။ ဒါပေမယ့် ကလေးရဲ့ကျန်းမာရေးမှာProbiotic က တခြားဘယ်လိုအရေးပါတဲ့နေရာက အကျိုးကျေးဇူးတွေပေးနေသလဲ၊ ဘာအတွက်ကောင်းသလဲဆိုတာ ဆက်ပြီးလေ့လာကြည့်ရအောင်။ ကလေးရဲ့ခန္ဓာကိုယ်ဇီဝလုပ်ဆောင်ချက် တွေနဲ့ ကိုယ်အလေးချိန်ကို သက်ရောက်မှုရှိတယ်။ အူတွင်းဘက်တီးရီးယားတွေ လုံလောက်တဲ့ပမာဏရှိနေတာက ကလေးရဲ့ကြီးထွားဖွံ့ဖြိုးမှုအတွက် အရေးကြီးတဲ့အချက်ဖြစ်ပါတယ်။ ကြီးထွားဖွံ့ဖြိုးနေဆဲအရွယ်မှာ ကလေးရဲ့ဦးနှောက်ကျန်းမာရေးကိုထောက်ပံ့ပေးတယ်။ အစာကြေလွယ်စေပြီး ကလေးရဲ့ခန္ဓာကိုယ်အတွက်လိုအပ်တဲ့ အာဟာရဓာတ် ‌တွေကို အူလမ်းကြောင်းက အပြည့်အဝစုပ်ယူနိုင်ဖို့ ကူညီပေးတယ်။ ကိုယ်ခံအားကောင်းစေတယ်။ Probiotic ပုံမှန်ရရှိတဲ့ ကလေးဟာ ကိုယ်ခံအားစနစ်ပိုအားကောင်းနိုင်ပါတယ်။ ကလေးရဲ့အစာအိမ်နဲ့အူလမ်းကြောင်းပိုကျန်းမာလာပြီးရောဂါပိုးတွေကို ခုခံနိုင်စွမ်းပိုကောင်းလာပါလိမ့်မယ်။ ဝမ်းနဲ့ပတ်သက်တဲ့ရောဂါတွေအပြင် အဖြစ်များတဲ့ […]

အိမ်မှာ အိမ်သားအသစ်စက်စက် ပိစိကွေးလေးတိုးလာတဲ့အခါ ဂရုစိုက်လုပ်ဆောင်ရတာတွေများလာပါမယ်။ သူတို့လေးတွေဘေးကင်းစေဖို့ အစားအစာကစလို့ အသုံးအဆောင်တွေအထိသေချာဂရုစိုက်ရပါမယ်။ ဒီလိုဂရုစိုက်တဲ့အထဲမှာ မဖြစ်မနေအရေးတကြီးလုပ်ပေးသင့်တာက ကလေးကို ဝတ်ပေးမယ့် အဝတ်အစားတွေပါ။ အဝတ်အစားရွေးချယ်တဲ့အခါ အမြင်လှဖို့ထက် ကလေးအတွက် သက်သောင့်သက်သာဖြစ်စေပြီး ကလေးအသားအရေကို ထိခိုက်မှုမရှိနိုင်တဲ့ အဝတ်အထည်မျိုးကို အဓိကထားရွေးချယ်ဖို့ လိုပါမယ်။ ဒါကြောင့် ဘေဘီလေးတွေ အရေပြားအတွက်သင့်တော်တဲ့ ပိတ်စအမျိုးအစားများ အကြောင်း ပြောပြပေးလိုက်ပါတယ်။ ဘေဘီလေးတွေ အရေပြားအတွက်သင့်တော်တဲ့ ပိတ်စအမျိုးအစားများ က ဘာတွေများဖြစ်မလဲ ဘေဘီလေးတွေ အရေပြားအတွက်သင့်တော်တဲ့ ပိတ်စအမျိုးအစားများ ကတော့ - ချည်သား ချည်သားကတော့ ဘေဘီလေးတွေနဲ့ အသင့်တော်ဆုံးဖြစ်မှာပါ။ ချည်သားက နူးညံ့ပြီးအေးမြနေသလို ချွေးစုပ်ယူမှုအားလည်းကောင်းတာကြောင့် ထိခိုက်လွယ်တဲ့ဘေဘီလေးတွေ အသားအရေနဲ့ ကွက်တိပါ။ အသားအရေကို ထိခိုက်ပွန်းပဲ့မှုကင်းစေပြီး အပူအအေးမျှတနေစေမှာပါ။ ဒါပေမယ့် ဘေဘီလေးကို ချည်သားဝတ်ဆင်ပေးမယ်ဆိုရင် အရင်ဆုံးလျှော်ဖွတ်ပြီးမှ ဝတ်ဆင်ပေးဖို့ မမေ့ပါနဲ့။ ချည်သားနဲ့ Polyesterရောစပ်ထားတဲ့ အထည် ဒီပိတ်စအမျိုးအစားကခြောက်သွေ့မြန်သလို၊ တွန့်ကြေခဲပါတယ်။ […]

ခန္ဓါကိုယ်ကျန်းမာစေဖို့အတွက်က အာဟာရသင့်တင့်မျှတအောင်စားသုံးဖို့လိုပါမယ်။ ကလေးတွေအတွက်ကတော့ကလေးဘဝအရွယ်ကတည်းက အာဟာရမျှတအောင် စားသုံးတတ်ဖို့ မိဘတွေက သင်ကြားပေးဖို့လိုပါမယ်။ ကလေးဆိုတာက ပုံသွင်းလို့လွယ်တဲ့ ဖယောင်းလေးတွေပါ။ ဒါကြောင့် သားသားမီးမီးတွေကို ငယ်စဉ်အရွယ်ကတည်း ကအာဟာရမျှတအောင်စားသုံးတတ်ဖို့ မိဘတွေက သင်ကြားပေးရမှာဖြစ်ပါတယ်။ ဟင်းသီးဟင်းရွက်တွေက ကလေးတွေ ကြိုက်တတ်ကြတဲ့ အာလူးကြော်၊သကြားလုံး၊ အချိုကဲတဲ့ အသင့်စား အစားအသောက်တွေ၊ ဟမ်ဘာဂါ တို့ထက်ပိုပြီးကျန်းမာရေးနဲ့သင့်တော်ပါတယ်။ ဟင်းသီးဟင်းရွက်တွေမှာ ဗီတာမင်၊ အမျှင်ဓါတ် နဲ့ ဓါတ်တိုးဆန့်ကျင်ပစ္စည်းတွေကြွယ်ဝစွာပါဝင်တာကြောင့် ကျန်းမာရေးအတွက် အထောက်အကူပြုပေးမှာပါ။ သားသားမီးမီးတွေ ဟင်းသီးဟင်းရွက်စားဖြစ်စေဖို့ ကလေးက ငယ်သေးတဲ့အခါ မိဘက ခွံကျွေးသမျှကို စားသုံးပေမယ့် လမ်းလျှောက်တတ်စအရွယ်ေလာက်ရောက်လာတဲ့အခါ အစားအစာတွေကို စပြီး စိတ်ကြိုက်ရွေးလာပါပြီ။ သစ်သီးတွေကို စားဖြစ်ကောင်းစားဖြစ်နိုင်ပေမယ့် ဟင်းသီးဟင်းရွက်တွေကိုတော့ စားခဲလာပါမယ်။ ဒီလိုဖြစ်တဲ့အခါ ကလေးရဲ့ အစာခြေစနစ်မှာ အမျှင်ဓါတ်လုံလောက်အောင်မရရှိဘဲ ဝမ်းချုပ်တာမျိုးဖြစ်နိုင်ပါတယ်။ ဒါကြောင့် ကလေးတွေကို ဟင်းသီးဟင်းရွက်တွေစားဖြစ်စေဖို့ဆိုရင်တော့ အခုပြောပြမယ့်နည်းလေးတွေသုံးကြည့်နော်။ ဟင်းသီးဟင်းရွက်တွေကိုSmoothie ထဲထည့်ပေးပါ ဟင်းသီးဟင်းရွက်တွေကို Smoothie […]

မွေးကင်းစကလေးငယ်လေး တွေရဲ့ အရေပြားက တုံ့ပြန်ထိခိုက်လွယ်ကြပါတယ်။ မွေးကင်းစကလေးတွေ ကို အသားအရေအတွက် အသုံးပြုပေးတဲ့ ပစ္စည်းတွေကစလို့ အဝတ်အစားတွေ အထိသေချာရွေးချယ်ပေးဖို့လိုပါမယ်။ ဒီလိုမှမဟုတ်ဘူးဆိုရင် ကလေးမှာ မလိုလားဘဲ အရေပြားပြဿနာတွေဖြစ်လာနိုင်ပါတယ်။ ဒါကြောင့်ဖေဖေမေမေတို့ သတိထားလို့ရအောင် ကလေးတွေအဝတ်အစားတွေမှာပါတတ်တဲ့ ဓါတုပစ္စည်းတွေအကြောင်းကိုပြောပြပေးမယ်နော်။ အဝတ်အထည်တွေမှာ ဓါတုပစ္စည်းတွေပါတတ်လား ပုံမှန်အတိုင်းဆိုရင်တော့ အဝတ်အထည်တွေမှာ ဓါတုပစ္စည်းတွေပါဝင်နေမယ်လို့ ထင်စရာမရှိပါဘူး။ ဒါပေမယ့် အဝတ်အထည်တစ်ခုဖြစ်လာဖို့ ကုန်ကြမ်းတွေကတည်းကစလို့နောက်ဆုံး အချောထည်ထွက်လာတဲ့ အထိအဆင့်ဆင့်မှာ ဓါတုပစ္စည်းမျိုးစုံကို အသုံးပြုကြရပါတယ်။ ဒီလိုမျိုး ဓါတုပစ္စည်းတွေ အမျိုးမျိုးအသုံးပြုထားရတဲ့ အထည်တွေက ကလေးငယ်လေးတွေရဲ့ အရေပြားနဲ့သင့်တော်ပါ့မလား။ဘေဘီနဲ့ မသင့်တော်တဲ့ဓါတုပစ္စည်းတွေက ဘာတွေများဖြစ်မလဲ။ အထည်တွေမှာ ဘယ်လိုဓါတု ပစ္စည်းတွေပါဝင်နေလဲ နေ့စဉ်ဝတ်ဆင်နေတဲ့ အဝတ်အစားတွေကို ချုပ်လုပ်ထားတဲ့ အထည်တွေမှာဓါတုပစ္စည်းတွေ အများအပြားပါဝင်နေပါတယ်။ အထည်ကိုဆိုးထားတဲ့ အရောင်၊ အဆင်ဖော်ထားတဲ့ဆေးတွေ၊ အထည်ကို ပိုးကိုက်တာမျိုးမဖြစ်အောင်သုံးထားတဲ့ ပိုးသတ်ဆေးလိုမျိုး ဓါတုဆေးတွေပါဝင်နေပါတယ်။ အထည်တွေမှာ ပါဝင်နေတဲ့ဓါတုဆေးတွေက - အမိုးနီးယား […]

ကလေးချောင်းဆိုးနေတယ်။ ဘာလို့လဲ။ အချိုစားလို့ဖြစ်မှာပေါ့၊ သကြားလုံးတွေသိပ်မကျွေးနဲ့။ ဒါမှမဟုတ်ရင် အအေးမိတာလား။ချောင်းဆိုးပျောက်ဆေးဝယ်တိုက်လိုက်ရင်ကောင်းသွားမှာ။ ချောင်းဆိုးမပြတ်တာဟာ ပန်းနာရင်ကျပ် လည်းဖြစ်နိုင်တယ်ဆိုတာ သတိထားသင့်ပါတယ်။ ကျန်းမာရေးဗဟုသုတနည်းတဲ့ မိဘတွေနဲ့ ပတ်ဝန်းကျင်တွေမှာ ဒီလိုပြောတတ်ကြပါတယ်။ ကျန်းမာရေးနဲ့ပတ်သက်လာရင် ဘယ်လက္ခဏာကိုမှပေါ့ပေါ့ဆဆမမြင်သင့်သလို ရောဂါလက္ခဏာတွေကို ကိုယ့်သဘောနဲ့ကိုယ် အမည်တပ်မဆုံးဖြတ်သင့်ပါဘူး။ ကိုယ်အမည်တပ်လိုက်တဲ့ရောဂါနဲ့ ကလေးရဲ့ဝေဒနာက လွဲမှားနေရင် ရမ်းကုခြင်းရဲ့အကျိုးဆက်ဆိုးတွေကြောင့် ရင်နာရနိုင်တယ်နော်။ ကလေးကိုချောင်းဆိုးစေတဲ့ အကြောင်းရင်းတွေက အများကြီးဖြစ်နိုင်ပါတယ်။ ဥပမာ - ရောဂါပိုးကြောင့် (အအေးမိ၊တုပ်ကွေး သို့မဟုတ် အသက်ရှူလမ်းကြောင်း ပိုးဝင်ခြင်း)၊ ဓာတ်မတည့်မှုတစ်ခုခုကြောင့် (ပန်းဝတ်မှုန်၊ ဖုန်မှုန့်၊ အနံ့၊အငွေ့ စသည်)၊ ကြက်ညှာချောင်းဆိုးရောဂါ ဒါမှမဟုတ် ပန်းနာရင်ကျပ်ရောဂါကြောင့်ဖြစ်နေနိုင်ပါတယ်။ အဲဒီအကြောင်းရင်းတွေထဲကမှ အဖြစ်များတဲ့ ပန်းနာရင်ကျပ် ရောဂါနဲ့ပတ်သက်ပြီး သိထားသင့်တာလေးတွေ ဆက်ပြီးပြောပြပါရစေ။ ကလေးတစ်ယောက်နဲ့တစ်ယောက်မှာဖြစ်လာတဲ့လက္ခဏာချင်းမတူကြပါဘူး။ ဒါပေမယ့် အဖြစ်များတဲ့ ပန်းနာရင်ကျပ်လက္ခဏာ တွေကတော့ ကလေးမှာ ပန်းနာရင်ကျပ်ရှိနေရင် - မကြာခဏ ချောင်းထဆိုးတာ( […]

ကလေးကဖျားတာနာတာလည်းမရှိဘဲ မအီမသာဖြစ်နေတယ်။ ဘာကြောင့်မှန်းမသိဘဲ ဂျီကျနေတယ်ဆိုရင် ကလေးမှာထိခိုက်မှုတစ်စုံတရာများရှိနေလား၊ အကောင်ကိုက်ထားတာများရှိနေတာလား။ သေးခံလောင်နေလားဆိုတာကို စစ်ဆေးကြည့်ဖို့လိုပါမယ်။ တကယ်လို့ ကလေးရဲ့ပေါင်ခြံ၊ တင်ပါးတို့မှာ နီမြန်းနေတယ်။ အရေပြားအဖတ်လန်သလိုမျိုးတွေဖြစ်နေမယ်ဆိုရင်တော့ ကလေးကသေးခံလောင်နေတာပါ။ သေးခံလောင်ခြင်း သေးခံလောင်တယ်ဆိုတာက ကလေးရဲ့ အရေပြား (အထူးသဖြင့်)သေးခံဝတ်ထားတဲ့နေရာမှာ အရေပြားနီမြန်းရောင်ရမ်းနေတာ၊ အရေပြားမှာ အဖုအပိမ့်လေးတွေ ဖြစ်နေတာ၊ အပေါ်ယံအရေပြားအဖတ်လန်နေတာမျိုးတွေတွေ့ရနိုင်ပါတယ်။သေးခံလောင်တာက ကလေးငယ်ငယ်လေးတွေမှာမှ မဟုတ်ဘူး။တောက်တောက်ပြေးနေတဲ့အရွယ်ထိသေးခံဝတ်တဲ့ကလေးတိုင်းမှာသေးခံလောင်တာတွေဖြစ်နိုင်ပါတယ်။ ဒါတွေကြောင့်သေးခံလောင်တာပါ သေးခံလောင်တာက ကလေးငယ်ငယ်လေးတွေမှာ ကြုံတွေ့ရလေ့ရှိတဲ့အရေပြားပြဿနာတစ်ခုပါ။ မိဘတွေက ဂရုစိုက်မှုနည်းတာကြောင့်ရယ်မဟုတ်ပါဘူး။ နုနယ်လွန်းတဲ့ ကလေးငယ်ရဲ့အရေပြားမှာဖြစ်တတ်တဲ့အရေပြားပြဿနာတစ်ခုပေါ့။ ကလေးက အမြဲလိုလိုသေးစိုနေတာ၊ ဝမ်းတွေနဲ့ထိတွေ့မိတာ၊ အစားအသောက်အသစ်အဆန်းတွေစားသုံးမိတာ ကလေးရဲ့အရေပြား တုံ့ပြန်လွယ်တဲ့အခြေအနေဖြစ်နေတာ၊ ကလေးကိုသေးခံဝတ်ပေးထားတာ အရမ်းတင်းကျပ်နေတာတွေကြောင့် ကလေးလေးတွေမှာသေးခံလောင်တာတွေဖြစ်နိုင်ပါတယ်။ သေးခံလောင်တဲ့အခါ ဘယ်လိုသက်သာအောင်လုပ်ပေးမလဲ သေးခံလောင်တာကဘေဘီလေးတွေတိုင်း မဖြစ်မနေကြုံတွေ့ရနိုင်တဲ့ အရေပြားပြဿနာဆိုပေမယ့်သေးခံလောင်တာကို သက်သာအောင်လုပ်ဆောင်ပေးလို့ရတဲ့ နည်းလမ်းလေးတွေတော့ရှိပါတယ်။ သေးခံလောင်တာကိုကာကွယ်ပေးနိုင်မယ့် အကောင်းဆုံးနဲ့အထိရောက်ဆုံးနည်းလမ်းတစ်ခုကသေးခံဝတ်တဲ့နေရာကို သန့်ရှင်းခြောက်သွေ့အောင်ထားတာပါ။ ဒီလိုလုပ်တာက ကလေးရဲ့သေးခံလောင်တဲ့ပြဿနာကို ဆိုးမလာအောင်ကာကွယ်ပေးနိုင်ပါတယ်။ ကလေးကိုသေးခံစိုတာနဲ့လဲပေးပါ - ကလေးသေးခံကစိုနေပြီ ညစ်ပေနေပြီဆိုတာနဲ့ ချက်ချင်းလဲပေးလိုက်ပါ။ ဒါက […]

အပူအပင်မရှိတဲ့ ကလေးဘဝ ကို ကျော်လွန်ခဲ့ပြီးနောက်ပိုင်း ပူပန်စိတ်ကို စပြီးရင်ဆိုင်ရတာ မြီးကောင်ပေါက် ဆယ်ကျော်သက် အရွယ် ပါ။ အပြောင်းအလဲတွေ စပြီးဖြစ်လာတဲ့အရွယ်ဆိုတော့ ပညာရေးနဲ့ပတ်သက်ပြီးတော့ရော၊ စိတ်ခံစားချက်အပြောင်းအလဲတွေလိုမျိုး အကြောင်းအရာတွေကြောင့် စိတ်ဖိစီးမှုတွေရှိလာနိုင်တာပေါ့။ စိတ်ဖိစီးမှုရှိနေတဲ့ လူငယ်တွေမှာ ဒီလိုအပြောင်းအလဲလက္ခဏာတွေရှိလာနိုင်တယ် - စိတ်ခံစားချက်အပြောင်းအလဲ - စိတ်ဆတ်လာမယ်၊ စိုးရိမ်တတ်နေမယ်၊ စိတ်ဓါတ်ကျနေမယ်။ ရုပ်ပိုင်းဆိုင်ရာအပြောင်းအလဲ - စိတ်ဖိစီးမှုခံစားနေရတဲ့လူငယ်တွေကနေမကောင်းပိုဖြစ်တတ်တယ်၊ မကြာခဏခေါင်းကိုက်တယ်၊ ဗိုက်အောင့်တယ်၊ နာကျင်ကိုက်ခဲမှုတွေဖြစ်နေနိုင်တယ်။ အပြုအမူပိုင်းအပြောင်းအလဲ - စားသောက်ပုံနဲ့အိပ်စက်ပုံအလေ့အထတွေပြောင်းလဲလာတယ်၊ ပုံမှန်လုပ်နေကျအလုပ်တွေကိုရှောင်လာမယ်။ ဦးနှောက်စွမ်းရည်အပြောင်းအလဲ - အာရုံစူးစိုက်နိုင်စွမ်းကျဆင်းလာမယ်၊မေ့တတ်လာမယ်၊ နမော်နမဲ့ဖြစ်လာမယ်။ ဆယ်ကျော်သက် တို့ ဘာကြောင့် စိတ်ဖိစီးရတာလဲ အဓိကအားဖြင့် - ပညာရေး ကျောင်းမှာအတန်းကြီးလာလေ စာကြိုးစားဖို့တာဝန်နဲ့ အမှတ်အများဆုံးရလိုတဲ့စိတ်က ပခုံးပိုလေးလာလေဖြစ်လာတာသဘာဝပါပဲ။ တက္ကသိုလ်ဝင်တန်းအတွက် ရည်မှန်းချက်ပြည့်မီအောင်ကြိုးစားရတယ်၊ ဆရာတွေနဲ့မိဘတွေကျေနပ်အောင်အပြင် အချိန်ဇယားနဲ့ လှုပ်ရှားရတဲ့ယန္တရားမှာလည်ပတ်နေရတယ်ဆိုတာ ဖိစီးမှုတွေရဲ့အစပါ။ မှန်းထားတဲ့အတိုင်းမပြည့်မီတဲ့အခါ ၊ စိတ်ပင်ပန်းလာတဲ့အခါ […]