ကလေးပြုစုစောင့်ရှောက်ခြင်း

ကလေးမွေးဖွားချိန်မှစ၍ သူတို့လေးတွေကို ပြုစုပျိုးထောင်စဉ်တစ်လျှောက် သင်သည် မိဘတစ်ယောက်အနေဖြင့် ကလေး၏ ကိုယ်ရည်ကိုယ်သွေးနှင့် ပတ်သက်ပြီး အတော်အသင့် သတိပြုမိနိုင်ပါသည်။ လေ့လာသူများက ကလေးတစ်ယောက်၏ သိသာထင်ရှားသော ကိုယ်ရည်ကိုယ်သွေးကို ဖော်ထုတ်ဖို့ နည်းလမ်းမျိုးစုံ စမ်းသပ်ကြိုးစားခဲ့ကြသည်။ လမ်းလျှောက်တတ်ခါစ ကလေးတစ်ယောက်တွင် အတွေ့ရအများဆုံး ကိုယ်ရည်ကိုယ်သွေး သုံးမျိုးအကြောင်းကို ဤဆောင်းပါးတွင် ဆက်လက်ဖတ်ရှုလေ့လာကြည့်ပါ။ ထိုအကြောင်းများကို သိရှိခြင်းအားဖြင့် ထူးခြားသော ကိုယ်ရည်ကိုယ်သွေးများကို ပြုစုပျိုးထောင်ဖို့ နည်းလမ်းကောင်းများကို လေ့လာသိရှိနိုင်မည်ဖြစ်ပါသည်။ ကျွမ်းကျင်ပညာရှင်များ၏အဆိုအရ လမ်းလျှောက်တတ်ခါစ ကလေးများတွင် အခြေခံအားဖြင့် ကိုယ်ရည်ကိုယ်သွေး သုံးမျိုးရှိပါသည်။   ၁။ ထိန်းရ လွယ်ကူသော ကလေး ထိန်းရလွယ်သော ကလေးငယ်ကို ပိုင်ဆိုင်ရခြင်းသည် အတွေ့ရနည်းသည်တော့ မဟုတ်ပါ။ ကလေးအားလုံး၏ တစ်ဝက်နီးပါးသည် ပြောရဆိုရလွယ်ကူသော ကလေးများအဖြစ် ယူဆ၍ ရပါသည်။ သင်သည် သူတို့လေးတွေ၏ အပြုအမူကို လေ့လာခြင်းအားဖြင့် သတိထားမိနိုင်ပါသည်။ သူတို့သည် တက်ကြွပုံပေါ်ပြီး […]

ကလေးများအတွက် မှတ်ဉာဏ်သည်ပုံမှန်အားဖြင့် အထူးအားလပ်ရက်၊ အငယ်လေး မွေးသောနေ့ စသည်ဖြင့် ထူးခြားသော နေ့စွဲဖြစ်ရပ်လေးများမှ စတင်သည်။ မိဘအနေဖြင့် သင်သည် သင့်ကလေးများအတွက် ကောင်းမွန်သော အမှတ်တရကောင်းများကိုသာ ဖန်တီးပေးဖို့ မျှော်လင့်မည်ဖြစ်သည်။ မှတ်ဉာဏ်စတင်သော အသက်အရွယ် ကျွန်ုပ်တို့ အများစုသည် အသက် သုံးနှစ်၊ လေးနှစ်မတိုင်ခင်က ကိစ္စများကို လုံးဝမမှတ်မိသည်ကများသည်။ နောက်ပိုင်းအသက်အရွယ်များမှာတောင်မှ အချို့ကိစ္စများကိုသာ မှတ်မိတော့သည်။ အသက် ၇နှစ်မှ ၁၀ နှစ်ကြားရောက်သည့်အထိ ကလေးများသည် မှတ်ဉာဏ်များကို တည်ဆောက်နိုင်သော်လည်း အချိန်ကြာသည်နှင့်အမျှ မှေးမှိန်ပျောက်ကွယ်ပြီး အသစ်အသစ်သော ပထမဦးဆုံး မှတ်ဉာဏ်များ၏ အစားထိုးခြင်းကို ခံရသည်။ ကျွမ်းကျင်သူများက ထိုသို့ မှတ်လိုက်မေ့လိုက် သံသရာလည်နေခြင်းကို ကလေးဘ၀ မှတ်ဉာဏ်မေ့ခြင်းဟု ရည်ညွန်းကြသည်။ ထိုကလေးဘဝမှတ်ဉာဏ်မေ့ခြင်းသည် ပုံမှန်ဖြစ်ပြီး ကလေးများကြုံတွေ့ရမည့် ဦးနှောက်ပုံမှန် ဖွံ့ဖြိုးမှု၏ ဘေးထွက်ဆိုးကျိုးတစ်ခုဖြစ်နိုင်သည်။ ကျွမ်းကျင်သူများက တစ်နှစ်အောက်ကလေးများတွင် ပိုမိုရှုပ်ထွေးသော မှတ်ဉာဏ်ပုံစံများကို […]

စာသင်ကြားမှုသည် ဦးနှောက်ဖွံ့ဖြိုးမှုအတွက် အရေးကြီးသည်။ ထို့ကြောင့် အကောင်းဆုံးသော စာသင်ကြားမှုနည်းလမ်းကို ရရှိဖို့ မိဘများသည် သူတို့ကလေး စာဖတ်၊ စာရေး၊ တွက်ချက်မှုကဲ့သို့သော ရိုးရှင်းသော သင်ကြားမှုများကို စတင်ဖို့ သင့်တော်သော အသက်အရွယ်ကို သိဖို့ အထူးအရေးကြီးပါသည်။ သင့်ကလေး ဘယ်အချိန်မှာ စာဖတ်ဖို့ သင်ယူသင့်သလဲ။ ကလေး အသက် လေးနှစ်ပြည့်သည်နှင့် မိဘများသည် ကလေးများ၏ စာဖတ်မှုအကြိုစွမ်းရည်ကို စတင်သင်ကြားဖို့ ထောက်ခံထားပါသည်။ ထိုစွမ်းရည်များတွင် ရိုးရှင်းသော စကားလုံးများကို မှတ်မိခြင်း၊ အသံထွက်ဖတ်ခြင်း၊ ဗျည်းသရ အက္ခရာများ ချရေးခြင်း နှင့် ကာရန်လိုက်သော စကားလုံးများကို အစားထိုးခြင်း စွမ်းရည်တို့ပါဝင်ပါသည်။ ပညာရေးဆိုင်ရာ ဆရာကြီးများ၏ အဆိုအရ ကလေးများသည် မူကြိုနှင့် နှစ်တန်းကြားတွင် စတင်စာဖတ်တတ်ပြီဖြစ်သည်။ သို့သော် လူကြီးများထံမှ ကောင်းမွန်သော သင်ကြားမှုနှင့် လမ်းညွှန်မှုကို လက်ခံရရှိမှသာ ဖြစ်သည်။ သင့်ကလေးကို […]

အသီးဖျော်ရည်သည် သောက်ရလွယ်ကူသော ဖျော်ရည်တစ်ခုဖြစ်ပြီး ဗီတာမင် နှင့် သတ္တုဓါတ်များကြွယ်ဝသော အစားအစာရင်းမြစ်တစ်ခုအဖြစ် ယုံကြည်ကြသည်။ သို့သော် သင့်ကလေးအထူးသဖြင့် မွေးကင်းစကလေးနှင့် တစ်နှစ်အောက်ကလေးများကို အသီးဖျော်ရည် တိုက်ဖို့အတွက်ကိုတော့ သင်တွေးထားတာထက် ပိုစဉ်းစားသတိထားဖို့လိုအပ်သည်။ သစ်သီးဖျော်ရည်များသည် တစ်နှစ်အောက်ကလေး ဝမ်းချုပ်ခြင်းအတွက် အထူးကောင်းမွန်သည်။ ကလေးဆရာဝန်များသည် တစ်နှစ်အောက်အရွယ် သင့်ကလေး ဝမ်းချုပ်ခြင်း သက်သာစေရန် ပန်းသီးဖျော်ရည်နှင့် ရေကို ရောပြီး တိုက်ကျွေးဖို့ အကြံပေးထားပါသည်။ ထိုဖျော်ရည်သည် ၁၀၀ ရာခိုင်နှုန်း သဘာဝစစ်စစ်ဖြစ်ပြီး သကြား၊ ဆေးသကြားများ ပါဝင်ခြင်းမရှိရန်၊ ဖျော်ရည်ဘူးတွင် ပိုးသတ်ထားသည်ဟု ရေးထားသော အညွှန်းပါရန် အထူးသတိထားပါ။ သင့်ကလေး ကို ပန်းသီးဖျော်ရည် (သို့) မည်သည့်ဖျော်ရည်မဆို မတိုက်ကျွေးခင် ကလေးအတွက် ဘေးကင်းစိတ်ချကြောင်း သေချာစေရန် သင့်ဆရာဝန်၊ အာဟာရပညာရှင် (သို့) ကလေးဆရာဝန်နဲ့ အရင်တိုင်ပင်ပါ။ အတွေ့အကြုံမရှိသောသူ (သို့) […]

မိဘများသည် သူတို့၏ကလေးများကို ကျန်းမာ ပျော်ရွှင်စွာ ကြီးပြင်းစေလိုကြပါသည်။ သို့သော် သင့်ကလေးသည် သူငယ်ချင်းများနှင့် ပေါင်းသင်းဆက်ဆံချိန်ရောက်လာလျှင် သင်သည် ကလေးကို အချိန်ပြည့် အကာအကွယ်ပေးထား၍ မရပါ။ သင့်ကလေး၏ သူငယ်ချင်းများထဲတွင် အနည်းဆုံး သင်မကြိုက်သော သူတစ်ယောက်တော့ပါနိုင်ပါသည်။ ထို့ကြောင့် မဖြစ်သင့်ဘဲ ကြီးမားသည့်ပြသနာများ မဖြစ်ရလေအောင် သင့်ကလေး၏ သူငယ်ချင်းများနှင့် ပတ်သက်ပြီး ကိုင်တွယ်ဖြေရှင်းသည့်နည်းများကို ရေးသားလိုက်ရပါသည်။ သင့်ကလေး၏ သူငယ်ချင်းကို သင်မနှစ်သက်လျှင် ပထမဦးဆုံး ထိုသို့ဖြစ်ရခြင်းအကြောင်းကို အရင်စဉ်းစားပါ။ ထိုကလေးသည် ကိုယ်ရည်ကိုယ်သွေးနိမ့်ပါးခြင်းကြောင့် ဆိုလျှင် လျစ်လျူရှုထားလိုက်ပါ။ အဘယ်ကြောင့်ဆိုသော် သင်ကိုယ်တိုင်ပင်လျှင် သင့်သူငယ်ချင်းများကို ရွေးချယ်ခွင့် မရှိသောကြောင့်ဖြစ်ပါသည်။ သို့သော် သင့်သူငယ်ချင်းများ အနေနှင့် သူတို့ပေါင်းချင်သော သူငယ်ချင်းများကို ရွေးချယ်ခွင့်ရှိပါသည်။ သင့်ကလေးသည် အရွယ်ရောက်လာပြီး ပိုရင့်ကျက်လာချိန်တွင် သင့်အနေဖြင့် သူကိုယ်တိုင် မှန်ကန်သော အပေါင်းအသင်းနှင့် ရွေးချယ်ပေါင်းသင်းစေခြင်း ပြုလုပ်ပါ။ […]

မွေးကင်းစကလေးများ၏ အသားအရေနှင့် မျက်လုံးများဝါလာခြင်းကို စပြီးသတိပြုမိပါက ထိုကလေး၏ ကိုယ်ထဲတွင် အဝါဓါတ်များနေပြီ ဖြစ်ပါသည်။ အဝါဓါတ်များခြင်းကို ဖြစ်စေသော အဓိက အကြောင်းများ သွေးထဲတွင်ရှိသော အဝါဓါတ် (Bilirubin)များ ပိုလျှံနေခြင်းကြောင့် အသား၊ မျက်လုံးများဝါခြင်းဖြစ်ရပါသည်။ ထိုအဝါဓါတ်များသည် ကိုယ်ထဲမှ သုံးစွဲပြီးသား သွေးနီဥများ ပြိုကွဲရာမှ ထွက်ပေါ်လာခြင်းဖြစ်ပါသည်။ ထိုအဝါဓါတ်များကို သွေးထဲမှတဆင့် အသည်းမှ စစ်ယူပြီး အစာချေစနစ်ထဲသို့ စွန့်ထုတ်ပါသည်။ မွေးကင်းစကလေးများတွင် အသည်းသည် ကောင်းမွန်စွာ မဖွံ့ဖြိုးသေးသည့်အတွက် အဝါဓါတ်များကို စွန့်ထုတ်နိုင်ခြင်းမရှိသေးသည့်အတွက် အသားဝါလာခြင်းဖြစ်ပါသည်။ ထို့ကြောင့် မွေးကင်းစကလေးများတွင်အသားဝါခြင်းသည် ဇီဝဖြစ်စဉ်ကြောင့် ဝါခြင်းဖြစ်ပြီး ၂ ရက် ၃ ရက်သားခန့်တွင် စတင်ဖြစ်ပေါ်လေ့ရှိပါသည်။ အခြားအကြောင်းများ အခြားသော အကြောင်းများကြောင့် အသားဝါခြင်းများသည် အထက်ဖော်ပြပါဖြစ်စဉ်ထက် စောပြီး ဝါလေ့ရှိပါသည်။ ထိုသို့ဖြစ်စေနိုင်သော အကြောင်းများမှာ · အတွင်း ကလီစာများတွင် သွေးထွက်ခြင်း · သွေးဆိပ်တက်ခြင်း · ဗိုင်းရပ်စ်ပိုးများ၊ […]

သင့်ကလေးသည် မတ်တပ်ရပ်လျက်အနေအထားတွင် ရှိနေသော်လည်း သူ့ကို ဆွဲလှည့်ထားသလို မူးဝေခြင်း၊ လှုပ်ရှားနေသလို ခံစားရခြင်းများသည် ချာချာလည်အောင်မူးဝေခြင်းပင်ဖြစ်သည်။ ယင်းသည် လူကို နေထိုင်ရခက်စေသော်လည်း စိုးရ်မ်စရာ ကျန်းမာရေး အခြေအနေတော့မဟုတ်ပါ။ ထိုရောဂါသည် သက်သာမှုရရှိစေရန် ကုသနိုင်သောရောဂါဖြစ်ပါသည်။ ဟန်ချက်အကြောင်းသိနားလည်ခြင်း ကျွန်ုပ်တို့ ခန္ဓါကိုယ် တွင် နား၏အတွင်းပိုင်းသည် ခန္ဓါကိုယ်၏ ဟန်ချက်ကို ထိန်းပေးရာတွင် အရေးပါပါသည်။ ထို့ပြင် ခန္ဓါကိုယ်၏လှုပ်ရှားမှုများနှင့် အနေအထားများကို ပါထိန်းပေးခြင်းဖြစ်ပါသည်။ ထို့ကြောင့် ခန္ဓါကိုယ်၏ဟန်ချက်အနေအထားအားလုံးသည် နားအတွင်းပိုင်းအပေါ်မူတည်နေခြင်းဖြစ်သည်။ လှုံ့ဆော်မှုများသည် ဦးနှောက်မှတဆင့် နားအတွင်းပိုင်းသို့ရောက်ရှိကာ ထိုမှတဆင့် မျက်လုံးများ နှင့် အခြားသော ကိုယ်ခန္ဓါ အစိတ်အပိုင်းများသို့ရောက်ရှိခြင်းဖြစ်ပြီး လှုပ်ရှားမှုများ ပြုလုပ်နိုင်ခြင်းဖြစ်ပါသည်။ ချာချာလည်အောင်မူးဝေလျှင် ဘာဖြစ်မလဲ။ ချာချာလည်အောင်မူးဝေရခြင်း အကြောင်းကို တိကျစွာမသိသေးပါ။ သို့သော် ကလေးများတွင် နားအတွင်းပိုင်းတွင် ပြသနာများရှိခြင်းကြောင့် ဦးနှောက်မှ အချက်ပေးစနစ်များ မှားယွင်းကယ ချာချာလည်အောင်မူးဝေခြင်းဖြစ်ပါသည်။ ကလေးများတွင် […]

ကလေးကြီးထွားဖွံ့ဖြိုးမှုအတွက် အာဟာရလိုအပ်ချက်များတွင် ဗီတာမင်သည် အရေးကြီးဆုံး အစိတ်အပိုင်းထဲမှ တစ်ခု ဖြစ်သည်။ ကလေး၏ ခန္ဓါကိုယ်သည် လိုအပ်သလောက် ဗီတာမင် ပမာဏကို မထုတ်လုပ်ပေးနိုင်သောကြောင့် ဗီတာမင်ဓါတ်များကို အစားအသောက်မှ နေ့စဉ် ရရှိရန်လိုအပ်သည်။ ဗီတာမင် အေ ဗီတာမင်အေကို အဝါရောင်၊ လိမ္မော်ရောင်ရှိသော အစားအစာများ (ဥပမာ။ ။ မုန်လာဥ၊ ဝဥ ၊ ဖရုံသီး၊ နို့၊ ဒိန်ခဲ၊ ဥ) တွင် အလွယ်တကူ တွေ့ရှိရသည်။ ထိုဗီတာမင်သည် ပုံမှန်ကြီးထွားဖွံ့ဖြိုးမှု၊ တစ်ရှုးနှင့် အရိုးပြန်လည် ပြုပြင်မှု၊ အရေပြားနှင့် မျက်လုံးကျန်းမာရေး၊ ကိုယ်ခံအား တို့ကို တိုးမြှင့်ပေးသော အစွမ်းအာနိသင်ရှိသည်။ ဗီတာမင် ဘီ ဗီတာမင်ဘီ အုပ်စုတွင် ဗီတာမင် ဘီ ၂၊ ၃၊ ၆ နှင့် ၁၂ တို့ပါဝင်ပါသည်။ ၎င်းတို့သည် […]

ကလေးများတွင် အကြားအာရုံချို့ယွင်းရခြင်းသည် မွေးရာပါနှင့် မွေးပြီးမှဖြစ်သော အကြားအာရုံချို့ယွင်းခြင်း ဟူသော အဓိက အကြောင်းရင်း ၂ခုကြောင့်ဖြစ်နိုင်ပါသည်။ နားကြားနေမှသာ ပတ်ဝန်းကျင်ရှိအရာများကို စူစမ်းလေ့လာခြင်း၊ အတုခိုးခြင်းများပြုလုပ်တတ်လာပြီး ဦးနှောက်ဆဲလ်များ ဖွံ့ဖြိုးလာခြင်းဖြစ်ပါသည်။ ထိုသို့အကြားအာရုံချို့ယွင်းခြင်းသည် ကလေးများ၏ ဦးနှောက်ဖွံ့ဖြိုးမှုကို နှောင့်နှေးစေသည့်အတွက် ထိုကလေးများကို အခြားသော သာမန်ကလေးများကဲ့သို့ ကြီးထွားဖွံ့ဖြိုးမှုရရှိစေရန် မတူညီသော ပြုစုပျိုးထောင်မှုနည်းလမ်းများကို အသုံးပြုရပါသည်။   သင့်ကလေးသည် အကြားအာရုံချို့ယွင်းနေပါက သင်ဘာလုပ်သင့်သလဲ။ သင့်ကလေးကို ပေါင်းသင်းဆက်ဆံတတ်စေရန် အားပေးပါ။ အကြားအာရုံချို့ယွင်းနေသော ကလေးများသည် ဘာသာစကားများကိုလေ့လာရာတွင် အခြားကလေးများထက် နောက်ကျပါသည်။ ကလေးများသည် သူတို့၏အားနည်းချက်ကို ရှက်စိတ်ဖြစ်လာလေလေ လူအများနှင့် မဆက်ဆံချင်တော့လေလေဖြစ်ပါသည်။ ထို့ကြောင့် မိဘများအနေဖြင့် ကလေးများကို အခြေအနေကို နားလည်အောင်ရှင်းပြခြင်း၊ ပြုလုပ်ရန်တွန်းအားပေးခြင်း၊ အတတ်နိုင်ဆုံး ပုံမှန်ပတ်ဝန်းကျင်တစ်ခုတွင် နေရသည့် စိတ်ခံစားမှုမျိုးကိုရရှိအောင် ဆောင်ရွက်ပေးခြင်းတို့ပြုလုပ်ပေးသင့်ပါသည်။ နေ့စဉ်ပြောနေကျ စကားများကို ပြောပေးခြင်း၊ စာအုပ်များဖတ်ပြခြင်း၊ သီချင်းများဖွင့်ပြခြင်း၊ စကားလုံးများကို […]