Gastroesophageal Reflux Disease (GERD) (စားချဉ့်ပြန်ရောဂါ)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 13, 2017 . 3 mins read
Share now

အဓိပ္ပါယ်ဖွင့်ဆိုချက်

Gastroesophageal Reflux Disease (GERD) (စားချဉ့်ပြန်ရောဂါ) ကဘာလဲ။

အစာအိမ်နဲ့ အစာရေမျိုကြားက အဆက်ကြွက်သားလေး ပျက်စီးလျော့ရဲလာခြင်းကြောင့်ဖြစ်တဲ့ အစာခြေခြင်းစနစ်နဲ့ သက်ဆိုင်တဲ့ နာတာရှည်ရောဂါတစ်ခုဖြစ်ပါတယ်။ လူတော်တော်များများဖြစ်တတ်ပြီး ကိုယ်ဝန်ဆောင်မိခင်တွေမှာပါ တွေ့ရတတ်ပါတယ်။

အစာခြေရည်တွေ အစာအိမ်မှတစ်ဆင့် အစာရေမျိုပြွန်ထဲကို ပြန်တက်လာခြင်းကြောင့် အစာရေမျိုအပေါ်ယံလွှာ ပေါက်ပြဲသွားနိုင်ပြီး မသက်မသာခံစားရနိုင်ပါတယ်။

Gastroesophageal Reflux Disease (GERD) (စားချဉ့်ပြန်ရောဂါ) က ဘယ်လောက်အဖြစ်များသလဲ။

အလွန်အဖြစ်များပါတယ်။ အသက်အရွယ်မရွေး ဖြစ်ပွားနိုင်ပါတယ်။ ဂရုစိုက်နေထိုင်ခြင်းဖြင့် ဖြစ်ပွားနိုင်ခြေကို လျှော့ချနိုင်ပါတယ်။ ပိုမိုသိရှိလိုပါက သင့်ဆရာဝန်နဲ့ ဆွေးနွေးမေးမြန်းသင့်ပါတယ်။

လက္ခဏာများ

Gastroesophageal Reflux Disease (GERD) (စားချဉ့်ပြန်ရောဂါ) ရဲ့လက္ခဏာတွေကဘာတွေလဲ။

အောက်ပါလက္ခဏာတွေကို တွေ့ရနိုင်ပါတယ်။

ခံတွင်းချဉ်ခြင်းနှင့်တွဲလျက် ရင်ပူခြင်း တစ်ခါတစ်ရံလည်ချောင်းပူခြင်းပါ တွေ့ရနိုင်ပါတယ်။

  • ရင်ဘတ်အောင့်ခြင်း
  • အစာမျိုချရခက်ခြင်း
  • ချောင်းခြောက်ဆိုးခြင်း
  • အသံဝင်ခြင်းလည်ချောင်းနာခြင်း
  • အစာ၊ အရည်၊ အက်ဆစ်တွေပြန်အန်ခြင်း

အထက်မှာဖော်ပြထားတဲ့အထဲမှာ မပါဝင်တဲ့ အခြားသောလက္ခဏာတွေလည်း ရှိနိုင်ပါသေးတယ်။ တကယ်လို့ကိုယ့်ဆီမှာ ရောဂါလက္ခဏာ တစ်ခုခုများရှိနေမလားဆိုပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ။

တစ်ပတ်နှစ်ကြိမ်အနည်းဆုံး ဒီလက္ခဏာတွေ တွေ့နေရပြီဆိုရင် (သို့) နေ့စဉ်အလုပ်တွေကိုပါထိခိုက်လာပြီဆိုရင် ဆရာဝန်နဲ့ သွားပြသင့်ပါတယ်။ အစားအသောက် အနေအထိုင်ပြောင်းလဲခြင်းနဲ့ ဆေးဆိုင်က ဝယ်သောက်တဲ့ဆေးတွေနဲ့တင် သက်သာနိုင်ပါတယ်။ တစ်ခါတရံမှာတော့ထိရောက် တဲ့ဆေးကုသမှုတွေနဲ့ ခွဲစိတ်ကုသမှုတွေလိုပါလိမ့်မယ်။

အကြောင်းရင်းများ

Gastroesophageal Reflux Disease (GERD) (စားချဉ့်ပြန်ရောဂါ) ကိုဘာတွေကဖြစ်စေသလဲ။

အစာရေမျိုထဲကို အက်ဆစ်တွေသည်းခြေရည်တွေ ဆန်တက်ခြင်းကြောင့်အဓိကဖြစ်နိုင်ပါတယ်။ ပုံမှန်ဆိုရင် အစာနဲ့ အရည်တွေဟာ အောက်ဘက်အစာအိမ်ထဲကို သာဆင်းသွားရမှာဖြစ်ပါတယ်။ အစာကိုမျိုချလိုက်ချိန်မှာ အစာရေမျိုအောက်ခြေကြွက်သား အဆက်လေးကပွင့်သွားပြီး အစာတွေက အစာအိမ်ထဲကိုဝင်သွားရမှာ ဖြစ်ပါတယ်။ အဲ့နောက်မှာတော့ပြန်ပိတ်သွားရမှာဖြစ်ပါတယ်။ ဒီကြွက်သားလျော့ရဲပြီး ကောင်းကောင်းမလုပ်နိုင်လာတဲ့အခါမှာတော့ အစာအိမ်ထဲက အစာခြေရည်တွေ ပြန်ဆန်တက်စေနိုင်ပါတယ်။

ဖြစ်ပွားနိုင်ချေ မြင့်မားစေသည့်အကြောင်းရင်းများ

Gastroesophageal Reflux Disease (GERD (စားချဉ့်ပြန်ရောဂါ) ဖြစ်နိုင်ခြေကိုဘာတွေက မြင့်တက်စေသလဲ

အောက်ပါအချက်တွေကြောင့် ပိုဖြစ်နိုင်ပါတယ်။

  • အဝလွန်ခြင်း
  • အစာအိမ်က ရင်ခေါင်းထဲကို ကျွံဝင်နေခြင်း
  • ကိုယ်ဝန်ဆောင်မိခင်
  • ဆေးလိပ်သောက်ခြင်း
  • ခံတွင်းခြောက်ခြင်း
  • ပန်းနာရင်ကျပ်ရှိခြင်း
  • ဆီးချိုရှိခြင်း
  • အစာအိမ်အတွင်းရှိအာရုံကြောများ ပျက်စီးသွားခြင်းကြောင့် အစာအိမ်ကောင်းကောင်း အလုပ်မလုပ်တော့ခြင်း
  • တွယ်ဆက်တစ်ရှူးရောဂါများကြောင့်ဖြစ်နိုင်ပါတယ်။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ။

Gastroesophageal Reflux Disease (GERD) (စားချဉ့်ပြန်ရောဂါ) ကို ဘယ်လိုအတည်ပြုပါသလဲ

သင့်ရဲ့လက္ခဏာတွေပေါ်အခြေခံပြီး ရောဂါအမည်တပ်နိုင်ပေမဲ့ သေချာအောင်တော့ အောက်ပါစမ်းသပ်မှုတွေ ထပ်လုပ်ရပါလိမ့်မယ်။

  • နှစ်ဆယ့်လေးနာရီအတွင်းထွက်လာတဲ့ အက်ဆစ်ပမာဏကိုတိုင်းတာခြင်း
  • အစာရေမျိုထဲကိုမှန်ပြောင်းထည့်ကြည့်ခြင်း တစ်ခါထဲစမ်းသပ်စစ်ဆေးရန် အသားစထုတ်ယူခြင်း
  • အစာရေမျိုအတွင်းဖိအားကို တိုင်းတာခြင်း
  • ဘေရီယမ်အရည်ကို မျိုချခိုင်းပြီး အစာအိမ်လမ်းကြောင်းအထက်ပိုင်းကို ဓါတ်မှန်ရိုက်ခြင်း

Gastroesophageal Reflux Disease (GERD) (စားချဉ့်ပြန်ရောဂါ) ကို ဘယ်လိုကုသပါသလဲ

လူအများစုကတော့ ဖြစ်လာရင်ဆေးမြီးတိုလောက်နဲ့ သက်သာသွားတတ်ကြပါတယ်။

  • Maalox၊ Mylanta၊ Gelusil၊ Gaviscon၊ RolaidsandTums ကဲ့သို့သော အစာအိမ်အချဉ်ဓါတ်ကို ထိန်းညှိပေးတဲ့ဆေးတွေ
  • cimetidine (Tagamet HB)၊ famotidine (Pepcid AC)၊ nizatidine (Axid AR) (သို့) ranitidine (Zantac) ကဲ့သို့သော H-2-receptor blockers အုပ်စုဝင်ဆေးတွေ
  • lansoprazole (Prevacid 24 HR) နဲ့ omeprazole (Prilosec ၊ Zegerid OTC) ကဲ့သို့သော အက်ဆစ်မထွက်အောင်တားပြီး အနာကျက်စေနိုင်တဲ့ဆေးတွေ အစရှိသဖြင့်သုံးနိုင်ပါတယ်။

အခြေအနေပိုဆိုးလာတယ်ဆိုရင် (သို့) ဆေးသောက်ပြီးအကျိုးမထူးဘူးဆိုရင် ခွဲစိတ်ကုသခြင်းနဲ့ အခြားသောကုသမှုတွေ လုပ်ရပါလိမ့်မယ်။

လူနေမှုပုံစံပြောင်းလဲခြင်းနှင့်အိမ်သုံးကုထုံးများ

လူနေမှုပုံစံပြောင်းလဲခြင်းနှင့် အိမ်သုံးကုထုံးတွေက စားချဉ့်ပြန်ရောဂါ ကိုကုသရာမှာ ဘယ်လိုအထောက်အကူပေးသလဲ။

အောက်ဖော်ပြပါ လူနေမှုပုံစံနဲ့အိမ်သုံးကုထုံးတွေက စားချဉ့်ပြန်ရောဂါ ကိုကုသရာမှာနဲ့ လိုက်လျောညီထွေဖြစ်အောင် နေတဲ့နေရာတွေမှာ အကူအညီပေးပါတယ်။

• ကိုယ်အလေးချိန်သင့်တင့်မျှတအောင်ထိန်းထားခြင်း
• အဝတ်အစားကျပ်ကျပ်မဝတ်ခြင်း
• ဆီကြော်စာ၊ခရမ်းချဉ်၊ချောကလက်၊အစပ်၊ ကြက်သွန်စသည့် ရင်ပူစာများရှောင်ခြင်း
• တစ်ကြိမ်ထဲအစာအများကြီးစားခြင်း
• အစာစားပြီးပြီးချင်း တန်းလှဲခြင်း
• ဆေးလိပ်မသောက်ခြင်းတို့ဖြစ်ပါတယ်။

သင့်မှာမေးခွန်းတွေရှိမယ်ဆိုရင်သင့်အတွက် အကောင်းဆုံးအဖြေရဖို့ သင့်ဆရာဝန်နဲ့ ဆွေးနွေးတိုင်ပင်တာက အကောင်းဆုံးပါပဲ။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

နှလုံးရောဂါ ရှိသူတွေ လိင်ဆက်ဆံသင့်လား

နှလုံးရောဂါ အမောခံ လိင်ဆက်ဆံ heart attack ရင်ဘတ်အောင့်ခြင်း သန္ဓေတားဆေး ကိုယ်ဝန်ယူ နှလုံးကြွက်သားကောင်းကောင်းညှစ် လိပ်ပိုင်းဆိုင်ရာစွမ်းဆောင်ရည်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

သတိပြုဖွယ်ရာ Heart Attack ၏ အချက်ပေးခေါင်းလောင်းသံများ

Heart attack နှလုံးထိခိုက်ခြင်း နှလုံးကြွက်သားပျက်စီး ရင်ဘတ်အောင့်ခြင်း မူးဝေသတိလစ်ခြင်း ပင်ပန်းနွမ်းနယ်ခြင်း နှလုံးခုန်မြန်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

အစာမကြေရင်ပူခြင်းနှင့် နှလုံးထိခိုက်ခြင်း ဘာကွာခြားသလဲ

အစာမကြေရင်ပူခြင်း နှလုံးထိခိုက်ခြင်း နာကျင်မှု အသက်ရှူကြပ် နှလုံးရောဂါ ချွေးထွက်ခြင်း နှလုံးကြွက်သားတွေ သွေးလည်ပတ်မှု ရင်ဘတ်အောင့်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

ပျို့အန်ချင်စိတ်ကို ပယ်ဖျောက်နိုင်မယ့် နည်းလမ်းများ

ပျို့အန်ချင်စိတ် အစာအိမ်အူလမ်းကြောင်း အစာအိမ် အစာခြေရည် ပန်ကာ တရားထိုင်ပါ ရင်ဘတ်အောင့်ခြင်း အာရုံကြောလက္ခဏာ သံပုရာရည်သောက်ပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

သင့်အတွက် ရွေးချယ်ထားသည်

နှလုံးအဆို့ရှင် အစားထိုးခွဲစိတ်ခြင်းအကြောင်း

နှလုံးအဆို့ရှင် အစားထိုးခွဲစိတ်ခြင်းအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 5, 2020 . 2 mins read
နှလုံးခုန်စည်းချက်မမှန်ခြင်းအကြောင်း

နှလုံးခုန်စည်းချက်မမှန်ခြင်းအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 15, 2020 . 2 mins read
ကျောက်ကပ်ရောဂါရှိသူများ သတိပြုရမည့် ပိုတက်ဆီယမ်ပမာဏ

ကျောက်ကပ်ရောဂါရှိသူများ သတိပြုရမည့် ပိုတက်ဆီယမ်ပမာဏ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် စက်တင်ဘာ 4, 2020 . 2 mins read
အစာရေမျိုပြွန် မှာ ကင်ဆာကျိတ်ဖြစ်လာတဲ့အခါ

အစာရေမျိုပြွန် မှာ ကင်ဆာကျိတ်ဖြစ်လာတဲ့အခါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် စက်တင်ဘာ 4, 2020 . 2 mins read