ကင်ဆာရောဂါများ

“ကင်ဆာ” လူပေါင်းများစွာတို့ရဲ့ အသက်ကို ခြိမ်းခြောက်နေတဲ့ အရာ၊ ကင်ဆာဖြစ်နေပြီဆိုတာနဲ့ ခေါင်းထဲမှာပေါ်လာတာ “ငါသေရတော့မယ်” ဆိုတဲ့ အတွေး။ အဲ့အတွေးပေါ်တာနဲ့ လက်တွေ့ဘဝမှာ ကြောက်ရွံ့မှု၊ တုန်လှုပ်မှု၊ အားငယ်မှု ၊ စိတ်ဓါတ်ကျမှု ၊ မပျော်ရွှင်မှုတွေ ဖြစ်လာပြီး စိတ်ထောင်းကိုယ်ကြေဖြစ်ရပါတော့တယ်။ ဒါပေမယ့် ခုလိုတိုးတက်လာတဲ့ ခေတ်ကြီးမှာ အချိန်မီသာသိရင် ကုလို့ပျောက်တဲ့ ကင်ဆာတွေလည်းရှိပါတယ်။ ဆေးပညာတိုးတက်လာပြီဖြစ်တဲ့အတွက် ခြိမ်းခြောက်နေတဲ့ ကင်ဆာကို ကုသဖို့နည်းလမ်းတွေလည်း မျိုးစုံရှိနေပြီ။ ကင်ဆာသုတေသီများရဲ့ပြောကြားချက်အရ ကင်ဆာဖြစ်လို့ကုသပြီး နောက် ၅နှစ်အထိ ကင်ဆာဆဲလ်တွေ မတွေ့ရတော့ဘူးဆိုရင် အဲ့ဒီကင်ဆာက ကုသလို့ပျောက်သွားပြီလို့ ဆိုနိုင်ပါတယ်။ ဒါကြောင့် ကင်ဆာဆဲလ်တွေလည်း မပျံ့ဘူး၊ စောစောလည်းသိလို့ကုသမယ်ဆိုရင် အသက်ရှည်ရှည်နေထိုင်ခွင့် ပိုများနိုင်တဲ့ကင်ဆာ (၅)မျိုးကို ပြောပြပေးမယ်နော်။ မျှော်လင့်ချက်ရောင်ခြည်လေးတွေပေါ့။ (၁) […]

မြစ်ပွားနာလို့လည်း လူသိများတဲ့ ကင်ဆာရောဂါဟာ လူအားလုံးရဲ့ အိပ်မက်ဆိုးပါ။ ဒီဘက်ခေတ် ဆေးပညာက အံ့မခန်းတိုးတက်လာပါတယ်ဆိုတာတောင် ကင်ဆာရောဂါဟာ ဖြစ်ပြီဟေ့ဆိုရင် ပျောက်ကင်းအောင်ကုသဖို့ ခဲယဉ်းလှတဲ့ ရောဂါဖြစ်တာမို့ ကင်ဆာရောဂါတွေရဲ့ ရှေ့ပြေးလက္ခဏာ တွေကို သိရှိထားဖို့ အရေးတကြီးလိုအပ်ပါတယ်။ ဒါမှသာ စာစောသိ၊စောစောကုနိုင်မှာပါ။ ဒီလိုဆိုရင်အပ်နဲ့ထွင်းရမယ့်နေရာမှာ ပုဆိန်နဲ့ပေါက်လိုက်ရတဲ့အဖြစ်မျိုးတွေ လျော့နည်းသွားပါလိမ့်မယ်။ ဒီဆောင်းပါးလေးမှာတော့ ကင်ဆာရောဂါတွေရဲ့ ရှေ့ပြေးလက္ခဏာ တွေကို မျှဝေပေးသွားမှာ ဖြစ်ပါတယ်။ ကင်ဆာရောဂါတွေရဲ့ ရှေ့ပြေးလက္ခဏာ (၁၄ )ချက် (၁) အရေပြားပြောင်းလဲမှုများ သင့်အရေပြားမှာ အစက်သစ်လေးတခု ပေါ်လာတာ ဒါမှမဟုတ် နဂိုရှိပြီးသား အစက်အပြောက်တွေရဲ့ အရွယ်အစား၊ ပုံစံ၊ အရောင် စတဲ့အချက်တွေပြောင်းလဲလာတာဟာ အရေပြားကင်ဆာရဲ့ လက္ခဏာဖြစ်နိုင်ပါတယ်။ ဒါကြောင့် သင့်ခန္ဓာကိုယ်မှာ ထူးထူးခြားခြားအမှတ်တွေ၊ အစက်အပြောက်တွေပေါ်လာရင် ဆရာဝန်နဲ့ အမြန်ဆုံးပြသသင့်ပါတယ်။ ဆရာဝန်အနေနဲ့ သင့်အရေပြားကို သေချာစွာကြည့်ရှုစစ်ဆေးမှာဖြစ်တဲ့အပြင် အသားစယူစစ်ဆေးခြင်း (ဘိုင်အိုဆီ)ကိုလည်း ပြုလုပ်မှာ […]

ရင်သားကင်ဆာဟာ အမျိုးသမီးတွေမှာအဖြစ်များတဲ့ ကင်ဆာတစ်ခုအဖြစ် လူသိများကြပေမယ့် သူနဲ့ပတ်သက်တဲ့ ကျန်းမာရေးဗဟုသုတက ပြည့်စုံချင်မှ ပြည့်စုံပါလိမ့်မယ်။ ရင်သားမှာ အကျိတ်တွေ့မှ ရင်သားကင်ဆာကိုတွေးမိတတ်ကြသလို တစ်ယောက်ပြော၊ နှစ်ယောက်ပြော စကားတွေနဲ့ပဲ သိထားကြတာများပါတယ်။ ဗဟုသုတရှိထားကြတဲ့ကျန်းမာရေးလိုက်စားသူတွေတောင်မှ တစ်ခါတလေ ထင်မှတ်မှားနေတဲ့ အသိတွေရှိနေနိုင်ပါတယ်။ ဒါ့ကြောင့် ရင်သားကင်ဆာနဲ့ပတ်သက်တဲ့ ကိုယ်သိထားတာတွေက မှားနေသလား မှန်နေသလားဆိုတာ တစ်ချက်လောက် ဆန်းစစ်ကြည့်လိုက်ပါဦး။ ရင်သားကင်ဆာနဲ့ပတ်သက်တဲ့ အယူအဆမှား ၉ ချက် (၁) အမျိုးသမီးတွေမှာပဲ ရင်သားကင်ဆာဖြစ်တယ် မဟုတ်ပါဘူး။ အမျိုးသားတွေမှာလည်း ရင်သားတစ်ရှူးတွေရှိပါတယ်။ အမျိုးသမီးတွေရဲ့ ရင်သားတစ်ရှူးတွေလိုပဲ အမျိုးသားတွေရဲ့ရင်သားအတွင်းက ဆဲလ်တွေကနေ ကင်ဆာဆဲလ်အဖြစ်ပြောင်းလဲလာနိုင်ပါတယ်။ အမျိုးသမီးတွေနဲ့ယှဉ်ရင် ဖြစ်နိင်ခြေ အရမ်းနည်းတယ်၊ဖြစ်ခဲတယ်ဆိုပေမယ့် အမျိုးသားတွေမှာလည်း ရင်သားကင်ဆာဖြစ်နိုင်ပါတယ်။ (၂) ရင်သားမှာ အကျိတ်ဖြစ်လာတာမှ ရင်သားကင်ဆာလက္ခဏာလို့ထင်တယ် ရင်သားကင်ဆာဖြစ်ရင် ရင်သားအကျိတ်ရှိလာတတ်တာ မှန်ပါတယ်။ ဒါပေမယ့် အမြဲတော့ ဒီလက္ခဏာပဲ ပြမှာ မဟုတ်ပါဘူး။ ပြောင်းလဲလာတဲ့တခြားလက္ခဏာတွေရှိနိုင်သလို အကျိတ်က […]

ရင်သားကင်ဆာဟာ အမျိုးသမီးတွေမှာ အဖြစ်အများဆုံး ကင်ဆာရောဂါ တစ်မျိုး ဖြစ်ပြီး အဆုတ်ကင်ဆာပြီးရင် ဒုတိယ သေဆုံးမှု အများဆုံးကို ဖြစ်စေတဲ့ ကင်ဆာ တစ်မျိုးလည်းဖြစ်ပါတယ်။ သို့ပေမဲ့ နောက်ပိုင်း ဆေးပညာတိုးတက်လာမှုကြောင့် ရင်သားကင်ဆာမှ ပျောက်ကင်းပြီး အသက်ရှင်နှုန်း သိသိသာသာတိုးတက်လာခဲ့ပါတယ်။ ရင်သားကင်ဆာဖြစ်ရင် အမျိုးသမီးတွေရဲ့ သေဆုံးနိုင်ခြေဟာ ၃၇ ယောက်မှာ ၁ ယောက် (၂.၇ ရာခိုင်နှုန်း)ရှိပါတယ်။ ၂၀၁၇ ခုနှစ်တုန်းက အမေရိကန်နိုင်ငံမှာ ရင်သားကင်ဆာ ဖြစ်နေတဲ့ အမျိုးသမီး ၂၅၂၇၁၀ ယောက်က လာရောက်ကုသမှု ခံယူခဲ့ကြပြီး ဒီအထဲကမှ အမျိုးသမီး ၄၀၆၁၀ ဟာ သေဆုံးနိုင်ခြေ ရှိပါတယ်။ အမျိုးသားတွေမှာလည်း ရင်သားကင်ဆာ ဖြစ်နိုင်တယ်ဆိုပေမဲ့ အမျိုးသမီးတွေလောက်တော့ အတွေ့ရမများပါဘူး။ အမျိုးသားတွေမှာ ဖြစ်တဲ့ ရင်သားကင်ဆာဆိုတာ အမျိုးသမီးတွေ ဖြစ်ပွားနှုန်းနဲ့ နှိုင်းယှဉ်ရင်တော့ တော်တော်လေးကို […]

အူမကြီးဆဲလ်တွေမှာ စတင်ဖြစ်ပေါ်တဲ့ ကင်ဆာကို အူမကြီးကင်ဆာလို့ ခေါ်ပါတယ်။ တကယ်တော့ အူမကြီးကို colon နဲ့ rectum (အစာဟောင်းအိမ်) ဆိုပြီး နှစ်ပိုင်းခွဲခြားနိုင်ပါတယ်။ တင်ပါးဆုံပိုင်းမှာရှိတဲ့ အူမကြီးရဲ့နှောင်းပိုင်း ၁၅စင်တီမီတာကို အစာဟောင်းအိမ်လို့ ခေါ်တာဖြစ်ပါတယ်။ ဒီနေရာဟာ အလွန်ကျဉ်းမြောင်းတဲ့အပြင် ကင်ဆာဖြစ်နေတဲ့ အစိတ်အပိုင်းနဲ့ အခြားပုံမှန်အစိတ်အပိုင်းအတွေ နီးနီးကပ်ကပ် တည်ရှိနေတာ ဖြစ်တဲ့အတွက် အနီးအနားက အင်္ဂါအစိတ်အပိုင်းတွေဆီ ကင်ဆာပျံ့နှံ့ဖို့ အလားအလာ အတော်များပါတယ်။ တင်ပါးဆုံအထက်ပိုင်းမှာရှိတဲ့ အူမကြီးအစိတ်အပိုင်းကိုတော့ colon လို့ခေါ်ပါတယ်။ ၎င်းကို omentum ခေါ် အဆီတစ်ရှူအလွှာနဲ့ ဝန်းရံထားပြီး အဆီတစ်ရှူးတွေ ပိုမိုထူထဲစွာပါဝင်တဲ့ mesentery ခေါ် အူအမြေးက ဝမ်းခေါင်းနံရံဆီ တွယ်ဆက်ထားပေးတာ ဖြစ်ပါတယ်။ အူအမြေးထဲမှာ ပြန်ရည်ကျိတ်တွေလည်း ပါဝင်ပါတယ်။ အူမကြီးရဲ့ အနားသတ်ဆဲလ်တွေကနေ ကင်ဆာစတင်ဖြစ်ပွားနိုင်ပြီး အူလမ်းကြောင်းပိတ်ခြင်း၊ ဝမ်းထဲသွေးပါခြင်း စတဲ့လက္ခဏာတွေ […]

ယနေ့ခေတ် အမျိုးသမီးတွေဟာ အသက်ကိုအန္တရာယ်ပြုနိုင်လောက်တဲ့အထိ ဆိုးရွားပြင်းထန်တဲ့ သားအိမ်ခေါင်းကင်ဆာ အကြောင်း စိတ်ပါဝင်စားလာကြပြီ ဖြစ်ပါတယ်။ အဲဒီသားအိမ်ခေါင်းကင်ဆာနဲ့ ပတ်သက်တဲ့ သိကောင်းစရာအချက်အလက်တွေကို ဒီဆောင်းပါးမှာ ဖော်ပြပေးလိုက်ပါတယ်။ သားအိမ်ခေါင်းကင်ဆာ အကြောင်း တစေ့တစောင်း ၁။ အမေရိကန်ကင်ဆာလူမှုအဖွဲ့အစည်းရဲ့ သတင်းထုတ်ပြန်ချက်အရ ၂၀၁၆ ခုနှစ်မှာ ပျံ့နှံ့နိုင်တဲ့ သားအိမ်ခေါင်းကင်ဆာ ဖြစ်ပွားသူ အမျိုးသမီးပေါင်း ၁၂၉၉၀ ဦး ရှိခဲ့ပြီး ၎င်းတို့အနက် ၄၁၂၀ ဦးဟာ သားအိမ်ခေါင်းကင်ဆာကြောင့်ပဲ သေဆုံးနိုင်ခြေရှိပါတယ်။ ၂။ သားအိမ်ခေါင်းကင်ဆာဟာ ကမ္ဘာတဝှမ်းလုံးမှာ ဒုတိယ ဖြစ်ပွားမှုအများဆုံး ကင်ဆာဖြစ်ပါတယ်။ ၃။ သားအိမ်ခေါင်းကင်ဆာ မဖြစ်ပွားအောင် ကြိုတင်ကာကွယ်နိုင်ပါတယ်။ အမေရိကန်ပြည်ထောင်စုမှာ ကြိုတင်ကာကွယ်ရေး နည်းဗျူဟာတွေကြောင့် သားအိမ်ခေါင်းကင်ဆာဖြစ်ပွားမှုနှုန်း လျော့ကျနေပြီ ဖြစ်ပါတယ်။ ကာကွယ်ဆေးထိုးတာ၊ သားအိမ်ခေါင်းကင်ဆာပုံမှန်စစ်ဆေးတာတွေက အထိရောက်ဆုံး နည်းလမ်း ၂ခုဖြစ်ပါတယ်။ ၄။ ပုံမှန်အားဖြင့် သားအိမ်ခေါင်းကင်ဆာဟာ ဖြည်းဖြည်းချင်း ဖြစ်ပေါ်ကြီးထွားပြန့်ပွားတဲ့ ကင်ဆာတစ်မျိုး ဖြစ်ပါတယ်။ သားအိမ်ခေါင်းအချွဲမြေး […]

သားအိမ်ကင်ဆာဆိုတာ ဘာလဲ။ သားအိမ်အတွင်းပိုင်းနံရံမှာ အခြေပြုပြီး ဖြစ်ပွားတဲ့ကင်ဆာကို သားအိမ်ကင်ဆာလို့ ခေါ်ပါတယ်။ ၎င်းဟာ သားအိမ်အတွင်းပိုင်းရဲ့ အနားသတ်ဆဲလ်တွေမှာ စတင်ဖြစ်ပွားတဲ့ ကင်ဆာတစ်မျိုးဖြစ်ပါတယ်။ သားအိမ်ကင်ဆာရှိသူ အမျိုးသမီးတွေဟာ ပုံမမှန်ဘဲသွေးဆင်းတဲ့ လက္ခဏာကြောင့် ထိတ်လန့်ပြီး ဆရာဝန်ဆီ သွားရောက်ပြသ စစ်ဆေးမှုခံယူရာကနေ ကင်ဆာဖြစ်ကြောင်း စောစောသိရှိသွားတာ များပါတယ်။ သားအိမ်ကင်ဆာကြောင့် ဖြစ်လေ့ဖြစ်ထရှိတဲ့ လက္ခဏာတွေကတော့ သွေးဆုံးပြီးမှ သွေးပြန်ဆင်းခြင်း ပုံမှန်မဟုတ်ဘဲ သွေးဆင်းခြင်း မိန်းမကိုယ်မှ ပုံမှန်မဟုတ်သည့် အရည်များဆင်းခြင်း ဆီးစပ်ကိုက်ခြင်း ဘယ်သူမဆို အဆိုပါလက္ခဏာတစ်ခုခု ဖြစ်လာခဲ့ရင် ဆရာဝန်ဆီ အမြန်ဆုံး သွားရောက်ပြသသင့်ပါတယ်။ ဘယ်အရာတွေက သားအိမ်ကင်ဆာ ဖြစ်စေသလဲ။ သားအိမ်ကင်ဆာဖြစ်စေတဲ့ အဓိကအကြောင်းအရင်းကိုတော့ အခုထိ မသိရသေးပါဘူး။ သိပ္ပံပညာရှင်တွေကတော့ သားအိမ်အတွင်းပိုင်းနံရံက ဆဲလ်တွေရဲ့ မျိုးဗီဇဖောက်ပြန်မှုကြောင့်ဖြစ်တယ်လို့ပဲ ရှင်းပြထားပါတယ်။ ပုံမှန်ကျန်းမာတဲ့ဆဲလ်တွေဟာ ဖြစ်ချိန်တန်ဖြစ်၊ သေချိန်တန်သေကြပေမယ့် မျိုးဗီဇဖောက်ပြန်တဲ့ဆဲလ်တွေကတော့ မမျှော်လင့်ထားတဲ့နည်းလမ်းတွေနဲ့ အသစ်ပြန်လည်ဖြစ်ပေါ်ပြီး သေဆုံးရမယ့်အချိန်မှာ မသေဆုံးတဲ့အတွက် တစ်ခုနဲ့တစ်ခုပူးကပ်ပြီး ကင်ဆာအကျိတ်အသွင် ဖြစ်ပေါ်လာလေ့ရှိပါတယ်။ ၎င်းကင်ဆာဆဲလ်တွေဟာ ခန္ဓါကိုယ်ရဲ့ […]

သားဥပြွန်ကင်ဆာဆိုတာ ဘာလဲ။ သားအိမ်နဲ့သားဥအိမ်ကြား ဆက်ထားတဲ့ပြွန်ကို သားဥပြွန်လို့ ခေါ်ပါတယ်။ ခန္ဓါကိုယ်မှာရှိတဲ့ သားဥပြွန်နှစ်ချောင်းအနက် တစ်ချောင်းမှာ ပုံမမှန်ဆဲလ်ကြီးထွားမှု ဖြစ်ပေါ်တဲ့အခါ သားဥပြွန်ကင်ဆာ ဖြစ်လာရပါတယ်။ ၎င်းဟာ ဖြစ်လေ့ဖြစ်ထနည်းတဲ့ ကင်ဆာရောဂါတစ်ခုဖြစ်ပြီး ကင်ဆာဆဲလ်တွေဟာ သားဥပြွန်မှာ စတင်ဖြစ်ပေါ်တာထက်စာရင် ခန္ဓါကိုယ်ရဲ့ အခြားတစ်နေရာကနေ သားဥပြွန်ဆီ ပျံ့ပွားလာကြတာများပါတယ်။ အမျိုးသမီးတွေမှာ အသက်အရွယ်မရွေး ဖြစ်ပွားနိုင်ပေမယ့် အသက် ၅၀နဲ့ ၆၀ကြား အရွယ်တွေမှာ အများဆုံးတွေ့ရတတ်ပါတယ်။   သားဥပြွန်ကင်ဆာဖြစ်စေတဲ့ အကြောင်းအရင်းတွေက ဘာတွေလဲ။ သားဥပြွန်ကင်ဆာဟာ ရှားပါးတဲ့ရောဂါတစ်ခု ဖြစ်တဲ့အလျောက် ဒီရောဂါဖြစ်ပွားစေတဲ့ အကြောင်းအရင်းတွေနဲ့ပတ်သက်ပြီး အထောက်အထားပြနိုင်မှု မရှိသလောက် နည်းနေပါသေးတယ်။ သိပ္ပံပညာရှင်တွေကတော့ ဒီရောဂါဟာ မျိုးဗီဇနဲ့ဆက်စပ်မှုရှိပြီး BRCA 1 သို့မဟုတ် BRCA 2 မျိုးဗီဇဖောက်ပြန်တဲ့ အမျိုးသမီးတွေမှာ သားဥပြွန်ကင်ဆာ၊ ရင်သားကင်ဆာနဲ့ သားဥအိမ်ကင်ဆာ ဖြစ်ပွားနိုင်ချေ ပိုများတယ်လို့ ယံကြည်ကြပါတယ်။ […]

သားဥအိမ်ကင်ဆာဆိုတာ ဘာလဲ သားဥအိမ်တွေမှာ အခြေပြုပြီး ဖြစ်ပွားတဲ့ကင်ဆာကို သားဥအိမ်ကင်ဆာလို့ ခေါ်ပါတယ်။ များသောအားဖြင့် ဆီးစပ်နဲ့ဝမ်းဗိုက်ဆီ ကင်ဆာဆဲလ်တွေပျံ့နှံ့ပြီး ကုသရခက်ခဲတဲ့၊ အသက်အန္တရာယ်ရှိတဲ့ အခြေအနေရောက်ကာမှ ဒီရောဂါရှိကြောင်း သိကြတာဖြစ်ပါတယ်။   သားဥအိမ်ကင်ဆာရှိမရှိ ဘယ်လိုသိနိုင်မလဲ သားဥအိမ်ကင်ဆာဟာ အစောပိုင်းအဆင့်တွေမှာ ရောဂါလက္ခဏာပြလေ့မရှိသလို ပြခဲ့ရင်လည်း ဝမ်းချုပ်ခြင်းကဲ့သို့ စိုးရိမ်စရာမကောင်းတဲ့ အခြေအနေတွေသာ ဖြစ်နေတတ်ပါတယ်။ ဒီရောဂါကြောင့် ဖြစ်လေ့ဖြစ်ထအများဆုံး လက္ခဏာတွေကတော့ ဝမ်းဗိုက်လေပွခြင်း ဝမ်းဖောဝမ်းရောင်ဖြစ်ခြင်း အစာနည်းနည်းစားရုံဖြင့် ဗိုက်ဝခြင်း ကိုယ်အလေးချိန်ကျဆင်းခြင်း ဆီးစပ်နာကျင်ကိုက်ခဲခြင်း ဝမ်းမမှန်ခြင်း ဆီးခဏခဏသွားခြင်း အကယ်၍ သင့်မှာ အထက်ပါလက္ခဏာတစ်ခုခု ဖြစ်လာခဲ့ရင်၊ အထူးသဖြင့် သင့်မိသားစုဝင်တွေထဲ သားဥအိမ်ကင်ဆာနဲ့ ရင်သားကင်ဆာဖြစ်ဖူးတဲ့ ရာဇဝင်ရှိခဲ့မယ်ဆိုရင် ဆရာဝန်ဆီ သွားရောက်ပြသသင့်ပါတယ်။   သားဥအိမ်ကင်ဆာဟုတ်မဟုတ် ဘယ်လိုစစ်ဆေးအတည်ပြုနိုင်မလဲ သားဥအိမ်ကင်ဆာဟုတ်မဟုတ် ရောဂါရှာဖွေအတည်ပြုဖို့ ခန္ဒါကိုယ်အောက်ပိုင်း စမ်းသပ်စစ်ဆေးခြင်း၊ ပုံရိပ်ဖော်စစ်ဆေးခြင်း၊ သွေးနဲ့ အသားစစစ်ဆေးခြင်းများ ပြုလုပ်ရဖို့ ရှိပါတယ်။   သားဥအိမ်ကင်ဆာကို ဘယ်လိုနည်းလမ်းတွေနဲ့ ကုသနိုင်သလဲ သားဥအိမ်ကင်ဆာအဆင့်ပေါ်မူတည်ပြီး ကုသမှုနည်းလမ်း […]

အရေပြားဆဲလ်များ ပုံမှန်မဟုတ်ဘဲ ကြီးထွားပွားများခြင်းဟာ အရေပြားကင်ဆာ ရဲ့ ဝိသေသလက္ခဏာတစ်ခု ဖြစ်ပါတယ်။ နေရောင်ခြည်နဲ့ မကြာခဏထိတွေ့ရတဲ့ အရေပြားနေရာတွေမှာ ကင်ဆာဖြစ်နိုင်ခြေ ပိုများလေ့ရှိပေမယ့် နေရောင်ခြည်နဲ့ မထိတွေ့ရတဲ့ နေရာတွေမှာလည်း အရေပြားကင်ဆာ ဖြစ်နိုင်ပါတယ်။ အရေပြားကင်ဆာ အကြောင်း အသေးစိတ် လေ့လာကြည့်ရအောင်။ အရေပြားကင်ဆာ အကြောင်း ဘာတွေသိထားသင့်သလဲ  အရေပြားကင်ဆာ အမျိုးအစား ၃မျိုးရှိတဲ့အလျောက် ရောဂါလက္ခဏာတွေလည်း တစ်မျိုးနဲ့တစ်မျိုး ကွဲပြားနိုင်ပါတယ်။ Basal cell carcinoma မျက်နှာ၊ လည်ပင်း စတဲ့ နေရောင်ခြည်နဲ့ ကြာရှည်ထိတွေ့ရတဲ့ နေရာတွေမှာ အများဆုံးဖြစ်လေ့ရှိပြီး အသားရောင် သို့မဟုတ် အညိုရောင်အမာရွတ်သဏ္ဍာန် ပြောင်လက်လက် အဖုအထစ်များအသွင် တွေ့မြင်ရမှာဖြစ်ပါတယ်။ Squamous cell carcinoma ဒီကင်ဆာအမျိုးအစားဟာလည်း နေရောင်ခြည်နဲ့ ထိတွေ့ဖန်များတဲ့နေရာတွေမှာ ဖြစ်တတ်တဲ့ အရေပြားကင်ဆာ တစ်မျိုး ဖြစ်ပေမယ့် အသားအရောင်ရင့်သူတွေမှာတော့ နေရောင်ခြည်နဲ့ […]