ရာသီဥတုပြောင်းလဲမှု ကြောင့် ရောဂါပိုးပါတဲ့ခြင်တွေပိုပြန့်ပွားလာနိုင်တယ် ဇီကာ၊ ဆင်ခြေထောက်၊ ဂျပန်ဦးနှောက်အမြှေးရောင်၊ ငှက်ဖျား၊ သွေးလွန်တုပ်ကွေး၊ ချီကန်ဂူညာ (ဆင်တုပ်ကွေး) တို့က ကြောက်ဖို့ကောင်းတယ်ထင်ပါသလား။ ဒါဆို ခြင်ကိုက်မခံပါနဲ့၊ ခြင်မရှိအောင် ကြိုးစားရှင်းလင်းပါ၊ ကြိုတင်ကာကွယ်ပါ။ ကမ္ဘာကြီးပူနွေးမှုကြောင့် နောက်လာမယ့် နှစ် ၅၀ အတွင်းမှာ ရောဂါပိုးသယ်ဆောင်လာတဲ့ ခြင်တွေဆီကနေ ကူးစက်ပျံ့နှံ့ခံရသူ ကမ္ဘာ့လူဦးရေ ၁ ဘီလျံအထိ ရှိလာနိုင်တယ်လို့ သုတေသနက သတိပေးထားပါတယ်။ ရောဂါပိုးသယ်ဆောင်မှုအများဆုံးခြင်မျိုးစိတ်နှစ်ခုဖြစ်တဲ့ Aedes aegypti နဲ့ Aedes albopictus တို့က သွေးလွန်တုပ်ကွေး၊ ဇီကာနဲ့ ဆင်တုပ်ကွေး တို့လို ဗိုင်းရပ်စ်တွေကို သယ်ဆောင်ပျံ့နှံ့စေတာဖြစ်ပါတယ်။ ကမ္ဘာအနှံ့မှာ တစ်လထက်တစ်လပြောင်းလဲလာတဲ့ အပူချိန်ကြောင့် ဆယ်စုနှစ်တွေအတွင်း ဒီခြင်တွေမှာ ဘယ်လိုပြောင်းလဲမှုရှိလာမလဲ သုတေသီတွေက လေ့လာခဲ့ကြပါတယ်။ “ ကိန်းဂဏန်းအတိအကျထွက်ဖို့ မလွယ်ပေမယ့် တစ်ချိန်ချိန်တော့ ဒါပြဿနာဖြစ်လာမယ်ဆိုတာ သိပါတယ်။ ကြောက်စရာကောင်းတဲ့ အတိုင်းအတာပါပဲ။ “ လို့ […]

ဓာတ်ခွဲခန်းမှာ ဖန်တီးလိုက်တဲ့ သွေးကြောတွေကို ကျောက်ကပ်ဆေးနေရတဲ့ ဝေဒနာရှင်တွေဆီ  “သက်ရှိတစ်ရှူး”တွေအဖြစ် အစားထိုးကုသပေးနိုင်ခဲ့တယ်လို့ သုတေသနတစ်ခုက ဖော်ပြခဲ့ပါတယ်။ ဒီသုတေသနကို မြောက်ကယ်ရိုလိုင်းနား မှာရှိတဲ့ နည်းပညာကုမ္ပဏီ Humacyte မှ သုတေသနပညာရှင်တွေက လေ့လာခဲ့ကြတာပါ။ ဒီကနဦးစမ်းသပ်မှုအဆင့်မှာ သုတေသီတွေက နှလုံးရောဂါကအစ ဒဏ်ဖြစ်ထိခိုက်မှုတွေအထိ အမျိုးမျိုးသော ရောဂါအခြေအနေတွေကြောင့် သွေးကြောထိခိုက်ပျက်စီးနေတဲ့လူနာတွေအတွက် ကုထုံးအသစ်တစ်ခု ကြိုးပမ်းခဲ့တာပါ။ Science Translational Medicine ဂျာနယ်မှာ မတ်လ ၂၇ ရက်က ဖော်ပြခဲ့တဲ့ ဒီလေ့လာမှုမှာ ကျောက်ကပ်ရောဂါဝေဒနာရှင်တွေကို ဓာတ်ခွဲခန်းထုတ် သွေးကြောတွေ အစားထိုးထည့်သွင်းပေးခဲ့ပြီး ကျောက်ကပ်ဆေးလို့ရစေခဲ့တာဖြစ်ပါတယ်။ ဓာတ်ခွဲခန်းမှာ သွေးကြောတွေဖန်တီးဖို့က အချိန်နှစ်လယူပြီး မွေးမြူရပါတယ်။ သွေးကြောကို အစားထိုးထည့်သွင်းလိုက်တာနဲ့ လူနာရဲ့ဆဲလ်တွေက တဖြည်းဖြည်းပွားလာပြီး ခန္ဓာကိုယ်ရဲ့ မူလသွေးကြောတွေနဲ့ ဆင်တူသွားစေမှာဖြစ်တယ်လို့ သုတေသီတွေကပြောပါတယ်။ သူတို့က ကနဦးလေ့လာမှုမှာပါဝင်ခဲ့တဲ့ လူနာ ၁၃ ဦးဆီက တစ်ရှူးတွေကို သရုပ်ခွဲလေ့လာခဲ့တဲ့အခါ လူနာရဲ့ဆဲလ်တွေနဲ့ သွေးကြောအသေးစားလေးတွေက […]

ဒါကတော့ အိမ်ထောင်သည်တွေ၊ ချစ်သူတွေအပြင် ပုံမှန်လိင်အပျော်အပါးလိုက်စားလေ့ရှိတဲ့သူတိုင်း မေးတတ်ကြတဲ့ မေးခွန်းတွေထဲက တစ်ခုပါ။ ဒီမေးခွန်းနဲ့ ပတ်သက်ပြီးပြန်ဖြေပေးရမယ်ဆိုရင် လိင်ဆက်ဆံတဲ့ အကြိမ်ရေ ကို ကိုယ်တိုင်ကလွဲပြီး ဘယ်သူကမှ နည်းတယ်၊ များတယ် သတ်မှတ်လို့ မရပါဘူး။ အာသာဖြေတာဖြစ်ပါစေ၊ လိင်ဆက်ဆံတာဖြစ်ပါစေ လူတိုင်းမှာ ကိုယ်နိုင်သလောက် အတိုင်းအတာတစ်ခုရှိပါတယ်။ ဒီအတိုင်းအတာထက် ကျော်သွားမှသာ ကိုယ်ခန္ဓာက မောပန်းနွမ်းနယ်လာတာ၊ အောင့်ပြီး ကြွက်သားတွေ နာကျင်တာ၊ ခေါင်းမူးခေါင်းကိုက် ဖြစ်တာ စတဲ့လက္ခဏာတွေ ဖြစ်လာတတ်ပါတယ်။ တချို့ကျတော့လည်း ဇနီးမောင်နှံအချင်းချင်း အကြိမ်ရေများများ ဆက်ဆံနိုင်တယ်၊ ဒါပေမယ့် ဘေးလူတွေက ဒီကိစ္စက မှားယွင်းနေတယ်၊ အဲ့လောက် အကြိမ်ရေ အများကြီးလုပ်လွန်းရင် မကောင်းဘူး၊ ကျန်းမာရေးထိခိုက်နိုင်တယ်ဆိုပြီး ဘေးလူက ဝေဖန်တာမျိုးတွေလည်း ရှိပါတယ်။ တကယ်တော့ လူသားတိုင်း အိပ်၊ စား၊ ကာမနဲ့ မကင်းနိုင်ပါဘူး။ […]

မိန်းမဉာဏ်နဲ့ လာမယှဉ်နဲ့၊ မိန်းကလေးဆိုတာ အိမ်မှုကိစ္စပဲလုပ်ရုံ၊ ယောက်ျားလေးတွေက ပိုဆုံးဖြတ်နိုင်တယ်၊ ဦးဆောင်နိုင်တယ်ဆိုတဲ့ရှေးစကားတွေက အခုခေတ်မှာ ရယ်စရာဖြစ်လို့နေပါပြီနော်။ ကျား၊မ မခွဲခြားဘဲ ရင်ပေါင်တန်းနိုင်တဲ့ခေတ်မှာ ကိစ္စအတော်များများကို တန်းတူလုပ်နိုင်တယ်ဆိုပေမယ့် တချို့အရာတွေမှာတော့ ကပ်သပ်မငြင်းသင့်ဘူးပေါ့။ ဒါပေမယ့် အသင်းအဖွဲ့တွေနဲ့ လုပ်ဆောင်ရတဲ့လုပ်ငန်းခွင်တွေ၊ အဖွဲ့အစည်းတွေ၊နေရာအတော်များများမှာတော့ ဘယ်သူကသာတယ် ယှဉ်နေဖို့မသင့်ပါဘူး။ ယှဉ်နေဖို့မသင့်ပေမယ့်လည်း သုတေသနတစ်ခုမှာတော့ မိန်းကလေးတွေက သာနေပြန်ပါရော။ အသက်ကြီးလာလည်း မိန်းကလေးတွေရဲ့ ဦးနှောက်က ကြီးရင့်မှုပိုနှေးတယ်လို့ ပညာရှင်တွေက လေ့လာတွေ့ရှိခဲ့ပါတယ်။ ပျမ်းမျှအားဖြင့် မိန်းကလေးတွေရဲ့ဦးနှောက်က သက်တူရွယ်တူယောကျ်ားလေးတွေရဲ့ဦးနှောက်ထက် ၃ နှစ်စာလောက် ပိုနုပျိုပါတယ်တဲ့။ "မိန်းကလေးတွေက အသက်အရွယ်တူယောကျ်ားလေးတွေနဲ့ယှဉ်ရင် ဉာဏ်ရည်စစ်ဆေးလေ့လာမှု တွေမှာ ရလဒ်ပိုကောင်းတာကို တွေ့ရတယ်” လို့ ဝါရှင်တန်ဆေးတက္ကသိုလ်မှ သုတေသီ Dr. Manu Goyal ကပြောပါတယ်။ လူသားတွေရဲ့ဦးနှောက်မှာ အသက်ကြီးလာတာနဲ့အမျှ ဖွဲ့စည်းပုံနဲ့ လုပ်ဆောင်ချက်တွေ ဘယ်လိုပြောင်းလဲလာသလဲဆိုတာကို သိပ္ပံပညာရှင်တွေက လေ့လာခဲ့တာပါ။ ပြောင်းလဲမှုတစ်ခုမှာဆိုရင် ဦးနှောက်က သူ့ရဲ့စွမ်းဆောင်ရည်ကို အားဖြည့်နိုင်ဖို့ […]

ကွန်ပျူတာအသုံးပြုတာ၊ ဂိမ်းတွေကစားတာ၊ လူမှုရေးလှုပ်ရှားမှုတွေမှာ ပါဝင်တာတွေကြောင့် ဦးနှောက်စွမ်းရည်ကျဆင်းခြင်းဖြစ်နိုင်ခြေကိုလျော့နည်းစေတယ်လို့ သုတေသီတွေကတွေ့ရှိခဲ့ပါတယ်။ လူကအသက်ကြီးလာတာနဲ့အမျှ ဦးနှောက်ကလည်းပြောင်းလဲလာပါတယ်။ တချို့တွေမှာ မှတ်ဉာဏ်ပြဿနာ၊တွေးခေါ်နိုင်စွမ်း၊ ဆုံးဖြတ်နိုင်စွမ်းတွေမှာ ပျက်ယွင်းလာနိုင်တယ်။ ဦးနှောက်စွမ်းရည်ကျဆင်းခြင်း(MCI) ဆိုတာ အသက်အရွယ်နဲ့ဆိုင်တဲ့ ဉာဏ်ရည်ကျဆင်းမှုနဲ့ မှတ်ဉာဏ်ချို့ယွင်းမှုရောဂါ(dementia) ရဲ့ ကြားအဆင့်ဖြစ်ပါတယ်။ ဒါပေမယ့် MCI ကနေ့စဉ်ဘဝနဲ့ လှုပ်ရှားမှုတွေကို သိသိသာသာမထိခိုက်စေပါဘူး။ MCI ရှိတဲ့သူတွေကမေ့တတ်တယ်၊ အတွေးတွေနဲ့ပြောစကားတွေကို ထိန်းချုပ်နိုင်စွမ်းမရှိတော့ဘူး၊ ဆုံးဖြတ်ချက်ချရတော့မယ်ဆိုရင် ဘာလုပ်ရမှန်းမသိတော့ဘူး။ဒီအဆင့်ကိုဖြစ်နေသူတွေကနောက်ပိုင်းမှာdementiaဖြစ်လာနိုင်တဲ့အန္တရာယ် ပိုများပေမယ့် လူတိုင်းတော့ မဖြစ်ပါဘူး။ ကိုယ်လက်လှုပ်ရှားမှုနဲ့ ဦးနှောက်ဉာဏ်ရည်နှိုးဆွမှု(ကစားနည်း)တွေလိုနေထိုင်မှုဘဝရွေးချယ်မှုတွေက ဦးနှောက်အတွက် အကျိုးသက်ရောက်မှုကောင်းစေနိုင်ပါတယ်။ ဦးနှောက်ကျန်းမာရေးကို ကောင်းမွန်စေမယ့် နှိုးဆွလုပ်ဆောင်ချက်များ ကွန်ပျူတာသုံးခြင်း၊ ဂိမ်းကစားခြင်း၊ လက်မှုပညာတွေလုပ်ဆောင်ခြင်း၊ လူမှုရေးလှုပ်ရှားမှုတွေမှာပါဝင်ခြင်းတို့ကMCI အန္တရာယ်ကိုလျှော့ချနိုင်တယ်လို့Neurologyဂျာနယ်မှာဖော်ပြခဲ့တဲ့ သုတေသနက ဆိုပါတယ်။ သုတေသီတွေက အသက် ၇၀ ဝန်းကျင် လူဦးရေ ၂၀၀၀ ကို စုစည်းခဲ့ပြီး သူတို့ရဲ့သက်လတ်ပိုင်းအရွယ်အတွင်း ဦးနှော်က်ကိုအလုပ်ပေးတဲ့ လှုပ်ရှားမှုအမျိုးမျိုးမှာ ဘယ်လောက်ပါဝင်ခဲ့ဖူးလဲ စစ်တမ်းကောက်ယူခဲ့ပါတယ်။ ပါဝင်သူတွေက တွေးခေါ်မှုနဲ့မှတ်ဉာဏ်စမ်းသပ်စစ်ဆေးမှုတွေကို ၁၅ […]

နေလောင်မှာကို စိုးရိမ်ကြတာက ခရမ်းလွန်ရောင်ခြည်ကြောင့်ပါ။နေပူထဲ ထွက်ထွက် မထွက်ထွက် အတွင်းမှာနေလည်း ခရမ်းလွန်ရောင်ခြည်ထိနိုင်တာပဲဆိုပြီးနေလောင်ကာခရင်မ်တွေ လိမ်းရပါတယ်။ သူက နှစ်နာရီခြားတစ်ကြိမ် လိမ်းရမယ်/ဖျန်းရမယ်ဆိုလို့လည်းနေလောင်ကာကွယ်အောင် ထပ်ထပ်သုံးရပါတယ်။ ဒါပေမယ့် မကြာသေးခင်က အမေရိကန်အစားအသောက်နဲ့ဆေးဝါးကွပ်ကဲရေးဌာနရဲ့ ထုတ်ပြန်ချက်အသစ်တွေအရနေလောင်ကာခရင်မ်မှာပါတဲ့ဓါတုပစ္စည်းတွေကို လူ့ခန္ဓါကိုယ်ထဲစုပ်ယူလိုက်တဲ့ပမာဏက အဆိပ်အတောက်ဖြစ်စေတဲ့အဆင့်ထိမြင့်မားနေတယ်လို့ သိရပါတယ်။ ဖျန်းဆေး၊ လိုးရှင်း၊ ခရင်မ်တို့ကို အညွှန်းအတိုင်း လေးရက်ကြာသုံးပြီးနောက် စစ်ဆေးမှုတွေမှာ နေလောင်ကာခရင်မ်ပါ ဓါတုပစ္စည်းလေးမျိုးရဲ့သွေးကြောထဲရောက်ရှိမှုပမာဏက ပိုမြင့်တက်နေတာတွေ့ရပါတယ်။ ဒီပမာဏကဘေးကင်းမှုရှိတယ်လို့ သတ်မှတ်ထားတဲ့အတိုင်းအတာအဆင့်ကိုကျော်လွန်နေတယ်လို့University of California၊ San Francisco School of Medicine မှဒေါက်တာKanade Shinkai ကပြောပါတယ်။ ဒါပေမယ့် ဒီလေ့လာမှုရလဒ်ကြောင့်နေလောင်ကာခရင်မ်တွေကိုမသုံးသင့်ဘူးလို့ပြောဖို့စောသေးတယ်လို့ ပညာရှင်တွေကပြောပါတယ်။ ဘာလို့ဆိုနေရောင်ခြည်ကနေထိခိုက်မယ့်အန္တရာယ်က ဒီဓါတုပစ္စည်းကနေ ရမယ့်အန္တရာယ်ထက် ပိုဆိုးတာကြောင့်ဖြစ်ပါတယ်။ ဒီပမာဏက များနေတာ မှန်ပေမယ့် လူ့ကျန်းမာရေးကိုဘယ်လိုသက်ရောက်မှုရှိနိုင်လဲသေချာမသိရသေးတာကြောင့် ဒီလေ့လာမှုတစ်ခုတည်းနဲ့နေလောင်ကာခရင်မ်တွေမသုံးရဲကြတော့မှာကို စိုးရိမ်တယ်လို့ သုတေသီတွေကပြောပါတယ်။ နေလောင်ကာခရင်မ်အများစုမှာရောင်ခြည်တွေဒဏ်က ကာကွယ်ပေးဖို့oxybenzone၊ avobenzone နဲ့ octocrylene တို့လို ဓါတုပစ္စည်းတွေသုံးထားပါတယ်။ […]

လူဆိုတာတော့ ဖိစီးစရာတွေနဲ့မကင်းနိုင်ပါဘူး။တွေးစရာ၊ လုပ်စရာတွေများလွန်းလို့ အိပ်မပျော်နိုင်တဲ့ညတွေမှာလည်း ကိုယ့်အပူနဲ့ကိုယ်ပေါ့။ ဒီအနေအထားကနေ လွတ်မြောက်အောင် ရုန်းထွက်ဖို့တော့ ကြိုးစားသင့်ပါတယ်။ ဘာလို့ဆို ချက်ချင်းတော့မသေနိုင်ပေမယ့် ရေရှည်ကျန်းမာရေးအတွက် ဆိုးကျိုးကြီးမားလို့ပါ။အလုပ်ကြောင့်စိတ်ဖိစီးနေရတဲ့အပြင် အိပ်ရေးပါပျက်ထားသူဟာသွေးတိုးမရှိရင်သွေးတိုးဖြစ်လာ၊ ရှိပြီးသားဆိုလည်း နှလုံးသွေးကြောရောဂါနဲ့ ဆက်နွှယ်သေဆုံးရနိုင်ခြေ သုံးဆပိုများနိုင်ပါတယ်။ ဒါက လတ်တလောထွက်ရှိထားတဲ့ သုတေသနရလဒ်ပါ။သွေးတိုးရောဂါရှိတဲ့ ဝန်ထမ်းတွေရဲ့ကျန်းမာရေးမှာ စိတ်ဖိစီးမှုနဲ့အိပ်မပျော်ခြင်းဘယ်လိုဆက်နွယ်နေလဲဆိုတာ သုတေသနကလေ့လာတဲ့အခါ ရလဒ်ကတော်တော်ဆိုးတာတွေ့ရပါတယ်။သုတေသနမှာ အသက် ၂၅ နှစ်ကနေ ၆၅ နှစ်အတွင်းရှိတဲ့ဝန်ထမ်းဦးရေ ၂၀၀၀ နီးပါးရဲ့ အချက်အလက်တွေကို ဆန်းစစ်ခဲ့ရာမှာသွေးတိုးရှိသူတွေဟာလေ့လာမှုစတင်ချိန်မှာ နှလုံးသွေးကြောရောဂါ သို့မဟုတ် ဆီးချိုရောဂါမရှိခဲ့ကြပါဘူး။ အလုပ်နဲ့သက်ဆိုင်တဲ့စိတ်ဖိစီးမှုပဲဖြစ်ဖြစ် အိပ်မပျော်တဲ့ပြဿနာရှိနေသူပဲဖြစ်ဖြစ် နှလုံးသွေးကြောရောဂါဖြစ်နိုင်ခြေပိုများတယ်ဆိုပေမယ့် ဒီနှစ်ချက်လုံးရှိနေတဲ့သူမှာတော့ အန္တရာယ်ပိုများနေပါပြီ။ ဒီသုတေသနကိုEuropean Journal of Preventive Cardiologyဂျာနယ်မှာဖော်ပြထားတာပါ။ "သတိမထားမိတဲ့ အန္တရာယ်ပါ။ တစ်ရက်နှစ်ရက်လောက် စိတ်ဖိစီးပြီး အိပ်မပျော်တာ ပြဿနာမဟုတ်ဘူး။ စိတ်ဖိစီးနေရတဲ့အလုပ်နဲ့ အိပ်ရေးမမှန်တာ နှစ်ချီနေပြီဆို ခွန်အားအရင်းအမြစ်တွေမလုံလောက်တော့ဘဲ […]

လိုချင်တဲ့ပန်းတိုင်ကိုရောက်ဖို့ စားချင်စိတ်ကို ချိုးနှိမ်ပြီးအောင့်အည်းရတဲ့ ဝက်ကလေးတို့ရဲ့ဒုက္ခကို ကြုံဖူးမှသိမှာပါ။ သူများလိုပဲ ဆာတတ်ပေမယ့် စားလိုက်ရင် ဝိတ်ပိုတက်မှာစိုးပြီး မစားရဲ၊ ကယ်လိုရီနဲ့အဆီလည်းမများ ဗိုက်လည်းပြည့်မယ့်စားစရာကိုရွေးရ၊ စားသင့်တဲ့အချိန်ကလည်းတွက်ရသေးတယ်။ အဆီချမဟာစီမံကိန်းကြီးမှာ တဖြုတ်ဖြုတ်နဲ့ ကျရှုံးနေကြတဲ့ သူတွေအတွက် စင်ကာပူသုတေသနပညာရှင်တွေက နည်းလမ်းတစ်ခု အသစ်တီထွင်ပေးလိုက်ပါပြီနော်။ Nanyang Technological University နဲ့ National University Health System (NUHS) တို့ရဲ့သုတေသီအဖွဲ့က အဝလွန်သူတွေအတွက်ဆေးတောင့်တစ်မျိုးကို ရှေ့ပြေးပုံစံ တီထွင်ဖန်တီးခဲ့ပါတယ်။ EndoPil လို့အမည်ပေးထားတဲ့ ဒီဆေးတောင့်မှာ အစာအိမ်ထဲရောက်သွားတာနဲ့ ပြင်ပကသံလိုက်နဲ့ချိတ်ဆက်ပြီး အလိုအလျောက်ပြန့်ကားလာမယ့် ပူဖောင်းတစ်ခုပါရှိပါတယ်။ ဒီလို အစာအိမ်ထဲမှာ သူကနေရာယူထားတဲ့အတွက် သိပ်မဆာတော့ဘဲ ဗိုက်ပြည့်တင်းတိမ်နေစေပါလိမ့်မယ်။ဆေးတောင့်ထဲမှာပါတဲ့ အန္တရာယ်မရှိတဲ့အက်စစ်တစ်မျိုးနဲ့ဆားကို သံလိုက်နဲ့နှိုးဆွဓါတ်ပြုစေပြီး ပူဖောင်းထဲမှာ ကာဗွန်ဒိုင်အောက်ဆိုဒ်တွေပြည့်စေတာပါ။ လက်ရှိမှာ အဝလွန်လူနာတွေနဲ့ ခွဲစိတ်မှုလုပ်ဆောင်လို့မဖြစ်တဲ့ နာမကျန်းသူတွေအတွက် အစာအိမ်အတွင်းပူဖောင်းထည့်သွင်းတဲ့ကုသနည်းက ရှိနေပြီးသားဖြစ်ပါတယ်။ အဲဒီနည်းမှာဆို လူနာကို စိတ်ငြိမ်ဆေးပေးပြီး […]

နေရောင်ခြည်ကနေပဲအများဆုံးရရှိနိုင်တယ်ဆိုတဲ့ ဗီတာမင်ဒီရဲ့ကောင်းကျိုးတွေအကြောင်း၊ ဗီတာမင်ဒီ ချို့တဲ့ရင်ဖြစ်လာနိုင်တဲ့ပြဿနာတွေအကြောင်း လူသိများလာတဲ့အခါ ဗီတာမင်ဒီကိုဖြည့်စွက်အားဆေးအဖြစ်သောက်သုံးတာခေတ်စားလာပါတယ်။ ဆရာဝန်ညွှန်ကြားချက်နဲ့ ပမာဏမှန်ကန်အောင်သောက်သုံးတာဘာမှမဖြစ်ပေမယ့် ကိုယ့်သဘောနဲ့ကိုယ် အားဆေးတွေသောက်ကြတဲ့အခါ ကွိုင်တက်ပါတော့တယ်။ ဘာလို့ဆို ဗီတာမင်ဒီဟာ တန်ဆေးလွန်ဘေးဆိုတဲ့စကားကို အတိအကျသက်သေပြတဲ့ဓါတ်ဖြစ်နေလို့ပါပဲ။ တစ်နေ့တာ ရရှိသင့်တဲ့ ပမာဏထက်ကျော်လွန်သွားရင် ဒါမှမဟုတ်ကျော်လွန်တာကြာနေရင် ခန္ဓါကိုယ်မှာ ဆိုးကျိုးအန္တရာယ်ပိုများနိုင်တယ်ဆိုတာ မမေ့သင့်ပါဘူး။ ဥပမာ ဗီတာမင် ဒီအားဆေးကိုတစ်နေ့တစ်လုံးသောက်နေတယ်ထား၊ အရိုးအားဆေး၊ မာလ်တီဗိုက်တာမင်အားဆေး၊ အသည်းအားဆေး စသည်ဖြင့် အမည်တပ်တပ်ပြီး ဗီတာမင်အစုံပါတဲ့တခြားအားဆေးတွေ(ဗီတာမင်ဒီအပါအဝင်)ကို နှစ်မျိုးလောက်ထပ်သောက်လိုက်ရင်ပဲ ဗီတာမင်နဲ့သတ္တုဓါတ်တွေလိုတာထက်ပိုတော့မှာပါ။ ဒီဓါတ်တွေအကုန်လုံးဟာ ခန္ဓါကိုယ်ကြီးလည်ပတ်ရှင်သန်နိုင်ဖို့ မရှိမဖြစ်လိုအပ်တဲ့အာဟာရဓါတ်တွေဖြစ်ပေမယ့် လိုအပ်တဲ့ပမာဏထက် မလွန်ကဲနေသင့်ပါဘူး။ ဗီတာမင် ဒီလွန်ကဲရင် အရင်ဆုံးပျက်စီးမှာကျောက်ကပ်ပါပဲ။ လတ်တလောအဖြစ်ဆုံးသာဓကတစ်ခုကိုပြရရင် ကနေဒါအမျိုးသားတစ်ယောက်ဟာ တစ်နေ့တာသောက်သုံးသင့်တဲ့ ဗီတာမင် ဒီပမာဏထက် ၁၂ ဆ ပိုသောက်မိလို့ကျောက်ကပ်ပျက်စီးခဲ့ရပါတယ်။ သူဟာ သဘာဝကုထုံးပညာရှင်တစ်ယောက်ရဲ့အကြံပြုချက်နဲ့ ဗီတာမင်ဒီ ပမာဏအများကြီးကိုနေ့တိုင်းသောက်ခဲ့တာ နှစ်နှစ်ခွဲရှိခဲ့ပါပြီတဲ့။ အသက် ၅၄ နှစ်ရှိပြီဖြစ်တဲ့ အဲဒီအမျိုးသားက […]

နေအိမ်ကို သပ်သပ်ရပ်ရပ်လေးထားရတာက စိတ်ကျေနပ်မှုရစေတဲ့ အချက်တစ်ခုပါ။ အပြင်ကပြန်လာလို့ အိမ်ကလေး ရှင်းပြီး သပ်ရပ်နေရင် စိတ်ထဲမှာ ကြည်လင်နေတယ်နော်။ ဖုန်လေးတွေကင်းပြီး သပ်ရပ်နေတဲ့ အိမ်လေးကစိတ်ကျေနပ်မှုအပြည့်အဝရစေတာမှန်ပေမယ့် တစ်ခါတလေ ဖုန်ထူနေတာကလည်း ကျန်းမာရေးအတွက်ကောင်းပါတယ်နော်။ ဖုန်ထူနေတာကကောင်းတယ်လို့ပြောရတဲ့ အကြောင်းအရင်း လေ့လာမှုအသစ်တစ်ရပ်အရ သိရှိရတာက အိမ်မှာထူနေတဲ့ဖုန်တွေမှာရှိနေတဲ့ ဘက်တီးရီးယားလေးတွေက ပတ်ဝန်းကျင်လေထုထဲမှာရှိနေတဲ့ ကင်ဆာဖြစ်စေတဲ့ ဓါတုပစ္စည်းတွေကို တိုက်ဖျက်ပေးနိုင်တယ်လို့တွေ့ရှိခဲ့ရပါတယ်။ ဖုန်တွေက အန္တရာယ်ရှိစေနိုင်တယ်ဆိုပေမယ့် ကင်ဆာဖြစ်စေတဲ့ အရာတေါကိုတော့ တိုက်ဖျက်နိုင်စွမ်းရှိနေပါတယ်။ နေထိုင်ရာ အိမ်ထဲကနေရာအနှံ့အပြားမှာ မျက်စိနဲ့ မမြင်ရတဲ့ရောဂါပိုးတွေအများကြီးရှိနေပါတယ်။ရောဂါပိုးတိုင်း ကအန္တရာယ်ရှိတယ်လို့ မဆိုသာပေမယ့် အချို့သောရောဂါပိုးတွေကတော့ ကျန်းမာရေးကိုထိခိုက်စေနိုင်ပါတယ်။ သွားပွတ်တံထည့်တဲ့ခွက်တွေ၊ ပန်းကန်ဆေးတဲ့ရေမြှုပ် ကနေစလို့ အိမ်သုံးပစ္စည်းတော်တော်များများမှာ မျက်စိနဲ့မမြင်နိုင်တဲ့ရောဂါပိုးမွှားလေးတွေ အများအပြားရှိနေတတ်ပါတယ်။ ဒီလိုရောဂါပိုးတွေထဲကမှာ အိမ်ထဲမှာရှိနေတဲ့ ဖုန်မှုန့်တွေထဲမှာ ရှိနေတဲ့ သာမန်မျက်စိနဲ့ မမြင်နိုင်တဲ့Staphylococcusနဲ့Streptococcus တို့လိုဘက်တီးရီးယားတွေက ကိုယ်ခံအားနည်းနေသူတွေအတွက် ရန်သူဖြစ်နေပေမယ့် ကိုယ်ခံအားသာကောင်းနေမယ်ဆိုရင် ကင်ဆာမဖြစ်အောင် ကာကွယ်ပေးတဲ့ မိတ်ဆွေလေးတွေဖြစ်စေမှာ […]