ပူနွေးစွတ်စိုတဲ့အရပ်မှာ ကလေးကို သေးခံမလောင်အောင်ကာကွယ်နိုင်မယ့် နည်းလမ်း ၅ ခု

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 19, 2020 . 2 mins read
Share now

သေးခံလောင်တယ်ဆိုတာ ကလေးမှာသေးခံဒိုင်ပါဝတ်ပေးတဲ့နေရာတဝိုက် အရေပြားနီရဲနာကျင်လာတဲ့လက္ခဏာဖြစ်ပါတယ်။ တစ်ခါတလေသေးခံလောင်တဲ့နေရာမှာ ပူတဲ့ခံစားချက်နဲ့အနည်းငယ်ရောင်ရမ်းလာနိုင်ပါတယ်။ ဒီလိုဖြစ်စေတဲ့ အဖြစ်များဆုံးအကြောင်းရင်းတစ်ခုကတော့ စိုစွတ်မှုပဲဖြစ်ပါတယ်။

သင်က ပူနွေးစွတ်စိုတဲ့မြို့မှာ နေထိုင်သူဖြစ်ရင် စုပ်ယူမှုအားအကောင်းဆုံးဒိုင်ပါတွေနဲ့တောင် စိုစွတ်မှုနဲ့ကင်းနိုင်မှာမဟုတ်ပါဘူး။ ဒါပေမယ့် အောက်မှာဖော်ပြထားတဲ့ လွယ်ကူတဲ့နည်းလမ်း ၅ ခုနဲ့ သင့်ကလေးကိုသေးခံလောင်ခြင်းဝေဒနာကနေကာကွယ်နိုင်ပါတယ် –

(၁) ကလေးရဲ့အောက်ပိုင်းကို ခြောက်သွေ့သန့်ရှင်းအောင်ထားပါ

ကလေးမှာ သေးခံလောင်ခြင်းဖြစ်နေပြီဆိုရင် အရေးကြီးတာက ကလေးရဲ့ဒိုင်ပါကို လဲလှယ်ချိန်အပိုင်းအခြားကို ပိုဂရုစိုက်ပေးရမှာဖြစ်ပါတယ်။ ကလေးရဲ့ဒိုင်ပါက ညစ်ပေစွန်းထင်းနေတာ သတိထားမိရင် တတ်နိုင်သလောက် အမြန်ဆုံးနောက်တစ်ခုလဲပါ။ ခြောက်သွေ့၊ သန့်ရှင်းအောင်ထားမှ ဒီဧရိယာတစ်ဝိုက်မှာ ဘက်တီးရီးယားတွေပေါက်ဖွားဖို့လွယ်တဲ့နေရာတစ်ခု ဖြစ်မလာတော့ဘဲ ကလေးရဲ့အရေပြားကို မထိခိုက်စေမှာဖြစ်ပါတယ်။ ညဘက်မှာလည်း ကလေးကို ဒိုင်ပါထလဲပေးဖို့ လိုအပ်နိုင်ပါတယ်။

(၂) ဒိုင်ပါလဲတဲ့အခါတိုင်း ကလေးကို သေချာဆေးကြောသန့်စင်ပေးပါ

မိဘတော်တော်များများက ဝတ်ရလွယ်ကူ၊ ချွတ်ရလွယ်ကူတဲ့ဒိုင်ပါတွေကို ဝယ်တတ်ပါတယ်။ ဒါပေမယ့် အယ်ကိုဟောပါတဲ့ ထုတ်ကုန်တွေက အရေပြားကိုပြဿနာဖြစ်စေနိုင်လို့ ရှောင်ရှားသင့်ပါတယ်။ ရေနွေးနွေး၊ နူးညံ့တဲ့တဘက်လေးနဲ့ ကလေးအောက်ပိုင်းကို ညင်သာစွာသန့်စင်ပါ။ ဆပ်ပြာသုံးချင်တယ်ဆိုရင် အန္တရာယ်များတဲ့ phthalates သို့မဟုတ် parabens မပါဝင်တဲ့ အပျော့စားဆပ်ပြာကိုသုံးပါ။ လူကြီးတွေမှာ ဒီဓာတ်တွေနဲ့ဘာပြဿနာမှမရှိလည်း ကလေးအရေပြားမှာ နီရဲရောင်ရမ်းမှုပိုဖြစ်လွယ်တာကြောင့်ရှောင်တာကောင်းပါတယ်။

(၃) ကလေးရဲ့အောက်ပိုင်းကို ခြောက်အောင်သုတ်ပါ။

ကလေးရဲ့အောက်ပိုင်းကို သန့်ရှင်းတဲ့တဘက်စနဲ့ ညင်ညင်သာသာ တို့ပုတ်ပြီးရေသုတ်ပေးပါ။ ကလေးရဲ့အရေပြားကို ပွတ်မသုတ်ရပါဘူး။ ပြီးတော့မှ အစိုဓာတ်ကိုစုပ်ယူနိုင်ဖို့ ကလေးပေါင်ဒါသုံးပေးပါ။ ကလေးပေါင်ဒါဝယ်တဲ့အခါ Johnson’s baby powder လိုမျိုး နူးညံ့စေပြီး အသားအရေအားလုံးနဲ့ ကိုက်ညီတဲ့ကုန်ပစ္စည်းဖြစ်ကြောင်း အာမခံနိုင်တဲ့ပစ္စည်းကိုရွေးပါ။ label ကိုသေချာဖတ်ပါ။

Johnson’s baby powder က ကလေးအသားအရေမှာ ပေါင်ဒါကအကာအကွယ်အလွှာတစ်ခုဖြစ်ပေါ်စေဖို့ စီမံထုတ်လုပ်ထားတာဖြစ်ပါတယ်။ ဒီပေါင်ဒါက အေးမြတဲ့ခံစားမှုနဲ့ ကလေးရဲ့အသားအရေကိုချောမွေ့စေလို့ ပွန်းတာတွေ မဖြစ်စေအောင်ကာကွယ်ပေးတယ်ဆိုတော့ ပူနွေးစွတ်စိုတဲ့ ရာသီဥတုမှာ အရမ်းကိုအဆင်ပြေစေမှာပါ။

(၄) လေဝင်လေထွက်ကောင်းပါစေ

တချို့မိဘတွေက ကလေးရဲ့ ဆီးတွေ၊ ဝမ်းတွေ အပြင်ကိုပေမှာစိုးတာကြောင့် ဒိုင်ပါကို တင်းကျပ်အောင်ဝတ်ပေးတတ်ပါတယ်။ ဒါဟာ ကလေးအတွက် အရမ်းကိုဆိုးပါတယ်။ ဒိုင်ပါကျပ်လွန်းပြီး လေဝင်လေထွက်နည်းရင် ဘက်တီးရီးယားတွေပေါက်ဖွားဖို့ အကောင်းဆုံးနေရာဖြစ်လာစေတတ်ပါတယ်။ ကလေးရဲ့ဒိုင်ပါကိုလေဝင်လေထွက်ကောင်းအောင်အမြဲခပ်လျော့လျော့ဝတ်ပေးသင့်ပါတယ်။ဖြစ်နိုင်ရင် တစ်ခါတစ်လေ ကလေးကိုအောက်ပိုင်းမဝတ်ပေးဘဲ ခဏထားပေးပါ။ ဥပမာ- စောင်အခင်းသန့်သန့်တစ်ထည်ပေါ်မှာ ကလေးကိုချပြီး ခဏကစားပေးပါ။

(၅) သင့်လက်ကို သေချာဆေးကြောပါ

ဒီစကားကို ခဏခဏပြောကြပေမယ့် လက်ဆေးဖို့ကိုတော်တော်များများက လျစ်လျူရှုမိကြပါတယ်။ ကလေးကို ဒိုင်ပါလဲပေးပြီးတဲ့အခါ သင့်လက်ကို ဆပ်ပြာနဲ့သေချာဆေးကြောမှ သင်ကိုယ်တိုင်အတွက်ရော၊ ကလေးအတွက်ပါ ဘက်တီးရီးယားနဲ့မှိုပိုးအန္တရာယ် ကာကွယ်နိုင်မှာဖြစ်ပါတယ်။ ကလေးကို ကလေးထိန်းကျောင်းပို့မယ်ဆိုရင်လည်း ကျန်းမာရေးသန့်ရှင်းမှုစံနှုန်းမီပြီး ဒီအချက်တွေကိုနားလည်၊လိုက်နာမယ့်ကလေးစောင့်ရှောက်မယ့်သူတွေရှိတဲ့ကျောင်းကိုရွေးသင့်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အစာအဆိပ်သင့်စေနိုင်တဲ့ ဆေးယဉ်ပါး Salmonella အန္တရာယ်

ဆေးယဉ်ပါး ဆေးယဉ် Salmonella အစာအဆိပ်သင့် ကြက်သား ဘက်တီးရီးယား အစားအသောက် မသန့်ရှင်းမှု ရောဂါပိုး လက္ခဏာများ ကြိုတင်ကာကွယ်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ရုတ်တရက်ထပြီး ဗိုက်နာ ၊ မအောင့်မအည်းနိုင်ဖြစ်ဖူးလား

ဗိုက်နာ ဗိုက်အောင့် အူလမ်းကြောင်း အစာအိမ်အူလမ်းကြောင်း IBS ရောဂါလက္ခဏာ ကြိုတင်ကာကွယ်ခြင်း အစားအသောက် အနေအထိုင် လေပွ ဗိုက်ကယ် ဝမ်းပျက်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ကလေးအသားအရေ အတွက် အုန်းဆီရဲ့အသုံးဝင်ပုံ (၂၁) ချက်

ကလေးအသားအရေ အုန်းဆီ ကလေးကျန်းမာရေး အရေပြားကျန်းမာရေး အသားအရေထိန်းသိမ်းမှု မိဘများအတွက်လမ်းညွှန် ကလေးပြုစုစောင့်ရှောက်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ကလေးဝက်ခြံ ကို ဘယ်လိုဂရုစိုက်ပေးရမလဲ

ကလေးဝက်ခြံ ကလေးအရေပြား အသားအရေ အရေပြားပြဿနာ ကလေးကျန်းမာရေး အရေပြားထိန်းသိမ်းစောင့်ရှောက်မှု မိဘများအတွက်လမ်းညွှန် ကလေးအသားအရေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

သင့်အတွက် ရွေးချယ်ထားသည်

အစားအသောက်ပေါ်နားရင်း ယင်ကောင် တွေ လုပ်လေ့ရှိတဲ့ အရာများ

အစားအသောက်ပေါ်နားရင်း ယင်ကောင် တွေ လုပ်လေ့ရှိတဲ့ အရာများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇူလိုင် 13, 2020 . 2 mins read
Petroleum Jelly အကြောင်း သိသင့်သမျှ

Petroleum Jelly အကြောင်း သိသင့်သမျှ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin
ရေးသား ထုတ်ဝေခဲ့သည် ဇွန် 11, 2020 . 2 mins read
အိမ် ထဲမှာပဲ နေပါ လို့ ထပ်ကာတလဲလဲ ဘာကြောင့် သတိပေးနေကြသလဲ

အိမ် ထဲမှာပဲ နေပါ လို့ ထပ်ကာတလဲလဲ ဘာကြောင့် သတိပေးနေကြသလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် မတ် 23, 2020 . 2 mins read
ကိုရိုနာ ပြဿနာကြား ခရီးသွားတဲ့အခါ ဒါတွေ သတိထားပါ

ကိုရိုနာ ပြဿနာကြား ခရီးသွားတဲ့အခါ ဒါတွေ သတိထားပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် မတ် 17, 2020 . 2 mins read