အခြေခံကျန်းမာရေး

ရောဂါတွေ အမျိုးမျိုး ဖြစ်နေချိန်မှာ တစ်နေ့ထက်တစ်နေ့ ပိုအရေးကြီးလာတဲ့ အရာက ကိုယ်ခံအား ကောင်းဖို့ပါ။ ရာသီအကူးအပြောင်းကြောင့် မဖိတ်ခေါ်ဘဲ ရောက်လာတဲ့ တုပ်ကွေးရယ် ရာသီအကူးအပြောင်းမှာ ဖြစ်လေ့ရှိတဲ့ ဓာတ်မတည့်မှုရယ်၊ အချိန်မရွေး ကူးစက်နိုင်တဲ့ ပတ်ဝန်းကျင်က ရောဂါပိုးတွေရယ်ကြောင့် ကိုယ်ခံအားစနစ်ကို အကောင်းဆုံး အနေအထားရအောင် လုပ်ဆောင်ထားဖို့ လိုပါမယ်။ ဒီတော့ ကိုယ်ခံအားကောင်းဖို့ ဘာတွေလုပ်ရမလဲ။ ဘာတွေကများ ကိုယ်ခံအားကို အားဖြည့်ပေးနိုင်မလဲဆိုပြီး တွေးနေပြီလား ..... ဒါဆိုရင်တော့ လူတွေကြားမှာ ရေပန်းစားလာတဲ့ Probiotics က ကိုယ်ခံအားကို ကောင်းစေသလား ..... ဘယ်လိုတွေများ အားဖြည့်ပေးလဲဆိုတာကို ဆောင်းပါးလေးထဲမှာ ဖတ်ကြည့်လိုက်နော်။ Probiotics က ကိုယ်ခံအားကို ကောင်းစေသလား Probiotics က ကိုယ်ခံအားကို ကောင်းစေသလား .... ဆိုတာကို မပြောခင် Probiotics အကြောင်းလေး […]

အားကစား လုပ်ပြီးလို့ ချွေးတွေ အရမ်းထွက်သွားရင်ဖြစ်ဖြစ်၊ နေပူလို့ ချွေးထွက်များတဲ့ အခါမျိုးမှာဖြစ်ဖြစ်၊ ဝမ်းပျက်တာ၊ အော့အန်တာလိုမျိုး ကျန်းမာရေးပြဿနာတွေကြောင့်ဖြစ်ဖြစ် ခန္ဓာကိုယ်က ရေဓာတ် နဲ့ ဓာတ်ဆားဓာတ်တွေ ဆုံးရှုံးသွားတဲ့အခါ ခန္ဓာကိုယ်ရဲ့ လုပ်ငန်းဆောင်တာတွေ ဟန်ချက်ပျက်သွားတာမျိုး ဖြစ်နိုင်ပါတယ်။ ဓာတ်ဆားဓာတ်က စိတ်ရောကိုယ်ပါ ကျန်းမာစေဖို့ မရှိမဖြစ် လိုအပ်ပါတယ်။ အပေါ်မှာ ပြောခဲ့တဲ့ အခြေအနေ တစ်ရပ်ရပ်ကြောင့် ခန္ဓာကိုယ်မှာ ဓာတ်ဆားဓာတ်တွေ ဆုံးရှုံးသွားတဲ့အခါ အမြန်ဆုံး ပြန်လည်ဖြည့်တင်းပေးနိုင်မယ့် အရာကတော့ ဓာတ်ဆားရည် ဒါမှမဟုတ် လေ့ကျင့်ခန်း လုပ်ပြီးချိန်တွေမှာ အားကစားသမားတွေ သောက်လေ့ရှိကြတဲ့ ရေဓာတ်ဖြည့် သောက်စရာတွေပါ။ ဓာတ်ဆားရည် နဲ့ ရေနဲ့ဓာတ်ဆားဖြည့် သောက်စရာတွေမှာ ဘာတွေပါလို့ ခန္ဓာကိုယ်က ဆုံးရှုံးသွားတဲ့ ရေဓာတ်နဲ့ ဓာတ်ဆားဓာတ်တွေကို အမြန်ဆုံး ပြန်လည်ဖြည့်တင်းပေးနိုင်တာလဲ။ ဒီလို ပါဝင်နေတဲ့ဓာတ်တွေက ခန္ဓာကိုယ်အတွက် ဘယ်လိုများ […]

အလေ့အထ ဆိုတာက လူတစ်ယောက်က စဉ်ဆက်မပြတ် နေ့တိုင်းလိုလို လုပ်ဆောင်နေတဲ့ လုပ်ရပ်တွေနဲ့ ဆုံးဖြတ်ချက်တွေပါ။ ဒီလိုနေ့စဉ် လုပ်ဆောင်မိနေတာကြောင့်ပဲ အလေ့အထ လို့ အဓိပ္ပာယ်ဖွင့်လိုက်ကြတာပေါ့။ ဒီလို နေ့တိုင်း လုပ်မိနေတဲ့ အလေ့အထတွေထဲမှာ ကောင်းတဲ့ အလေ့အထတွေ ရှိသလို မကောင်းတဲ့ အလေ့အထတွေလည်း ရှိပါတယ်။ အချို့ အလေ့အထ တွေက ကျန်းမာရေးကို ထောက်ကူပေးတာကြောင့် ဆက်လက်မွေးထားသင့်ပေမယ့် အချို့ အလေ့အထတွေ ကတော့ ကျန်းမာရေးကို ထိခိုက်စေနိုင်တာကြောင့် စွန့်လွှတ်လိုက်တာက ပိုကောင်းပါတယ်။ ဒီတစ်ခေါက်တော့ ကျန်းမာရေးအတွက် စွန့်လွှတ်သင့်တဲ့ အလေ့အထတွေ က ဘာတွေ ဖြစ်မလဲဆိုတာကို ပြောပြပေးချင်ပါတယ်။ ကျန်းမာရေးအတွက် စွန့်လွှတ်သင့်တဲ့ အလေ့အထတွေ ကျန်းမာပျော်ရွှင်စွာနဲ့ နေ့ရက်တိုင်းကို ကျော်ဖြတ်နိုင်စေဖို့ဆိုရင် ဒီအလေ့အထတွေကို စွန့်လွှတ်ဖို့ လိုပါမယ်။ မနက်စာ မစားတာ မနက်စာ မစားဘဲနေလိုက်တာက ကိုယ်အလေးချိန်ကို ထိန်းပေးနိုင်မယ့် diet […]

လွန်ခဲ့တဲ့ နှစ်ပတ်အတွင်းမှာ မြန်မာနိုင်ငံအပါအဝင် ဒေသတွင်းနိုင်ငံတွေနဲ့ အနောက်နိုင်ငံတွေမှာ ကိုဗစ်လူနာတွေ ပြန်လည်မြင့်တက်လာပါတယ်။ အဓိကကတော့ စတုတ္ထလှိုင်းမှာ တော်တော်များများကို ကူးခဲ့တဲ့ အိုမီခရွန်ပဲ ဖြစ်ပါတယ်။ တကျော့ပြန်လာတဲ့ အိုမီခရွန် အတွက် ဘာတွေများ ကြိုတင်ပြင်ဆင်ထားကြမလဲ။ တကျော့ပြန်လာတဲ့ အိုမီခရွန် ရဲ့ လက်ရှိအခြေအနေ လက်ရှိမှာတော့ မြန်မာနိုင်ငံမှာလည်း လူနာတွေ ပြန်တွေ့လာရပါပြီ။ ဒေသတွင်းနိုင်ငံတွေမှာဆိုရင်လည်း ဘရူနိုင်းမှာ မတ်လနောက်ပိုင်းမှာ ဒီတစ်ခါ လူနာတွေ သိသိသာသာ များလာတယ်လို့ ဆိုပါတယ်။ စင်ကာပူမှာလည်း လွန်ခဲ့တဲ့ ၁၀ရက်အတွင်းမှာ ပိုးတွေ့လူနာတွေ များလာတယ်လို့ ပြောပါတယ်။ မကြာသေးခင်ကမှ ခရီးသွားတွေကို လက်ခံခဲ့တဲ့ အိမ်နီးချင်း ထိုင်းမှာလည်း လူနာတွေ များလာနိုင်ခြေ ရှိတာကြောင့် ကိုဗစ်စင်တာတွေ စပြင်နေပါပြီ။ လိုအပ်ရင် ကျောင်းတွေပိတ်ပြီး အွန်လိုင်းသင်ကြားမှုစနစ်စဖို့ ပြင်ဆင်ထားကြပါပြီ။ အနောက်နိုင်ငံတွေမှာလည်း ပိုးတွေ့လူနာတွေ သိသိသာသာများလာတယ်လို့ ဆိုပါတယ်။ […]

ခန္ဓာကိုယ်ကြီး ကျန်းမာပြီး လုပ်ငန်းစဉ်တွေကို ကောင်းစွာ လုပ်ဆောင်နိုင်စေဖို့ဆိုရင် နေ့စဉ် စားသုံးမှုတွေကနေ Electrolytes တွေ ပြည့်ပြည့်ဝဝ ရရှိဖို့ လိုအပ်ပါတယ်။ Electrolytes ဆိုတဲ့စကားကို ဓာတ်ဆားရည်နဲ့ တွဲမြင်ကြမယ်ထင်ပါတယ်။ အားကစားတွေ ပြင်းပြင်းထန်ထန်လုပ်ပြီးတဲ့အခါ၊ ရာသီဥတု တအားပူလို့ ချွေးတွေ အများကြီး ထွက်တဲ့အခါ၊ ဝမ်းပျက်ဝမ်းလျှောတာလိုမျိုး ကိုယ်တွင်းက ရေဓာတ်​တွေ မှာ ဆုံးရှုံးသွားတဲ့အခါမျိုးတွေမှာ ရေဓာတ်နဲ့ Electrolytesတွေကို ပြန်ဖြည့်ဖို့ဆိုပြီး ဓာတ်ဆားရည်ကို သောက်ကြတယ်လေ။ Electrolytes တွေက ခန္ဓာကိုယ်ရဲ့ အရေးပါတဲ့ လုပ်ငန်းစဉ် တော်တော်များများမှာ ပါဝင်နေပါတယ်။ အာရုံကြောစနစ်တွေ ကောင်းစွာ လုပ်ဆောင်နိုင်စေဖို့ ထောက်ကူပေးသလို ကြွက်သားတွေ ကျုံ့ဆန့်ဖို့၊ ရေဓာတ်ဖြည့်ဖို့နဲ့ ခန္ဓာကိုယ်ရဲ့ pH ပမာဏကို ထိန်းညှိပေးဖို့ လုပ်ဆောင်ရမှာ အရေးပါတဲ့ တာဝန်ကို ယူထားပါတယ်။ ဒီဆောင်းပါးလေးထဲမှာ ခန္ဓာကိုယ်အတွက် အရေးပါတဲ့ […]

လက်တွေက တစ်ခုခုကို ကိုင်တွယ်ဖို့ သယ်ပိုးဖို့၊ စာရေးဖို့၊ ကားမောင်းဖို့၊ ချက်ပြုတ်ဖို့လိုမျိုး နေ့စဉ် သမာရိုးကျ လုပ်ငန်းဆောင်တာတွေအတွက်ပဲ အသုံးဝင်တယ်လို့ ယူဆနေဆဲပဲလား ...... ဒါဆိုရင်တော့ ဒီအယူအဆကို ပြောင်းလဲဖို့ လိုနေပါပြီ။ သင့်လက်တွေက သင့်ကျန်းမာရေးအကြောင်းကို သွယ်ဝိုက်တဲ့နည်းနဲ့ ဖော်ပြပေးနေပါသတဲ့။ ဒီတော့ သင့်လက်တွေက ပြောပြနေတဲ့ ကျန်းမာရေး လျှို့ဝှက်ချက်များ အကြောင်း ဗဟုသုတလေး ဝေမျှပေးချင်ပါတယ်။ သင့်လက်တွေက ပြောပြနေတဲ့ ကျန်းမာရေး လျှို့ဝှက်ချက်များ လက်တွေက ကျန်းမာရေးအခြေအနေတွေကို သွယ်ဝိုက်တဲ့နည်းလမ်းနဲ့ ဘယ်လို ဖော်ပြပေးနေလဲဆိုတာကို အတူတူ ဆက်ကြည့်လိုက်ရအောင်လား ...... သင့်လက်တွေက ပြောပြနေတဲ့ ကျန်းမာရေး လျှို့ဝှက်ချက်များ ကို တစ်ချက်ချင်း ဖတ်ရင်း ကိုယ့်ကျန်းမာရေး အခြေအနေကို တစ်ဆင့်ချင်း စစ်ဆေးကြည့်ရအောင်နော်။ လက်တွေက သန်သန်မာမာ ဆုပ်ကိုင်နိုင်တယ် လက်ဆွဲနှုတ်ဆက်တဲ့အခါမှာဖြစ်ဖြစ်၊ အရာဝတ္ထု တစ်ခုခုကို ဆုပ်ကိုင်တဲ့အခါမှာဖြစ်ဖြစ်၊ ဘားတန်းခိုတာလိုမျိုး […]

ကင်ဆာလို့ ကြားလိုက်တာနဲ့ လူတိုင်းရဲ့ ခေါင်းထဲကို အရင်ဆုံး ရောက်လာတဲ့အတွေးက အနှေးနဲ့အမြန် သေရတော့မှာလား ဆိုတာပါ။ ကင်ဆာဆိုရင် သေရတော့မှာပါလား ဆိုတဲ့ အတွေးလေးကို ဖယ်ရှားပေးနိုင်တော့မယ်လို့ ယူဆရတဲ့ ဆေးပညာရပ်နယ်ပယ်ရဲ့ အောင်မြင်မှု တစ်ရပ် ထွက်ပေါ်လာခဲ့ပါပြီ။ ကင်ဆာကို အမြစ်ပြတ် ကုသနိုင်တော့မလား ဆိုတာကို ဆောင်းပါးလေးထဲ ဆက်ကြည့်လိုက်ရအောင်နော်။ ကင်ဆာကို အမြစ်ပြတ် ကုသနိုင်တော့မလား လက်ရှိစမ်းသပ်လေ့လာနေတဲ့ ကင်ဆာဆေးဝါးတစ်ရပ်က ကင်ဆာရောဂါကို ကုသပေးနိုင်ခဲ့တယ်လို့ တွေ့ရှိခဲ့ရပါတယ်။ ဒီလေ့လာမှုမှာ အူမကြီးကင်ဆာ ခံစားနေရတဲ့ လူနာ ၁၂ ဦး ပါဝင်ခဲ့ပါတယ်။ လေ့လာမှုကို ၆ လ ကြာ လုပ်ဆောင်ခဲ့တာ ဖြစ်ပါတယ်။ လေ့လာမှုအတွင်း dostarlimab လို့ခေါ်တဲ့ ဆေးဝါးနဲ့ ကုသပေးခဲ့တာ ဖြစ်ပါတယ်။ ဒီအောင်မြင်မှုက ကင်ဆာ ကုထုံး ကြိုးပမ်းမှုတွေထဲမှာ ပထမဆုံးအကြိမ် အောင်မြင်မှုလည်း ဖြစ်ပါတယ်။ […]

"ကိုယ်သဘောကျတဲ့ အလုပ်ကို လုပ်ရင် နေ့တိုင်း အလုပ်လုပ်နေသလို မခံစားရဘူး၊၊" လို့စီးပွားရေးဂုရုတွေက ပြောကြပါတယ်၊၊ ဒါက မှန်သင့်သလောက် မှန်ပေမယ့် လုပ်ငန်းခွင် စိန်ခေါ်မှုတွေ၊ အခက်အခဲတွေနဲ့ ကြုံရတဲ့အခါ အနည်းနဲ့ အများတော့ စိတ်ဖိစီးလာကြပါတယ်၊၊ အလုပ်နဲ့ လက်ထပ်ထားသလို နေ့ရော ညပါ အိမ်ပြန်ရောက်သည်အထိ  အိပ်ရာထဲမှာတောင် အလုပ်အကြောင်း စဉ်းစားနေရရင် သင့်ရဲ့ လုပ်ငန်းခွင် စိတ်ဖိစီးမှု က လျစ်လျူရှုဖို့ မသင့်တော့ပါဘူး၊၊ လုပ်ငန်းခွင် စိတ်ဖိစီးမှု တွေ ဖြစ်ရတဲ့ အကြောင်းရင်းများ ကျွန်တော်တို့က အလုပ်လက်မဲ့ဖြစ်နေတဲ့အချိန်ဆိုလည်း စိတ်ဓာတ်ကျတတ်ပါတယ်၊၊ အတည်တကျ အလုပ်တစ်ခုခု ရှိနေသည့်လုပ်တိုင် အောက်ကအချက်တွေက ကျွန်တော်တို့ကို စိတ်ဖိစီးမှုတွေ ဖြစ်စေနိုင်ပါသေးတယ်၊၊ လစာနည်းတာ လုပ်ရတဲ့ အလုပ်တွေ များလွန်းတာ ဘဝတိုးတက်ရေးအတွက်  လမ်းစမရှိတာ ကိုယ်နဲ့ မကိုက်ညီနဲ့ အလုပ်လုပ်ရတာ လုပ်ဖော်ကိုင်ဖက်တွေနဲ့ […]

ကိုယ်လက်လေ့ကျင့်ခန်းတွေ လုပ်ပြီးချိန်မှာပဲဖြစ်ဖြစ် အပြင်မှာ အရမ်းပူနေချိန်မှာပဲဖြစ်ဖြစ် ချွေးတွေ တအားထွက်နေတာက ဖြစ်နေကျ ကိစ္စရပ် တစ်ခုပါ။ နေပူတယ် ရာသီဥတု ပူပြင်းမယ်ဆိုရင် ချွေးထွက်တာက ဖြစ်လေ့ဖြစ်ထရှိတဲ့ ဖြစ်စဉ် တစ်ရပ်ဆိုပေမယ့် ချွေးက ပုံမှန်ထက် ပိုထွက်နေမယ်။ ချွေးအများကြီး ထွက်နေမယ် ဆိုရင်တော့ အကြောင်းရင်းခံ တစ်ခုခုကြောင့် ဖြစ်နိုင်ပါတယ်။ ဒီတစ်ခေါက်တော့ သင့်ကို ချွေးအများကြီးထွက်စေတဲ့ အကြောင်းအရင်းတွေက ဘာတွေဖြစ်မလဲ ဆိုတာကို ပြောပြပေးမှာမို့ ဆောင်းပါးလေးထဲမှာ ဖတ်ကြည့်လိုက်ပါနော်။ သင့်ကို ချွေးအများကြီးထွက်စေတဲ့ အကြောင်းအရင်းတွေက ဘာတွေဖြစ်မလဲ ရာသီဥတု ပူတာ နဲ့ ပြင်းထန်တဲ့ ကိုယ်လက်လှုပ်ရှားမှုတွေ လုပ်ဆောင်မိတာ အပါအဝင် ချွေးအများကြီးထွက်စေနိုင်တဲ့ အခြားသော အကြောင်းအရင်းတွေက သွေးတွင်းသကြားဓာတ်ကျနေတာ ဆီးချိုရောဂါ ခံစားနေသူတွေအပါအဝင် တခြားသူတွေက သွေးတွင်းသကြားဓာတ် ကျဆင်းတဲ့အခါ ပုံမှန်ထက် ချွေးတွေ ပိုထွက်လာတတ်ပါတယ်။ ဒါ့ပြင် ဆီးချိုရောဂါက အာရုံကြောတွေကို […]

တစ်နေ့ထက် တစ်နေ့ လေထု ညစ်ညမ်းမှုတွေ ပိုများလာတာကို အားလုံးလိုလို သတိထားမိကြမယ် ထင်ပါတယ်နော်။ စက်မှု လုပ်ငန်းတွေ တိုးတက်လာတာ၊ စက်တပ်ယာဉ်တွေ များလာတာ၊ ဓာတုပစ္စည်း အသုံးပြုမှု များပြားလာတာကြောင့် လေထု ညစ်ညမ်းမှုတွေက တစ်နေ့ထက် တစ်နေ့ ပိုဆိုးလာပြီး လေထု အရည်အသွေးကလည်း ကျဆင်းလာနေပါတယ်။ လေထုထဲမှာ ကျန်းမာရေးကို ထိခိုက်စေနိုင်တဲ့ အရာတွေ၊ သာမန်မျက်စိနဲ့ မမြင်နိုင်တဲ့ ဓာတုပစ္စည်းတွေက လွန်ခဲ့တဲ့ ဆယ်နှစ်တာကလာထက် ပိုများလာနေပါတယ်။ ဒါကြောင့်လည်း အသက်ရှူလမ်းကြောင်းဆိုင်ရာ ကျန်းမာရေး ပြဿနာတွေကို ခံစားရမှုတွေက အရင်ကထက် ပိုများလာနေတာပါ။ ဒီတစ်ခေါက်တော့ ကျန်းမာရေးကို ထိခိုက်စေနိုင်တဲ့ လေထုထဲက မမြင်ရတဲ့ ဓာတုပစ္စည်းတွေ အန္တရာယ်ကနေ ဘယ်လို ကာကွယ်ကြမလဲ ဆိုတာကို ပြောပြပေးချင်ပါတယ်။ လေထုထဲမှာ တကယ်ပဲ ဓာတုပစ္စည်းတွေ ပါဝင်နေသလား လေထုထဲမှာ ပါဝင်နေနိုင်တဲ့ ဓာတုပစ္စည်းတွေက […]