ကလေးအသားအရေ ထိန်းသိမ်းမှုနဲ့ပတ်သက်ပြီး ဘာတွေသိထားသင့်လဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 18, 2020 . 3 mins read
Share now

ကလေးလေးတွေရဲ့ အသားအရေက နူးညံ့ချောမွေ့ပြီး ထိတွေ့မိတဲ့အခါ စိတ်ကြည်နူးစရာကောင်းပါတယ်။ ဒီလိုနူးညံ့ချောမွေ့တဲ့အသားအရေလေးတွေကို အသက်ကြီးသွားတဲ့အထိ ရှိသွားစေချင်တယ်ဆိုရင် ငယ်ရွယ်စဉ်ကတည်းက စတင်ထိန်းသိမ်းဖို့လိုအပ်ပါတယ်။ ဒါမှမဟုတ်ရင်တော့ ထိခိုက်ပျက်စီးမှုနဲ့ ကြမ်းတမ်းလာတာတွေဖြစ်နိုင်ပါတယ်။ အဲဒါတွေကိုကာကွယ်ပြီး မိမိရင်သွေးငယ်လေးရဲ့ အသားအရေအမြဲနူးညံ့ချောမွေ့နေစေချင်တယ်ဆိုရင်တော့ မိဘတွေအနေနဲ့ ရင်သွေးလေးတွေရဲ့ အသားအရေကို ဘယ်လိုထိန်းသိမ်းပေးရမလဲဆိုတာကို သိထားဖို့လိုပါလိမ့်မယ်။

ကလေးငယ်တွေရဲ့ အသားအရေအမျိုးအစား ဘယ်နှမျိုးရှိသလဲ။

ကလေးငယ်လေးတွေရဲ့ အသားအရေကို (၄) မျိုးခွဲထားပါတယ်။

  • ပုံမှန်အသားအရေ –ချောမွေ့ပြီး အစက်အပြောက်နဲ့ အဖုအပိမ့်တွေကင်းစင်တဲ့အသားအရေမျိုးပါ။
  • ခြောက်သွေ့တဲ့အသားအရေ –နည်းနည်းကြမ်းပြီး တစ်နှစ်ပတ်လုံး အရေပြားအဖတ်လေးတွေလန်နေတတ်ပါတယ်။ခြောက်သွေ့နေတတ်ပါတယ်။
  • တုံ့ပြန်လွယ်တဲ့အသားအရေ – ကလေးတိုင်းရဲ့ အသားအရေက ထိခိုက်တုံ့ပြန်လွယ်ကြပါတယ်။ ဒါပေမယ့်တုံ့ပြန်လွယ်တဲ့ ကလေးတွေရဲ့ အသားအရေက အခြားကလေးတွေထက်ပိုပြီး ထိခိုက်လွယ်နေတတ်ပါတယ်။ ဓာတ်မတည့်တာတစ်ခုခုနဲ့ ထိတွေ့မိတဲ့အခါ အရေပြားကနီမြန်းပြီး စပ်ဖျဉ်းဖျဉ်းဖြစ်လာတာမျိုးပါ။
  • နှင်းခူဖြစ်နေတဲ့ အသားအရေ –ဒီအခြေအနေကတော်တော်လေးဆိုးပါတယ်။ မြင်လည်းမြင်သာပါတယ်။ သေချာအောင် အတည်ပြုနိုင်ဖို့တော့ ဆရာဝန်နဲ့ တိုင်ပင်သင့်ပါတယ်။ အရေပြားက တော်တော်လေးယားယံနေတတ်ပြီး အနီရောင်အပိမ့်တွေထွက်နေတတ်ပါတယ်။

ကလေးအရေပြားကို ဘယ်အချိန်မှာ စစ်ဆေးဖို့အကောင်းဆုံးဖြစ်မလဲ

ကလေးအရေပြားမှာ ပြဿနာတစ်ခုခုရှိနေလားဆိုတာကို အတည်ပြုနိုင်မယ့် အကောင်းဆုံးအချိန်ကရေချိုးတဲ့အချိန်ပါ။ ရေချိုးပေးတဲ့အချိန်က ကလေးရဲ့ ခန္ဓာကိုယ်တစ်ခုလုံးကအရေပြားကို ထိတွေ့ရတာကြောင့်လည်းဖြစ်ပါတယ်။ ရေချိုးပေးချိန်မှာ မိဘတွေအနေနဲ့ ကလေးအရေပြားကို သေသေချာချာစစ်ဆေးကြည့်ဖို့လည်းလိုပါလိမ့်မယ်။

ကလေးရေချိုးတဲ့အခါ သူတို့လေးတွေအတွက် သီးသန့်ထုတ်ထားတဲ့ ဆပ်ပြာနဲ့ချိုးပေးပါ။ ရေချိုးပေးနေချိန်မှာလည်း ကလေးကို သက်သောင့်သက်သာဖြစ်စေဖို့အတွက် နှိပ်နယ်ပေးတာမျိုးလုပ်ပေးလို့ရပါတယ်။ ရေသုတ်မယ်ဆိုရင်တော့ တဘက်နုနုလေးနဲ့ဖြည်းဖြည်းချင်းသုတ်ပေးတာက အကောင်းဆုံးဖြစ်ပါလိမ့်မယ်။ပြီးရင် အစိုဓာတ်ထိန်းပေးမယ့် ခရင်မ်တစ်မျိုးမျိုးလူးပေးလို့ရပါပြီ။ ဒီလိုလေးလူးပေးတာက ကလေးအသားအရေကို ထိန်းသိမ်းပေးရာရောက်ပါတယ်။

ကလေးတွေမှာ ဖြစ်တတ်တဲ့ အရေပြားပြဿနာအချို့

ကလေးလေးတွေရဲ့ အသားအရေက အရမ်းကိုထိခိုက်လွယ်တာကြောင့် မိဘတွေအနေနဲ့ ကလေးအရေပြားကို ဘယ်လိုထိန်းသိမ်းပေးရမလဲ ဆိုတာနဲ့ ဘယ်လိုလက္ခဏာတွေက ဘာအရေပြားပြဿနာလဲဆိုတာကို သိထားဖို့တော့လိုအပ်မှာပါ။ ဒါကလည်းလွယ်တဲ့ကိစ္စတော့မဟုတ်ပါဘူး။ ဒါကြောင့်သိထားနိုင်အောင် ကလေးတွေမှာအဖြစ်များတဲ့အရေပြားပြဿနာအချို့ကိုဖော်ပြပေးလိုက်ပါတယ်။

  • ကလေးဝက်ခြံ (Baby acne) – အဖြစ်များတဲ့ အရေပြားပြဿနာတစ်မျိုးပါ။ အရေပြားပေါ်မှာ ပန်းရောင်အစက်လေးတွေထွက်တာပါ။ မျက်နှာပေါ်မှာအဖြစ်များပါတယ်။ မိခင်ရဲ့ဟော်မုန်းကြောင့်ဖြစ်ရတာဖြစ်ပြီး သူ့ဘာသာသက်သာသွားတတ်ပါတယ်။
  • အရေပြား ပွန်းရှခြင်း – အဝတ်အစားကြောင့် ထိခိုက်ပွန်းရှတာမျိုးဖြစ်တတ်ပါတယ်။ အဝတ်စကကြမ်းနေတာမျိုးကြောင့်ဖြစ်နိုင်သလို အဝတ်အရမ်းကျပ်ကျပ်ဝတ်ပေးထားမိလို့လည်းဖြစ်နိုင်ပါတယ်။ ကလေးကိုအင်္ကျီအဝတ်အစားချောင်ချောင်ချိချိဝတ်ပေးတာ၊ ကလေးပေါင်ဒါလူးပေးတာမျိုးတွေလုပ်ပေးပြီး ဒီပြဿနာကိုရှောင်ရှားလို့ရပါတယ်။
  • မိတ်ထွက်တာ(Heatrash) – ကလေးကိုယ်ပေါ်မှာ အနီရောင်အပိမ့်သေးသေးလေးတွေထွက်တာပါ။ စိုထိုင်းစနဲ့ အပူရှိန်ကြောင့်ဖြစ်တာပါ။ မိတ်ထွက်နေရင် ကလေးကို အဝတ်အစားချောင်ချောင်ချိချိဝတ်ပေးပြီး အရမ်းပူတဲ့နေရာမျိုးမှာ မထားပါနဲ့။
  • နှင်းခူ (Eczema) – အရေပြား နီရဲယားယံပြီး အဖတ်လေးတွေလန်နေတာမျိုးတွေ့ရတတ်ပါတယ်။ အရေပြားကို သန့်သန့်ရှင်းရှင်းခြောက်ခြောက်သွေ့သွေ့ထားဖို့လိုပါမယ်။ ဆရာဝန်နဲ့ပြသကြည့်ဖို့လိုပါမယ်။
  • ကလေးဦးရေပြား အဆီထွက်များ အရေခွံကွာသည့် ပြဿနာ (Cradle Cap) – ကလေးဦးရေပြားအပေါ်ယံလွှာကွာတာမျိုးပါ။ ဂလင်းတွေ က overactiveဖြစ်လွန်းတာကြောင့်ဖြစ်တဲ့အရေပြားပြဿနာတစ်မျိုးပါ။ ကလေးဦးရေပြားအပေါ်ယံလွှာ နူးညံ့သွားစေဖို့အတွက် ဆီလူးပေးပါ။ပြီးရင်တော့ ကလေးခေါင်းလျှော်ရည်သုံးပြီးခေါင်းလျှော်ပေးလိုက်ပါ။ခေါင်းကို ဘီးနဲ့ဖြည်းဖြည်းချင်းဖြီးပေးပြီး ကွာနေတဲ့အရေခွံတွေကို ဖယ်ရှားပေးပါ။ မခွာလည်း အချိန်တန်ရင် သူ့အလိုလို ကွာသွားပါတယ်။
  • သေးခံလောင်ခြင်း (Diaper rash) – ညစ်ပေနေတဲ့သေးခံကို အချိန်အကြာကြီးဝတ်မိထားတာကြောင့်ဖြစ်ရတာပါ။သေးခံစိုနေတာတွေ့တာနဲ့ ချက်ချင်းလဲပေးပါ။သေးခံအသစ်မလဲခင်မှာ ကလေးကို သန့်ရှင်းရေးလုပ်ပေးပြီး Diaper cream လူးပေးတာကသေးခံလောင်တာကို သိသိသာသာသက်သာစေပါလိမ့်မယ်။

သိထားသင့်တဲ့ ကလေးအသားအရေထိန်းသိမ်းမှုသုံးပစ္စည်းအချို့

ယနေ့ခေတ်မှာ ကလေးတွေအတွက် အသားအရေထိန်းသိမ်းမှုပစ္စည်းတွေကတော်တော်ကိုရွေးချယ်စရာများပါတယ်။ ဒါပေမယ့် ရင်သွေးလေးနဲ့ သင့်တော်မယ့် အသားအရေထိန်းသိမ်းမှုပစ္စည်းကိုရွေးချယ်မိဖို့ကဖေဖေမေမေတွေကိုယ်တိုင်က ဒီပစ္စည်းတွေနဲ့ ပတ်သက်ပြိး သိထားဖို့လိုပါလိမ့်မယ်။

  • ကလေးရေချိုးဆပ်ပြာရည် – ကလေးရေချိုးဆပ်ပြာရည်ကအကောင်းဆုံးရွေးချယ်မှုလို့တော့ မဆိုသာပါဘူး။ အချို့ရေချိုးဆပ်ပြာရည်တွေမှာdetergentsတွေပါဝင်နေတတ်ပြီး ခန္ဓာကိုယ်ပေါ်က အကျိုးပြုဘက်တီးရီးယားတွေကိုပါ ဖယ်ရှားပစ်လိုက်တာမျိုးတွေရှိတတ်ပါတယ်။ ကလေးလေးတွေမှာ ဆီးလမ်းကြောင်းပိုးကူးစက်တာမျိုးတောင်ဖြစ်စေနိုင်ပါတယ်။ တကယ်လို့ ရေချိုးဆပ်ပြာရည်ဝယ်မယ်ဆိုရင်တောင် လာဗင်ဒါဆီလိုမျိုး အသားအရေအတွက် အထောက်အကူဖြစ်တဲ့ အဆီပါဝင်တဲ့ ရေချိုးဆပ်ပြာရည်မျိုးကိုရွေးချယ်ပေးပါ။
  • ကလေးရေချိုးဆပ်ပြာ – တကယ်တော့ ကလေးကငယ်သေးရင် ရေသန့်သန့်လေးနဲ့ချိုးပေးရုံနဲ့ လုံလောက်ပါပြီ။ ဆပ်ပြာသုံးဖို့ လိုတယ်ထင်ရင်တော့ ကလေးတွေအတွက် သီးသန့်ထုတ်ထားတဲ့ အပျော့စားဆပ်ပြာမျိုးသုံးပေးလို့ရပါတယ်။ အုန်းဆီ၊ သံလွင်ဆီလိုမျိုး သဘာဝ ပစ္စည်းတွေကို အခြေခံပြီးထုတ်ထားတဲ့ ဆပ်ပြာမျိုးကိုပဲ အသုံးပြုပေးပါ။ပြီးရင် ကလေးအသားအရေအစိုဓာတ်ရှိနေစေဖို့အတွက် lotion ဒါမှမဟုတ် အဆီတစ်မျိုးမျိုးလူးပေးဖို့လိုပါမယ်။
  • ကလေးခေါင်းလျှော်ရည် – ကလေးကဆံပင်ပါးတယ်ဆိုရင်တော့ ခေါင်းလျှော်ရည်နဲ့မလျှော်လည်း ရပါသေးတယ်။ ဒါပေမယ့် ခေါင်းလျှော်ရည်လေးနဲ့ပဲလျှော်ပေးချင်တယ်ဆိုရင်တော့ ခပ်ပျော့ပျော့ ခေါင်းလျှော်ရည်လေးနဲ့လျှော်ပေးလို့ရပါတယ်။ triethanolamine (သို့မဟုတ်) diethanolamine တို့ပါတဲ့ခေါင်းလျှော်ရည်မျိုးတော့ မရွေးပါနဲ့။ ကလေးအတွက်ဝယ်မယ့် ခေါင်းလျှော်ရည်ထဲမှာ parabens ၊ သဘာဝမဟုတ်တဲ့ အရောင်တွေနဲ့ အနံ့တွေပါဝင်နေလားဆိုတာကို စစ်ဆေးပါ။
  • ကလေးပေါင်ဒါ – ကလေးပေါင်ဒါက အသုံးများတဲ့ ကလေးသုံးကုန်တစ်ခုပါ။ ပေါင်ဒါကို ကလေးမျက်နှာပေါ်မှာ မသုံးသင့်ပါဘူး။ ကလေးရဲ့ပေါင်ကြား၊ လည်ပင်းနဲ့ ချိုင်းတို့မှာပဲအသုံးပြုပေးသင့်ပါတယ်။
  • Baby Oils and Lotions –Baby Oils နဲ့ Lotionတွေက ကလေးအရေပြားအစိုဓာတ်ကိုထိန်းပေးပါတယ်။ အရေပြားခြောက်သွေ့ယားယံတာအပါအဝင် အရေပြားပြဿနာတော်တော်များများကို သက်သာစေနိုင်ပါတယ်။ဆေးဖက်ဝင်အပင်တွေကိုအခြေခံပြီးထုတ်ထားတဲ့Baby Oils နဲ့ Lotionတွေကိုပဲရွေးချယ်ပေးသင့်ပါတယ်။

အပေါ်မှာပြောပြခဲ့တဲ့ အချက်လေးတွေကိုဖတ်ကြည့်ပြီး သားသားမီမီးလေးတွေကို အရေပြားပြဿနာကင်းအောင်စောင့်ရှောက်ပေးနိုင်ကြပါစေကြောင်း။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကလေးလေးတွေကို နွေးနွေးထွေးထွေး ပွေ့ဖက် ပေးပါ

ချစ်ခင်ကြင်နာစွာ ပွေ့ဖက် ပေးခြင်းက ချစ်ရတဲ့ ကလေးတွေ အတွက် အကျိုးကျေးဇူးတွေ အများကြီး ရနိုင်တယ်ဆိုတာ ဖေဖေမေမေ တို့ သိထားသင့်ပါတယ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ကိုယ်တိုင် နို့ချိုတိုက်ကျွေးတဲ့ မေမေ တွေပဲ ရရှိနိုင်မယ့် အကျိုးကျေးဇူးများ

မေမေ မိခင်နို့ ဘေဘီလေး ကလေး ကလေးအာဟာရ နို့တိုက်ကျွေးခြင်း ကလေးကျန်းမာရေး အကျိုးကျေးဇူး ရောဂါကာကွယ်နိုင်ခြင်း ကိုယ်အလေးချိန် နို့တိုက်မိခင်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ကလေးနဲ့ ဖေဖေ ရင်းနှီးချစ်ခင်ဖို့ မေမေတို့ စီမံပေးပါဦးနော်

ဖေဖေ မေမေ ကလေးကျန်းမာရေး မိသားစု ချစ်ခင်ရင်းနှီးမှု ချစ်ခြင်းမေတ္တာ ကလေးအာဟာရ တာဝန်ဝတ္တရား မိဘ မိဘတာဝန် ကလေးပြုစုစောင့်ရှောက်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

ကလေး က ညဘက် ချောင်းထဆိုးနေသလား

ကလေး ကလေးကျန်းမာရေး ချောင်းဆိုး မိဘ ညအိပ်ချိန် ချွဲသလိပ် ရင်ကျပ် ကိုယ်ပူခြင်း အဖျားတက်ခြင်း နောက်ဆက်တွဲပြဿနာ အသက်ရှူလမ်းကြောင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

သင့်အတွက် ရွေးချယ်ထားသည်

ကလေးကျန်းမာရေး အကြောင်း

ကလေးကျန်းမာရေး အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 3, 2021 . 3 mins read
Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

Covid ကာလမှာ ကလေးနေမကောင်း ရင် ဘယ်လိုပြုစုပေးရမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် စက်တင်ဘာ 16, 2020 . 1 min read
ကိုယ်ဝန်ဆောင်မေမေ ကိုယ်ခံအားကောင်းစေဖို့ ဘာတွေ စားမလဲ

ကိုယ်ဝန်ဆောင်မေမေ ကိုယ်ခံအားကောင်းစေဖို့ ဘာတွေ စားမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဩဂုတ် 28, 2020 . 2 mins read
မွေးကင်းစကလေး တွေကို မေမေတို့ ဒါတွေ မလုပ်ရဘူးနော်

မွေးကင်းစကလေး တွေကို မေမေတို့ ဒါတွေ မလုပ်ရဘူးနော်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဩဂုတ် 25, 2020 . 3 mins read