အစာအိမ်နှင့်အူလမ်းကြောင်း ကျန်းမာရေး

သင့်မှာ အသည်းရောင် အသားဝါဘီပိုး ရှိနေရင် ဒီရောဂါနဲ့ ပတ်သက်တဲ့ ဗဟုသုတတွေကို သိထားသင့်ပါတယ်။ ဒီလို သိထားတာက ရောဂါကို မြန်မြန်သက်သာစေပြီး တခြားသူများကို မကူးစက်အောင် ကာကွယ်ပေးနိုင်ပါတယ်။ ဒါဆို အသည်းရောင် အသားဝါဘီပိုး နဲ့ပတ်သက်ပြီး သင်ဘာတွေသိထားသင့်ပါသလဲ။ အသည်းရောင် အသားဝါဘီပိုးရှိသူ ပြုလုပ်သင့်သော အရာများ က ဘာတွေလဲ။ အသည်းရောင် အသားဝါဘီပိုး ကူးစက်တာက ပြန်ကောင်းလာနိုင်ပါသလား။ အရွယ်ရောက်ပြီးတဲ့သူတွေမှာ ပြန်ကောင်းနိုင်တဲ့ အခွင့်အလမ်းပိုများပြီး ကလေးငယ်တွေနဲ့  မွေးခါစကလေးအများစုမှာဆိုရင်တော့ နာတာရှည် အသည်းရောင်အသားဝါ ဘီရောဂါ ဖြစ်သွားနိုင်ပါတယ်။ အသက်အရွယ်အလိုက် ရောဂါပြန်လည် ပျောက်ကင်းနိုင်တဲ့ ရာခိုင်နှုန်းတွေကို အောက်မှာ ဖော်ပြထားပါတယ်။ အရွယ်ရောက်ပြီး သူများတွင် ၉၀%မှာ ခုခံအားကြောင့် အလိုလိုပျောက်ကင်းနိုင်ပြီး ၁၀%မှာ နာတာရှည်အသည်းရောင်ရောဂါ ဖြစ်နိုင်ပါတယ်။ ဒါကြောင့် လတ်တလောမှာ လောလောလတ်လတ် အကူးခံထားရတဲ့ […]

အရသာစိမ့်နေတဲ့ ချိစ်ဘာဂါရယ်၊ ရွှေအိုရောင်သမ်းနေတဲ့ အာလူးကြော်တွေရယ်ကို နှစ်ခြိုက်နေခဲ့တယ်မို့လား။ စိတ်ထဲကျေနပ်နှစ်သက်နေပေမယ့် စားအပြီးမှာ ရင်ထဲကပူလောင်တဲ့ခံစားချက်မျိုးရလာတယ်လား။ ဒါဟာအစာမကြေခြင်းလက္ခဏာပါပဲ။ အစာမကြေခြင်းကို ကိုင်တွယ်ဖြေရှင်းဖို့အကောင်းဆုံးနည်းကတော့ လက္ခဏာတွေကိုအရင်ဆုံးသိထားဖို့ပါပဲ။   အစာမကြေခြင်းဆိုတာဘာလဲ အစာမကြေခြင်းဆိုတာ ရင်ဘက်အောက်နား၊ ဝမ်းဗိုက်အပေါ်ပိုင်းမှာ မီးစနဲ့ထိုးသလိုပူလောင်တဲ့ခံစားချက်ရခြင်းဖြစ်တယ်။ တခါတလေ၊ ဒါမှမဟုတ် မကြာခဏခံစားဖူးလောက်ပါတယ်။ တခါတလေနာကျင်မှုပါပါလာတတ်တယ်။ အစာမကြေခြင်းဟာ တခါတလေမှာ GERD လို့ခေါ်တဲ့အစာများပြန်ဆန်တတ်ခြင်းရောဂါ၊ အစာအိမ်အူအနာ သို့ သည်းခြေရောဂါ စတဲ့ ရောဂါတချို့ရဲ့ လက္ခဏာတွေလည်းဖြစ်နေတတ်တယ်။ ရင်ပူခြင်းနဲ့မရောသင့်ပါဘူး။ ရင်ပူခြင်းကပျို့ပြီး၊ လေပွတတ်တယ်။ ဆိုးရွားတဲ့အစာမကြေခြင်းတွေကတော့ အစာခြေစနစ်နဲ့ပတ်သတ်ပြီး အစာမျိုပြွန်အမာရွတ်ကျန်ခြင်းကဲ့သို့ ဒဏ်ကျန်သွားစေနိုင်ပါတယ်။ အစာမကြေခြင်းဟာအရွယ်မရွေး လူမရွေးဖြစ်နိုင်ပြီး ဖြစ်နိုင်ချေများတာကတော့- အရက်အလွန်အကျွံသောက်ခြင်း အကိုက်အခဲပျောက်ဆေးအလွန်သုံးခြင်း အစာခြေစနစ်တွင် အနာပေါက်ခြင်းကဲ့သို့ ပြဿနာဖြစ်စေနိုင်သော အခြေအနေများ စိတ်ပူပန်ခြင်း၊ စိတ်ဓါတ်ကျခြင်း လက္ခဏာများ အစာမကြေခြင်းလက္ခဏာတွေက အစာစားပြီးချိန် သို့ တစ်ခုခုသောက်ပြီးချိန်မှာပေါ်လာတတ်တယ်။ စိတ်ဖိစီးမှုကြောင့်လည်း လက္ခဏာတွေပိုဆိုးတတ်ပါတယ်။ တကယ်လို့အစာမကြေဘူးဆိုရင်အောက်ပါလက္ခဏာတွေပြနိုင်တယ်- နေထိုင်မကောင်းလောက်အောင်ပြည့်ကယ်နေခြင်း လေချဉ်တက်ခြင်း အစာအိမ်ထဲမှအစာများပြန်တက်လာခြင်း လေပွခြင်း […]

တကယ်လို့အစာစားပြီးတိုင်းပြည့်အင့်သလိုဖြစ်နေမယ်ဆိုရင် အစာမကြေခြင်းခံစားနေတာဖြစ်နိုင်ပါတယ်။ အစားစားပြီးတဲ့အခါ တစ်ခုခုသောက်ပြီးတဲ့အခါမှာ လေပွခြင်း၊ ပျို့ခြင်း၊ အန်ခြင်းနဲ့တကွ ဝမ်းဗိုက်အပေါ်ပိုင်းမှာ နာကျင်လာတတ်တယ်။ တခါတလေမှာတော့ နာရီအနည်းငယ်အတွင်းကောင်းသွားတတ်ပါတယ်။ ဒါပေမယ့် တခါတလေပိုကြာတတ်ပြီး နေရထိုင်ရမသက်မသာဖြစ်စေတယ်။ ကုသနည်းတွေကိုကြည့်လိုက်ရအောင်- ကျန်းမာရေးညီညွတ်သောကိုယ်အလေးချိန်ကိုထိန်းထားပါ အစာမကြေခြင်းဟာ အူမှအစာအိမ်ထဲသို့ပြန်ဆန်တက်လာတဲ့ အက်စစ်တွေကြောင့်ဖြစ်တယ်။ အူကိုပိုက်လုံးတစ်ခုလိုမြင်ကြည့်ပါ။ အလေးချိန်များနေတဲ့အခါ ပိုနေတဲ့အဆီတွေက အူကိုဖိပြီး ထိုအူထဲမှ အက်စစ်တွေကို အစာအိမ်ထဲကိုပြန်ဆန်တက်စေပါတယ်။ ကျန်းကျန်းမာမာ၊ ထိထိရောက်ရောက်အလေးချိန်ချတဲ့နည်းတွေအများကြီးှရိပါတယ်။ မိမိနဲ့သင့်တော်မယ့် ဝိတ်ချနည်းကို ဆရာဝန်နဲ့တိုင်ပင်ကြည့်နိုင်တယ်။ ပုံမှန်လေ့ကျင့်ခန်းလုပ်ခြင်းနဲ့ ကျန်းမာရေးညီညွတ်မျှတသောအစာစားခြင်းက အကောင်းဆုံးအလေးချိန်ချနည်းဖြစ်တယ်လို့ ဆိုကြပါတယ်။ ဆေးလိပ်ချက်ခြင်းဖြတ်ပါ။ ဆေးလိပ်သောက်ခြင်းဟာ မရေတွက်နိုင်သော ကျန်းမာရေးပြနာတွေဖြစ်စေပြီး အစာမကြေခြင်းဟာလည်း ထိုထဲမှာတစ်ခုအပါအဝင်ဖြစ်တယ်။ ဆေးလိပ်မှာပါတဲ့ ကယ်မီကယ်တွေက အစာမျိုပြွန်ကြွက်သားတွေကိုအားနည်းစေပြီး အစာအိမ်မှအက်စစ်များပြန်မတက်အောင်တားထားတဲ့ ရှုံ့ကြွက်သားကိုလည်းအားလျော့စေတယ်။ ထိုအခါအစာများ၊ အက်စစ်များအလွယ်တကူပြန်ဆန်တက်ကုန်ပါတယ်။ စားသောက်မှုပုံစံပြောင်းလဲ၊ အရက်လျှော့သောက်ပါ။ အစာမကြေခြင်းဟာ အစားအစာတချို့ကြောင့်လည်းဖြစ်နိုင်တယ်။ အစာမကြေခြင်းပိုဆိုးစေပုံပေါ်တဲ့ အစားအစာ၊ သောက်စရာတို့ကိုမှတ်ထားပြီး တတ်နိုင်သမျှရှောင်သင့်ပါတယ်။ များသောအားဖြင့် အဆီများသောအစာ၊ စပ်သောအစာများ ကဖိန်းများသော ကိုကာ၊ ကော်ဖီ၊ […]

အများအားဖြင့် ဗိုက်အောင့်ခြင်း၊ ဗိုက်နာခြင်းကိုတော့ အားလုံးနီးပါးခံစားဖူးပါတယ်။ ဒါပေမယ့် နာကျင်ခြင်းတစ်ခုထဲမဟုတ်ဘဲ ရူးချင်လောက်အောင် စိတ်ညစ်စရာကောင်းတဲ့ တခြားသောလကဏာတွေရှိပါသေးတယ်။ တချို့အတွက်တော့ IBS လို့ခေါ်တဲ့ ဗိုက်မကောင်းခြင်းပြဿနာတစ်ခုကို နေ့တိုင်းကိုင်တွေဖြေရှင်းနေရတတ်တယ်။ IBS ဆိုတာဘာလဲ IBS ဆိုတာ တွေ့ရလေ့ရှိတဲ့ နာတာရှည် အစာခြေစနစ်ပြဿနာတစ်ခုဖြစ်တယ်။ IBS မှာ များသောအားဖြင့် ဗိုက်ရစ်ရစ်ပြီးနာခြင်း၊ ဗိုက်အောင့်ခြင်း၊ လေပွခြင်း၊ ဝမ်းလျှောခြင်း၊ ဝမ်းချုပ်ခြင်းတို့ဖြစ်တတ်တယ်။ IBS ဟာ လူငါးယောက်မှာတစ်ယောက်အနည်းဆုံး ဖြစ်တတ်တယ်လို့ ဆိုကြပါတယ်။ အသက် ၂၀ နဲ့ ၃၀ အတွင်းဖြစ်တတ်ပြီး အမျိုးသမီးတွေမှာအမျိုးသားတွေထက် ၂ ဆပိုပြီးဖြစ်တတ်တယ်။ IBS ဟာ အသက်အန္တရာယ်မထိခိုက်ပေမယ့် အချိန်ကြာ သေချာကိုင်တွယ်ရင်ဆိုင်ရမယ့် နာတာရှည်ရောဂါတစ်ခုဖြစ်တယ်။ လက္ခဏာတွေကလူတစ်ယောက်နဲ့တစ်ယောက်မတူဘဲ တချို့မှာပိုဆိုးတတ်တယ်။ ရက်အနည်းငယ်မှ လအနည်းငယ်ထိကြာတတ်ပြီး စိတ်ဖိစီးချိန် သို့ တစ်ခုခုစားမိတဲ့အခါ ပိုကြာတတ်ပါတယ်။ အူများလှုပ်ရှားပြီးလျှင် တနည်း ဝမ်းသွားပြီးချိန်မှာ လက္ခဏာတွေသက်သာသွားတတ်ပြီး နာတာရှည်ဖြစ်တတ်တယ်ဆိုသော်လည်း […]

အစာအိမ်နဲ့ အူသိမ်နံရံတွေမှာ ပေါက်တတ်တဲ့ အနာကို အက်စစ်နာ လို့လည်းခေါ်ပါတယ်။ အစာအိမ်၊ အူတွေထဲမှာရှိတဲ့ အက်စစ်တွေကြောင့် အနာဖြစ်ရတယ်ဟုလည်း ယူဆတာမို့ ထိုသို့ခေါ်ရခြင်းဖြစ်တယ်။ ထိုအနာတွေဟာ အူနံရံနေရာမရွေးမှာဖြစ်နိုင်ပါတယ်။ အဖြစ်အများဆုံးကတော့ - · အစာအိမ်အနာ - အစာအိမ်အတွင်းမှာပေါက်သော အနာဖြစ်ပြီး အဖြစ်အများဆုံးဖြစ်တယ်။ · အူသိမ်ဦးပိုင်းအနာ - အူသိမ်အစပိုင်းမှာဖြစ်တတ်ပါတယ်။ · အစာမျိုပြွန်အနာ - လည်ချောင်းနဲ့ အစာအိမ်ကိုဆက်ထားသော အစာမျိုပြွန်အတွင်းမှာ ပေါက်တတ်ပါတယ်။ တစ်ချိန်ထဲမှာ အနာတွေ တစ်မျိုးထက်ပိုပြီးလည်း ပေါက်နိုင်တယ်။ သေချာမကုဘဲထားပါက ပိုဆိုးလာနိုင်တယ်။ ဒါပေမယ့် ကံကောင်းစွာနဲ့ပဲ အနာတွေကကုသရလွယ်ပါတယ်။ အစာအိမ်အနာဖြစ်စေနိုင်တဲ့ အချက်တွေရှိတယ်။ တကယ်လို့အောက်ပါအချက်တွေရှိမယ်ဆိုရင် အနာဖြစ်နိုင်ချေများပါတယ် - · ဆေးလိပ်သောက်ခြင်း · စတီးရွိုက် (အကိုက်အခဲပျောက်ဆဲ) မကြာခဏသုံးခြင်း · ကယ်လ်စီယမ်များခြင်း · မိသားစုတွင်းအစာအိမ်အနာဖြစ်သူရှိခြင်း · အသက် ၅၀ ထက်ကျော်ခြင်း · အရက်အလွန်သောက်ခြင်း လက္ခဏာများ အနာနဲ့ပတ်သတ်ပြီး လက္ခဏာအမျိုးမျိုးရှိနိုင်တာကြောင့် ဒီလက္ခဏာတွေရှိတာလည်းဖြစ်နိုင်သလို၊ မရှိတာလည်းဖြစ်နိုင်ပါတယ်။ အနာပိုပြင်းလေလေ၊ […]

အစာအိမ်နဲ့ အူသိမ်နံရံတွေမှာ ပေါက်တတ်တဲ့ အနာကို အက်စစ်နာ လို့ခေါ်ပါတယ်။ ဝမ်းဗိုက်တွင်းနာကျင်ခြင်း၊ လေပွခြင်း၊ ရင်ပူခြင်းတို့ဖြစ်စေနိုင်ပါတယ်။ ပြင်းထန်တဲ့အခါ သွေးယိုခြင်းပင်ဖြစ်စေနိုင်တယ်။ ဒီတစခေါက်တော့ အစာအိမ်အနာအဖြစ်များစေတဲ့ အကြောင်းအရင်းများ အကြောင်း ပြောပြပေးချင်ပါတယ်။ ဘာကြောင့် အစာအိမ်အနာဖြစ်ရသလဲ အစာအိမ်တွင်းအက်စစ်များခြင်းကြောင့်ဖြစ်တယ်လို့ ယူဆကြတယ်။ အရင်ကကတော့ အစပ်စားလို့ အစာအိမ်တွင်းအက်စစ်ပမာဏတက်ရတယ်လို့ ထင်ကြပါတယ်။ ဒါပေမယ့် လတ်တလောလေ့လာမှုတွေကတော့ အစပ်စားတာကြောင့် မဟုတ်ဘဲ တခြားအချက်တွေကြောင့် ဆိုတာကို သက်သေပြခဲ့ပါတယ်။ အစာအိမ်ထဲမှာ အစာအိမ်နံရံကို အက်စစ်ဒဏ်ကနေ ကာကွယ်ပေးတဲ့ အကျိအချွဲအလွှာတစ်ခုရှိပါတယ်။ အဲ့ဒီအကျိအချွဲအလွှာ နည်းသွားတဲ့အခါမှာ အစာအိမ် သို့ အူနံရံဟာ အက်စစ်တွေရဲ့ ဖျက်စီးခြင်းကို ခံရဖို့များသွားတယ်။ အစာအိမ်အနာအဖြစ်များစေတဲ့ အကြောင်းအရင်းများ အစာအိမ်အနာအဖြစ်များစေတဲ့ အကြောင်းအရင်းများ ကတော့ H.pylori ဘက်တီးရီးယား ခန္ဓာကိုယ်ရဲ့ အစာခြေစနစ်တွင်းနေထိုင်တဲ့ ဘက်တီးရီးယားတစ်မျိုး ဖြစ်ပါတယ်။ အစာအိမ်နံရံမှာ အကာအကွယ်ရှိစဉ်မှာ အနာ မဖြစ်စေနိုင်၊ လက္ခဏာတွေ မပြစေနိုင်ပေမယ့် […]

အူလမ်းကြောင်း ရောင်ရမ်းခြင်းရောဂါသည် အူလမ်းကြောင်း တစ်လျှောက်တွင် မူမမှန်မှုများဖြစ်ပြီး ရောင်ရမ်းခြင်းဖြစ်ပါသည်။ အူလမ်းကြောင်းဆိုရာတွင် ပါးစပ်၊ အစာရေမျိုပြွန်၊ အစာအိမ်၊ အူသိမ်နှင့် အူမကြီး တစ်လျှောက်လုံးပါဝင်ပါသည်။ အူလမ်းကြောင်း၏ တာဝန်မှာ အစာချေဖျက်ခြင်း၊ အာဟာရများကို စုပ်ယူခြင်းနှင့် အညစ်အကြေးများ စွန့်ထုတ်ခြင်းတို့ဖြစ်ပါသည်။ အူလမ်းကြောင်း ရောင်ရမ်းခြင်းရောဂါ အမျိုးအစားများက ဘာလဲ။ အဖြစ်အများဆုံး အမျိုးအစား ၂ ခုမှာ အူမကြီး အနာဖြစ်ပြီး ရောင်ရမ်းခြင်းနှင့် ခရုန်းအူရောင်ရောဂါ တို့ဖြစ်ပါသည်။ အူမကြီး အနာဖြစ်ပြီး ရောင်ရမ်းခြင်းကို ဖြစ်သော နေရာနှင့် ရောဂါ အခြေအနေအပေါ်မူတည်ပြီး အမျိုးအစားများထပ်ခွဲထားပါသေးသည်။ · စအိုရောင်ခြင်း ထိုရောင်ရမ်းမှုသည် ရောဂါ၏ အနုဆုံး အမျိုးအစားဖြစ်ပါသည်။ · အူကောက်ပိုင်းနှင့် စအိုရောင်ခြင်း ယင်းသည် အူမကြီး နောက်ဆုံးအပိုင်းနှင့် စအိုနေရာတို့ ရောင်ခြင်းဖြစ်ပါသည်။ · ဘယ်ဘက် အူမကြီးရောင်ခြင်း ယင်းသည် အစာဟောင်းအိမ်မှ အူမကြီး ဘယ်ဘက်အပိုင်း ရောင်ခြင်းဖြစ်ပါသည်။ · အူမကြီးတစ်ခုလုံးရောင်ခြင်း · […]

သန်ကျဆေး ဘယ်လောက်စွမ်းကြောင်း ၊ဘယ်လောက်ကောင်းကြောင်းကို တီဗီကြော်ငြာတွေမှာတွေ့နေရပေမယ့် ရွံစရာကြီးပါကွာ ဆိုပြီး မျက်နှာလွှဲခဲ့ကြတာများပါတယ်။ အမှန်က သန်ကောင်၊ တုတ်ကောင်ဆိုတာနဲ့ ရွံစရာအကောင်တွေအဖြစ် ပြေးမမြင်ဘဲ ကိုယ့်ခန္ဓါကိုယ်ထဲကနေ ဖယ်ရှားရှင်းလင်းပစ်သင့်တဲ့ ကပ်ပါးတွေအဖြစ် တွေးလိုက်ရမှာပါ။ ခန္ဓါကိုယ်ကျန်းမာရေးနဲ့ သန့်ရှင်းရေးအတွက် အခါအားလျော်စွာ သန်ချပေးဖို့က မဖြစ်မနေလိုအပ်ပါတယ်။ ဒီတစ်ခေါက်တော့ သန်ချဖို့ လိုနေပြီလား သိနိုင်ဖို့ ဗဟုသုတလေး မျှဝေပေးလိုက်ပါတယ်။ သန်ကောင်တွေ ဘယ်လို ကူးစက်သလဲ သန်ကောင်တွေဟာ သက်ရှိသတ္တဝါတွေရဲ့ခန္ဓါကိုယ်တွင်းမှာ ကပ်တွယ်ရှင်သန်တဲ့ ကပ်ပါးပိုးတွေဖြစ်ပြီး လက်ခံ ခန္ဓါကိုယ်က စားသုံးသမျှအာဟာရကို မှီခိုနေကြပါတယ်။ သန်ကောင်ပိုးဝင်ရောက်နိုင်တဲ့နည်းလမ်းကအများကြီးရှိပါတယ်။ အဖြစ်များဆုံးကတော့ အစားအသောက်တဆင့် ကူးစက်ရရှိတာပဲဖြစ်ပါတယ်။ ဥပမာ ကြက်သားနဲ့ဝက်သားအစိမ်းတွေမှာ သန်ကောင်ဥတွေ ပါလာတတ်ပါတယ်။ မကျက်တကျက်ကို စားသုံးမိရင် အဲဒီသန်ကောင်ပိုးတွေခန္ဓါကိုယ်ထဲရောက်ရှိရှင်သန်စေနိုင်ပါတယ်။ အဲဒီသားစိမ်းငါးစိမ်းတွေကို အသီးအရွက်တွေနဲ့ရောနှောထားရှိရင်လည်း ထပ်ပြန့်စေတာပေါ့။ နောက်တစ်ခုကရေ။ မသန့်ရှင်းတဲ့ရေ ကိုသောက်မိရင်လည်း သန်ကောင်ကူးစက်ခံရနိုင်ပါတယ်။ ဒါ့အပြင် လက်မသန့်တာ၊ခွေး၊ကြောင် […]

အဓိပ္ပါယ်ဖွင့်ဆိုချက်သည်းခြေကျောက်တည်ခြင်း (gallstones) ဆိုတာ သည်းခြေဆိုတာက အသည်းအောက်ဘက်ပိုင်းမှာရှိတဲ့ အင်္ဂါအသေးစားလေးပါ။ အိတ်သေးသေးလေးပုံသဏ္ဍာန်ရှိပြီး အစိမ်းရောင်ရှိတဲ့ သည်းခြေရည်တွေကို သိမ်းဆည်းထားပါတယ်။ သည်းခြေရည်က အစာတွေကို ချေဖျက်ပေးတဲ့ အစာခြေရည်အဖြစ်လုပ်ဆောင်ပေးပါတယ်။ သည်းခြေကျောက်တော်တော်များများက သည်းခြေရည်ထဲမှာ ကိုလက်စထရောများလွန်းတာကြောင့်ဖြစ်ရတာပါ။ သည်းခြေကျောက်က သဲမှုန်လောက်သေးသေးလေးကစလို့ဂေါက်သီးအရွယ်အစားထိရှိတတ်ပါတယ်။ အချို့လူတွေမှာ သည်းခြေကျောက်က တစ်လုံးတည်းရှိတတ်ပေမယ့် အချို့မှာတော့ သည်းခြေကျောက်တွေအများကြီးတည်နေတာမျိုးရှိတတ်ပါတယ်။ လက္ခဏာများသည်းခြေကျောက်တည်ခြင်း (gallstones) လက္ခဏာတွေကဘာတွေလဲ သည်းခြေကျောက်တည်တဲ့အခါ ဝမ်းဗိုက်ညာဘက်အပေါ်ပိုင်းကအောင့်တာမျိုးဖြစ်လာနိုင်ပါတယ်။ ဆီကြော်တွေလိုမျိုး အဆီများတဲ့အစားအစာတွေကိုစားသုံးတဲ့ အချိန်မှာ သည်းခြေအောင့်တာကိုခံစားရနိုင်ပါတယ်။ အရမ်းအကြာကြီးနာတာမျိုးတော့မဟုတ်ပါဘူး။ မအီမသာဖြစ်တာ အော့အန်တာ ဆီးမည်းမည်းတွေသွားတာ ဝမ်းညိုညစ်ညစ်အရောင်တွေသွားတာ ဗိုက်အောင့်တာ လေတက်တာ ဝမ်းလျှောတာ အစာမကြေတာ ဝမ်းဗိုက်အထက်ပိုင်းကအောင့်တာ ရင်ညွှန့်အောက်ဘက်က စူခနဲအောင့်တာ ညာဘက်ပခုံးနာကျင်တာမျိုးတွေခံစားရနိုင်ပါတယ်။ Risk Factorsသည်းခြေကျောက်တည်ခြင်း (gallstones)ဖြစ်နိုင်ခြေကို ဘာတွေကမြင့်တက်စေလဲ အမျိုးသမီးဖြစ်နေတာ အသက် ၄၀ ဒါမှမဟုတ် အသက် ၄၀ကျော်နေတာ အဝလွန်နေတာ အထိုင်များတာ ကိုယ်ဝန်ဆောင် အဆီများတဲ့အစားအစာတွေအစားများတာ ကိုလက်စထရောများတဲ့ အစားတွေအစားများတာ အမျှင်ဓါတ်နည်းတဲ့ အစားတွေစားတာများတာ မျိုးရိုးရှိတာ ဆီးချိုရောဂါအခံရှိတာ အသည်းရောဂါအခံရှိနေတာ နောက်ဆက်တွဲရောဂါတွေသည်းခြေကျောက်တည်တာ (gallstones) ကြောင့် ဘယ်လိုနောက်ဆက်တွဲရောဂါတွေဖြစ်နိုင်လဲ သည်းခြေကျောက်တည်တာကို အချိန်ကြာတဲ့အထိမကုသဘဲ ထားမယ်ဆိုရင် – သည်းခြေအိတ်ရောင်ရမ်းတာ သည်းခြေပြွန်ပိတ်ဆို့တာ သရက်ရွက်ပြွှန်မှာပိတ်ဆို့တာ သည်းခြေအိတ်ကင်ဆာ အသည်းရောင်အသားဝါ သရက်ရွက်ရောင်ရမ်းတာ သွေးဆိပ်တက်တာ သည်းခြေပြွန်မှာ ပိုးဝင်ကူးစက်တာ သည်းခြေအိတ်ပိုးဝင်တာ ဘယ်လိုကာကွယ်မလဲသည်းခြေကျောက်တည်ခြင်း (gallstones) မဖြစ်အောင် ဘယ်လိုကာကွယ်မလဲ သည်းခြေကျောက်မတည်အောင်ကာကွယ်လို့ရပါတယ်။ နည်းလမ်းတွေကတော့ – အစားစားချိန်မှန်ပါစေ – တစ်နေ့တာရဲ့ အစားစားချိန်တွေကို […]

အဓိပ္ပါယ်ဖွင့်ဆိုချက်Mesenteric lymphadenitis (အူ အမြှေးပါးလင့်ဖ်အကြိတ်ရောင်ခြင်း) ကဘာလဲ။ အူ အမြှေးပါးလင့်ဖ်အကြိတ်ရောင်ခြင်းဟာ ကလေးတွေနဲ့ ဆယ်ကျော်သက်တွေမှာ အဓိက အဖြစ်များတဲ့ ရောဂါတမျိုး ဖြစ်ပြီး ဝမ်းဗိုက်အတွင်းမှာရှိတဲ့ လင့်ဖ်အကြိတ်တွေကို ရောင်ရမ်းဖောင်းကားလာစေပါတယ်။ လင့်ဖ်အကြိတ်ဆိုတာဟာ ပဲစေ့အရွယ် သေးငယ်တဲ့ အင်္ဂါလေးတွေဖြစ်ပြီး လင်ဖိုဆိုက်လို့ခေါ်တဲ့ သွေးဖြူဥတမျိုး ပါဝင်ပါတယ်။ ဒီအကြိတ်တွေဟာ လင့်ဖ်ပြန်ရည်ကြောစနစ်ရဲ့ အစိတ်အပိုင်းတွေပဲ ဖြစ်ပြီး ခန္ဓါကိုယ်ရဲ့ ခုခံအားစနစ်မှာ အရေးပါတဲ့ အခန်းကဏ္ဍကနေ ပါဝင်နေပါတယ်။ သူတို့ဟာ လင့်ဖ်ပြန်ရည်မှာ ပါဝင်လာတဲ့ ဘက်တီးရီးယားတွေနဲ့ အခြားသော ပိုးမွှားတွေကို စစ်ထုတ်ပေးတာမို့ အဆိုပါ အန္တရာယ်ရှိတဲ့ အရာတွေကို ခန္ဓါကိုယ်ကနေ ဖယ်ထုတ်ပေးနိုင်ပါတယ်။ အူ အမြှေးပါးလင့်ဖ်အကြိတ်ရောင်ခြင်း ရောဂါဟာ အူနဲ့ ဝမ်းဗိုက်နံရံကို ဆက်သွယ်ပေးထားတဲ့ တစ်ရှူးတမျိုး (mesentery)မှာပါဝင်တဲ့ လင့်ဖ်အကြိတ်တွေကို ထိခိုက်စေတာ ဖြစ်ပါတယ်။ Mesenteric lymphadenitis (အူ […]