ခန္ဓာကိုယ်ထဲမှာ ရေဓာတ် အရမ်းနည်းရင် ဖြစ်ဖြစ် အရမ်း များရင်ဖြစ်ဖြစ် ဓာတ်ဆားမမျှတမှု ဖြစ်နိုင်ပါတယ်။ Electrolytes တွေက သွေးထဲမှာရှိနိုင်သလို တစ်ရှူးတွေ နဲ့ခန္ဓာကိုယ် အနှံ့အပြားမှာ ရှိနိုင်ပါတယ်။ ခန္ဓာကိုယ်အတွက် မရှိမဖြစ် လိုအပ်တဲ့ သတ္တုဓာတ်တွေပေါ့။
လူသားတွေက electrolytes တွေကို အစားအစာနဲ့ သောက်စရာတွေကနေ ရရှိပါတယ်။ ကျောက်ကပ် နဲ့ အသည်းတို့က ကိုယ်တွင်းက electrolytes ပမာဏကို ထိန်းညှိပေးပါတယ်။
တကယ်လို့ အစာအုပ်စု စုံလင်အောင် စားမယ်။ ရေဓာတ်ကိုလည်း ပြည့်ဝလုံလောက်စေဖို့ ရေအပါအဝင် အရည်တွေကို ပြည့်ဝလုံလောက်အောင် သောက်မယ်ဆိုရင် ခန္ဓာကိုယ်မှာ electrolytes ပမာဏက အမြဲ ပြည့်ဝမျှတမှာပါ။
ခန္ဓာကိုယ်ထဲမှာ electrolyte ပမာဏ ပြောင်းလဲသွားတဲ့ အခြေအနေမှာ ဓာတ်ဆားမမျှတမှု ဖြစ်လာပါတယ်။ ခန္ဓာကိုယ်တွင်းက အရည်တွေထဲမှာ electrolytes ပမာဏ ပြောင်းလဲသွားတဲ့ အခြေအနေပေါ့။ electrolytes ပမာဏ အရမ်း နည်းလွန်းတာ များလွန်းတာက ဆဲလ်တွေရဲ့ လုပ်ငန်းစဉ်တွေ လုပ်ဆောင်နိုင်မှုကို အနှောင့်အယှက် ဖြစ်စေနိုင်သလို အမျိုးမျိုးသော နောက်ဆက်တွဲ ကျန်းမာရေးပြဿနာတွေကို ဖြစ်စေနိုင်ပါတယ်။ အချို့သော အခြေအနေတွေက အသက်အန္တရာယ် ထိခိုက်စေနိုင်တဲ့အထိ ပြင်းထန်ပါတယ်။
ဘယ်လို အခြေအနေတွေမှာ ဓာတ်ဆားမမျှတမှု ဖြစ်နိုင်သလဲ
ကိုယ်တွင်းက ဆုံးရှုံးသွားတဲ့ ရေဓာတ်ကို ပြန်လည် ပြည့်ဝအောင် ဖြည့်ပေးနိုင်ရင် ဘာမှ မဖြစ်ပေမယ့် ရေသောက်နည်းတာကြောင့် ခန္ဓာကိုယ်မှာ ရေဓာတ် ဆုံးရှုံးသွားတဲ့အခါမျိုး ဖြစ်ဖြစ် ရေအပါအဝင် အရည်ဓာတ်တော်တော်များများ သောက်မိတာကြောင့် ကိုယ်တွင်းမှာ ရေဓာတ် အရမ်းများသွားတဲ့ အခါမျိုးမှာဖြစ်ဖြစ် ဓာတ်ဆားမမျှတမှု ဖြစ်တတ်ပါတယ်။
ဒါတွေအပြင်
- အချို့သော ဆေးဝါးတွေ
- အော့အန်တာ
- ဝမ်းပျက်ဝမ်းလျှောတာ
- ချွေးထွက်တာတွေ
- ရာသီဥတု ပူလွန်းတာကြောင့် ချွေးထွက်များတာ
- လေ့ကျင့်ခန်း ပြင်းပြင်းထန်ထန် လုပ်ပြီးတာကြောင့် ချွေးထွက် များသွားတာ
- ကာယအားသုံးပြီး ကိုယ်လက်လှုပ်ရှားမှု ပြင်းပြင်းထန်ထန် လုပ်တာကြောင့် ချွေးထွက်များလွန်းတာ
- အသည်း ပြဿနာရှိတာ
- ကျောက်ကပ် ပြဿနာ ရှိတာတွေလိုမျိုး ကိုယ်တွင်းရေဓာတ်ပမာဏကို ကမောက်ကမဖြစ်စေနိုင်တဲ့ အခြေအနေတွေကြောင့် ဓာတ်ဆားမမျှတမှု ခံစားရနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။