16 လအရွယ်ကလေးငယ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020
Share now

သင့်ရဲ့ ၁၆လအရွယ်ကလေးကို ပြုစုစောင့်ရှောက်ဖို့ သင်ဘာတွေသိဖို့လိုအပ်လဲ။

ဖွံ့ဖြိုးကြီးထွားမှုနဲ့ အပြုအမူ

ကလေးဟာဘယ်လိုဖွံ့ဖြိုးလာသင့်သလဲ။

ဆူညံသံတွေကိုကြောက်လန့်တတ်ခြင်းကိုလည်းတစ်ခါတလေမှာမထင်မှတ်ဘဲတွေ့ရတတ်ပါတယ်။ သင့်ရဲ့ ၁၆လအရွယ်ကလေးဟာ ဖုန်စုပ်စက်တွေ မိုးကြိုးမုန်တိုင်းတွေ ဥသြဆွဲသံတွေ မီးရှူးမီးပန်းဖောက်သံတွေ နဲ့ ဘောလုံးပေါက်သံတွေကြားရင် ကြောက်လန့်ပြီးနံရံမှာကပ်နေတာမျိုးငိုတာမျိုးနဲ့ အလွန်အမင်းထိတ်လန့်ကြောက်ရွံ့သွားတတ်ပါတယ်။

တစ်ခါတရံ ၁၅လနှင့် ၁၈လကြားထဲမှာ သင့်ကလေးဟာမနက်ပိုင်းခဏအိပ်ချိန်မှာမအိပ်တော့ပါဘူး။ နေ့လည်ပိုင်းတစ်ရေးတမောအိပ်တာနဲ့တင်လုံလောက်ပါတယ်။ အရင်ဆုံးတော့ နေ့လည်ပိုင်းတစ်ခေါက်တည်းအိပ်တဲ့အခါမှာပုံမှန်အိပ်ချိန်ထက်ပိုပြီးကြာတတ်ပါတယ်။ အရမ်းနောက်ကျသွားအောင်တော့မအိပ်ခိုင်းပါနဲ့။ ညဘက်အိပ်ချိန်ကျရင် မအိပ်ချင်ဘဲဖြစ်တတ်လို့ပါ။ ဒီလိုပြောင်းလဲနေတဲ့အချိန်အတွင်းမှာနေ့လည်ပိုင်းအိပ်ချိန်အရမ်းကြာတာမျိုးမဖြစ်အောင် သတိထားထိန်းသိမ်းဖို့လိုပါတယ်။

ကလေးကိုဘယ်လိုကူညီထောက်ပံ့မလဲ။

သင့်ကလေးဟာအကြောက်တရားပိုကြီးလာပြီးအလွယ်တကူလန့်နေတတ်ပါတယ်။ အကေင်းဆုံးနည်းလမ်းကတော့ သူ့ကိုစိတ်အေးချမ်းသာစွာစိတ်ချလက်ချနေနိုင်အောင်လုပ်ပေးတာပါပဲ။ ထွေးပွေ့ထားပြီးသူ့ခံစားချက်လေးတွေကိုအသိအမှတ်ပြုပေးပါ။ “ ဝိုး အဲ့ဒါအရမ်း ကြောက်ဖို့ကောင်းတာပဲ ဟုတ်တယ်မလား”ဆိုတာမျိုးလောက်ဆိုရင်ကိုလုံလောက်ပါပြီ။ သူ့ကိုပြန်ထိန်းနိုင်ဖို့ သူ့နားတွေကိုဘယ်လိုအုပ်ထားရမယ်ဆိုတာလေး ပြပေးပါ။ သင့်ကလေးဟာဆူညံသံတွေဘယ်ကထွက်လာတယ်ဆိုတာသိပြီးသူတို့ဟာ အန္တရာယ်မဖြစ်စေဘူးဆိုတာသိရင် သူ့အကြောက်တရားတွေ တဖြည်းဖြည်းနဲ့ပျောက်ကွယ်သွားမှာပါ။

သင့်ကလေးလိုက်လုပ်နိုင်တဲ့ အလုပ်လေးတွေနဲ့ ဇယားချထားတဲ့ အိပ်ရာဝင်ချိန်တွေဟာ ပိုပြီးချောချောမွေ့မွေ့ဖြစ်လာမှာပါ။ ညအိပ်ရာဝင်တဲ့လုပ်ငန်းစဉ်တွေကိုစီစဉ်တာကောင်းမယ်ဆိုရင်သင့်ကလေးကိုအေးဆေးသက်သာစွာအနားယူနိုင်တဲ့အခြေအနေရောက်ဖို့ လုံလောက်တဲ့အချိန်ရှိပါတယ်။ ဒီအချိန်အတိုင်းအတာဟာသင့်အတွက်ရောကလေးထိန်းအတွက်ရောရှုပ်ထွေးပြီးရှည်ကြာတဲ့ကိစ္စတော့မဟုတ်ပါဘူး။ မိနစ် ၂၀ ကနေ ၃၀အထိဟာတကယ်ကောင်းမွန်လုံလောက်တဲ့အချိန်အတိုင်းအတာပါပဲ။

သင့်ကလေးဟာသူမနက်အိပ်နေကျအချိန်ကိုအစားထိုးဖို့အတွက် နားချိန်နည်းနည်းတော့လိုအပ်ပါဦးမယ်။ အဲ့ဒီအချိန်မှာသွားရည်စာမုန့်ကျွေးပြီးဆိတ်ငြိမ်တဲ့အလုပ်လေးတွေကိုစီစဉ်ပေးပါ။ ဥပမာသီချင်းအေးအေးလေးတွေကိုနားထောင်ခိုင်းတာမျိုး၊ စာအုပ်တွေကြည့်ခိုင်းတာမျိုးဒါမှမဟုတ် ဆိုဖာပေါ်မှာစာင်လေးခြုံပေးပြီးနားခိုင်းထားတာမျိုး၊ (အိပ်ရာပေါ်မှာမနားခိုင်းပါနဲ့၊ အိပ်ရာကပိုပြီးအိပ်ချင်စေပါတယ်)။ ဒီအိပ်ချိန်မှာကားစီးတာမျိုးရှောင်ကြဉ်ပါ။ ဘာကြောင့်လဲဆိုတော့ သင့်ကလေးဟာအိပ်ပျော်သွားနိုင်ပြီးနေ့လည်ပိုင်းအိပ်ချိန်ကိုကျော်ကာညနေပိုင်းမှာစိတ်တိုလွယ်နေပါလိမ့်မယ်။

ကျန်းမာရေးနဲ့ လုံခြုံမှု

ဆရာဝန်နဲ့ ဘာတွေတိုင်ပင်သင့်လဲ။

ပုံမှန်မဟုတ်တဲ့ အမူအကျင့်တွေတွေ့နေရရင်ဆရာဝန်ကိုပြောပြပါ။ သင့်ကလေးဟာကျန်းမာရေးကောင်းပြီးပုံမှန်ဖြစ်နေရင်တောင် ဆေးစစ်ချိန်မှာစစ်ပေးပါ။ သင့်ကလေးဟာ ဆရာဝန်ဆီသွားရမှာကိုကြောက်ကောင်းကြောက်နေပါလိမ့်မယ်။ သူ့ကိုနောက်ထပ်ကာကွယ်ဆေးထိုးမယ်လို့ သူထင်ရင်လည်းထင်နေမှာပါ။ သင့်ကလေးကိုနှစ်သိမ့်ဖို့ ဒီအချက်လေးတွေသုံးကြည့်ပါ။

  • အစောကြီးမသွားပါနဲ့။ သင်နဲ့ချိန်းထားတဲ့အချိန်ကိုပဲကွက်တိရောက်အောင်သွားပါ။ အချိန်ကုန်မြန်အောင်လို့ သင့်ကလေးနဲ့ စကားပြောနိုင်သလောက်ပြောပေးပါ။
  • သူ့ရဲ့အနှစ်သက်ဆုံးအရုပ်လေးတွေယူသွားပေးတာကကလေးကိုပိုပြီးစိတ်ချလက်ချနဲ့ သက်တောင့်သက်သာဖြစ်စေမှာပါ။
  • ဖြစ်နိုင်ရင်ဆရာဝန်တစ်ယောက်တည်းနဲ့ပြပါ။ ဒီနည်းအားဖြင့် သင့်ကလေးဟာ ဆရာဝန်နဲ့အပြန်အလှန်စကားတွေပြောရင်း ပတ်ဝန်းကျင်ကိုပါ ရင်းနှီးသွားပါလိမ့်မယ်။
  • သူ့ကိုဆေးထိုးမယ်ဆိုရင်တော့ အာရုံလွှဲပေးပါ။

ဘာတွေသိထားသင့်လဲ

၁၆လအရွယ်မှာ သင့်ကလေးဟာမနက်ပိုင်းအိပ်ချိန်မလိုအပ်တော့ဘူးဆိုတာသိထားသင့်ပါတယ်။ အဲ့ဒီအစားအင်အားဖြည့်ဖို့ သွားရည်စာနည်းနည်းလိုအပ်ပါတယ်။ ဒီအသက်အရွယ်မှာနေ့ခင်းတစ်ရေးအိပ်တာကအားအင်ပြည့်ဝဖို့နဲ့ ကျန်းမာဖို့ လုံလောက်ပါပြီ။

နေ့လည်ပိုင်းမှာစောစောအိပ်ခိုင်းဖို့ကြိုးစားပါ။ နောက်ကျမှအိပ်မယ်ဆိုရင် ညအိပ်ချိန်ကိုထိခိုက်လာပါလိမ့်မယ်။ ဒါပေမဲ့ နေ့လည်ပိုင်းကိုသေချာပေါက်အိပ်ခိုင်းပါ။ ပြည့်ပြည့်၀၀ အနားမယူရဘူးဆိုရင်တော့ သင့်ကလေးဟာသင့်လိုပဲစိတ်တိုလွယ်ပြီးစိတ်တိုင်းမကျတွေဖြစ်နေပါလိမ့်မယ်။

စိုးရိမ်ပူပန်မှုများ

ဘာတွေကိုစိတ်ပူနေတာလဲ

သင့်ကလေး TV ဘယ်လောက်ကြည့်သလဲဆိုတာကိုသင်သိချင်နေမှာပါ။ American Academy of Pediatrics (AAP)အရ ၂နှစ်မပြည့်ခင်မှာTV မကြည့်သင့်သေးပါဘူး။ Ipad အသုံးပြုတာလည်းပါဝင်ပါတယ်။ TV ဖန်သားပြင်ကိုကြည့်တဲ့အချိန်ကိုကန့်သတ်ပေးထားပါ။ ဒီနားနည်းနည်းဟိုနားနည်းနည်းကြည့်တာတွေကကလေးကိုထိခိုက်စေမှာမဟုတ်ပေမဲ့ သင့်ကလေးTVစွဲသွားမှာကိုတော့ သင်မလိုလားဘူးမဟုတ်လား။

ဘောလုံးကန်တာရေကူးတာနဲ့ ကစားကွင်းထဲပြေးနေတာစသဖြင့် အပြင်မှာကစားတာတွေကိုအားပေးပါ။ သင့်ကလေးသီချင်းဆိုပြီးကနိုင်ဖို့ သီချင်းတွေကိုလည်းဖွင့်ထားပေးနိုင်ပါတယ်။

စာအုပ်လည်းပေးဖတ်သင့်တယ်။ သင်နဲ့အတူစာအုပ်ဖတ်ပြီးစကားပြောရတာများလေလေစကားလုံးအသစ်တွေနဲ့ အခန်းကဏ္ဍအသသစ်တွေကိုသူမှတ်သားနိုင်လေပါပဲ။ ဒါတွေအားလုံးဟာ TV ရှိုးတွေထက်တော့ အများကြီးပိုကောင်းပါတယ်။

HelloHealth Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

Read also:

    ရင်းမြစ်များ

    BabyCenter Medical Advisory Board. Growth charts: Understanding the results http://www.babycenter.com/0_growth-charts- understanding-the-results_11217.bc?page=2. Accessed date 03/06/2015.

    BabyCenter Medical Advisory Board. The flu vaccine for children http://www.babycenter.com/0_the-flu- vaccine-for-
    children_1463462.bc. Accessed date 03/06/2015.

     

    သင်ဒါလည်း နှစ်သက်နိုင်ပါတယ်။

    6 ပတ်သားကလေး

    ဖွံ့ဖြိုးလာမှုနဲ့ အပြုအမူလေးတွေ ဘယ်လိုဖွံ့ဖြိုးလာလဲ အပြုံးလေးတွေကတော့ ကမ္ဘာနဲ့အနှံ့ ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Aye Myat Myat Noe

    8 ပတ်

    ကလေးလေး ဘယ်လိုဖွံ့ဖြိုးလာမှာလဲ သားသားမီးမီးလေးက ဘယ်လိုကြီးလာတာပါလိမ့် ဒီအပတ်ကတော့ ...

    ဆေးပညာပိုင်းဆိုင်ရာတည်းဖြတ်သူ Dr. K Zin Thwe
    ရေးသားသူ Hmwe San Eain

    8 ပတ်သားကလေး

    ဖွံ့ဖြိုးလာမှုနဲ့ အပြုအမူလေးတွေ ဘယ်လိုဖွံ့ဖြိုးလာလဲ ဒီအချိန်မှာ သင့်ကလေးရဲ့ဦးနှောက်ကဟာ ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Aye Myat Myat Noe

    9 ပတ်သားကလေး

    ဖွံဖြိုးတိုးတက်မှုနှင့် အပြုအမူ ကျွန်ုပ်၏ကလေးသည် မည်သို့ဖွံ့ဖြိုးလာသင့်ပါသနည်း။ သင့်ကလေးလေး ...

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Su Sandy

    သင့်အတွက် ရွေးချယ်ထားသည်

    ၃၂ ပတ်သားကလေး

    ၃၂ ပတ်သားကလေး

    ဆေးပညာပိုင်းဆိုင်ရာတည်းဖြတ်သူ Dr. K Zin Thwe
    ရေးသားသူ Dr. Su Sandy
    ရေးသား ထုတ်ဝေခဲ့သည် ဖေ‌ဖော်ဝါရီ 15, 2018
    သင့်ကလေးကို ညစ်ပေတာတွေနဲ့ ဆော့ခွင့်ပြုလိုက်ပါ

    သင့်ကလေးကို ညစ်ပေတာတွေနဲ့ ဆော့ခွင့်ပြုလိုက်ပါ

    ဆေးပညာပိုင်းဆိုင်ရာတည်းဖြတ်သူ Dr. Kaung Thar
    ရေးသားသူ Khine Phoo Ngon
    ရေးသား ထုတ်ဝေခဲ့သည် စက်တင်ဘာ 12, 2017
    အရုပ်သေနတ်က သင့်ကလေးစိတ်ကို ကြမ်းတမ်းစေသလား

    အရုပ်သေနတ်က သင့်ကလေးစိတ်ကို ကြမ်းတမ်းစေသလား

    ဆေးပညာပိုင်းဆိုင်ရာတည်းဖြတ်သူ Dr. K Zin Thwe
    ရေးသားသူ Dr . Phyu Mon Latt
    ရေးသား ထုတ်ဝေခဲ့သည် ဩဂုတ် 8, 2017
    5 ပတ်သားကလေး

    5 ပတ်သားကလေး

    ဆေးပညာပိုင်းဆိုင်ရာတည်းဖြတ်သူ Dr. K Zin Thwe
    ရေးသားသူ Dr.Aye Myat Myat Noe
    ရေးသား ထုတ်ဝေခဲ့သည် ဇူလိုင် 20, 2017