နှလုံးနှင့်သွေးကြော ကျန်းမာရေး

နှလုံးကျန်းမာရေးအတွက် အစားအသောက်ဆင်ခြင်ကြမယ် .... နှလုံးရောဂါဆိုတာ ဒီနေ့အထိ တစ်ကမ္ဘာလုံးမှာ လူသေဆုံးမှုအများဆုံးဖြစ်စေတဲ့ရောဂါဖြစ်နေဆဲပါ။ ၂၀၁၆ တစ်နှစ်တည်း မှာတင် နှလုံးနဲ့ပတ်သက်တဲ့ရောဂါကြောင့် သေဆုံးသူတစ်ကမ္ဘာလုံးမှာ ၁၈ သန်းနီးပါးရှိပါတယ်။ သေဆုံးသူ တွေထဲက ၄ပုံ ၃ပုံလောက်က ဝင်ငွေအလယ်အလတ်နဲ့ ဝင်ငွေနည်းပါးတဲ့နိုင်ငံတွေကဖြစ်တာကိုတွေ့ရပါတယ်။ ကိုယ့်ရဲ့စားသောက်မှုပုံစံကို ဆင်ခြင်လိုက်မယ်ဆို ကြောက်စရာကောင်းတဲ့နှလုံးရောဂါအန္တရာယ်က ကာကွယ်နိုင်မှာပါ။ ဒါကြောင့် နှလုံးကျန်းမာရေးအတွက် စားသောက်သင့်တဲ့အစားအစာတွေနဲ့ ရှောင်ကျဉ်သင့် တဲ့အစားအစာတွေကို ပြောပြချင်ပါတယ်။  နှလုံးကျန်းမာရေးအတွက် အစားအသောက်ဆင်ခြင်ကြမယ် နှလုံးကျန်းမာရေးအတွက် အစားအသောက်ဆင်ခြင်ကြမယ် ဆိုတာကို လိုရင်းနဲ့တိုတိုပြောရရင် နှလုံးကျန်းမာရေးအတွက် အဓိကစားသုံးပေးရမယ့်အစားအစာအုပ်စု (၃) မျိုးရှိပြီး ဒါတွေက ဟင်းသီးဟင်းရွက်တွေရယ်၊ ငါးကြီးဆီရယ်နဲ့ မပြုပြင်ထားတဲ့အစေ့အဆန်၊ဂျုံကြမ်း၊ ဆန်ကြမ်းတွေပဲဖြစ်ပါတယ်။ ဟင်းသီးဟင်းရွက်များ - အစားအစာကို အရောင်အသွေးစုံလင်အောင်စားသောက်ပါ ဆိုတဲ့စကားအတိုင်းပဲ ဟင်းသီးဟင်းရွက်နဲ့ သစ်သီးဝလံမျိုးစုံကို နေ့စဥ်စားသောက်ပေးသင့်ပါတယ်။ တစ်မျိုးချင်းစီမှာပါတဲ့ ဓာတ်တိုးဆန့်ကျင်ဓာတ်တွေက နှလုံးကျန်းမာရေးကိုထိန်းညှိဖို့ အထောက်အပံ့ပေးပါတယ်။ ဗီတာမင်နဲ့ သတ္တုဓာတ် မျိုးစုံပါဝင်သလို ကယ်လ်လိုရီဓာတ်လည်းနည်းတာကြောင့် […]

ခန္ဓာကိုယ်မှာ aortaလို့ ခေါ်တဲ့ သွေးကြောမကြီး တစ်ခုရှိပါတယ်။ နှလုံးကညှစ်သမျှ သွေးတွေ တစ်ကိုယ်လုံးကို ရောက်ဖို့ သူကနေပဲ သယ်ပို့ပေးတာပါ။ ဒီသွေးကြောမကြီးက နှလုံးကစထွက်ပြီး ရင်ဘတ်၊ ဝမ်းဗိုက်ကို ဖြတ်ပြီး ဆီးခုံနားရောက်မှ ခြေထောက်ကို သွေးပို့ဖို့ သွေးကြောတွေ ခွဲထွက်သွားတာပါ။ ဒီသွေးကြောကြီးဟာ ခန္ဓာကိုယ်အတွက် သိပ်ကို အရေးပါပါတယ်။ သူ့ထဲမှာ စီးဆင်းနေတဲ့ သွေးတွေ ဆိုတာလည်း အများကြီးပါပဲ။ ဒါကြောင့် ဒီသွေးကြောမကြီးမှာ ရောဂါတစ်ခုခုဖြစ်လာရင် သေချာကုသဖို့ လိုပါတယ်။ သွေးကြောမကြီး ဖောင်းတယ်ဆိုတာ ဆေးပညာအရ Aortic aneurysmလို့ ခေါ်ပါတယ်။ သွေးကြောမကြီး တစ်လျှောက် ဘယ်နေရာဖြစ်ဖြစ် ဖောင်းနိုင်ပါတယ်။ များသောအားဖြင့်တော့ ရင်ခေါင်းနဲ့ ဝမ်းခေါင်းထဲမှာရှိတဲ့ သွေးကြောမကြီး အစိတ်အပိုင်းက ဖောင်းတတ်ပါတယ်။ ရှားရှားပါးပါး လူတစ်ယောက်တည်းမှာ နှစ်နေရာလုံး ဖောင်းနေတာမျိုးလည်း ရှိနိုင်ပါတယ်။ သွေးကြောမကြီး ဘာကြောင့် […]

သွေးကြောမကြီး (Aorta)ဆိုတာ ခန္ဓာကိုယ်မှာ အကြီးဆုံး သွေးကြောပါပဲ။ နှလုံးက ညှစ်လိုက်တဲ့ သွေးတွေကို တစ်ကိုယ်လုံး ဖြန့်ဝေနေတာလည်း သူပါပဲ။ ဒီလို သွေးကြောမကြီးသာ ပြဲသွားခဲ့ရင် အန္တရာယ်က မသေးပါဘူး။ တော်သေးတာတာ ဒီလိုရောဂါက စောစောသိလို့ စောစောကုလေလေ အသက်ရှင်နှုန်း များလေလေပါပဲတဲ့။ သွေးကြောမကြီး ဘယ်နားမှာရှိတာ သွေးကြောမကြီးက ထီးကောက်ကြီးနဲ့ တူပါတယ်။ နှလုံးကနေ ကွေးကွေးလေး တက်လာမယ်။ ကွေးကွေးလေး ဆင်းလာမယ်။ ပြီးရင် အောက်ကို တောက်လျှောက် အရှည်ကြီး ဆင်းလာပြီး ဆီးခုံနားရောက်မှပဲ ခြေထောက်တွေကို သွေးပေးဖို့ သွေးကြောတွေ ခွဲသွားပါတယ်။ ဒီတစ်တောက်လျှောက် ဘယ်နေရာမှာမဆို သွေးကြောပြဲနိုင်ပါတယ်။ သေးသေးလေးလည်း ပြဲနိုင်သလို၊ အကြီးကြီးလည်း ပြဲနိုင်ပါတယ်။ သွေးကြောမကြီး ပြဲခဲ့ရင် ခက်တာက သွေးကြောပြဲတဲ့ လက္ခဏာက တခြားနှလုံးရောဂါလက္ခဏာတွေနဲ့ သွားတူနေတတ်ပါတယ်။ ဒါကြောင့် တစ်ခါတလေ ရောဂါလွဲနေတာမျိုးတွေ […]

နှလုံးရောဂါ ကာကွယ်ပါ .... ဘာကြောင့် ဒီလို ပြောရတာလဲဆိုတော့ နှလုံးရောဂါဟာ ဖွံ့ဖြိုးဆဲနိုင်ငံတွေသာမက ဖွံ့ဖြိုးတိုးတက်ပြီး နိုင်ငံတွေမှာပါ ကြုံတွေ့နေရတဲ့ ကျန်းမာရေးပြဿနာ ဖြစ်ပါတယ်။ ကမ္ဘာတလွှားမှာ နှစ်စဉ်သေဆုံးမှုမြင့်မားနေတဲ့ အကြောင်းအရင်းတခုဖြစ်တယ်လို့လည်း စစ်တမ်းတခုမှာ ဖော်ပြထားပါတယ်။ နှလုံးရောဂါဖြစ်ပွားနိုင်ခြေရှိတဲ့ အကြောင်းအရင်းတွေကို ပြုပြင်ယူလို့ရတာရှိသလို မပြုပြင်နိုင်တာလည်း ရှိပါတယ်။ ဥပမာ မျိုးရိုးဗီဇကိုတော့ သင့်အနေနဲ့ ပြုပြင်ပြောင်းလဲဖို့ မဖြစ်နိုင်ပါဘူး။ ဒါကြောင့် ပြုပြင်နိုင်တဲ့ကိစ္စတွေကို ပြုပြင်နိုင်ပါတယ်။ ဥပမာ ကိုယ်အလေးချိန် ထိန်းသိမ်းခြင်း ဖြစ်ပါတယ်။ နှလုံးရောဂါ ကာကွယ်ပါ အဓိကအားဖြင့် ပြုပြင်ပြောင်းလဲနိုင်တာကတော့ သင့်ရဲ့နေထိုင်စားသောက်မှု ပုံစံပါပဲ။ သင့်နှလုံးကျန်းမာရေးကို ကောင်းစေဖို့ အောက်ပါနည်းလမ်းတွေနဲ့ နေထိုင်စားသောက်ပါ။ ဆေးလိပ်သောက်နေသူဆိုရင် ဆေးလိပ်ဖြတ်ပါ ကျန်းမာရေးနဲ့ညီညွတ်အောင်စားသုံးပါ လေ့ကျင့်ခန်းလုပ်ပါ ဆီးချိုရောဂါကာကွယ်ပါ သွေးပေါင်ချိန်ထိန်းပါ စိတ်ဖိစီးမှုကို လျှော့ချပါ ဆေးလိပ် ဆေးလိပ်သောက်ခြင်းဟာ နှလုံးသွေးကြောရောဂါတွေကို ဖြစ်ပွားစေနိုင်ပါတယ်။ နှလုံးထိခိုက်ခြင်း၊ လေဖြတ်ခြင်း […]

နှလုံးခုန်စည်းချက်မမှန်ခြင်းအကြောင်း လေ့လာရအောင်လား! ပုံမှန်အားဖြင့် သင့်နှလုံးဟာ တမိနစ်မှာ အချက်ရေ ၆၀ ကနေ ၁၀၀ အတွင်း ခုန်ပြီး သွေးများကို ညှစ်ထုတ်ပေးခြင်း၊ ပြန်လက်ခံခြင်းလုပ်ငန်းများကို ဆောင်ရွက်ပေးနေပါတယ်။ နှလုံးခုန်တယ်ဆိုတာ နှလုံးရဲ့ကြွက်သားတွေ ကျုံ့လိုက်ဆန့်လိုက်ပြုလုပ်နေတဲ့ လှုပ်ရှားမှုပါပဲ။ ဒီလှုပ်ရှားမှု (နှလုံးခုန်ခြင်း) ဟာ သူ့စည်းချက်နဲ့သူ ရှိပါတယ်။ နှလုံးခုန်စည်းချက်မမှန်ခြင်းအကြောင်း အဆိုပါနှလုံးခုန်ခြင်းဟာ သူ့ပုံမှန်စည်းချက်ကနေ လွဲချော်သွားရင်တော့ နှလုံးခုန်စည်းချက်မမှန်ခြင်း (Cardiac Arrythmia) အခြေအနေကို ဖြစ်ပေါ်စေပါတယ်။ ယေဘုယျအားဖြင့် နှလုံးခုန်တဲ့လှုပ်ရှားမှုကို လှုံ့ဆော်ပေးတဲ့ လျှပ်စီးလှုံ့ဆော်မှုတွေ ပုံမှန်စီးဆင်းခြင်းမရှိရင် ဖြစ်ပေါ်တတ်ပါတယ်။ နှလုံးခုန်မြန်လွန်းခြင်း၊ နှေးလွန်းခြင်း၊ တစ်ကြိမ်နှင့်တစ်ကြိမ်ကြား အချိန်စောပြီး နှလုံးခုန်ခြင်း၊ တစ်ကြိမ်နှင့် တစ်ကြိမ် မတူညီခြင်း စသဖြင့် နှလုံးခုန် စည်းချက်လွဲတဲ့ အခြေအနေတွေ ရှိပါတယ်။ နှလုံးခုန်စည်းချက်မမှန်ခြင်းဟာ လူတိုင်းလိုလိုမှာ တကြိမ်လောက်တော့ ကြုံရတတ်ပါတယ်။ ဒါပေမယ့် မကြာခဏ […]

သင့်သွေးကြောတွေထဲမှာ လည်ပတ်နေတဲ့သွေးတွေမှာ ဖိအားရှိပါတယ်။ အဆိုပါ ဖိအားမြင့်တက်ရင် သွေးပေါင်ချိန် မြင့်တယ်၊ သွေးတိုးတယ် စသဖြင့် ခေါ်ဝေါ်ကြပါတယ်။ သွေးတိုးခြင်းဟာ နှလုံးနဲ့သွေးလည်ပတ်မှုဆိုင်ရာရောဂါတွေကို ဖြစ်စေတာမို့ ထိထိရောက်ရောက် ကုသသင့်ပါတယ်။ သွေးတိုးခြင်းဟာ မျိုးရိုးလိုက်တတ်ပေမယ့် ဒီတချက်တည်းကြောင့်တော့ မဟုတ်ပါဘူး။ နေထိုင်စားသောက်မှုနဲ့လည်း သက်ဆိုင်ပါတယ်။ လူတယောက်ဟာ အဆီဓာတ်၊ အငန်ဓာတ်နဲ့ အချိုစားသုံးမှုများပြားပြီး လှုပ်ရှားမှုနည်းရင် သွေးတိုးရောဂါဖြစ်နိုင်ခြေများပါတယ်။ ဒီတစ်ခေါက်တော့ သွေးပေါင်ချိန်ကို မသိမသာ မြင့်စေတက်သောအကြောင်းများ က ဘာတွေများ ဖြစ်မလဲဆိုတာကို လေ့လာကြည့်လိုက်နော်။ သွေးပေါင်ချိန်ကို မသိမသာ မြင့်စေတက်သောအကြောင်းများ ဒီနေရာမှာ သတိပြုရမှာကတော့ လူတယောက်ရဲ့ သွေးပေါင်ချိန်ကို မသိမသာ အပြောင်းအလဲ ဖြစ်စေတဲ့ အကြောင်းအရာတွေ ဖြစ်ပါတယ်။ အဆိုပါအကြောင်းခြင်းရာတွေနဲ့ တိုက်ဆိုင်ပြီး သွေးပေါင်ချိန် တိုင်းတာမိခဲ့ရင် ရလဒ်အမှန်နဲ့ လွဲချော်တတ်လို့ ဆေးဝါးကုသရာမှာလည်း အကျိုးသက်ရောက်မှု ဖြစ်တတ်ပါတယ်။ သွေးပေါင်ချိန်ကို မသိမသာ […]

သွေးတိုးကြောင့်ဖြစ်သော နှလုံးရောဂါ (Hypertensive Heart Disease) ဆိုတာ သွေးပေါင်ချိန် မြင့်တက်လာပြီး နှလုံးကို ထိခိုက်စေတဲ့ပြဿနာ မှန်သမျှကို ဆိုလိုပါတယ်။ သွေးပေါင်ချိန် တက်နေချိန်မှာ နှလုံးဟာ ပိုမိုအားစိုက်ပြီး အလုပ်လုပ်ရပါတယ်။ နှလုံးကြွက်သားများ မာလာခြင်း၊ နှလုံးအမောဖောက်ခြင်း စတာတွေ ကြုံနိုင်ပါတယ်။ သွေးတိုးခြင်းကြောင့် နှလုံးထိခိုက်ပုံ ယေဘုယျအားဖြင့် သွေးပေါင်ချိန် မြင့်တက်နေရင် နှလုံးသွေးကြောများနဲ့ နှလုံးကြွက်သားများကို ထိခိုက်လာနိုင်ပါတယ်။ သွေးလွှတ်ကြောများကျဉ်းမြောင်းလာခြင်း နှလုံးသွေးလွှတ်ကြောများဟာ သွေးတွေကို နှလုံးကြွက်သားတွေဆီ ရောက်အောင် ပို့ဆောင်ပေးပါတယ်။ သွေးပေါင်ချိန်မြင့်တက်လာရင် သွေးကြောတွေကျဉ်းမြောင်းလာပြီး နှလုံးကြွက်သားတွေဆီ သွေးရောက်တာနည်းလာပါလိမ့်မယ်။ ဒီအခြေအနေကို နှလုံးသွေးကြောရောဂါလို့ ခေါ်ဝေါ်ပါတယ်။ ဒီရောဂါဖြစ်ပွားရင် နှလုံးဟာ ပုံမှန်လုပ်ငန်းတွေ မလုပ်ဆောင်နိုင်တော့ဘဲ ကျန်တဲ့အင်္ဂါအစိတ်အပိုင်းတွေဆီကိုလည်း သွေးပို့ဆောင်တာ အားနည်းသွားပါတယ်။ ကျဉ်းမြောင်းသွားတဲ့ သွေးကြောတွေနေရာမှာ သွေးခဲပိတ်ဆို့ခြင်းတွေ ဖြစ်လာနိုင်ပါတယ်။ နှလုံးဆီသွေးရောက်တာ ရပ်တန့်သွားနိုင်ပါတယ်။ နှလုံးကြွက်သားများ ကြီးမားလာခြင်း သွေးတိုးခြင်းကြောင့် နှလုံးကနေ သွေးကို […]

ခြေထောက်မှာ ရှိတဲ့ သွေးပြန်ကြောတွေဟာ နှလုံးဆီကို သွေးပြန်ပို့လွှတ်ပေးရပါတယ်။ အဲဒီ ခြေထောက်သွေးပြန်ကြောတွေရဲ့ တစ်ဖက်ပွင့် အဆို့ရှင်တွေက ကောင်းကောင်း အလုပ်မလုပ်တော့တဲ့အခါ ခြေထောက်က နှလုံးဆီ သွေးပြန်ပို့ဖို့ ခက်ခဲလာပြီး နာတာရှည်ခြေထောက်သွေးပြန်ကြောရောဂါ  (chronic venous insufficiency) ဖြစ်လာပါတယ်။ နာတာရှည်‌ခြေထောက်သွေးပြန်ကြောရောဂါ ရှိသူတွေအတွက် ဘာတွေ ခံစားရနိုင်လဲ ဒီလိုကနေ သွေးပြန်ကြောထဲမှာ သွေးတွေ စုလာပြီး ကြာလာတာနဲ့အမျှ နာကျင်မှု၊ ရောင်ရမ်းမှုနဲ့ အရေပြားပေါ် အပြောင်းအလဲလက္ခဏာတွေ ဖြစ်လာစေတော့တာပါပဲ။ နာတာရှည်ခြေထောက်သွေးပြန်ကြောရောဂါ ရှိတဲ့သူတွေဟာ ခြေထောက်မှာ - ဖောရောင် သို့မဟုတ် လေးလံလာတယ် (အထူးသဖြင့် ခြေထောက်အောက်ပိုင်း နဲ့ ခြေကျင်းဝတ်) နာကျင်မယ်၊ ကိုက်ခဲမယ် ယားယံလာမယ် အရေပြားခြောက်သွေ့လာမယ် သွေးကြောထုံးတာတွေ ဖြစ်လာမယ် (အရေပြားမှာ ရှုပ်ထွေးတဲ့ သွေးကြောလေးတွေ မြင်သာလာတယ်) အရေပြား အရောင်ပြောင်းတာတွေ ဖြစ်လာမယ်။ ထိုက်သင့်တဲ့ […]

အရက်ကြောင့် နှလုံးကြွက်သားအားနည်းခြင်း (Alcoholic Cardiomyopathy) ဆိုတာဟာ အရက်ကို ကာလရှည်ကြာ စွဲသောက်ခြင်းကြောင့် နှလုံးကြွက်သားများကို ထိခိုက်ပျက်စီးလာစေတဲ့ အခြေအနေပဲ ဖြစ်ပါတယ်။ အရက်ကို အလွန်အကျွံသောက်ပါများတဲ့အခါ နှလုံးကြွက်သားများဟာ ပါးလွှာပြီး အားနည်းလာပါတယ်။ အရက်ကြောင့် နှလုံးကြွက်သားအားနည်းခြင်း (Alcoholic Cardiomyopathy) အဆိုပါအခြေအနေမှာ သွေးများကို ထိရောက်စွာ ညှစ်ထုတ်နိုင်ခြင်း မရှိတော့ပါဘူး။ သွေးများကို နှလုံးထဲကနေ မညှစ်ထုတ်နိုင်တဲ့အခါ ကိုယ်ခန္ဓာရဲ့ အရေးကြီးနေရာတွေကို သွေးမရောက်တော့တာကြောင့် အသက်အန္တရာယ်ထိခိုက်နိုင်လောက်တဲ့ အခြေအနေ ဖြစ်လာနိုင်ပါတယ်။ အရက်ကြောင့် နှလုံးကြွက်သားအားနည်းခြင်း (Alcoholic Cardiomyopathy) ဟာ အမျိုးသားတွေမှာဖြစ်တာများပြီး အသက် ၃၅ ကနေ ၅၀ ကြား အရွယ်တွေမှာ တွေ့ရများတယ်လို့ စစ်တမ်းတစောင်မှာ ဖော်ပြထားပါတယ်။ အမျိုးသမီးတွေမှာလည်း ဖြစ်တတ်ပါတယ်။ အရက်ကို ၅နှစ်ကနေ ၁၅နှစ်လောက်အထိ စွဲမြဲလွန်ကျူးစွာ သောက်သုံးလာသူတွေမှာ တွေ့ရတတ်ပါတယ်။ အရက်ကို တစ်နေ့တာ […]

အဆုတ်ထဲရေဝင်တယ်တို့၊ အဆုတ်ရေဝိုင်းတယ်တို့ဆိုတာ ကြားဖူးကြမှာပါ။ ဒီလိုပဲ နှလုံးမှာလည်း ရေဝင်တတ်ပါတယ်။ အတိအကျပြောရရင်တော့ နှလုံးအမြှေးပါးမှာ ရေဝင်တာပေါ့။ ခန္ဓာကိုယ်ရဲ့ အရေးကြီး အင်္ဂါအစိတ်အပိုင်းတွေမှာ အပေါ်ကနေ အမြှေးပါးလေးနဲ့ အုပ်ထားတတ်ပါတယ်။ ဥပမာ နှလုံးတို့ အဆုတ်တို့ပေါ့။ ရောဂါတစ်ခုခု ဖြစ်တဲ့အခါ ဒီအမြှေးပါးနဲ့ ကိုယ်တွင်းအင်္ဂါတွေကြားမှာ ရေဝင်လာတတ်ပါတယ်။ ခုနှလုံးမှာဆို နှလုံးရေဝင်တယ်လို့ ခေါ်တာပေါ့။ နှလုံးအတွင်းထဲကို ရေဝင်တာမျိုး မဟုတ်ဘဲ နှလုံးနဲ့ အမြှေးပါး ကြားထဲမှာ ရေဝင်နေတာပါ။ နှလုံးအမြှေးပါး ရေဝင်ရင် ဘာတွေ ခံစားရမှာလဲ။ လက္ခဏာက ရေဘယ်လောက်ဝင်လဲပေါ် မူတည်ပါတယ်။ ရေနည်းရင် တချို့မှာ လက္ခဏာတောင် မပြတတ်ပါဘူး။ ရေများလာရင်တော့ မောတာ၊ အသက်ရှူကြပ်တာ လှဲလိုက်ရင် ပိုမောတာ ရင်ဘတ်အောင့်တာ (များသောအားဖြင့် နှလုံးရှိတဲ့ ဘယ်ဘက်ခြမ်းက ပိုအောင့်ပါတယ်။) ရင်ဘတ်ထဲမှာ တင်းကြပ်ကြပ်ဖြစ်နေတာ ဝမ်းဗိုက်နဲ့ ခြေထောက်တွေ […]