နှလုံးနှင့်သွေးကြော ကျန်းမာရေး

“အဖေ့မှာ ကျောက်ကပ်ရောဂါရှိနေပြီတဲ့၊ ကျောက်ကပ်ဆေးမှရမယ်ပြောတယ်။ ကျောက်ကပ်ဆေးဖို့ကလည်း အရမ်းကုန်မှာတဲ့” “ကိုထွန်းလား အရက်တွေ အရမ်းသောက်လို့လေ၊ အခုတော့အသားတွေဝါပြီး ဗိုက်ကြီးပူလာလို့လေ၊ ဆေးရုံမှာ” “အဖေ ပြန်ကျပ်လို့ဆေးရုံတင်လိုက်ရတယ်။ အဲ့လိုပဲ ပြန်ပြန်ဖြစ်ဖြစ်နေတာ။ ဆေးလိပ်သောက်လို့ဖြစ်တာတဲ့” “ကိုလှတော့မနေ့က ဆေးရုံတင်လိုက်ရတယ်။ နှလုံးသွေးကြောပိတ်သွားလို့တဲ့” ဒေါက်တာကျော်တစ်ယောက် ဆရာဝန်နားနေခန်းထဲနေစဉ် အပြင်မှလူနာစောင့်များ ဖုန်းပြောနေသည်ကို ကြားနေကျအသံများဖြစ်သည်။ အစိုးရဆေးရုံတွင် အလုပ်လုပ်နေသော သမားတော်တစ်ဦးဖြစ်သည်နှင့်အညီလူနာများစွာ ရောဂါများစွာကိုတွေ့ရှိကုသနေရသည်။ အစိုးရဆေးရုံဖြစ်သဖြင့်ချို့တဲ့သော လူနာများကိုအများစုဖြစ်သည်။ လူသာ ဆင်းရဲကြသော်လည်း ဖြစ်သော ရောဂါများကမဆင်းရဲကြချေ။ ဆေးကုသစရိတ်များမည့်သူဌေးရောဂါဟု ဒေါက်တာကျော်နာမည်ပေးထားသော ရောဂါများဖြစ်ကြသည်သာ။ ထိုအခါ ပြဿနာက ဆေးကုသစရိတ် မတတ်နိုင်ကြခြင်းပင်။ အစိုးရဆေးရုံဖြစ်သဖြင့် အစိုးရကအသုံးများသော ဆေးတော်တော်များများ ပေးထားနိုင်သော်လည်း အသုံးနည်းသည့် ဆေးများ ကုန်သွားသောဆေးများကို လူနာကိုယ်တိုင်ဝယ်ကြရသည်။ ထို့အပြင် နာတာရှည် ကျောက်ကပ်ရောဂါသမားများအတွက်ကျောက်ကပ်ဆေးခြင်းကို လူနာကိုယ်တိုင်ကပင် အကုန်ကျခံလုပ်ကြရသည်ကများသည်။ အလားတူပင်တချို့သောကုသမှုများ ဥပမာ နှလုံးခွဲစိတ်ခြင်းမျိုးတွင် လူနာက ကုန်ကျစရိတ် ကျခံရသည်များလည်း ရှိသည်။ […]

အားလုံးကြားသိပြီးလောက်ဖြစ်မယ့် စိတ်မကောင်းစရာ သတင်းတစ်ခုကတော့ သရုပ်ဆောင်မင်းသွေးဟာ အောက်တိုဘာ ၃ရက်ညဘက်မှာ ဘောလုံးကစားနေရင်း ရုတ်တရက်ဆုံးပါးသွားရတဲ့ကိစ္စပါ။ ကျန်းကျန်းမာမာနဲ့ ငယ်ရွယ်တဲ့အသက်အရွယ်မှာ ဆုံးပါးသွားရတဲ့အတွက် သေဆုံးမှုဟာ ထူးဆန်းပြီး အံ့သြဝမ်းနည်းစရာဖြစ်ခဲ့ရပါတယ်။ ဒီအတွက် အသက်ငယ်ရွယ်တဲ့အချိန်မှာ သေဆုံးမှုရဲ့ ဖြစ်နိုင်ခြေအကြောင်းအရင်းများကို ဖော်ပြပေးလိုက်ပါတယ်။ သတိပြုနိုင်အောင်နဲ့ ကာကွယ်လို့ရမယ့်အရာတွေကို ကြိုတင်ကာကွယ်နိုင်အောင်၊ အရေးပေါ် ပြုစုမှုပေးနိုင်အောင်တို့အတွက် ရည်ရွယ်ပါတယ်။ ကျန်းမာသန်စွမ်းတဲ့ငယ်ရွယ်စဉ်အချိန်မှာ မမျှော်လင့်ဘဲ ရုတ်တရက် သေဆုံးမှုအကြောင်းအရင်းများဟာ နှလုံးနဲ့ ဆက်စပ်တဲ့ ရောဂါများကြောင့် အများစုဖြစ်ပါတယ်။ ဖြစ်နိုင်ခြေရှိတဲ့ရောဂါတွေကတော့- ၁။ နှလုံးကြွက်သားများ ထူထဲသည့် ရောဂါ (HCM) မျိုးရိုးလိုက်တဲ့နှလုံးရောဂါဖြစ်ပြီး နှလုံးရဲ့ ကြွက်သားတွေထူထဲနေပါတယ်။ ထူထဲနေတဲ့ ကြွက်သားနံရံတွေက နှလုံးခုန်အောင် ပြုလုပ်ပေးတဲ့ လျှပ်စီးပတ်လမ်းကို အနှောက်အယှက်ပေးတဲ့အတွက် နှလုံးခုန်မမှန်တော့တာတွေဖြစ်ပြီး ရုတ်တရက်သေဆုံးနိုင်ပါတယ်။ အားကစားသမားတွေနဲ့ ကိုယ်လက်လှုပ်ရှားမှုလုပ်သူတွေ ရုတ်တရက်သေဆုံးမှုရဲ့ အကြောင်းရင်းအတော်များများဟာ ဒီရောဂါကြောင့်ဖြစ်ပါတယ်။ ဒီရောဂါဟာ ရှိနေမှန်း မသိသာတတ်ပါဘူး။ ၂။ နှလုံး […]

ရောဂါတွေအကြောင်းသိထားမှ ကိုယ့်ကိုကိုယ်ကျန်းမာအောင်နေထိုင်နိုင်မှာပါ။နေ့စဉ်ဝမ်းရေးအတွက် မနားမနေရုန်းကန်နေရသူတွေဆိုရင် ကိုယ်တိုင်ရောဂါ ခံစားနေရတာတောင် မသိလိုက်မိဘဲရောဂါကတော်တော်လေးဆိုးလာမှဆေးရုံဆေးခန်းကို သွားပြမိတာမျိုးတွေရှိတတ်ကြပါတယ်။ အချို့ရောဂါတွေက မမြင်ရတဲ့နေရာမှဖြစ်နေတာမို့ မသိတာကဖြေသာပေမယ့်မြင်သာရက်နဲ့ မသိလိုက်တာကတော်တော်လေးစိတ်မကောင်းဖြစ်စရာပါ။ အခုတစ်ခေါက်တော့ မျက်စိနဲ့ မြင်ရုံနဲ့တင်သိနိုင်တဲ့ရောဂါတစ်ခုအကြောင်းပြောပြပေးမယ်နော်။ နာတာရှည် ခြေထောက်သွေးပြန်ကြောရောဂါ (CVI) ဆိုတာ နာတာရှည် ခြေထောက်သွေးပြန်ကြောရောဂါ (CVI) ဆိုတာကသွေးပြန်ကြောနံရံ နဲ့ခြေထောက်သွေးပြန်ကြောထဲက တစ်ဖက်ပွင့်အဆို့ရှင်တွေကောင်းကောင်းအလုပ်မလုပ်တော့တဲ့ အနေအထားကြောင့်ဖြစ်လာတဲ့ရောဂါအခြေအနေတစ်ရပ်ပါ။ ဒီလိုအခြေအနေမျိုးမှာခြေထောက်ဆီကသွေးတွေက နှလုံးဆီကိုပြန်လည်ရောက်ရှိဖို့ ခက်ခဲသွားစေနိုင်ပါတယ်။ CVIရောဂါခံစားရတဲ့အခါသွေးပြန်ကြောထဲမှာသွေးတွေစုမိနေတာမျိုး ပိုလျှံနေတာမျိုးဖြစ်နိုင်ပါတယ်။သွေးပြန်ကြောထဲမှာ လိုအပ်တဲ့သွေးပမာဏထက်ပိုများနေတာကိုသွေးပြန်ကြောနာလို့ခေါ်ကြပါတယ်။ခြေထောက်အပေါ်ယံအရေပြားအောက်မှာသွေးကြောလေးတွေ ထုံးနေတာလိုမျိုးလေးတွေမြင်တွေ့ရနိုင်ပါတယ်။ ဒီအချက်တွေကြောင့် နာတာရှည် ခြေထောက်သွေးပြန်ကြောရောဂါ (CVI)ဖြစ်နိုင်ပါတယ် သွေးပြန်ကြောတွေက ခန္ဓါကိုယ်အစိတ်အပိုင်းတွေဆီကသွေးတွေကို နှလုံးဆီကိုပြန်ပို့ပေးရတာပါ။ နှလုံးဆီကိုသွေးတွေရောက်ရှိစေဖို့ဆိုရင်ခြေထောက်ကသွေးတွေကသွေးပြန်ကြောတွေဆီကနေ ခန္ဓါကိုယ်အထက်ပိုင်းဆီကို စီးဆင်းသွားရပါမယ်။သွေးတွေ ခန္ဓါကိုယ် အထက်ပိုင်းကို စီးဆင်းစေဖို့ဆိုရင်ခြေသလုံးကြွက်သားတွေနဲ့ခြေထောက်မှာရှိနေတဲ့ ကြွက်သားတွေကတဆင့်ချင်းညှစ်ပြီးသွေးပြန်ကြောကနေတဆင့်သွေးတွေကို အထက်ပိုင်းဆီကိုပြန်လည်စီးဆင်းစေပါတယ်။သွေးတွေခန္ဓါကိုယ်အထက်ပိုင်းကို အဆင်ပြေပြေစီးဆင်းသွားပြီး ဘက်ပြန်စီးဆင်းတာမျိုး မဖြစ်ဖို့ဆိုရင်သွေးပြန်ကြောထဲမှာရှိနေတဲ့ တစ်ဖက်ပွင့် အဆို့ရှင်ကကောင်းကောင်းအလုပ်လုပ်ဖို့လိုအပ်မှာပါ။ နာတာရှည် ခြေထောက်သွေးပြန်ကြောရောဂါ (CVI) ခံစားရတဲ့အခါ အဆို့ရှင်ကပျက်စီးသွားပြီးသွေးတွေက ဘက်ပြန်စီးဆင်းမှုဖြစ်လာပါတယ်။ အသက်အရွယ်ကြီးရင့်လာတာ (အသက် […]

ခြေထောက် သို့မဟုတ်ခြေကျင်းဝတ်မှာရောင်နေလား၊ ခြေထောက်တွေနာကျင်ပြီး လေးလံနေလား၊ မတ်တတ်ရပ်လိုက်ရင် ပိုနာကျင်နေလား၊ တံကောက်ကွေးနားက သွေးပြန်ကြောတွေ ရှုပ်ယှက်ခတ်ပြီးထင်းနေလား၊အရောင်တွေပြောင်းနေလား ။ ဒါဆိုသွေးပြန်ကြောမှာပြဿနာတစ်ခုခုတော့ရှိနေပါပြီ။ လူက အချိန်ကြာကြာထိုင်လို့မရ၊ ကြာကြာရပ်လို့မရအောင် နာကျင်ရတာ၊တံကောက်ကွေးမှာ တင်းတင်းကြီးဖြစ်နေတာ၊ သွေးပြန်ကြောတွေနားတဝိုက် ယားယံတဲ့ ပူတဲ့ခံစားမှုတွေဖြစ်လာတာ၊ အရေပြားမှာပါအရောင်ပြောင်းလာပြီး အနာတွေဖြစ်လာတာတွေလည်း ရှိလာနိုင်ပါတယ်။ သွေးပြန်ကြောရောဂါဆိုတာ ခန္ဓါကိုယ်မှာရှိတဲ့သွေးပြန်ကြောတွေကို ထိခိုက်နေတဲ့ရောဂါတွေအမျိုးမျိုးဖြစ်နိုင်ပါတယ်။ အဲဒီထဲမှာသွေးကြောထုံးရောဂါလို့ခေါ်ကြတဲ့ varicose veins ၊ ပင့်ကူသွေးပြန်ကြောလို့ခေါ်ကြတဲ့ spider veins ၊ နာတာရှည် ခြေထောက်သွေးပြန်ကြောရောဂါ venous insufficiency စတာတွေပါဝင်ပါတယ်။ အစပိုင်းမှာ ကြည့်ရဆိုးတဲ့ သွေးကြောဖောင်းတာတွေမြင်နေရရုံဆိုပေမယ့် သွေးပြန်ကြောရောဂါတွေကပြင်းထန်လာပြီဆိုရင် နာကျင်မှု၊ရောင်ရမ်းမှုတွေပိုဆိုးလာပြီးသွေးယိုတာ၊ အနာတွေဖြစ်လာတာ၊သွေးခဲပိတ်ဆို့တာအထိဖြစ်လာနိုင်ပြီး အသက်အန္တရာယ်ရှိလာနိုင်ပါတယ်။ နာတာရှည် ခြေထောက်သွေးပြန်ကြောရောဂါအဖြစ်များစေတဲ့ အကြောင်းရင်းတချို့ ကိုယ်ဝန်ဆောင်ချိန် သို့မဟုတ်သွေးဆုံးချိန်လိုမျိုးဟော်မုန်းအပြောင်းအလဲဖြစ်တာတွေ၊အသက်အရွယ်၊ အထိုင်များတဲ့နေထိုင်မှုပုံစံ၊ မိသားစုမျိုးရိုး၊ ကိုယ်အလေးချိန်များနေတာ နဲ့ခြေထောက်ထိခိုက်ဖူးတာ၊ ခွဲစိတ်ဖူးတာတွေကနာတာရှည် ခြေထောက်သွေးပြန်ကြောရောဂါဖြစ်စေနိုင်တဲ့ အန္တရာယ်အချက်တွေဖြစ်ပါတယ်။ ခြေထောက်ချိတ်မထိုင်ဖို့၊ဒေါက်မြင့်ဖိနပ်မစီးဖို့ အကြံပေးတတ်ကြတာလည်းမှန်ပါတယ်။ […]

နှလုံးဆိုတာ လူသားတစ်ယောက်အတွက် မရှိမဖြစ်ကိုယ်တွင်းအစိတ်အပိုင်း တစ်ခုပါ။ လူတစ်ယောက်အသက်ရှင်နေတာကို နှလုံးခုန်မခုန်နဲ့သာ ဆုံးဖြတ်တာကြောင့် နှလုံးက လူတစ်ယောက်အတွက် ဘယ်လောက်အရေးကြီးလဲဆိုတာကို သိနိုင်ပါတယ်။ သူမရှိဘဲနဲ့ သင်ဘယ်လိုမှ အသက်မရှင်နိုင်ပါဘူး။ ဒါကြောင့် အသက်ရှင်ခြင်းရဲ့ အဓိကလို့ပြောလိုရတဲ့ နှလုံးလေးကျန်းမာနေဖို့အတွက် သင့်အနေနဲ့ အများကြီးလုပ်ဆောင်ပေးရပါမယ်။ ခုပြောပြချင်တာကတော့ နှလုံးကျန်းမာအောင် ကျန်းမာရေးနဲ့ ညီညွတ်တဲ့ အစားအသောက်တွေ စားတာ၊ လေ့ကျင့်ခန်းလုပ်တာတွေ အပြင် ဆေးပညာနဲ့ နည်းပညာတွေ တိုးတက်လာတဲ့ ခေတ်ကြီးမှာ တစ်ခြား အဆင့်မြင့် စမ်းသပ်ကိရိယာတွေ၊ စစ်ဆေးမှုတွေနဲ့ နှလုံးကျန်းမာရေးကို ကြိုတင်စမ်းသပ် စစ်ဆေးလို့ရတဲ့ အကြောင်းပဲဖြစ်ပါတယ်။ ။ နှလုံးအတွက်လုပ်လို့ရတဲ့ အဓိကကြိုတင်စစ်ဆေးမှုတွေက ဘာတွေလဲ ကြိုတင်စစ်ဆေးတယ်ဆိုတာမှာ ဓါတ်ခွဲခန်းနဲ့ ဆိုင်တဲ့ စစ်ဆေးမှုတွေ၊ ပုံရိပ်ကို မှန်းဆပုံဖော်တာတွေနဲ့ မျိုးရိုးဗီဇကို လေ့လာမှုတွေပါပါတယ်။ ဘယ်လိုလူတွေကြိုတင်စစ်ဆေးမှုတွေကို လုပ်သင့်လဲဆိုတဲ့ အပိုင်းမှာတော့ လူနာရဲ့ အသက်အပိုင်းအခြား၊ […]

နှလုံးဝေဒနာရှင်များကိုစောင့်ရှောက်ရသည်မှာစိန်ခေါ်မှုတစ်ခု ပင်ဖြစ်ပါတယ်။ လူနာနေ့စဉ်လုပ်ငန်းများ၊ ဆေးဝါးများကို စီမံပေးရုံမျှမက စိတ်ဓါတ်ခွန်အားဖြစ်စေရန်လည်းလိုအပ် ပါတယ်။ နှလုံးလူနာများအတွက်အထောက်အကူပေးနိုင်ရန် သိသင့်သည်များကိုအောက်တွင်ဖော်ပြထားပါတယ်။ ၁။ ညီညွှတ်မျှတသောအစားအစာကိုစားသုံးပါ။ ဆီကြော်မှုန့်နှင့်အဆီများသောအစားအစာများကိုရှောင်ကြဉ် သင့်ပါတယ်။ ထို့ပြင် အသားဓါတ်ရရန်အဆီမပါသောအသားများကိုစားသင့်ပါတယ်။ ဆားစားသုံးမှုပမာဏကိုလည်း ဂရုစိုက်သင့်ပါတယ်။ အလွန်ငန်သောဟင်းပွဲများသည်နှလုံး လူနာများအတွက် ဘေးအန္တရာယ်ဖြစ်စေနိုင်ပါ သည်။ ဆားဓါတ်သည်သွေးကိုပျစ်စေပြီး နှလုံးကိုအလုပ်ပိုစေပါတယ်။ သူတို့အတွက် အစားအသောက်စီစဉ်ရသည်မှာ ခက်ခဲလျှင်အစားအသောက်ပညာရှင်နှင့်တိုင်ပင်ဆွေး နွေးနိုင်ပါသည်။ ၂။ လေ့ကျင့်ခန်းလုပ်ရန်အကြံပေးပါ။ နှလုံးရောဂါရှိသူများသည် ရောဂါပိုဆိုးမည်ကိုကြောက်ရွံသဖြင့်လေ့ကျင့်ခန်းလုပ်ရမည်ကိုရှောင်ကြဉ်တတ်ကြသည်။ အမှန်စင်စစ်လှုပ်လှုပ်ရှားရှားနေခြင်းသည်နှလုံးကိုပို၍ကျန်းမာစေပါတယ်။ လူနာအတွက် သင့်တော်သော လေ့ကျင့်ခန်းအစီအစဉ်ကို ဆရာဝန်နှင့် တိုင်ပင်သင့်ပါသည်။ အပေါ့ပါးဆုံးကိုယ်လက်လှုပ်ရှားမှုနှင့်စတင်၍ တဖြည်းဖြည်းသတ်မှတ်ထားသောအဆင့်ထိအားကစားပြုလုပ်သွားရန်ဖြစ်ပါတယ်။ သင်လည်းသူတို့နှင့်အတူတူကိုယ်လက်လှုပ်ရှားမှု လုပ်ခြင်းဖြင့်ကျန်းမာကြံ့ခိုင်လာမှာပါ။ ၃။ ဆေးဝါးများမှန်ကန်စွာသောက်နိုင်ရန်ကူညီပါ။ လူနာကိုယ်တိုင်ဆေးကိုကိုင်တွယ်သင့်ပါတယ်။ ဆေး သောက်ရာတွင်မမှားအောင်ဆေးထည့်သောဘူးများဝယ် ထားသင့်ပါတယ်။ ဆရာဝန်နှင့်ပြတိုင်းသောက်ရမည့်ဆေးစာရင်း ကိုရေးမှတ်ထားသင့်သည်။ လူနာတစ်ဦးတွင်အထူးကုများစွာနှင့်ပြထားသော ကျန်းမာရေး ကိစ္စများစွာ ရှိနိုင်ပါ သည်။ လူနာသုံးစွဲနေသော ဆေးဝါးများကို သိခြင်းအားဖြင့် ဆရာဝန်၏ကုသမှုကို များစွာအထောက်အကူ ပြုနိုင်ပါ သည်။ […]

နှလုံးသွေးကြောကျဉ်းရောဂါ နှလုံးသွေးကြောကျဉ်းရောဂါ ခုနောက်ပိုငိးလူတွေ အဖြစ်အများဆုံးနဲ့ နှလုံးကို ဒုက္ခ အပေးဆုံးအရာ။ တစ်နေ့တစ်နေ့စားနေသော အစားအစာများက သင့်ရဲ့ နှလုံးသွေးကြောလေးတွေကို မသိမသာနည်းနဲ့ ဒုက္ခ ပေးနေတယ်ဆို တာ သင်သိပါသလား။ ဒါဆိုဘယ်လိုအစားအစာတွေက နှလုံးသွေးကြောလေးတွေကို ကျဉ်းစေတယ်၊ ဘယ်လိုနည်းနဲ့ ကျဉ်းစေတယ်၊ နှလုံးသွေးကြောကျဉ်းတာ ဘယ်လိုလက္ခဏာတွေရှိတယ် ၊ ဘယ်လိုကုသရင် ပြန်ကောင်းနိုင်မလဲ နဲ့ မဖြစ်အောင် ဘယ်လို ကြိုတင်ကာကွယ်ရမလဲဆိုတာတွေကို သိချင်ကြမယ်လို့ထင်ပါတယ်။ နှလုံးသွေးကြောကျဉ်းရောဂါဆိုတာ ဘာလဲ။ နှလုံးသွေးကြောကျဉ်းရောဂါဆိုတာ လူ့ခန္ဓါကိုယ်မှာ အရေးကြီးဆုံးလို့ ဆိုလို့ရတဲ့ အလုပ်အများဆုံး နှလုံးလေးကို အောက်ဆီဂျင်ရအောင်သွေးတွေပို့ဆောင်ပေးနေတဲ့ သွေးကြောလေးတွေ ကျဉ်းသွားတာပဲဖြစ်ပါတယ်။ နှလုံးသွေးကြောနံရံ လေးတွေမှာ အဆီခဲလို ပြင်ချပ်လေးတွေကပ်နေပြီး ခဲသွားရာမှ နှလုံးသွေးကြောလေးတွေကို ကျဉ်းသွားစေတယ်။ တစ်ခါတစ်ရံ သွေးကြောတွေကို မာစေပြီး သွေးကြောနံရံလေးတွေရဲ့ ပျော့ပျောင်းမှုတွေ ပျောက်ကွယ်သွားစေတယ်။ မာနေတဲ့ သွေးကြောနံရံလေးတွေက နှလုံးဆီကို […]

ကိုလက်စထရောတက်နေခြင်းက နှလုံးကျန်းမာရေးအတွက် မကောင်းဘူးဆိုတာ လူအများနားလည်သဘောပေါက်ပြီးသား အကြောင်းအရာတစ်ခုပဲ ဖြစ်ပါတယ်။ ဒါပေမယ့် ကိုလက်စထရောတက်နေခြင်းကြောင့် နှလုံးသာမက အခြားကိုယ်အင်္ဂါအစိတ်အပိုင်းတွေပါ ထိခိုက်နိုင်တယ်ဆိုတာကိုတော့ သတိပြုမိသူ များများစားစားရှိမှာ မဟုတ်ပါဘူး။ ကိုလက်စထရောများခြင်းနဲ့ ဆက်စပ်နေတဲ့ ရောဂါတွေအကြောင်း ဖတ်ရှူလေ့လာနိုင်အောင် ဒီဆောင်းပါးမှာ ဖော်ပြပေးလိုက်ပါတယ်။ လေဖြတ်ခြင်း ကိုလက်စထရောများခြင်းကြောင့် သွေးလွှတ်ကြောတွေထဲ အဆီတွေအနည်ကျတဲ့အလျှောက် ၎င်းသွေးကြောတွေ မာလာပြီး artherosclerosis တစ်နည်းအားဖြင့် သွေးကြောကျဉ်းတဲ့ပြဿနာ ဖြစ်လာနိုင်ပါတယ်။ ဒီပြဿနာက သင့်နှလုံးကိုသာမက သင့်ဦးနှောက်ကိုပါ သက်ရောက်မှုရှိနိုင်ပြီး ဦးနှောက်ဆီသွေးထောက်ပံ့ပေးနေတဲ့ သွေးကြောတွေ ပိတ်ဆို့သွားရင် လေဖြတ်နိုင်တဲ့ အန္တရာယ်ရှိပါတယ်။ ဆီးချိုရောဂါ အမှတ် ၂ ဆီးချိုရောဂါအမှတ်၂ ရှိသူတွေမှာကိုလက်စထရောတက်နိုင်ချေ ပိုများပါတယ်။ ဆီးချိုရောဂါကို ကောင်းကောင်းထိန်းနိုင်ခဲ့ရင်တောင်မှ သွေးတွင်းကိုလက်စထရောပမာဏ အထူးသဖြင့် မကောင်းတဲ့ LDL ကိုလက်စထရောပမာဏ မြင့်တက်နိုင်ပါတယ်။ အဝလွန်ခြင်း အဝလွန်ခြင်းနဲ့ ကိုလက်စထရောတက်ခြင်းရဲ့ ဆက်စပ်မှုကတော့ သိသာထင်ရှားတယ်လို့ ဆိုနိုင်ပါတယ်။ အလွန်အမင်း အဝလွန်နေသူတွေမှာ […]

ဘီယာသောက် တဲ့အလေ့အထဟာ နိုင်ငံတော်တော်များများမှာ ရေပန်းစားတဲ့ ယဉ်ကျေးမှုတစ်ခုအဖြစ် ရပ်တည်နေပါတယ်။ ဒါပေမယ့် ဘီယာကြောင့် သွေးတွင်းထရိုင်ဂလစ်စရိုက်ပမာဏ မြင့်တက်ခြင်း၊ ကိုယ်အလေးချိန်တက်ခြင်း၊ LDL နဲ့ HDL ကိုလက်စထရောပမာဏ ပြောင်းလဲခြင်း စတဲ့ နောက်ဆက်တွဲအခြေအနေတွေ ဖြစ်ပေါ်လာပြီး ကျန်းမာရေးကိုထိခိုက်နိုင်တယ်ဆိုတာကိုတော့ သိထားဖို့ လိုပါလိမ့်မယ်။ ဒီဆောင်းပါးမှာတော့ ဘီယာသောက်တာက ကိုလက်စထရောထိန်းချုပ်မှုအပေါ် ဘယ်လိုသက်ရောက်မှုတွေ ဖြစ်စေနိုင်သလဲဆိုတာ ဖော်ပြသွားမှာဖြစ်ပါတယ်။ ဘီယာမှာ ကိုလက်စထရောနဲ့ ပေါင်းစည်းနိုင်တဲ့ sterol ဓာတ်တွေ ပါဝင်ပါတယ် ဘာလီ၊ တဆေးနဲ့ တဆေးသီးအဖူးတို့ပါဝင်တဲ့ ဘီယာကို ပေါင်မုန့်အရည်လို့တောင် ခေါ်ဝေါ်နိုင်ပါတယ်။ အဲဒီဘီယာမှာ ကိုလက်စထရောနဲ့ပေါင်းစည်းပြီး ခန္ဓာကိုယ်ပြင်ပဆီရောက်အောင် ပို့ဆောင်ရာမှာ အရေးပါတဲ့ polysterol ဓာတ်တွေ ပါဝင်ပါတယ်။ အချို့သော polysterol တွေ (တစ်နည်းအားဖြင့် အပင်ကရတဲ့ sterol တွေ) ကို အစားအသောက်တွေထဲ […]

ခေါင်းမူးမှ သွေးတိုးတာ မဟုတ်ပါ “သွေးတိုးရှိနေတာ မသိဘူးလား။” “သိပါတယ်ဆရာ” “ဆေးပုံမှန်မသောက်ဘူးလား၊ အခုသွေးပေါင်ချိန်က ၂၂၀/၁၃၀ ဖြစ်နေတာ၊ ဦးနှောက်သွေးကြောပြတ်သွားတာ ဖြစ်နိုင်တယ်” “ဟင်ဟုတ်လား လုပ်ပေးပါဦး ဆရာရယ်၊ သူက ခေါင်းမူးမှ သွေးကျဆေး သောက်တာ။” ဦးထွန်းအေး၏ အမျိုးသမီးနှင့် ဆရာဝန်တို့ အပြန်အလှန်ပြောနေကြခြင်းဖြစ်သည်။ ဦးထွန်းအေးတစ်ယောက်အလုပ်တွင် ရုတ်တရက်မေ့လဲ၍ ဆေးရုံခေါ်လာကြရခြင်းဖြစ်သည်။ သွေးတိုးရောဂါသည် ကမ္ဘာတစ်လွှား အဖြစ်များသော ရောဂါများထဲတွင် တစ်ခုအပါအဝင်ဖြစ်သည်။ ယခုနောက်ဆုံးသတ်မှတ်ချက်အရ သွေးပေါင်ချိန်၁၃၀/၈၀ နှင့်အထက်ကို သွေးတိုးပြီဟုသတ်မှတ်ထားသည်။ သွေးတိုးရောဂါ၏ နောက်ဆက်တွဲရောဂါများမှာလည်း များပြားလှပါသည်။ သွေးတိုး၏လက္ခဏာများ သွေးတိုးရောဂါသည်မည်သည့်လက္ခဏာမှမပြဘဲ ရှိနေတတ်သော အသံတိတ်လူသတ်သမားတစ်မျိုးပင်ဖြစ်သည်။ သွေးတိုးလာလျှင် ခေါင်းမူးသည် ခေါင်းကိုက်သည်ဟု ပြောလေ့ရှိကြသော်လည်း ထိုလက္ခဏာများသည် သွေးတိုးရှိတိုင်း ပေါ်လေ့ရှိသည်မဟုတ်ပါ။ တချို့ဆိုလျှင် သွေးတိုးရှိလို့ရှိမှန်းပင်မသိဘဲ သွေးတိုး၏ နောက်ဆက်တွဲ ရောဂါတစ်ခုခုပေါ်မှသိကြသည်လည်းရှိသည်။ သွေးတိုးရောဂါ၏ နောက်ဆက်တွဲများ သွေးတိုးရောဂါသည်အလွန်ဆိုးသော ရောဂါ တစ်ခုဖြစ်သည်။ သွေးတိုးရောဂါကိုသေချာမထိန်းမိလျှင် ဦးနှောက်သွေးကြောပြတ်ခြင်း၊ လေဖြတ်ခြင်း၊ သွေး အရမ်းတိုး၍ သတိလစ်ခြင်း၊ နှလုံးကြီးခြင်း၊နှလုံးအားနည်းခြင်း၊ […]