သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

သင့်ကို ချွေးအများကြီးထွက်စေတဲ့ အကြောင်းအရင်းတွေက ဘာတွေဖြစ်မလဲ

သင့်ကို ချွေးအများကြီးထွက်စေတဲ့ အကြောင်းအရင်းတွေက ဘာတွေဖြစ်မလဲ

ကိုယ်လက်လေ့ကျင့်ခန်းတွေ လုပ်ပြီးချိန်မှာပဲဖြစ်ဖြစ် အပြင်မှာ အရမ်းပူနေချိန်မှာပဲဖြစ်ဖြစ် ချွေးတွေ တအားထွက်နေတာက ဖြစ်နေကျ ကိစ္စရပ် တစ်ခုပါ။ နေပူတယ် ရာသီဥတု ပူပြင်းမယ်ဆိုရင် ချွေးထွက်တာက ဖြစ်လေ့ဖြစ်ထရှိတဲ့ ဖြစ်စဉ် တစ်ရပ်ဆိုပေမယ့် ချွေးက ပုံမှန်ထက် ပိုထွက်နေမယ်။ ချွေးအများကြီး ထွက်နေမယ် ဆိုရင်တော့ အကြောင်းရင်းခံ တစ်ခုခုကြောင့် ဖြစ်နိုင်ပါတယ်။

ဒီတစ်ခေါက်တော့ သင့်ကို ချွေးအများကြီးထွက်စေတဲ့ အကြောင်းအရင်းတွေက ဘာတွေဖြစ်မလဲ ဆိုတာကို ပြောပြပေးမှာမို့ ဆောင်းပါးလေးထဲမှာ ဖတ်ကြည့်လိုက်ပါနော်။

သင့်ကို ချွေးအများကြီးထွက်စေတဲ့ အကြောင်းအရင်းတွေက ဘာတွေဖြစ်မလဲ

သင့်ကို ချွေးအများကြီးထွက်စေတဲ့ အကြောင်းအရင်းတွေက ဘာတွေဖြစ်မလဲ

ရာသီဥတု ပူတာ နဲ့ ပြင်းထန်တဲ့ ကိုယ်လက်လှုပ်ရှားမှုတွေ လုပ်ဆောင်မိတာ အပါအဝင် ချွေးအများကြီးထွက်စေနိုင်တဲ့ အခြားသော အကြောင်းအရင်းတွေက

သွေးတွင်းသကြားဓာတ်ကျနေတာ

ဆီးချိုရောဂါ ခံစားနေသူတွေအပါအဝင် တခြားသူတွေက သွေးတွင်းသကြားဓာတ် ကျဆင်းတဲ့အခါ ပုံမှန်ထက် ချွေးတွေ ပိုထွက်လာတတ်ပါတယ်။ ဆီးချိုရောဂါက အာရုံကြောတွေကို ပျက်စီးစေနိုင်သလို ချွေးဂလင်းတွေကို ထိန်းချုပ်တဲ့ အာရုံကြောတွေကိုလည်း ထိခိုက်ပျက်စီးစေနိုင်ပါတယ်။ ဒီလို ပျက်စီးမှုက ချွေးအများကြီး ထွက်တာကို ဖြစ်စေနိုင်ပါတယ်။

သိုင်းရွိုက်ရောဂါ ရှိနေတာ

သိုင်းရွိုက်ရောဂါကလည်း ချွေးထွက်များတာကို ဖြစ်စေနိုင်ပါတယ်။ ဟော်မုန်းတွေ ထွက်ရှိမှုကို အဟန့်အတားဖြစ်စေတဲ့ အခြေအနေတွေနဲ့ ခန္ဓာကိုယ် အပူချိန် ထိန်းညှိမှုမှာ အနှောင့်အယှက် ဖြစ်စေတာကြောင့် ချွေးထွက်များတာကို ဖြစ်စေတာပါ။

သိုင်းရွိုက် အရမ်း အလုပ်လုပ်လွန်းရင်လည်း ချွေးအများကြီး ထွက်နိုင်သလို သိုင်းရွိုက် အလုပ်မလုပ်နိုင်ဘူးဆိုရင်လည်း ချွေးထွက် များနိုင်ပါတယ်။

သွေးဆုံးတာ

သွေးဆုံးချိန်မှာ အီစက်ထရိုဂျင် နဲ့ ပရိုဂျက်စတုန်း ဟော်မုန်တွေ ပြောင်းလဲတာကြောင့် ခန္ဓာကိုယ် အပူချိန် ပြောင်းလဲပြီး ချွေးထွက် များစေနိုင်ပါတယ်။ ​သွေးဆုံးချိန်မှာတင် မဟုတ်ဘဲ ရာသီလာချိန် ဟော်မုန်း ပြောင်းလဲတဲ့အခါမျိုးမှာလည်း ချွေးတွေက ပုံမှန်ထက် ပိုပြီး ထွက်နိုင်ပါတယ်။

သွေးဆုံးခါနီး ဟော်မုန်း အပြောင်းအလဲဖြစ်တဲ့အချိန်မှာလည်း ချွေးစေးတွေထွက်ပြီး ပူစပ်ပူလောင်ဖြစ်တာမျိုး ခံစားရနိုင်ပါတယ်။

ကိုယ်ဝန်ဆောင်နေတာ

ကိုယ်ဝန်ဆောင်နေချိန်မှာလည်း ခန္ဓာကိုယ်က အီစထရိုဂျင်ဟော်မုန်းတွေ အထွက်များပြီး အခြားဟော်မုန်း ပြောင်းလဲမှုတွေလည်း ဖြစ်တာကြောင့် ခန္ဓာကိုယ်အပူချိန် မြင့်တက်ပြီး ချွေးတအားထွက်တာမျိုး ဖြစ်နိုင်ပါတယ်။ အထူးသဖြင့် ကိုယ်ဝန်ဆောင် အစောပိုင်းကာလတွေမှာ ချွေးထွက် များနိုင်ပါတယ်။

စိုးရိမ်စိတ် များနေတာ

စိုးရိမ်စိတ် များနေတဲ့အခါ စိတ်ထဲမှာ ဖိအားများပြီး အာရုံကြောစနစ်တွေအပေါ် သက်ရောက်မှုတွေဖြစ်လာပါတယ်။ ဒီလိုလှုံ့ဆော် သက်ရောက်မှုက ချွေးဂလင်းတွေကို ချွေးတွေ များများထွက်လာအောင် လှုံ့ဆော်လိုက်ပါတယ်။ ဒါကြောင့် စိတ်ထဲမှာ စိုးရိမ်စိတ် များနေမယ်ဆိုရင်လည်း ချွေးအများကြီး ထွက်နိုင်ပါတယ်။

ချွေးအရမ်းထွက်တာက ကျန်းမာစေလား

တိုတိုနဲ့ လိုရင်း ဖြေရရင်တော့ အခြေအနေအပေါ်မှာ မူတည်ပါတယ်။ လူတစ်ဦးနဲ့တစ်ဦး ကွာခြားနိုင်သလို မျိုးဗီဇ၊ စားသုံးတဲ့ အစားအစာတွေအပေါ် မူတည်ပြီးတော့လည်း ချွေးထွက်နှုန်း ကွာခြားနိုင်ပါတယ်။

နောက်ထပ် ချွေးထွက်တာအပေါ် သက်ရောက်နေတဲ့ အချက်တွေက အသက်အရွယ်၊ ကြွက်သားထုထည်၊ ကျန်းမာရေး အခြေအနေ၊ ဟော်မုန်း ပြောင်းလဲမှု၊ ကိုယ်လက်လေ့ကျင့်ခန်းလုပ်ဆောင်မှု အတိုင်းအတာ၊ စားသောက်မှုပုံစံ၊ ပြင်ပက အပူချိန်နဲ့ စိုထိုင်းဆတွေအပေါ်မှာ မူတည်နေပါတယ်။

ကိုယ်လက်လှုပ်ရှားမှု လုပ်ပြီးချိန်၊ အပူအစပ်တွေ စားပြီးချိန်၊ နေပူထဲကပြန်လာချိန်တွေမှာ ချွေးတွေ တအားထွက်တာက ပုံမှန်ပါပဲ။ ချွေးမထွက်တာက ကျန်းမာရေးကို ထိခိုက်စေတယ်လို့ မဆိုသာသလို ချွေးအရမ်းထွက်တာကလည်း ကျန်းမာစေမယ်လို့ ယူဆလို့ မရပါဘူး။ ချွေးအရမ်း ထွက်တဲ့အခါ ရေများများ သောက်တာ၊ ဓာတ်ဆားရည် သောက်တာမျိုးတွေ လုပ်ပေးပါ။

သင့်ကို ချွေးအများကြီးထွက်စေတဲ့ အကြောင်းအရင်းတွေက ဘာတွေဖြစ်မလဲ ဆိုတာကို အဖြေထွက်ပြီလား …….

ချွေးတွေ အများကြီး ထွက်ရတဲ့ အကြောင်းအရင်းများ

ချွေးတွေ အများကြီး ထွက်ရတဲ့ အကြောင်းအရင်း တွေကတော့
  • ဆီးချိုရောဂါ
  • သိုင်းရွိုက်ရောဂါ
  • သွေးဆုံးခါနီးအချိန်
  • ကိုယ်ဝန်ဆောင်နေချိန်
  • စိုးရိမ်စိတ် များနေခြင်း

health-tool-icon

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

5 Reasons You Sweat So Much and What You Can Do About It, According to Experts https://www.prevention.com/health/a39829527/why-do-i-sweat-so-much/ Accessed Date 28 April 2022

စာရေးသူ ဓာတ်ပုံbadge
Aye Thi Mon မှ ရေးသားသည်။ 27/05/2022 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။