သွား နှင့် ခံတွင်းကျန်းမာရေး

သွားတိုက်ကြတယ်ဆိုတာ သွားတွေဖြူဖွေးစေဖို့နဲ့ ခံတွင်းနံ့ကောင်းဖို့အတွက်ပဲ မဟုတ်ပါဘူး။ သွားနဲ့ခံတွင်းထဲက အညစ်အကြေးတွေကိုဖယ်ရှားနိုင်မှ သွားပိုးပေါက်ဖြစ်တာ၊ သွားဖုံးရောဂါနဲ့တခြားဆိုးရွားတဲ့ရောဂါတွေကို ကာကွယ်နိုင်မှာပါ။ ဒီလိုအရေးကြီးမှန်းသိလို့ သွားမှန်မှန်တော့တိုက်ပါရဲ့။ သွားတိုက်နည်းကမှားနေပြီး တိုက်ချင်သလိုတိုက်နေရင် ကောင်းလာဖို့ထက် ပျက်စီးတဲ့ဘက်ကိုတောင် ရောက်သွားနိုင်တာလေး သတိထားဖို့လိုပါတယ်။ ဒါ့ကြောင့်မို့ သွားတိုက်တဲ့အခါ ကိုယ်ရဲ့လုပ်ပုံမှန်ကန်ရဲ့လားသိနိုင်ဖို့ အချက်တချို့ကို အကြံပြုပါရစေ။ သွားပွတ်တံကို ကောင်းတာပဲသုံးပါ ဘရက်ရှ်မွေးနုပြီး အရည်အသွေးကောင်းတဲ့ သွားပွတ်တံကိုပဲရွေးချယ်ပါ။ တွေ့ရာ၊ ကြုံရာ သွားပွတ်တံကို အလွယ်မသုံးပါနဲ့။ သွားကြားတွေအထိ အညစ်အကြေး၊အကြွင်းအကျန်တွေနဲ့ သွားချေးတွေကို ထိရောက်စွာဖယ်ရှားနိုင်ရမယ်၊ သွားဖုံးတွေကိုမထိခိုက်စေရဘူး၊ သွားကြွေလွှာေတွပျက်စီးစေနိုင်တဲ့ဘရက်ရှ်မွေးတွေမဖြစ်ရဘူး၊ ကိုင်ရတာအဆင်ပြေတဲ့ သွားပွတ်တံလက်ကိုင်ဖြစ်ရမယ်၊ သွားပွတ်တံထိပ်က သွားတွေအားလုံးအထိ လွယ်လွယ်ကူကူသန့်စင်နိုင်လောက်တဲ့ ပုံသဏ္ဍာန်အရွယ်အစားဖြစ်ရမယ်။ သွားတိုက်ဆေးနည်းနည်းပဲသုံးပါ သွားတစ်ခါတိုက်ရင် သွားတိုက်ဆေးကို မန်ကျည်းစေ့လောက်ပဲထည့်ပါ။ သွားတိုက်ဆေးများလွန်းရင် ဖလူအိုရိုက်ပါတဲ့သွားတိုက်ဆေးတွေ ဗိုက်ထဲပိုရောက်သွားနိုင်တော့ ကျန်းမာရေးအတွက်မကောင်းပါဘူး။ သွားပွတ်တံဘရက်ရှ်တွေကို သွားမှာ ၄၅ ဒီဂရီစောင်းပြီးတိုက်ပါ သွားပွတ်တံကို ခပ်စောင်းစောင်းလေးထားပြီး ညင်ညင်သာသာ စက်ဝိုင်းပုံဝိုက်ပြီးတိုက်ပါ။ သွားကြားထဲက အညစ်အကြေးတွေပိုသန့်စင်ပါလိမ့်မယ်။ သွားတွေကို […]

ခံတွင်းသန့်ရှင်းမှုသည် လူတစ်ယောက်တစ်ကိုယ်ရည် သန့်ရှင်းမှု ရှိမရှိကို ထင်ထင်သာသာဖော်ပြတဲ့ နေရာဖြစ်တယ်။ သန့်ရှင်းတဲ့ ခံတွင်းတစ်ခုရဖို့ မနက်တစ်ကြိမ် ညတစ်ကြိမ်သွားတိုက်ရုံနဲ့ သန့်ရှင်းကျန်းမာသော ခံတွင်း တစ်ခုရနိုင်မည်ဟု အာမ မခံ။ စကားပြောလိုက်တိုင်း သွားလေးတွေဖြူစင်ပြီး ခံတွင်းနံ့ လေးမွှေးမွှေးနှင့် ဆွဲဆောင်မှုရှိချင်သည်မှာ လူတိုင်းဖြစ်သည်။ မမွှေးရင်တောင် ခံတွင်းဆိုးခြင်းကိုတော့ မလိုချင်ကြပေ။ ဒါ့ကြောင့် ပြုံးလိုက်တိုင်းဖွေး ပြောလိုက်တိုင်းမွှေးနေမည့် ခံတွင်းတစ်ခုပိုင်ဆိုင်ဖို့ ဘယ်လိုအချက်တွေကို လိုက်နာရမလဲ။ ၁ ။ သွားတိုက်တိုင်းမှန်ကန်တဲ့ သွားတိုက်နည်းနဲ့ တိုက်သင့်တယ်။ သွားတိုက်ရာတွင် တိုက်တယ်ဆိုရုံ အဖြစ်လောက် သွားတိုက်ရင် သွားကြားထဲ ကျန်နေတဲ့ အစာတွေ မထွက်တဲ့ အပြင် ပိုတောင် ညပ်နေနိုင်သေးတယ်နော်။ ကြာလာတော့ အစာတွေနဲ့ ဘက်တီးရီးယားတွေ ဓါတ်ပြု အက်စစ်ထွက် သွားပိုးစားတာတွေဖြစ်ရော။ သွားကို အဖြစ်ပဲတိုက်တော့ သွားဖြူလာမှာလည်းမဟုတ်ဘဲ သွားဝါတာတွေက ဆက်ဖြစ်နေဦးမှာပဲ။ […]

သွားနဲ့ခံတွင်းဆိုတာ တကယ်လိုဂရုစိုက်သင့်တဲ့အရာတစ်ခုဖြစ်ပါတယ်။ ခံတွင်းကျန်းမာမှ အနံ့ဆိုးခြင်း၊ သွားပျက်စီးခြင်းနဲ့သွားဖုံးရောဂါတွေဖြစ်မလာအောင် တားဆီးနိုင်မှာဖြစ်ပြီး အသက်ကြီးတဲ့အထိ သွားကျန်းမာမှာဖြစ်ပါတယ်။ သွားနဲ့ခံတွင်းကျန်းမာရေးကို ဘာလို့ဂရုစိုက်သင့်တာလဲဆိုတာလည်း အရေးပါတဲ့အကြောင်းရင်းရှိပါတယ်။ ခံတွင်းမကျန်းမာရင် သို့မဟုတ်သွားဖုံးရောဂါရှိနေရင် နှလုံးရောဂါ၊လေဖြတ်ခြင်း၊ ဆီးချိုမထိန်းနိုင်ခြင်း၊ လမစေ့ဘဲ ကလေးမွေးခြင်းတို့ိလိုပြင်းထန်တဲ့ကျန်းမာရေးပြဿနာတွေဖြစ်လာစေနိုင်ပါတယ်။ ခန္ဓါကိုယ်ရဲ့တခြားအစိတ်အပိုင်းတွေလိုပဲ ခံတွင်းမှာက ဘက်တီးရီးယားတွေအများကြီးရှိပါတယ်။ အများစုကတော့ အန္တရာယ်မပေးပါဘူး။ ပုံမှန်အားဖြင့်နေ့တိုင်းသွားတိုက်တာ၊ သွားပွတ်ကြိုးသုံးတာ လိုမျိုး ခံတွင်းသန့်ရှင်းရေးဂရုစိုက်မှုတွေနဲ့ ခန္ဓါကိုယ်ရဲ့ခုခံမှုစနစ်ကြောင့် ဒီဘက်တီးရီးယားတွေကို ထိန်းချုပ်ထားနိုင်တာဖြစ်ပါတယ်။ ဒါပေမယ့် ခံတွင်းသန့်ရှင်းရေးဂရုမစိုက်မိတာနဲ့ ဘက်တီးရီးယားတွေကရောဂါပိုးဝင်တာတွေဖြစ်စေနိုင်တဲ့အဆင့်ထိရောက်ရှိလာနိုင်ပါတယ်။ အဲဒီလိုဖြစ်လာပြီဆိုရင် ဘယ်လိုလက္ခဏာတွေသိသာလာလဲ သတိထားမိကြရဲ့လား။ လက္ခဏာတစ်ခုခုဖြစ်လာရင် ဆေးသောက်လိုက်ဖို့ပဲ အာရုံစိုက်ကြပြီး တကယ့်အကြောင်းရင်းခံဖြစ်တဲ့ ခံတွင်းသန့်ရှင်းရေးကိုမေ့နေကြတတ်ပါတယ်။ ဒီလက္ခဏာမျိုးတွေဖြစ်လာရင်တော့ သွားနဲ့ခံတွင်းမှာပြဿနာရှိနေပြီလို့ သိလိုက်ပါတော့ - (၁) သွားကိုက်ခြင်း သွားကိုက်တာက အဖြစ်များကြတဲ့ပြဿနာတစ်ခုပါ။ သွားကိုက်ပြီဆို ပါးတွေရောင်၊ သွားဖုံးတွေရောင်ပြီး အစားမစားနိုင်၊ ဆန်ပြုတ်သောက်ရတာပါပဲ။ သွားပိုးစားခြင်းကြောင့်ဖြစ်တတ်ပေမယ့် သွားဖုံးရောဂါရှိနေတဲ့လက္ခဏာတစ်ခုလည်းဖြစ်နိုင်ပါတယ်။ (၂) သွားကျဉ်ခြင်း အပူ ၊ အအေး ဘာပဲသောက်သောက် သွားကျဉ်ရတယ်ဆိုရင် […]

လူတစ်ယောက်၏ တစ်ကိုယ်ရည်သန့်ရှင်းမှုအား တိုင်းတာခြင်းကိစ္စတွင် ခံတွင်းသန့်ရှင်းမှုကိုလည်း မေ့ထား၍မရ။ စားချင်တိုင်းစားနေသော လူတို့၏ခံတွင်းအား သန့်ရှင်းအောင်ထားရန် အရေးကြီး၏။ ခံတွင်း ကျန်းမာရေးအား ဂရုစိုက်ခြင်းကိစ္စသည် ရှေးခေတ်များထဲက ရှိခဲ့သည့် အလေ့အထ ဖြစ်သည်။ ရှေး အခါများက ခုခေတ်လို သွားပွတ်တံများ မရှိသေးသည့် အတွက်ကြောင့် နည်းမျိုးစုံနဲ့ ခံတွင်းသန့်ရှင်းေအာင်လုပ်ခဲ့ကြတယ်။ နာမည်ကြီး နည်းတစ်ချို့ကတော့ ဆားနဲ့ သွားတိုက်တာ၊ မီးသွေးနဲ့သွားတိုက်တာ၊ ဆီနဲ့ပလုတ်ကျင်းတာတွေပါ။ အဲ့နည်းတွေက ကောင်းတာလည်းရှိသလို ဆားဖြင့် သွားတိုက်ခြင်းဖြင့် ဆားများမျိုချမိတတ်၍ သွေးတိုးခြင်း၊ မီးသွေးဖြင့် သွားတိုက်ခြင်းကြောင့် သွားကြွေလွှာ ပျက်စီးခြင်း၊ ဆီနဲ့ ပလုတ်ကျင်းရင်လည်း အဝင်ဆိုးတဲ့ဆိုးကျိုးတွေရှိခြင်းကြောင့် နောက်ပိုင်းလူတွေက အများကြီး သုံးရအဆင်ပြေမယ့် သွားပွတ်တံကို စတင်တီထွင်ခဲ့တယ်။ သုံးရလည်း အဆင်ပြေပြီး သန့်ရှင်းတဲ့အတွက်ကြောင့် နောက်ပိုင်းတွင် သွားပွတ်တံသုံးသူများပြားလာခဲ့တယ်။ ခေတ်မီအဆင်ပြေလှတဲ့ သွားပွတ်တံတွေရဲ့ အရင်းအမြစ်က […]

သွားတိုက်မယ်၊ သွားပွတ်ကြိုးအသုံးပြုမယ်၊ ပလုတ်ကျင်းမယ်ဆိုတာတွေက မဖြစ်မနေလုပ်ကိုလုပ်ရမယ့် အခြေခံအကျဆုံးသွားနဲ့ခံတွင်းထိန်းသိမ်းမှုနည်းလမ်းတွေပေါ့။တစ်နေ့တာလုံးလူတွေနဲ့ပြောဆိုဆက်ဆံတဲ့အခါမှာအရေးပါတဲ့ ခံတွင်းကျန်းမာဖို့က အရေးကြီးပါတယ်။ ခံတွင်းကျန်းမာနေမှ ခံတွင်းနံ့ဆိုးကင်းစင်ပြီး ကိုယ့်ကိုယ်ကို ယုံကြည်မှုတိုးသလို ပတ်ဝန်းကျင်ကသူတွေအတွက်လည်း စိတ်အနှောင့်အယှက်ကင်းမှာပါ။ သွားနဲ့ခံတွင်းကျန်းမာရေးအတွက်နောက်ထပ်ဂရုပြုရမယ့်အချက်ကတော့ သွားနဲ့ခံတွင်းကိုထိခိုက်စေမယ့် အမူအကျင့်တွြေဖစ်တဲ့ဆေးလိပ်သောက်တာ အချိုတွအများကြီးစားတာ၊သွားနဲ့ခံတွင်းကို သန့်ရှင်းရေးမလုပ်တာမျိုးကိုရှောင်ရှားဖို့ပါ။ ဒီတော့ သွားနဲ့ခံတွင်းကျန်းမာစေဖို့မွေးမြူသင့်တဲ့ အကျင့်တွေရှိနေပါတယ်။ ဒီနေရာမှာမေးစရာရှိနေတာက သွားနဲ့ခံတွင်းကျန်းမာဖို့အတွက် သီးသန့်ဂရုစိုက်မွေးမြူရမယ့် အကျင့်တွေရှိနေတာလားပေါ့။ သွားနဲ့ခံတွင်းကျန်းမာစေမယ့် အမူအကျင့်တွေကရှိနေပါတယ်။ သွားနဲ့ခံတွင်းကျန်းမာစေမယ့် အမူအကျင့်တွေက သွားနဲ့ခံတွင်းကျန်းမာစေဖို့မွေးမြူရမယ့် အမူအကျင့်တွေက အရမ်းကြီးမခက်လှပါဘူး။ ပုံမှန်လုပ်နေကျအမူအကျင့်တွေကို နည်းနည်းသတိထားပေးလိုက်ရင်ကိုရပါပြီ။ (၁) သွားနဲ့ခံတွင်းကိုကျန်းမာစေနိုင်တဲ့ အစားအစာတွေစားသုံးပေးပါ -နေ့စဉ်စားသုံးတဲ့ အစားအစာတွေထဲမှာ အချိုများတဲ့အစားအစာတွေနဲ့သွားမှာကပ်နိုင်တဲ့ အစားအစာတွေကို တတ်နိုင်သမျှရှောင်ပေးပါ။ ပထမဆုံးလုပ်ရမှာက အချိုများတဲ့ စားစရာသောက်စရာတွေကို နည်းနည်းချင်းလျှော့စားသွားပါ။ အရင်ကတည်းက အချိုများတဲ့ အစားအစာတွေကို မကြိုက်တာဆိုရင်တော့ အိုကေပေါ့။ သွားနဲ့ခံတွင်းအတွက် အထောက်အပံ့ပေးနိုင်မယ့် ကယ်လ်ဆီယမ်၊ ပရိုတင်း၊ ဗီတာမင် A၊ ဗီတာမင် C၊ […]

သွားနဲ့ခံတွင်းဟာ လူ့ခန္ဓါကိုယ်တစ်ခုလုံးရဲ့အရေးပါတဲ့အစိတ်အပိုင်းတစ်ခုဖြစ်တယ်ဆိုတာ လက်ခံကြတယ်ဟုတ်။ ခံတွင်းကျန်းမာရေးမကောင်းရင် တခြားအပိုင်းတွေမှာပါ ထိခိုက်စေတယ်လေ။ ဥပမာ သွားကိုက်ေနတယ်ဆို ဘာမှမစားနိုင်လို့ ဆန်ပြုတ်လေးသောက်ရင်း သူများစားတာသွားရည်ယိုနေရတာမျိုး။ လိုအပ်တဲ့အာဟာရတွေလည်းမစားရ၊ ဝေဒနာကလည်းအတော်ခံရတာ။ သွားအရမ်းကိုက်လို့ သွေးတိုးလာတာ၊ အားမပြည့်လို့ တခြားရောဂါတွေဝင်လာတာ နောက်ဆက်တွဲပြဿနာတွေပေါ့။ သွားနဲ့သွားဖုံးကိုဂရုစိုက်ဖို့ဆိုတာ အချိန်ရော ငွေရော အများကြီးအကုန်ကျခံစရာမလိုပါဘူး။ အချိုသိပ်မစားဖို့နဲ့ သွားမှန်မှန်တိုက်ဖို့၊ အရည်အသွေးကောင်းတဲ့ သွားပွတ်တံနဲ့သွားတိုက်ဆေးသုံးဖို့က အခြေခံအချက်ပါ။ ပြီးတော့ ရေများများသောက်ဖို့၊ သွားကို ပုံမှန်ကျန်းမာရေးစစ်ဆေးဖို့လိုအပ်ပါတယ်။ သွားတိုက်တဲ့အခါ မှန်ကန်တဲ့သွားတိုက်နည်းဖြစ်ဖို့လည်းအရေးကြီးပါတယ်။ မဟုတ်ရင် ကောင်းကျိုးထက်ဆိုးကျိုးပိုများပြီး သွားပိုပျက်စီးစေနိုင်လို့ပါ။ နူးညံ့တဲ့သွားတိုက်တံကိုသုံးပါ။ သွားပွတ်တံအမွေးတွေကြမ်းရင် ကြွေလွှာကိုပျက်စီးစေနိုင်လို့ နူးညံ့တဲ့အမျိုးအစားကိုရွေးပါ။ သွားပွတ်တံကို အတည့်လိုက်သုံးတာထက် ၄၅ ဒီဂရီ ခပ်စောင်းစောင်းလေးထားပြီးတိုက်သင့်ပါတယ်။ သွားတိုက်ပုံမှန်ကန်ပါစေ။ အပေါ်နဲ့အောက် ကိုနည်းနည်းပဲတိုက်ပြီး စက်ဝိုင်းပုံသဏ္ဍာန်သွားတိုက်ပေးရင် သွားမျက်နှာပြင်အကုန်လုံးကို သန့်စင်ပေးနိုင်ပါတယ်။ ဘေးတိုက် သွားတိုက်နည်းကိုရှောင်ပါ။ သွားအပေါ်ယံလွှာထိခိုက်ပျက်စီးမှုကိုကာကွယ်နိုင်ဖို့ သွားပွတ်တံ၊ […]

သွားဖုံးရောဂါမှာ ပထမအဆင့်က သွားဖုံးရောင်ခြင်း (Gingivitis ) ဖြစ်ပါတယ်။ Gingivitis ဖြစ်လာပြီဆိုရင် သွားဖုံးတွေက ရဲလာမယ်၊ ရောင်ရမ်းလာမယ်၊ ထိတာနဲ့သွေးထွက်လွယ်တယ်။ ခံတွင်းသန့်ရှင်းမှုမလုံလောက်တဲ့အခါ ဖြစ်လာတတ်တဲ့ သွားဖုံးရောင်ခြင်းက စစချင်းမှာ လက္ခဏာသိပ်မသိသာတဲ့အတွက် အမှုမဲ့အမှတ်မဲ့နေလိုက်ကြတာပဲများပါတယ်။ ဆက်ပြီးသေချာဂရုမစိုက်မိကြပါဘူး။ ဒါပေမယ့် ဂရုစိုက်ထိန်းသိမ်းလို့ရတဲ့အဆင့်ကို လျစ်လျူရှုခဲ့တော့ နောက်ပိုင်းမှာ periodontitis လို့ခေါ်တဲ့ တကယ့်သွားဖုံးရောဂါနဲ့ပက်ပင်းတိုးမှာ သေချာပါတယ်။ Periodontitis (ရေစီးကမ်းပြိုရောဂါ) သွားဖုံးရောင်တဲ့အဆင့်မှာ ဂရုမစိုက်၊ မဆင်ခြင်ခဲ့တဲ့အခါ periodontitis အဆင့်ကိုရောက်လာနိုင်ပါတယ်။ သွားမှာကပ်ငြိနေတဲ့သွားချေးတွေ၊အညစ်အကြေးတွေက သွားဖုံးအစပ်အောက်နားထိပြန့်သွားနိုင်တာကြောင့် အဲဒီမှာပါလာတဲ့ဘက်တီးရီးယားတွေရဲ့အဆိပ်အတောက်တွေက သွားဖုံးကို ဒုက္ခပေးလာတာပေါ့။ ဘက်တီးရီးယားတွေကြောင့် သွားဖုံးတွေကိုတာရှည်ရောင်ရမ်းစေပြီး သွားကိုအထောက်အပံ့ပေးတဲ့ တစ်ရှူးနဲ့အရိုးတွေကို ပျက်စီးစေနိုင်ပါတယ်။ တဖြည်းဖြည်း သွားဖုံးနဲ့သွားရဲ့ကြားထဲမှာ ကွာဟလာပြီး ရောဂါပိုးဝင်လာပါတယ်။ ရောဂါအဆင့်တက်လာတာနဲ့ အဲဒီကွာဟတဲ့နေရာက ပိုနက်ရှိုင်းလာပြီး ပိုပိုပျက်စီးလာပါတယ်။ နောက်ပိုင်းမှာတော့ သွားကျွတ်တာတွေ၊ နှုတ်ပစ်ရတာတွေဖြစ်လာနိုင်ပါတယ်။ သွားဖုံးရောဂါရှိနေတယ်ဆို ဘာလက္ခဏာတွေဖြစ်လာမလဲ ကျန်းမာတဲ့သွားဖုံးတွေက ချပ်ချပ်ရပ်ရပ်နဲ့ […]

လူတော်တော်များများက သူတို့ရဲ့သွားအရောင်က အဝါရောင်ပေါက်နေတဲ့ အတွက်ကြောင့် ဓါတ်ပုံရိုက်တဲ့အခါမှာ သွားကို ဖုံးထားကြလေ့ရှိပါတယ်။ လှပတဲ့ သွားတွေဟာ ဒီနေ့ခေတ်လို အလှအပရေးရာကို ဦးစားပေးလာကြတဲ့ ခေတ်ကြီးမှာ မရှိမဖြစ်အရာတစ်ခု ဖြစ်တဲ့အပြင် မိမိကိုယ်ကို ယုံကြည်ချက်ကိုလည်း မြှင့်တင်ပေးနိုင်တဲ့အတွက် လူတော်တော်များများက သူတို့ရဲ့ သွားနဲ့ ခံတွင်းကျန်းမာရေးကို ပိုမိုစောင့်ရှောက်လာကြတာကိုတွေ့ရပါတယ်။ သွားတွေဟာ လူတွေနဲ့တွေ့တဲ့အခါမှာ ပထမဆုံး သတိပြုမိခံရတဲ့ အရာတစ်ခုဖြစ်တဲ့အပြင် ကျန်းမာရေးနဲ့ မိမိကိုယ်ကို ယုံကြည်ချက်အတွက် ပြယုဂ်တစ်ခုလည်း ဖြစ်ပါသေးတယ်။ ဒါ့ကြောင့် ဘယ်အသက်အရွယ်ပဲ ဖြစ်ဖြစ် ကျန်းမာရေးအတွက်သာမက အသွင်အပြင်အတွက်ပါ အရေးကြီးတဲ့ သွားတွေကို စောင့်ရှောက်ဖို့ လိုအပ်ပါတယ်။ သွားတွေဟာ အသက်ကြီးလာတာနဲ့ အမျှ ပိုဝါလာနိုင်ဆိုပေမဲ့ သွားနဲ့ ခံတွင်းကျန်းမာရေးကို သေချာဂရုစိုက်မယ်ဆိုရင် ဒီလို သွားဝါခြင်းကို အပြည့်အဝတားဆီးနိုင်ပါတယ်။ ဒီနေ့ခေတ်ကြီးမှာ သွားဖြူစေနိုင်တဲ့ ဆေးဝါးတွေကို ဆေးဆိုင်တွေမှာ […]

ခံတွင်းကျန်းမာရေးက လူတိုင်းအတွက်တော်တော်လေး အရေးပါတဲ့အရာပါ။ ခံတွင်းကျန်းမာရေးဆိုတဲ့နေရာမှာ သွားနဲ့သွားဖုံးကျန်းမာအောင် ဂရုစိုက်ရသလို လူတိုင်းနဲ့ပြောဆိုဆက်ဆံရာမှာအသုံးပြုနေတဲ့ ခံတွင်းကနေ အနံ့ဆိုးတွေ မထွက်ဖို့ ဂရုစိုက်ရမှာကိုလည်းမေ့လို့ မဖြစ်ပြန်ပါဘူး။ သွားနဲ့ ခံတွင်းကို ဂရုစိုက်တာက အပြုံးလေးကို လှပစေမှာဖြစ်သလို လူမှုပေါင်းသင်းဆက်ဆံရေးနယ်ပယ်မှာလည်း အဆင်ပြေမှာပါ။ သွားနဲ့ခံတွင်းဂရုစိုက်မှုရဲ့ ဇာတ်လိုက်တွေက သွားတိုက်ဆေးနဲ့သွားပွတ်တံတို့ပါ။ အခုဆောင်းပါးလေးထဲမှာတော့ ဒီဇာတ်လိုက်တွေထဲက သွားပွတ်တံအကြောင်းပြောပြမယ်နော်။ သွားနဲ့ခံတွင်း ကျန်းမာဖို့ မဖြစ်မနေသိထားသင့်တာတွေက သွားကို တစ်နေ့ နှစ်ကြိမ်တိုက်ပါ။ သွားပွတ်တံကို အချိန်မှန်လဲပေးပါ။ သွာပွတ်တံကိုခြောက်သွေ့အောင်ထားပေးပါ။ သွားတိုက်ဆေးကို သတိထားရွေးချယ်ပါ။ သွားပုံစံနဲ့ သင့်တော်မယ့် သွားပွတ်တံမျိုးကိုရွေးချယ်ပါ။ ဘယ်လိုသွားပွတ်တံမျိုးကိုရွေးချယ်သင့်လဲ သွားပွတ်တံတွေကတော့ရွေးချယ်စရာအများကြီးပါ။ တံဆိပ်အမျိုးမျိုးရှိသလို အရွယ်အစား၊ ပုံစံကွာခြားမှုတွေအမျိုးမျိုးပါပဲ။ ဒီထဲက မှအသင့်တော်ဆုံးဖြစ်မှာကိုရွေးချယ်ဖို့က ကိုယ့်မှာ တာဝန်အရှိဆုံးပါ။ သွားပွတ်တံ အသစ်ဝယ်ခါနီးတိုင်း ချိတုံချတုံ ဘာရွေးရမှန်းမသိတဲ့ HelloSayarwon ပရိသတ်တွေအတွက် သွားတိုက်တံရွေးနည်းလေးပြောပြပေးမယ်နော်။ (၁) ပထမဆုံးအချက်က သွားတိုက်တံရွေးတဲ့အခါ သွားပွတ်တံမှာပါတဲ့ […]

စစ်တမ်းများအရ ဓါတ်ပုံရိုက်တဲ့အခါ လူ ၁၈ ရာခိုင်နှုန်းခန့်ဟာ သူတို့သွားတွေ မလှမပ ဖြစ်နေတာကြောင့် အမြဲတမ်း ပါးစပ်ပိတ်ထားလေ့ရှိတယ်လို့ ဆိုပါတယ်။ သွားများ ဖြူဖွေးလှပနေခြင်းဟာ ပေါင်းသင်းဆက်ဆံရေးမှာ မိမိကိုယ်ကို ယုံကြည်မှု တိုးစေနိုင်တဲ့ အရာတစ်ခု ဖြစ်တာကြောင့် ဒီနေ့ခေတ်မှာ လူတော်တော်များများက သွားဖြူစင်လှပဖို့ အတွက် နည်းမျိုးစုံနဲ့ ပြုလုပ်ပြင်ဆင်နေကြတာကို တွေ့ရပါတယ်။ သင်ပြုံးလိုက်ရင် ပထမဆုံး ပေါ်လာမယ့် အရာတွေဟာ သွားများဖြစ်ပြီး လူအများစု ပထမဆုံး မြင်တဲ့အရာလည်း ဖြစ်ပါတယ်။ သွားများဟာ ကျန်းမာရေးအတွက် အရေးပါရုံသာမက မိမိကိုယ်ကို ယုံကြည်မှု အတွက်လည်း အရမ်းအရေးပါတာကြောင့် ပေါင်းသင်းဆက်ဆံရေးအတွက် အရမ်းအရေးကြီးတဲ့ အင်္ဂါတွေ ဖြစ်ပါတယ်။ လူတော်တော်များများကလည်း သူတို့ရဲ့ မျက်နှာသွင်ပြင်၊ အပြုံး စတာတွေအတွက် အများဆုံး စိုးရိမ်ကြလေ့ရှိကြပါတယ်။ အခု ကျွန်တော် […]