နောက်တစ်ချက် အနေနဲ့ကတော့ ပြောင်းဖူးက အစာကြေညက်ခဲတာကြောင့် သွေးတွင်းသကြားဓာတ် ရုတ်တရက် မြင့်တက်တာမျိုး မဖြစ်အောင် ကာကွယ်ပေးနိုင်ပါတယ်။ ပြောင်းဖူးက အမျှင်ဓာတ်ကြွယ်ဝလို့ ဝမ်းမှန်စေဖို့လည်း ထောက်ကူပေးနိုင်ပါတယ်။ အဆီပါဝင်မှု နည်းတာကလည်း ဆီးချိုရောဂါ ရှိသူတွေမှာ သွေးတွင်းအဆီများတာကို ကာကွယ်ပေးပြီး နှလုံးကျန်းမာစေဖို့ အားဖြည့်ပေးနိုင်ပါတယ်။
ဗီတာမင် နဲ့ သတ္တုဓာတ်တွေ ကြွယ်ဝစွာ ပါဝင်နေတာကလည်း ကိုယ်ခံအားကောင်းစေပြီး ကျန်းမာစေဖို့ ထောက်ကူပေးနိုင်မှာပါ။ ပြောင်းဖူးစားတဲ့အခါ ပြုပြင်ထားတဲ့ ပြောင်းဖူးမဟုတ်တဲ့ သဘာဝအတိုင်း ပြောင်းဖူးကို စားပေးဖို့ လိုပါမယ်။ ဒါမှ အမျှင်ဓာတ် ကြွယ်ဝစွာ ရရှိပြီး ကျန်းမာစေဖို့ ထောက်ကူပေးနိုင်မှာပါ။
ဆိုလိုတာက ပြောင်းဖူးကို ဆီများများနဲ့ သုတ်ထားတာတို့၊ ဆားလေးနဲ့ လှိမ့်ထားတို့၊ သကြားနဲ့ ဖောက်ထားတဲ့ ပြောင်းဖူးပေါက်ပေါက်တို့ဆိုရင် စားဖို့ မသင့်တော်ပါဘူး။
ဆီးချိုရှိသူတွေအနေနဲ့ ပြောင်းဖူးကို ဘယ်လို စားမလဲ
ဆီးချိုရှိမယ်ဆိုရင် အစားအစာတိုင်းကို သေချာလေး ဂရုစိုက်ဖို့ လိုမယ်ဆိုတာကို ထွေထွေထူးထူး ပြောစရာ မလိုအောင်ပါ။ ဒါကြောင့် ပြောင်းဖူးစားမယ်ဆိုရင် သေချာလေး ဂရုစိုက်ဖို့ လိုမှာပါ။ ပြောင်းဖူးက ကာဗိုဟိုက်ဒရိတ် ကြွယ်ဝစွာ ပါဝင်နေတာကြောင့် အများကြီး စားလို့ မရတာတော့ အသေအချာပါ။
ဒီတော့ ပြောင်းဖူးကို စားဖို့ဆိုရင် ၉လက်မအချင်းရှိတဲ့ အရွယ်တော် ပန်းကန် တစ်ချပ်ရဲ့ ၄ ပုံပုံ ၁ ပုံစာလောက်ပဲ စားသင့်ပါတယ်။
ဒီလိုမျိုး အချိုးအစား မှန်မှန်လေး စားသုံးပေးမယ်ဆိုရင်တော့ ဆီးချိုရှိသူတွေမှာ သွေးတွင်းသကြားဓာတ် မြင့်တက်စေတာမျိုး မရှိဘဲ ပြောင်းဖူးကနေ ရရှိတဲ့ ကျန်းမာရေးအကျိုးကျေးဇူးတွေကိုပါ ရရှိဦးမှာပါ။
ဆီးချိုနဲ့ ပြောင်းဖူး
မကြာသေးခင်က လုပ်ဆောင်ခဲ့တဲ့ လေ့လာမှုတွေအရ ပြောင်းဖူးစားတာက သွေးတွင်းသကြားဓာတ်ကို ထိန်းညှိပေးသလို ကိုယ်ထဲက အင်ဆူလင်ပမာဏကိုလည်း ထိန်းညှိပေးပါတယ်။ သွေးလည်ပတ်မှု ကောင်းစေသလို သွေးတွင်းကိုလက်စထရောကိုလည်း ကျဆင်းစေနိုင်ပါတယ်။ ကိုယ်အလေးချိန်ကိုလည်း ထိန်းညှိပေးပါသေးတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။