home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

အရိုးကျန်းမာကြံ့ခိုင်ရေးအတွက် မေမေတို့ သိထားကြဖို့

အရိုးကျန်းမာကြံ့ခိုင်ရေးအတွက် မေမေတို့ သိထားကြဖို့

“ကလေးက ထွားလာလိုက်တာနော်၊ သွက်လက်နေတာပဲ”ဆိုတဲ့စကားနဲ့ “ကလေးက ကြည့်ရတာ အားနည်းနေသလိုပဲ၊ချော်လဲမယ်နော်” ဆိုတဲ့စကားမေမေတို့ ဘယ်ဟာပိုကြားချင်မလဲ။နေမကောင်းတော့မဖြစ်ပေမယ့် ကြီးထွားဖွံ့ဖြိုးနေဆဲအရွယ်မှာ ကြံ့ခိုင်မှုရှိဖို့လည်းလိုပါတယ်နော်။ အားရှိအောင်လို့ဆိုပြီး စားသမျှအကုန်ကျွေးတာမျိုးကလည်း အာဟာရတန်ဖိုးသေချာမချင့်ချိန်ခဲ့ရင် ကလေးမှာအဝလွန်တာပဲ အဖတ်တင်ပါလိမ့်မယ်။ ဒါဆို ကလေးကို လူလည်း ကျန်းမာ၊ အရိုးအဆစ်တွေလည်း ကြံ့ခိုင်သန်စွမ်းဖို့ ဘာတွေသိထားဖို့လိုအပ်လဲ အကြံပေးမယ်နော်။

အရိုးအဆစ်ေတွအတွက် ဘာတွေက ထောက်ကူအားဖြည့်ပေးသလဲ

အရိုးကျန်းမာကြံ့ခိုင်ရေးအတွက် ဒေါက်တိုင်တစ်ခုလို အဓိကထောက်ကူပေးဖို့ ပါဝင်အားဖြည့်ပေးနေတဲ့ အာဟာရဓါတ်တွေအများကြီးရှိပါတယ်။ ကယ်လ်စီယမ်ကရှေ့ဆုံးကဦးဆောင်နေပြီး ဗီတာမင် Dမဂ္ဂနီဆီယမ်ဗီတာမင် K တို့ကလည်း အရေးကြီးတဲ့နေရာက ပါဝင်ကြပါတယ်။နောက်ဆုံးတာဝန်ကတော့ ကိုယ်လက်လှုပ်ရှားမှုရှိဖို့ပဲဖြစ်ပါတယ်။ ဒါ့ကြောင့် အာဟာရပြည့်အောင်စားပြီးပြေးလွှားကစားနေတဲ့ကလေးတွေ ကျန်းမာတာတွေ့ဖူးကြမှာပါ။ ကဲ တစ်ခုချင်းဆက်ပြောရရင် –

ကယ်လ်စီယမ်

ကလေးစားမယ့် အာဟာရတွေထဲ ကယ်လ်စီယမ်အလုံအလောက်ပါဝင်အောင် ဂရုစိုက်ပါ။ နွားနို့၊ ဒိန်ချဉ်တို့လို နို့ထွက်ပစ္စည်းတွေမှာ သဘာဝအလျောက် ကယ်လ်စီယမ်ကြွယ်ဝစွာပါရှိပါတယ်။ ကယ်လ်စီယမ်ဟာ ကိုယ်ဝန်ဆောင်စဉ်တည်းက လိုအပ်တဲ့အာဟာရဓါတ်ဖြစ်ပြီး ကယ်လ်စီယမ်လုံလောက်မှ သန္ဓေသားမှာ အရိုးတည်ဆောက်မှြုကံ့ခိုင်စေမှာဖြစ်ပါတယ်။ ကယ်လ်စီယမ်ချို့တဲ့နေခဲ့ရင် ကလေးမှာ အရိုးနဲ့ကြွက်သားအားနည်းပြီးခြေခွင်တာ၊ အရိုးကျိုးအက်လွယ်တာတွေဖြစ်လာစေနိုင်ပါတယ်။ နို့ထွက်ပစ္စည်းမဟုတ်ပေမယ့် ကယ်လ်စီယမ်ဖြည့်စွက်ထားတဲ့အစားအသောက်တွေလည်း တိုက်ကျွေးလို့ရပါတယ်။ ပန်းဂေါ်ဖီစိမ်း၊ မုန်ညင်းစိမ်း၊ ကိုက်လန်၊ စတဲ့ အစိမ်းရောင် ဟင်းသီးဟင်းရွက်တွေလည်း တစ်နေ့တာမှာ ထည့်ကျွေးပါ။

ဗီတာမင် D

ဗီတာမင် D ကို နေရောင်ခြည်ကနေရရှိနိုင်တယ်ဆိုပေမယ့် အသားအရောင်၊ ရာသီဥတု၊နေရာဒေသကိုလိုက်ပြီး ရရှိမှုကွာခြားနိုင်ပါတယ်။ ဒါ့အပြင်နေရောင်ခြည်ခံတာများရင် အရေပြားကင်ဆာဖြစ်နိုင်တဲ့အန္တရာယ်ရှိနိုင်ပါတယ်။ ဒါ့ကြောင့် ရှားပေမယ့် အစာအာဟာရကနေ ရနိုင်သလောက် ရအောင် စားသုံးသင့်ပါတယ်။မွေးစအရွယ်မှာ မိခင်နို့ကနေဗီတာမင် D ကို ရရှိနိုင်ပေမယ့် တဖြည်းဖြည်းအရွယ်ကြီးလာတဲ့အခါဗီတာမင် D လိုအပ်ချက်ကများလာတော့ မလုံလောက်တော့ပါဘူး။ အစားအစာကနေရရှိနိုင်ဖို့ကလည်း မများတာကြောင့်ဗီတာမင် Dဖြည့်စွက်ထားတဲ့ အစာအာဟာရတွေရဲ့အကူအညီကိုယူရပါလိမ့်မယ်။ ဗီတာမင် D ပမာဏအနည်းငယ်ပါဝင်တဲ့ အစားအစာတွေက ကြက်ဥအနှစ်၊ဆယ်လ်မွန်နဲ့ တူနာတို့လို အဆီများတဲ့ငါးတွေဖြစ်ပါတယ်။နောက်ထပ်ရရှိနိုင်တာကဗီတာမင် D ပေါင်းထည့် ဖြည့်စွက်ထားတဲ့ အာဟာရနို့မှုန့်(ဗီတာမင် Dရော၊ ကယ်လ်စီယမ်ရော တစ်ပါတည်းရနိုင်)၊ အသီးဖျော်ရည်၊ နို့နဲ့ ဒိန်ချဉ်တွေဖြစ်ပါတယ်။

မဂ္ဂနီဆီယမ်

ဗာဒံစေ့၊ ဟင်းနုနွယ်၊ထောပတ်သီး၊ ငှက်ပျောသီး၊ ဘိုစားပဲ တို့လို အသီ၊ းအရွက်၊ ပဲအမျိုးမျိုးနဲ့ အစေ့အဆန်တွေမှာပါဝင်လေ့ရှိသလို အဆီများတဲ့ငါးနဲ့ ပင်လယ်စာတွေမှာလည်းပါဝင်တတ်ပါတယ်။

ဗီတာမင် K

ဗီတာမင် K ကို အကောင်းဆုံးရရှိနိုင်တဲ့အစားအစာကတော့ အစိမ်းရောင်ရှိတဲ့ အသီးအရွက်တွေ ( ကိုက်လန်၊ဂေါ်ဖီ၊ ဟင်းနုနွယ်၊ ပန်းဂေါ်ဖီစိမ်း)၊ ပဲအမျိုးမျိုးနဲ့ အစိမ်းရောင်ပဲသီးတွေပါဝင်ပါတယ်။

အစားအစာကို ဂရုစိုက်ပေးပြီးပြီဆိုရင် ကလေးကို –

လှုပ်လှုပ်ရှားရှား ပေးကစားပါ

အရိုးနဲ့ကြွက်သားဆိုတာလေ့ကျင့်ပေး၊ လှုပ်ရှားပေး၊ အသုံးပြုပေးလေ ပိုသန်စွမ်းကြံ့ခိုင်လေဖြစ်ပါတယ်။ ကလေးကိုချော်လဲမှာစိုး၊ တခုခုထိခိုက်မှာစိုးပြီး လက်မလွှတ်တမ်းဆွဲထားတာမျိုး၊ အမြဲလိုလိုချီထားတာမျိုးမလုပ်ပါနဲ့။ အန္တရာယ်မရှိအောင်သာဘေးကစောင့်ရှောက်ပြီး သူ့ဘာသာလွတ်လွတ်လပ်လပ်ပေးကစားပါ။ သီချင်းနဲ့ကတာ၊ဘောလုံးကန်တာ၊ပြေးတမ်းကစားတာတွေက အရိုးနဲ့ကြွက်သား ကြံ့ခိုင်ဖို့ အကောင်းဆုံးအားကစားတွေပါပဲ။ အိမ်မှာအငြိမ်နေတဲ့ ကလေးဆိုရင် အနည်းဆုံး တစ်နေ့တစ်နာရီလောက်တော့ လှုပ်လှုပ်ရှားရှားအားကစားပေးလုပ်ပါ၊ တစ်ခါတလေ ပျော့ပျော့အိအိကစားကွင်းလိုက်ပို့တာမျိုးလည်း ကလေးကို လွတ်လွတ်လပ်လပ်ပြေးလွှားကစားနိုင်စေပါတယ်။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Yun Sandi Nan Mon မှ ရေးသားသည်။ 11 နာရီ အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။