သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

မြန်မာနိုင်ငံမှာ မြင့်တက်လာနေတဲ့ ဆီးချို ခံစားရသူအရေအတွက်

မြန်မာနိုင်ငံမှာ မြင့်တက်လာနေတဲ့ ဆီးချို ခံစားရသူအရေအတွက်

ဆီးချိုက ကမ္ဘာတလွှားမှာတင် ဖြစ်ပွားမှုနှုန်း မြင့်တက်နေတာ မဟုတ်ဘဲ မြန်မာနိုင်ငံမှာလည်း ဆီးချို ရောဂါ ခံစားရသူ အရေအတွက်က ပြီးခဲ့တဲ့ နှစ်တွေအတွင်း အတော်လေး မြင့်တက်လာခဲ့ပါတယ်။ ဆီးချိုက ရုတ်တရက် သေဆုံးတာမျိုး မဖြစ်ပေမယ့် ကုသပျောက်ကင်းဖို့ မဖြစ်နိုင်တဲ့ နာတာရှည် ရောဂါတစ်ရပ်ပါ။

ကူးစက်တာမျိုး မရှိဘူးဆိုပေမယ့် မျိုးရိုးလိုက်တာကြောင့် နောက်မွေးလာမယ့် သားစဉ်မြေးဆက်မှာ ဆီးချို ခံစားရတာမျိုးဖြစ်နိုင်ပါတယ်။ ဒါကြောင့် သေချာ သိရှိ ကာကွယ်ဖို့ လိုအပ်တဲ့ ရောဂါတစ်မျိုးလို့ ပြောပါရစေ။

မြန်မာနိုင်ငံရဲ့ ဆီးချို ဖြစ်ပွားမှုနှုန်း ဘယ်လောက်တောင် မြင့်တက်နေသလဲ။

၂၀၁၄ ခုနှစ်က လုပ်ဆောင်ခဲ့တဲ့ မြန်မာနိုင်ငံ ဆီးချိုသွေးချိုရောဂါဖြစ်ပွားနှုန်း နှင့် ကူးစက်မဟုတ်သောရောဂါများ ဖြစ်စေနိုင်သော အကြောင်း အချက်များ လေ့လာခြင်း စစ်တမ်းကောက်ယူမှု အရ မြန်မာနိုင်ငံမှာ ဆီးချို ဖြစ်ပွားမှုနှုန်းဟာ အတော်လေး မြင့်တက်နေတာကို တွေ့ရပါတယ်။

ရာခိုင်နှုန်း အတိအကျ​ ပြောရမယ်ဆိုရင် ဆီးချို ခံစားနေရသူ အမျိုးသား အရေအတွက်က အယောက် ၁၀၀ မှာ ၁၀.၈ ရာခိုင်နှုန်း ကနေ ၁၁.၅ ရာခိုင်နှုန်း အထိရှိပြီး အမျိုးသမီးအရေအတွက်က အယောက် ၁၀၀ မှာ ၉.၂ ရာခိုင်နှုန်းအထိ ရှိပါတယ်။

ဆီးချိုရောဂါ အကြို လက္ခဏာ ခံစားနေရသူ အရေအတွက်က အယောက် ၁၀၀ မှာ အမျိုးသား ၁၆.၅ ရာခိုင်နှုန်းနဲ့ အမျိုးသမီး ၂၃ ရာခိုင်နှုန်းအထိ ရှိနေပါတယ်။ ဒီအရေအတွက် တစ်နိုင်ငံလုံးအတိုင်းအတာအနေနဲ့ဆိုရင် တော်တော်လေးကို များပြားလှတဲ့ပမာဏပါ။

မြန်မာနိုင်ငံမှာ ဆီးချို ဖြစ်ပွားမှုနှုန်းကို မြင့်တက်စေရတဲ့ အကြောင်းအရင်းများ

မြန်မာနိုင်ငံမှာ ဆီးချိုဖြစ်ပွားမှုကို မြင့်တက်စေတဲ့ အကြောင်းအရင်းက တော်တော်လေး များပါတယ်။ ဒီအကြောင်းအရင်းတွေထဲမှာမှ ဆီးချို နဲ့ ဆီးချိုရောဂါ အကြိုလက္ခဏာတွေကို ခံစားရစေနိုင်တဲ့ အဓိက အကြောင်းအရင်းတွေက

နောက်ထပ်တွေ့ရှိရတဲ့ အချက်အလက်တစ်ခုက ဆီးချိုရောဂါ ခံစားနေရသူ အများစုဟာ ဆီးချိုရောဂါနဲ့ ပတ်သက်တဲ့ အသိပညာ ဗဟုသုတ မရှိကြတာပါ။ ဆီးချိုရောဂါ လက္ခဏာဆိုတာကို မသိကြသလို ဆီးချိုဆိုတာကို နာမည်ပဲ ကြားဖူးတာမျိုးတွေပါ။

မြန်မာနိုင်ငံမှာ မြင့်တက်လာနေတဲ့ ဆီးချိုခံစားရသူ အရေအတွက်

ဆီးချိုဖြစ်ပွားမှုမြင့်တက်စေရတဲ့ အကြောင်းအရင်းတွေကို ရာခိုင်နှုန်း အတိအကျနဲ့ ပြောပြရမယ်ဆိုရင်

  • ဆေးလိပ် နဲ့ ဆေးရွက်ကြီးသုံးစွဲသူ အရေအတွက်က ၂၆.၁ ရာခိုင်နှုန်း
  • ကွမ်းယာ နဲ့ ဆေးရွက်ကြီးသုံးစွဲသူ အရေအတွက်က ၄၃.၂ ရာခိုင်နှုန်း
  • အရက် အလွန်အကျွံသောက်သုံးသူ အရေအတွက်က ၁၀.၃ ရာခိုင်နှုန်း
  • ဟင်းသီးဟင်းရွက်နဲ့ အသီးအနှံ စားသုံးမှု နည်းသူ အရေအတွက်က ၈၆.၆ ရာခိုင်နှုန်း
  • ကိုယ်လက်လှုပ်ရှားမှု နည်းသူ အရေအတွက်က ၁၅.၇ ရာခိုင်နှုန်း
  • ရှိသင့်တဲ့ ကိုယ်အလေးချိန်ထက် ပိုများနေသူ အရေအတွက်က ၂၂.၄ ရာခိုင်နှုန်း
  • အဝလွန်ပြဿနာ ခံစားနေရသူ အရေအတွက်က ၅.၅ ရာခိုင်နှုန်း
  • သွေးတိုးရောဂါ ခံစားရသူ အရေအတွက်က ၂၆.၄ ရာခိုင်နှုန်း
  • သွေးတွင်း အဆီများနေသူ အရေအတွက်က ၃၆.၇ ရာခိုင်နှုန်း ဆိုပြီး တွေ့ရှိရပါတယ်။ ဒါတွေက လက်ရှိမှာ မဖြစ်သေးပေမယ့် ဆီးချိုဖြစ်လာဖို့ အလားအလာရှိနေတဲ့သူတွေပါ။

ဒီအချက်တွေအပြင် မြန်မာလူမျိုးအများစုက ထမင်းကို အဓိက အားထားစားတာ၊ အချို၊အငန်ကဲတဲ့ အစားအစားတွေကို နှစ်ခြိုက်တာတွေကလည်း ဆီးချိုဖြစ်နိုင်ခြေကို မြင့်တက်စေနေတာပါ။

ဆီးချိုရဲ့ နောက်ဆက်တွဲ ကျန်းမာရေးပြဿနာတွေက ဘာတွေလဲ။

ဆီးချိုရောဂါ ခံစားရပြီဆိုရင် နောက်ဆက်တွဲ အနေနဲ့

  • မျက်စိအမြင်အာရုံဆုံးရှုံးတာ
  • နှလုံးသွေးကြောဆိုင်ရာရောဂါ ခံစားရတာ
  • လေဖြတ်တာ
  • နှလုံးသွေးကြောပိတ်တာ
  • ကျောက်ကပ်ပျက်စီးတာ
  • ခြေလက်တွေက အာရုံကြောလေးတွေ ပျက်စီးတာ
  • အနာကျက်နှေးတာ
  • အနာမကျက်တာ
  • ခြေလက်တွေ ပုပ်ပြီး ဖြတ်တောက်ပစ်ရတာတွေကို ခံစားရနိုင်ပါတယ်။

ဒါ့ပြင် ဆီးချိုရောဂါနောက်ကနေ တခြားမကူးစက်တတ်တဲ့ ရောဂါတွေ ဖြစ်တဲ့ သွေးတိုးရောဂါ၊ လေဖြတ်တာတွေပါ လိုက်ဖြစ်နိုင်ပါသေးတယ်။

ဆီးချို ဘယ်လို ကာကွယ်မလဲ။

ဆီးချိုက ကုသလို့ မပျောက်ပေမယ့် ကာကွယ်လို့ရသလို သေချာဂရုစိုက်ရင် သက်တမ်းစေ့နေလို့ရပါတယ်။ ဒီတော့ ဆီးချိုကြောင့် ထိခိုက်မှု မဖြစ်စေဖို့ဆိုရင်

health-tool-icon

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Diabetes in Myanmar http://myanmardiabetes.org.mm/diabetes-in-myanmar/?fbclid=IwAR2YISQW4zpbkPq5iaGTp32NP12pWzDx7b6L8mYTjQvBuU4TvMbWVoSdVUI Accessed Date 4 November 2020

Measurement of diabetes, prediabetes and their associated risk factors in Myanmar 2014 https://www.ncbi.nlm.nih.gov/pmc/articles/PMC6407671/Accessed Date 4 November 2020

စာရေးသူ ဓာတ်ပုံbadge
Aye Thi Mon မှ ရေးသားသည်။ 28/01/2022 တွင် ပြန်လည်ပြင်ဆင်ခဲ့သည်။
Dr. Phyo Wai Lynn မှ အချက်အလက် စစ်ဆေးထားပါသည်။