၃။ သွားတိုက်တဲ့ ပုံစံမှားယွင်းခြင်း
မှန်ကန်တဲ့ သွားတိုက်တံကို ရွေးချယ်ပြီးရင် သွားတိုက်ပုံမှန်ကန်ဖို့လည်း လိုအပ်ပါတယ်။ တစ်နေ့ကို မနက်တစ်ကြိမ်၊ ညတစ်ကြိမ် သွားမှန်မှန်တိုက်ပေးရမယ်။ အပေါ်၊ အောက်၊ အရှေ့၊ အနောက် သေချာတိုက်ပေးရပါမယ်။ ကြာရင်ပြီးရော ဆိုတာထက် ၂မိနစ်လောက် သွားကို မှန်ကန်တဲ့ ပုံစံနဲ့ တိုက်ပေးမယ်ဆိုရင် လုံလောက်ပါတယ်။ သွားတိုက်တဲ့အခါမှာလည်း လျှာကို သွားပွတ်တံနဲ့ ခြစ်ပြီး တိုက်ပေးဖို့ မမေ့ရပါဘူး။
၄။ အစာစားပြီးပြီးချင်း သွားတိုက်ခြင်း
အစာစားပြီးတာပဲ ဖြစ်ဖြစ်၊ အရည်တစ်ခုခု သောက်လိုက်တာပဲဖြစ်ဖြစ် အနည်းဆုံး နာရီဝက်လောက် ခြားပြီးမှ သွားတိုက်သင့်ပါတယ်။ အထူးသဖြင့် အချဉ်ဓါတ်များတဲ့ အစားအစာတွေ၊ ဖျော်ရည်တွေမှာ အပေါ်ယံ ကြွေသွားလွှာကို ပျော့သွားစေတဲ့ သကြားဓါတ်တွေ ပါဝင်နေပါတယ်။ ဒီတော့ အစာစားပြီးပြီးချင်း သွားတိုက်လိုက်တဲ့အခါ အပေါ်ယံ ကြွေသွားလွှာကို ပျက်စီးသွားစေပြီး သွားနဲ့ ခံတွင်း ကျန်းမာရေးအတွက်လည်း အဆင်မပြေစေပါဘူး။
၅။ သွားတိုက်ပြီးတဲ့အခါ သွားပွတ်ကြိုးအသုံးမပြုခြင်း
သွားပွတ်တံရဲ့ အမွေးအမျှင်တွေဟာ သွားရဲ့ အတွင်းထဲမှာရှိတဲ့ စားကြွင်းစားကျန်တွေထိ မရောက်နိုင်တဲ့အခါ သွားပွတ်ကြိုးကို အသုံးပြုဖို့ လိုအပ်ပါတယ်။ စားကြွင်းစားကျန်တွေဟာ ဘက်တီးရီးယားပိုးတွေကို ပေါက်ဖွားစေပြီး သွားကို ပျက်စီးစေတဲ့ အဓိကအကြောင်းရင်းဖြစ်ပါတယ်။ ဒါကြောင့် သွားပွတ်ကြိုးကို သေချာအသုံးပြုတဲ့အခါ သွားကြားထဲမှာ ကပ်ငြိနေတဲ့ အစာဟောင်းတွေကို ဖယ်ရှားပစ်နိုင်ပြီး သွားကို လုံးဝသန့်ရှင်းသွားစေနိုင်ပါတယ်။
Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။