ကျန်းမာရေးကိရိယာများ
အွန်လိုင်းကနေ သားဥကြွေမယ့်ရက် တွက်ချက်ခြင်း ကိရိယာကို အသုံးပြုခြင်း
ကလေးကာကွယ်ဆေးထိုး အချိန်ဇယား ကို အွန်လိုင်းကနေ စစ်ဆေးကြည့်မယ်
မီးဖွားမယ့်ရက် တွက်ချက်ခြင်း ကို အွန်လိုင်းကနေ ပြုလုပ်နိုင်ပါပြီ
နှလုံးခုန်မမှန်တာကြောင့် လေဖြတ် နိုင်သလားဆိုတာ အွန်လိုင်းကနေ စစ်ဆေးကြည့်မယ်
သင့်မှာ ရင်သားကင်ဆာ ဖြစ်နိုင်ခြေ ရှိမရှိ ဆိုတာကို အွန်လိုင်းကနေ ခုပဲ စစ်ဆေးလိုက်ပါ
အွန်လိုင်းကိရိယာလေးကို အသုံးပြုပြီး ပန်းနာရင်ကျပ် ရှိမရှိ စစ်ဆေး နိုင်ပါပြီ
Written by Htet Htet Zaw Win · အထွေထွေရောဂါကုဆရာဝန် · HHG
စမြင်းတုံးခံခြင်း ဆိုတာ သာမန်ဝမ်းချုပ်တာထက် ပိုသွားပါပြီ။ ဝမ်းက မသွားရုံတင် မဟုတ်တော့ဘဲ ကျောက်ခဲလို မာကျောနေတာမျိုးပါ။ ဒီတော့ ဝမ်းကမာပြီး သွားလို့မရ၊ သွားလို့မရတော့ ဝမ်းကပိုမာနဲ့ သံသရာလည်နေတတ်ပါတယ်။ ဒါကြောင့် စမြင်းတုံခံခြင်း နဲ့ ပတ်သက်ပြီး ဒါတွေသိထားဖို့ လိုလာပါပြီ။
ဝမ်းချုပ်တယ်ဆိုတာက ဝမ်းသွားရခက်ရုံသက်သက်ပါပဲ။ ဝမ်းပျော့ဆေးတွေ သောက်ရင် ပြန်သွားနိုင်ခြေ ရှိပါတယ်။ စမြင်းတုံးခံတာကျတော့ ဒီထက်ပိုအဆင့်မြင့်သွားပါပြီ။ ဝမ်းပျော့ဆေးတွေ သောက်တာ၊ ရေများများသောက်တာလောက်နဲ့တင် ရချင်မှ ရတော့မှာပါ။
ဆရာဝန်နဲ့ပြပြီး ကုရမယ့် အခြေအနေဖြစ်နေပါပြီ။
စမြင်းတုံးခံတာက ဝမ်းချုပ်တာလောက် အဖြစ်မများပေမယ့် ဖြစ်တော့ဖြစ်တတ်ပါတယ်။ အထူးသဖြင့်
သူတို့က မှတ်ဉာဏ်ချို့ယွင်းလာတဲ့အတွက် အိမ်သာသွားဖို့ မေ့တာ၊ နဂိုတည်းက အသက်ကြီးလာရင် ဝမ်းက ချုပ်တတ်လာတာကြောင့်လည်း များပါတယ်။ နောက်ပြီး အရိုးအဆစ်တွေ နာတာကြောင့် ခဏခဏ သွားသွားလာလာ မလုပ်နိုင်တာဘဲ ကြာရှည်ဝမ်းချုပ်တတ်ပါတယ်။
နောက်ပြီး အသက်ကြီးလာတာနဲ့အမျှ ဆေးတွေသောက်ရတာလည်း များပါတယ်။ ဆေးတွေရဲ့ ဘေးထွက်ဆိုးကျိုးကြောင့်လည်း ဝမ်းချုပ်ပြီး စမြင်းတုံးခံတတ်ပါတယ်။
ကလေးတွေမှာ အိမ်သာအသုံးပြုဖို့ စပြီးသင်ပေးတဲ့အချိန်မှာ တွေ့ရတတ်ပါတယ်။ အိမ်သာသွားဖို့ အသားမကျသေးတာကြောင့် ခဏခဏ ဝမ်းချုပ်တာ၊ ရက်ရှည်ဝမ်းချုပ်တာတွေ ဖြစ်တတ်ပါတယ်။
လေဖြတ်တာက စလို့ ကျောရိုးအာရုံကြောထိခိုက်ထားတာ၊ ပါကင်ဆန်၊ မှတ်ဉာဏ်ချို့ယွင်းတာ စတဲ့ အာရုံကြောရောဂါတွေမှာလည်း စမြင်းတုံးခံတာ ဖြစ်တတ်ပါတယ်။
ခဏခဏ ဝမ်းချုပ်တတ်သူတွေ၊ ဝမ်းအောင့်ထားတတ်သူတွေကလည်း တစ်ချိန်မဟုတ် တစ်ချိန်မှာ စမြင်းတုံးခံလာနိုင်ပါတယ်။
အရွက်တွေ အစားနည်းတယ်၊ ရေသောက်နည်းတယ်၊ အထိုင်များတယ် စတဲ့သူတွေမှာလည်း ဝမ်းခဏခဏ ချုပ်ရာကနေ စမြင်းခံလာနိုင်ပါတယ်။
တချို့သော သွေးပေါင်ကျဆေးတွေ၊ စိတ်ရောဂါကုဆေးတွေ၊ opiateအမျိုးအစား အကိုက်အခဲပျောက်ဆေးတွေကလည်း ဝမ်းချုပ်တတ်ပါတယ်။ ဒီဆေးတွေက နေ့စဉ်စွဲသောက်ရတာ ဖြစ်တဲ့အတွက် ကြာလာတဲ့အခါ စမြင်းခံလာပါတယ်။ ဒါကြောင့် ဆေးတစ်ခုခုစသောက်ပြီး ဝမ်းချုပ်တယ်ဆို ဆရာဝန်ကို ပြန်ပြောဖို့ လိုပါတယ်။
ဒါတွေအပြင် ဝမ်းနှုတ်ဆေး ခဏခဏသောက်တဲ့သူတွေ၊ အူမကြီးမှာ ရောဂါတစ်ခုခု ရှိတဲ့သူတွေမှာလည်း စမြင်းတုံးခံတာကို တွေ့ရပါတယ်။
စမြင်းတုံးခံတဲ့ လက္ခဏာတွေက ဝမ်းချုပ်တဲ့ လက္ခဏာတွေနဲ့ တူတူပါပဲ။ ဒါပေမယ့် ဝမ်းချုပ်တာထက် ပိုပြင်းထန်ပါတယ်။ ဝမ်းချုပ်တာအပြင်
(ရှေ့မှာ စမြင်းခံနေတဲ့အတွက် အနောက်က အရည်တွေ၊ အချွဲတွေက လွတ်နေတဲ့ နေရာကနေ စိမ့်ထွက်လာတာကြောင့်ပါ)
(အထူးသဖြင့် ဝမ်းနှုတ်ဆေး သောက်တဲ့သူတွေမှာပါ။ ဝမ်းသွားအောင် အူက ညှစ်နေပေမယ့်လည်း စမြင်းခံနေတာကြောင့် ဝမ်းမသွားဘဲ ဗိုက်ပဲ ရစ်လာပါတယ်။)
စမြင်းတုံးခံတာက သေချာကုသဖို့ လိုပါတယ်။ မဟုတ်ရင် နောက်ဆက်တွဲအနေနဲ့
စမြင်းတုံးခံတာက လက္ခဏာနဲ့ အဓိက ခွဲတာပါ။ နာတာရှည် ဝမ်းချုပ်တဲ့ ပြဿနာနဲ့ လာကြတာ များပါတယ်။ အဲ့မှာမှ ပိုပြီးသေချာအောင် ဓာတ်မှန်ရိုက်တာ၊ သွေးစစ်တာတွေ လုပ်ရင်လည်း လုပ်ရနိုင်ပါတယ်။
ကုသနည်းတွေကလည်း အမျိုးမျိုး ရှိပါတယ်။ ဥပမာ
တစ်ခါတလေမှာ လူနာက စအိုဝမှာ တစ်စို့စို့ဖြစ်နေလို့ဆိုပြီး ကိုယ်တိုင်နှိုက်ထုတ်လာတာလည်း ရှိပါတယ်။
ဆရာဝန်ဆီရောက်လာရင်လည်း လက်နဲ့ ထုတ်လို့ အနေအထားဆိုရင် ထုတ်ပေးပါတယ်။ ဒီမာမာတုံးကြီး ထွက်သွားမှ အဆင်ပြေမှာမို့လို့ မရွံကြပါဘူး။ လူနာရဲ့ ဗိုက်လေးကို နှိပ်နှိပ်ပြီး ထုတ်ပေးကြပါတယ်။
အလွယ်ပြောရရင် စအိုကနေ ရေထိုးပြီး စမြင်းတုံးကို ပျော့အောင် လုပ်လိုက်တာပဲ ဖြစ်ပါတယ်။ အဲ့တာမှ ညှစ်ရင် ထွက်လာမှာ ဖြစ်ပါတယ်။ မထွက်လာရင်လည်း ခုနကလို လက်နဲ့ နှိုက်ထုတ်ရပါတယ်။
စမြင်းတုံးကြီးထွက်သွားပြီဆိုရင် နောက်ကဝမ်းတွေ လွယ်လွယ်ကူကူသွားနိုင်အောင် ဝမ်းပျော့ဆေးတွေ ပေးပါတယ်။ စမြင်းတုံးထွက်သွားတဲ့အခါ စအိုတွေနာပြီး ဝမ်းလည်း ညှစ်နိုင်မှာ မဟုတ်ပါဘူး။ ဝမ်းပျော့ဆေးပေးတာက ဝမ်းကို အားမသုံးရဘဲ ထွက်သွားအောင် ကူညီပေးနိုင်ပါတယ်။
ဝမ်းချုပ်တာကြောင့် ခွဲစိတ်ရလိမ့်မယ်လို့ ဘဝမှာ တွေးမိမှာ မဟုတ်ပါဘူး။ ဒါပေမယ့် စမြင်းခံတာ သိပ်ဆိုးလွန်းတာကြောင့် စအိုကွဲတာ၊ စအိုသွေးကျတာအပြင် တခြားနောက်ဆက်တွဲတွေ ဖြစ်လာရင် ခွဲစိတ်ရမှာ ဖြစ်ပါတယ်။
စမြင်းတုံခံတာကို ကာကွယ်ဖို့ဆိုရင်
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
advertisementဤဆောင်းပါးက အကူအညီဖြစ်ပါသလား။
advertisementadvertisement
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။