လေ့ကျင့်ခန်းလုပ်တဲ့အခါ ထိခိုက်ဒဏ်ရာ နည်းအောင် ဘယ်လို ဂရုစိုက်ကြမလဲ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် မေ 21, 2021 . 2 mins read
Share now

ကျန်းမာချင်လို့ လေ့ကျင့်ခန်း လုပ်တာ ဖြစ်တဲ့အတွက် လေ့ကျင့်ခန်း လုပ်ခါမှ ထိခိုက်သွားရတာမျိုးတာ့ မဖြစ်စေချင်ပါဘူး။ အထူးသဖြင့် လေ့ကျင့်ခန်း စလုပ်ခါစမှာ စနစ်မကျတာရော၊ အလွန်အကျွံ လုပ်မိတာတွေရောကြောင့် ထိခိုက်ဒဏ်ရာ ရတတ်ပါတယ်။ ဒါကြောင့် လေ့ကျင့်ခန်း လုပ်တဲ့ နေရာမှာ အန္တရာယ်ကင်းအောင် အောက်ကအချက်တွေကို လိုက်နာစေချင်ပါတယ်။

လေ့ကျင့်ခန်းလုပ်တဲ့အခါ ထိခိုက်ဒဏ်ရာ နည်းစေဖို့

  • လေ့ကျင့်ခန်း မလုပ်ခင် ဆရာဝန်နဲ့ တိုင်ပင်ပါ။

သာမန်လူတွေအတွက်ကတော့ မလိုပေမယ့် ရောဂါအခံရှိသူတွေအတွက်ကတော့ လိုပါတယ်။ ဥပမာ ဆီးချိုရှိတဲ့သူဆိုရင် လေ့ကျင့်ခန်း အပြင်းအထန်လုပ်တဲ့အခါ သွေးတွင်းသကြားဓာတ်တွေ ထိုးကျပြီး သတိလစ်သွားတတ်ပါတယ်။ ခွဲစိတ်ထားတဲ့သူတွေဆိုရင်လည်း ဒီလိုပါပဲ။ အခန့်မသင့်ရင် အူကျွံတာ ဖြစ်တတ်တဲ့အတွက် မလုပ်ခင်မှာ ဆရာဝန်နဲ့ တိုင်ပင်သင့်ပါတယ်။

လေ့ကျင့်ခန်း လုံးဝမလုပ်ရတာတော့ မဟုတ်ပေမယ့် ဘယ်လို လေ့ကျင့်ခန်းမျိုးတွေကိုတော့ ရှောင်သင့်တယ်။ အချိန်ဘယ်လောက်ပဲ လုပ်သင့်တယ်ဆိုတဲ့ အကြံဉာဏ်မျိုး တောင်းခံသင့်ပါတယ်။

လေ့ကျင့်ခန်း မလုပ်ခင်မှာ ကြွက်သားတွေ ပျော့ပျောင်းနေအောင်၊ သွေးလည်ပတ်မှု ကောင်းနေအောင် သွေးပူလေ့ကျင့်ခန်းတွေ လုပ်သင့်ပါတယ်။ အနည်းဆုံး ၃မိနစ်ကနေ ၅မိနစ်လောက်အထိ လုပ်ပေးပါ။ လေ့ကျင့်ခန်း  တစ်ခုနဲ့ တစ်ခုကြားမှာလည်း တစ်မိနစ်လောက် အနားယူပြီးမှ နောက်တစ်ခုပြောင်းလုပ်ပါ။ အားလုံး လုပ်ပြီးသွားတဲ့အခါမှာလည်း အနားယူပြီး ကြွက်သားတွေ ပြန်ဖြေလျှော့ပေးပါ။

လေ့ကျင့်ခန်းလုပ်တဲ့အခါ ထိခိုက်ဒဏ်ရာ နည်းအောင် ဘယ်လို ဂရုစိုက်ကြမလဲ။

  • တဖြည်းဖြည်းချင်း တိုးလုပ်ပါ။

ခုမှ စလုပ်တဲ့သူတွေ အနေနဲ့ နှစ်ပေါင်းများစွာ လေ့ကျင့်ခန်း လုပ်လာတဲ့ သူရဲ့ နှုန်းအတိုင်း လုပ်နိုင်မှာ မဟုတ်ပါဘူး။ ဒါက သဘာဝပါပဲ။ ဒါကြောင့် ဖြည်းဖြည်းချင်း တိုးလုပ်သွားပါ။

လုပ်တဲ့ ကြာချိန်၊ အခေါက်ရေ၊ ပြင်းအား စတာတွေကို ကိုယ်နိုင်နင်းတဲ့ အတိုင်းအတာအထိပဲ လုပ်ပါ။ ကိုယ်လိုချင်တဲ့ ခန္ဓာကိုယ်အပြောင်းအလဲ ရဖို့ဆိုတာ တစ်ရက်တည်းနဲ့ ပြီးတာ မဟုတ်ပါဘူး။ နည်းမှန်လမ်းမှန်နဲ့ ဇွဲရှိရှိ လုပ်မှသာ ရနိုင်မှာပါ။

ဥပမာ ပြောရမယ်ဆိုရင် အလေးမတဲ့ သူကလည်း တစ်နေ့တည်းလည်း ပေါင်ချိန်တွေ အများကြီး မမပါနဲ့။ နိုင်နိုင်နင်းနင်း မနိုင်တဲ့ ပမာဏက စမပါ။ နောက်ပိုင်း တစ်လ၊ တစ်လခွဲလောက်နေမှ အလေးထပ်တိုးပါ။ Cardioဆော့တဲ့သူတွေလည်း ဒီလိုပါပဲ။ လုပ်နိုင်တဲ့ အချိန်၊ အခေါက်ရေက စပြီး ဖြည်းဖြည်းချင်း တိုးသွားပါ။

  • ခန္ဓာကိုယ်ကို ငဲ့ညှာပါ။

လေ့ကျင့်ခန်းလည်းလုပ် ခန္ဓာကိုယ်ကိုလည်း ကြည့်ပါ။ နေမကောင်းတဲ့အချိန်၊ ပင်ပန်းနေတဲ့အချိန်ဆို နားလိုက်ပါ။ လေ့ကျင့်ခန်းလုပ်နေရင်းနဲ့ မခံနိုင်လောက်အောင် မောနေပြီ၊ မူးလာပြီ၊ ကိုယ်လက်တွေ နာကျင်နေပြီဆိုရင်လည်း တစ်ဝက်နဲ့တင် လက်စသတ်ပြီး နားနိုင်ပါတယ်။ ခန္ဓာကိုယ်ကို မညှာဘဲ လုပ်လိုက်မိတဲ့အခါ ကျန်းမာရေး ထိခိုက်လာပြီး နောက်ရက်တွေ ဆက်လုပ်နိုင်မှာ မဟုတ်တော့ပါဘူး။

အများစုအတွက်ကတော့ ရိုးရိုးရေ သောက်ရုံနဲ့ လုံလောက်ပါတယ်။ လေ့ကျင့်ခန်း လုပ်နေရင်းနဲ့ ရေဓာတ်မဆုံးရှုံးအောင် ကြားထဲမှာ နားနားပြီး သောက်ပါ။ မလုပ်ခင်နဲ့ လုပ်အပြီးမှာလည်း ရေသောက်ပါ။ ပြင်းပြင်းထန်ထန် လေ့ကျင့်ခန်း လုပ်ပြီး ချွေးတွေ ရွှဲနေအောင် ထွက်ရင်တော့ ဓာတ်ဆားရည်သောက်ပေးသင့်ပါတယ်။ မဟုတ်ရင် ခဏနေတဲ့အခါ ကြွက်တက်လာပါလိမ့်မယ်။

လေ့ကျင့်ခန်းလုပ်တဲ့အခါ ထိခိုက်ဒဏ်ရာ နည်းအောင် ဘယ်လို ဂရုစိုက်ကြမလဲ။

  • သင့်တော်တဲ့ အဝတ်အစားဝတ်ပါ။

လေ့ကျင့်ခန်း လုပ်ဖို့ သတ်မှတ်ထားတဲ့ အဝတ်အစားနဲ့  ဖိနပ်ကိုပဲ ဝတ်ပါ။ လေ့ကျင့်ခန်းလုပ်တဲ့ နေရာမှာ သက်သောင့်သက်သာဖြစ်ဖို့ရော၊ အချိုးကျဖို့ရော ဒီဝတ်စုံတွေက ကူညီပေးပါလိမ့်မယ်။ အမျိုးသမီးတွေအနေနဲ့ sport braဝတ်ပါ။ ဖိနပ်ကူရှင်တွေ ပါးသွားနိုင်လို့ ၆လတစ်ခါလောက် လဲပေးပါ။

  • ရာသီဥတု အခြေအနေ ကြည့်ပါ။

Gymမှာ လုပ်တာက ပြဿနာ မရှိပေမယ့် အပြင်မှာ လုပ်မယ်ဆို ရာသီဥတုကို သတိထားပါ။ ပူလွန်းတဲ့ ရာသီဥတုဆို ကိုယ်အပူချိန်တက်နိုင်ပြီး သာမန်ထက် ရေဓာတ်ဆုံးရှုံးနိုင်ခြေ ပိုများတာ သတိပြုပါ။ ရာသီဥတု ပူပြင်းတဲ့အချိန်မှာ လေ့ကျင့်ခန်း လုပ်တာ ရှောင်ပါ။ မနက်စောစော ဒါမှမဟုတ် ညနေခင်းကို ပြောင်းလုပ်ပါ။ လေ့ကျင့်ခန်းလုပ်နေရင်း ခေါင်းတွေကိုက်လာမယ်၊ မူးလာမယ်၊ ပျို့လာမယ်၊ ရင်တုန်မယ်၊ ကြွက်တက်လာမယ်ဆိုရင် ချက်ချင်းအနားယူပါ။

ဆောင်းတွင်းလို အေးတဲ့အချိန် မနက်ခင်း ထပြီး လေ့ကျင့်ခန်း လုပ်မယ်ဆိုရင် သတိထားပါ။ အထူးသဖြင့် လူကြီးအနေနဲ့ နွေးနွေးထွေးထွေး ဝတ်သွားပါ။ အေးလွန်းတာကြောင့် ပန်းနာရင်ကျပ်ဖောက်တာ၊ ရင်ဘတ်အောင့်တာတွေ ဖြစ်တတ်ပါတယ်။

  • Trainer နဲ့ သေချာ လေ့ကျင့်ပါ။

ကိုယ့်ဘာသာကိုယ် လေ့ကျင့်နေတာထက်စာရင် Trainerနဲ့ စနစ်တကျ လေ့ကျင့်တာက အများကြီး အကျိုးရှိပါတယ်။ ကိုယ့်ထက် အများကြီး အတွေ့အကြုံရှိလို့ ထိခိုက်ဒဏ်ရာ မရအောင် ဘယ်လိုလေ့ကျင့်ရမလဲဆိုတာ လမ်းညွှန်ပေးနိုင်ပါတယ်။ ဒါ့ပြင် အလေးတုံးတွေ၊ စက်ပစ္စည်းတွေနဲ့ လေ့ကျင့်တဲ့ အချိန်မှာလည်း ကိုယ့်ကို မထိခိုက်အောင် ဘယ်လို သုံးသင့်လဲဆိုတာကို သေချာ ပြသပေးနိုင်မှာပါ။

Takeaways

လေ့ကျင့်ခန်း လုပ်ရတဲ့ ရည်ရွယ်ချက်က ကျန်းမာစေဖို့ပါ။ ဒါပေမယ့် မတော်တဆ ထိခိုက်ဒဏ်ရာရနိုင်တယ်ဆိုတာလည်း မမေ့ပါနဲ့။ ထိခိုက်ဒဏ်ရာတွေကနေ ကာကွယ်ဖို့၊ ကျန်းမာရေး ထိခိုက်တာတွေ မဖြစ်ဖို့ ဒီအချက်တွေကို လိုက်နာဖို့ လိုပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး

မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး တွေက ဘာတွေများ ဖြစ်မလဲ။ မျက်လုံး ဓာတ်မတည့်မှုကို မြန်မြန် သက်သာစေနိုင်ဖို့အတွက် ......

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

နေပူထဲ မှာ အနေကြာပြီး ဖျားတဲ့အခါ

နေပူထဲ မှာ အနေကြာတဲ့ အခါ ဖျားတာက ဖြစ်တတ်ပါတယ်။ စိုးရိမ်စရာမရှိပေမယ့် ပြင်းပြင်းထန်ထန် နေလောင်ထားတဲ့ အဓိပ္ပာယ်မို့လို့ သေချာ အနားယူပြီး ကုသဖို့တော့ လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကယ်လိုရီလောင်ကျွမ်း ခြင်းနဲ့ လေ့ကျင့်ခန်းအမျိုးအစားကွဲများ

ဘယ်လေ့ကျင့်ခန်း အမျိုးအစားက ဘယ်လောက် ကယ်လိုရီလောင်ကျွမ်း စေသလဲ ဆိုတာကို သိထားဖို့လိုပါတယ်။ ဒါမှ ကိုယ့်လိုအပ်ချက်ပေါ်မူတည်ပြီး ကစားနိုင်မှာဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား

နေပူထဲ တစ်နေကုန်နေရသူ က energy drink သောက်သင့်လား ဓာတ်ဆားရည်သောက်သင့်လား...... အဖြေက ဘာဖြစ်မယ် ထင်လဲ...... ဆေင်းပါးလေးထဲ ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

နှလုံးကျန်းမာစေဖို့ လိုက်နာသင့်တဲ့ အလေ့အထများ

နှလုံးကျန်းမာစေဖို့ လိုက်နာသင့်တဲ့ အလေ့အထများ

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 10, 2021 . 2 mins read
မနက်ခင်းကို သီချင်းလေးတွေ နဲ့ နိုးထပါ

မနက်ခင်းကို သီချင်းလေးတွေ နဲ့ နိုးထပါ

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 3, 2021 . 2 mins read
ကိုဗစ်ကနေ ပြန်လည်ကျန်းမာလာတဲ့အခါ ကိုယ်ခံအား အမြန်ဆုံး ပြန်ပြည့်စေဖို့

ကိုဗစ်ကနေ ပြန်လည်ကျန်းမာလာတဲ့အခါ ကိုယ်ခံအား အမြန်ဆုံး ပြန်ပြည့်စေဖို့

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 11, 2021 . 3 mins read
ကိုဗစ်ကာလမှာ သွေးတွင်းအောက်ဆီဂျင်ကို အခုလို မြှင့်တင်ပါ။

ကိုဗစ်ကာလမှာ သွေးတွင်းအောက်ဆီဂျင် ကို အခုလို မြှင့်တင်ပါ။

ဆေးပညာပိုင်းဆိုင်ရာတည်းဖြတ်သူ Dr. Htet Htet Zaw Win
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 10, 2021 . 2 mins read