အသားအရေနှင့် အလှအပ

မေလေးတို့ရေ.... အခုခေတ်မယ် များပြားလှတဲ့ skincare products တွေကြား ဘာကို ဘယ်လို သုံးရမှန်းမသိတဲ့ မေလေး တွေရှိကြလား။ အခု နှင်းပြောပြပေးမှာက မျက်နှာသစ်ပြီးတဲ့အခါ ဂွမ်းလေးနဲ့ မျက်နှာ အနှံ့ သုတ်လိမ်းပေးရတဲ့ facial toner လေး အကြောင်းပါပဲ။ ဒီ အဆင့်လေး ကို နှစ်ခြိုက်စွာသုံးစွဲနေကြတဲ့ မေလေးတွေရှိသလို မလိုဘူး ထင်ကြတဲ့ မေလေးတွေလည်း ရှိမှာပါ။ သုံးသင့် မသုံးသင့်ဆိုတာလည်း ကမ္ဘာ့အရေပြားဆိုင်ရာ ပညာရှင်တွေအကြား အငြင်းပွားနေကြဆဲပါ။ မေလေးတချို့က Toner ကို မသုံးလည်းရတယ်ဆိုပြီး မသုံးတတ်ကြပါဘူး။  Essence မှာ Toner effect ပါ ပါပြီးသားဆိုပြီး တစ်မျိုးတည်းပဲ သုံးတဲ့ မေလေးတွေလည်းတွေ့ဖူးပါတယ်။ တကယ်က Essence ဆိုတာဟာ ရေဓာတ်ဖြည့်ပေးတဲ့အဆင့်ပဲမို့ Toner သုံးပေးတာနဲ့တော့ တူမှာမဟုတ်ပါဘူး။ […]

မေလေးတို့ရေ....... အခုတလော မိန်းကလေး အများစုကြားမှာ ရေပန်းစားလာတာတဲ့ စကားစုကတော့ glow skin ဆိုတာပါပဲ။ ဘာမိတ်ကပ်မှ မပါဘဲ မျက်နှာလေး ကြည်လင်ရှင်းသန့်နေတဲ့ ပြစ်မျိုးမှဲ့မထင်အလှမျိုးကို နှင်းတို့ မိန်းကလေးတိုင်း လိုချင်ကြတယ်နော်။ တချို့မေလေးတွေကတော့ ဘာမှ ထွေထွေထူးထူးလုပ်စရာ မလိုဘဲကို အသားအရေ ချောမွေ့ကြည်လင်နေကြပေမယ့် တချို့မေလေးတွေကျပြန်တော့ ဘာ skincare တွေ ဘယ်လိုသုံးသုံး ထင်သလောက်မထိရောက်ကြတာ တွေ့နေရပါရဲ့။ ဒါကြောင့်နှင်းက အသားအရေ ကောင်းချင် glow ချင်သူတွေ အတွက်ရော၊ လှပြီးသားမေလေးတွေ ပိုလှအောင် အတွက်ပါ ကျားမ မရွေး လုပ်နေကြပြီဖြစ်တဲ့ အသားအရေကုထုံးလေး အကြောင်း နှင်းသိသမျှ ဝေမျှပေးမယ်နော်။ ကုထုံးလေးက peeling လို့ခေါ်ပါတယ်။ "ခွာချတယ်" ဆိုတဲ့ သူ့နာမည်လေးအတိုင်းပဲ မျက်နှာပေါ်က death skin တွေ၊ […]

ဆံသား နဲ့ မာလကာရွက် မာလကာရွက်က ဆံသားအတွက် တော်တော်လေးသင့်တော်တဲ့ သဘာဝ ပစ္စည်းတစ်ခုပေါ့။ မာလကာရွက်ကို ရေနွေးထဲထည့်ပြီးသောက်သုံးပေးလို့ရသလို မာလကာရွက်ပြုတ်ရည်ကို ဆံသားနဲ့ ဦးရေပြားကျန်းမာစေဖို့အတွက်လည်း အသုံးပြုလို့ရပါတယ်။ မာလကာရွက်ကို ဆံသားနဲ့ဦးရေပြားအတွက်တင်မဟုတ်ဘဲ ဝမ်းလျှောတာ၊ ချောင်းဆိုးတာနဲ့ သွားဖုံးရောဂါ၊ နားဝေဒနာတွေအတွက် အသုံးပြုလို့ရပါတယ်။ မာလကာရွက်ကို ဗောက်သက်သာစေဖို့ သုံးလို့ရသလို အရွယ်မတိုင်ခင် ဆံပင်ဖြူတာမျိုး မဖြစ်စေဖို့အတွက်လည်းအသုံးပြုလို့ရပါတယ်။ (၁) မာလကာရွက်က ဆံပင်ကျွတ် သက်သာစေနိုင်တယ် ဆံပင်တွေကျွတ်ပြီး ဆံပင်ပါးလာလို့ စိတ်ညစ်နေတာလား လေဒီ။ ဓာတ်တိုးဆန့်ကျင်အာနိသင်ကြွယ်ဝစွာပါဝင်တဲ့ မာလကာရွက်က Oxidative stress တွေကြောင့် ဆံပင်ကျွတ်တာကို သက်သာစေပါလိမ့်မယ်။ သုတေသနတွေအရ မာလကာရွက်မှာ ရောင်ရမ်းမှုကို သက်သာစေနိုင်တဲ့ ဖလေဗာနွိုက် ပါဝင်ပြီး ဆံသားမွေးညှင်းအိတ်လေးတွေကို ကျန်းမာစေပြီး ဆံပင်တွေကို ပေါက်စေပါတယ်။ မာလကာရွက်ကို စားသုံးပေးမယ်ဆိုရင် ကင်ဆာကြောင့် ဓာတ်ရောင်ခြည်ကုထုံးခံယူနေရတာကြောင့် ဆံပင်ကျွတ် တာတွေကို လျော့ပါးသက်သာစေနိုင်ပါတယ်။ ဘယ်လိုသုံးရမှာလဲ […]

ဝက်ခြံ အသားရှိတဲ့နေရာတိုင်းမှာပေါက်တတ်တဲ့ဝက်ခြံက နှုတ်ခမ်းမှာရော ပေါက်တတ်လားဆိုတော့ ပေါက်တတ်ပါတယ်။ နှုတ်ခမ်းသား နဲ့ နှုတ်ခမ်းသားတဝိုက်မှာ ဝက်ခြံပေါက်တာက ပုံမှန်ဖြစ်လေ့ဖြစ်ထရှိတဲ့ အရေပြားပြဿနာတစ်ရပ်ပါ။ ဒါပေမယ့် နှုတ်ခမ်းမှာ ဝက်ခြံပေါက်တာက မျက်နှာရဲ့ အခြားနေရာမှာပေါက်တဲ့ ဝက်ခြံတွေထက်ပိုနာသလို ကုသစောင့်ရှောက်မှုလုပ်ရတာကလည်း ခက်ပါတယ်။ နှုတ်ခမ်းမှာပေါက်တဲ့ ဝက်ခြံတွေကို သက်သာစေဖို့ နှုတ်ခမ်းမှာပေါက်တဲ့ ဝက်ခြံပေါက်တဲ့အခါ ဆေးလူးဖို့ခက်သလို တစ်ခုခုသုံးမယ်ကြံလိုက်တိုင်း ပါးစပ်ထဲဝင်သွားရင် ဒုက္ခဆိုပြီး တွေးပူနေရတယ်ဆိုရင်တော့ နည်းလမ်းကောင်းလေးတွေ ပြောပြပေးမယ်နော်။ သံပရာရည် ဘက်တီးရီးယားတွေကို အထိရောက်ဆုံးတိုက်ဖျက်ပေးနိုင်သလို ပါးစပ်ထဲဝင်သွားရင်လည်း ထိခိုက်မှုမရှိပါဘူး။ ဝက်ခြံကိုလည်း မြန်မြန်သက်သာစေမှာပါ။ ကြ်ခြံနောက်ထပ်မပွားစေဖို့လည်း အထိရောက်ဆုံး တားဆီးပေးနိုင်မှာဖြစ်ပါတယ်။ သံပရာရည်ကို ဂွမ်းစလေးနဲ့တို့ပြီး ဝက်ခြံပေါ်မှာ ဆွတ်ပေးပါ။ ခဏလောက်ထားပြီး ရေအေးလေးနဲ့ဆေးချပေးပါ။ ပြီးရင် တဘက်စနုနုလေးနဲ့ ခြောက်သွေ့အောင်သုတ်ပေးပါ။ ရေခဲ နှုတ်ခမ်းပေါ်က ဝက်ခြံနီမြန်းရောင်ရမ်းနေမယ်ဆိုရင် တဘက်စသန့်သန့်လေးနဲ့ ရေခဲတွေကိုထုတ်ပြီး ကပ်ပေးလို့ရပါတယ်။ နီမြန်းရောင်ရမ်းမှုကို သက်သာစေမှာဖြစ်သလို နာကျင်မှုကိုလည်း သက်သာစေမှာပါ။ ပင်စိမ်းရွက် ပင်စိမ်းရွက်က ဘက်တီးရီးယားတွေကိုတိုက်ဖျက်ပေးနိုင်ပြီး […]

အသားအရေမှာ ခြောက်သွေ့တဲ့ အသားအရေ၊ အဆီပြန်တဲ့အသားအရေ၊ ပေါင်းစပ်အသားအရေဆိုပြီး ရှိကြပါတယ်။ ဒီအသားအရေ ၃ မျိုးထဲမှာ အဆီပြန်တဲ့ အသားအရေက ထိန်းသိမ်းဖို့ ပိုခက်ပါတယ်။ အရေပြားပေါ်က အဆီတွေအားလုံးကို ထိန်းသိမ်းဖို့ ဆိုတာက မလွယ်ကူတဲ့အရာတစ်ခုပါ။ အဆီပြန်တဲ့သူတွေက မိတ်ကပ်လိမ်းရတာလည်း သိပ်အဆင်မပြေသလို တစ်နေကုန်လှပနေဖို့ဆိုရင်လည်း တော်တော်လေးဂရုစိုက်ရပါတယ်။ အဆီပြန်တဲ့ အသားအရေကြောင့် စိတ်ညစ်နေတယ်ဆိုရင် အသားအရေထိန်းသိမ်းနည်းလေးရှိပါတယ်။ အဆီပြန်တဲ့အသားအရေကို ထိန်းသိမ်းတဲ့အခါ သေချာမထိန်းသိမ်းမိဘူးဆိုရင် ဝက်ခြံနဲ့အခြားအရေပြားပြဿနာတွေ ရင်ဆိုင်ရနိုင်ပါတယ်။ အဆီပြန်တဲ့ အသားအရေထိန်းသိမ်းနည်း အဆီပြန်တဲ့ အသားအရေကို ထိန်းသိမ်းရာမှာ အသုံးဝင်တဲ့ သဘာဝပစ္စည်းလေးတွေက • ပျားရည်၊ • လက်ဖက်စိမ်း၊ • သင်္ဘောသီး၊ • အလှကုန်သုံး ရွှံ့စေးတို့ပါ။ အသားအရေ ထိန်းသိမ်းနည်းအဆင့်ဆင့် Cleansing Oil သုံးမယ် အသားအရေကျန်းမာစေဖို့အတွက် အဆီကလိုအပ်ပေမယ့် အရမ်းများရင်တော့ မကောင်းပါဘူး။ ဒီတော့ မျက်နှာပေါ်က မလိုအပ်တဲ့ အဆီတွေကို သန့်စင်ဖယ်ရှားရပါမယ်။ အဆီတွေက ဖုန်မှုန့်တွေ၊ မိတ်ကပ်အကြွင်းအကျန်တွေ၊ […]

အရာဝတ္ထု တစ်ခုခုနဲ့ ထိခိုက်မိ ဆောင့်မိပြီးနောက်ပိုင်း အရေပြားပေါ်မှာ အညိုအမည်းစွဲလာတာမျိုး လူတိုင်း ဖြစ်ဖူးကြမှာပါ။  အဲ့ဒီလို ထိမိ ဆောင့်မိတဲ့အခါ အပြင်မှာသွေးမထွက်ပေမဲ့ အရေပြားအောက်မှာရှိတဲ့ ဆံချည်မျှင်သွေးကြောလေးတွေ ပေါက်သွားပြီး အရေပြားအောက်မှာပဲ သွေးစိမ့်ထွက်လာပါတယ်။ အဲ့လိုစိမ့်ထွက်လာတဲ့သွေးတွေဟာ အနီရောင်မှ အညိုရောင်သို့ တဖြည်းဖြည်းချင်း အရောင်ပြောင်းသွားပြီး ကျွန်မတို့ရဲ့ အရေပြားပေါ်မှာ အညိုအမည်းကွက်များအဖြစ် ပေါ်လာကြပါတယ်။ ရက်အနည်းငယ်အကြာမှာတော့ ခန္ဓာကိုယ်ရဲ့ အလိုအလျောက်ရှင်းပေးတဲ့စနစ်က စုပ်ယူ ရှင်းလင်း‌ပေးလိုက်တဲ့အခါ တဖြည်းဖြည်းမှိန်သွားပြီး ပျောက်ကွယ်သွားတာပါ။ တစ်ခါတစ်ရံမှာ အညိုအမည်းကွက်တွေဟာ ထူးထူးခြားခြားထိခိုက်မိတာမျိုးလည်းမရှိ ဘာကြောင့်မှန်းလည်းမသိဘဲ ပေါ်လာတတ်ပါတယ်။ ဖြစ်နိုင်တဲ့ အကြောင်းရင်းများစွာရှိပါတယ်။ တချို့အခြေအနေတွေက စိုးရိမ်စရာမလိုပေမဲ့ ဆရာဝန်နဲ့ အမြန်ဆုံး သွားရောက်တွေ့ဆုံပြီး ကုသမှုခံယူဖို့ လိုအပ်တဲ့အခြေအနေတွေလည်း ရှိပါတယ်။ ၁။ သင်ဟာ အားကစားလိုက်စားသူတစ်ယောက်ဖြစ်ခဲ့လျှင် ဘောလုံးကန်ခြင်း၊ လက်ဝှေ့ထိုးခြင်း တို့ ပြုလုပ်လေ့ရှိသူဆိုရင်တော့ ထိခိုက်ဒဏ်ရာတွေ အညိုအမည်းစွဲတာတွေနဲ့ […]

ဝက်ခြံ မျက်နှာပေါ်က အလှပျက်စေတဲ့ အရေပြားပြဿနာတစ်ခုပေါ့။ အရွယ်ရောက်လာလေ လှချင်လေလေပါဆိုမှ ဝက်ခြံကြောင့် စိတ်ညစ်နေရတဲ့ ဆယ်ကျော်သက်တွေ အများကြီးနော်။ ဟော်မုန်းအပြောင်းအလဲကြောင့်ဆိုလို သည်းခံခဲ့ပေမယ့်။ ဆယ်ကျော်သက်ကနေ နှစ်ဆယ်ကျော်သက်ရောက်တာတောင် သူတို့က မခွဲမခွာကိုယ့်အနားမှာရှိနေတာ ကစိတ်ပျက်စရာပါနော်။ တစ်ခါတလေများ မိုးလင်းအိပ်ရာနိုးနိုးချင်း မှန်ထဲကြည့်မိရင် သူတို့ကို အရင်မြင်မိတာ စိတ်ပျက် အားငယ်သလိုတောင်ဖြစ်မိတယ်ဟုတ်။ ကဲ ဝက်ခြံကြောင့် တစ်နေ့တာမှာ စိတ်ပျက်တာမျိုး မဖြစ်ရစေဖို့ အခုပြောပြတဲ့နည်းလေးတွေက ကူညီပေးနိုင်မှာပါ။ ဝက်ခြံ သက်သာစေမယ့်နည်းလမ်းအချို့ မျက်နှာပေါ်က ဝက်ခြံ တွေကို ဆေးတွေသုံးပြီး ပျောက်အောင်လုပ်ချင်ပေမယ့် ဘေးထွက်ဆိုးကျိုးရှိလာမှာကို စိုးရိမ်သူတွေအတွက် သာဝ ပစ္စည်းလေးတွေသုံးပြီး သက်သာအောင်လုပ်လို့ရမယ့် နည်းလမ်းလေးတွေပြောပြမယ်နော်။ သခွားသီး - မျက်နှာကို သန့်နေအောင်သစ်ပါ။ ပြီးရင် ခပ်ပါးပါးလွှာပြီး အအေးခံထားတဲ့ သခွားသီးကို မျက်နှာအနှံ့ကပ်ပေးပါ။ နာရီဝက်လောက်ထားပြီး ရေဆေးချလိုက်နော်။ တစ်ပတ် နှစ်ကြိမ်လောက်လုပ်ပေးပါ။ ရှားစောင်းလက်ပပ် - […]

အသားအရေဆိုတာက ထိန်းသိမ်းနိုင်မှ အရွယ်တင်လှပမှုကို ခံစားရမှာပါ။ Helloဆရာဝန်ပရိသတ်ကြီးရော အသားလေးကို စိုအိအိလေးနဲ့လှချင်တယ်ဟုတ်။ ဒါဆိုဘာလုပ်မလဲ နည်းလမ်းကရှင်းရှင်းလေးပါ။ အစိုဓာတ်ထိန်းမှာပေါ့။ အစိုဓာတ်ထိန်းတယ်ဆိုတာက မဖြစ်မနေလုပ်သင့်တဲ့ အသားအရေထိန်းသိမ်းမှုအဆင့်တစ်ခုပါ။ အစိုဓာတ်ထိန်းပါလို့ ပြောရတဲ့အကြောင်းအရင်း ဘာလို့ဒီလိုပြောရတာလဲဆိုတော့ အကြောင်းရှိပါတယ်နော်။ အရေပြားရဲ့ ၆၄ ရာခိုင်နှုန်းက ရေဓာတ်နဲ့ ဖွဲ့စည်းထားတာပါ။ ကျန်းမာစိုပြည်တဲ့ အသားအရေလေးပိုင်ဆိုင်ဖို့ ရေဓာတ်ကမရှိမဖြစ်လိုအပ်တဲ့အရာတစ်ခုပေါ့။ အသားအရေကခြောက်သွေ့နေမယ်၊ အရေပြားတွေအဖက်လန်နေမယ်၊ ယားယံနေမယ်ဆိုရင် ဘယ်လိုလုပ်လာပြီး ဆွဲဆောင်မှုရှိရှိလှနိုင်ပါတော့မလဲနော်။ ဒီတော့ ဆွဲဆောင်မှုရှိရှိနဲ့လှပဖို့က အသားအရေကို အစိုဓာတ်ထိန်းဖို့ မဖြစ်မနေလိုအပ်လာပြီပေါ့။ အသားအရေကိုခြောက်သွေ့စေတဲ့ အကြောင်းအရင်းတွေက ဘာတွေများလဲ…………….. အသားအရေကိုခြောက်သွေ့စေတဲ့အကြောင်းအရာက တော်တော်လေးတော့များပါတယ်။ ရာသီဥတုအခြေအနေတွေ၊ နေ့စဉ်ထိတွေ့နေတဲ့အရာတွေ၊ နေ့စဉ်နေထိုင်မှု အလေ့အထတွေ သောက်သုံးနေရတဲ့ဆေးဝါးတွေ အသုံးပြုနေတဲ့ အလှကုန်တွေ စားသောက်မှုပုံစံတွေကြောင့် အသားအရေခြောက်သွေ့နိုင်ပါတယ်နော်။ အရေပြားခြောက်သွေ့မှုအတွက် ဖြေရှင်းနည်းတစ်ရပ် ဒီပြဿနာကိုဖြေရှင်းပေးနိုင်တဲ့ အရာတစ်ခုရှိပါတယ်။ ဒါကတော့ အစိုဓာတ်ထိန်းခရင်မ်လူးတာပါ။ ဒီနေရာမှာ အစိုဓာတ်ထိန်းခရင်မ်ဆိုတိုင်းလူးလိုက်လို့မဖြစ်ပါဘူး။ အသားအရေကို အမှန်တကယ်ထိန်းသိမ်းပေးနိုင်မယ့် ကောင်းမွန်တဲ့အစိုဓာတ်ထိန်းခရင်မ်တစ်ခုဖြစ်လိုပါမယ်။ အစိုဓာတ်ထိန်းပစ္စည်းအမျိုးမျိုး အစိုဓာတ်ထိန်းပစ္စည်းတွေမှာ • ခရင်မ်အမျိုးအစား • လိုရှင်းအမျိုးအစား • […]

Sheet Mask ကို အလှအပဂရုစိုက်တဲ့ ပျိုမေတွေ တော်တော်များများကတော့ သိထားပြီးဖြစ်မယ်ထင်ပါတယ်။ အထုပ်သေးသေးလေးထဲမှာ ဆေးရည်တွေ၊ သစ်သီးအနှစ်တွေ၊ အသားအရေကို နူးညံ့စိုပြေစေတဲ့ အရည်တွေနဲ့ စိမ်ထားတဲ့ မျက်နှာကပ်ခွာလိုမျိုးပါပဲ။ အဓိက အားသာချက်တွေက ဘာတွေလဲ။ • အထုပ်သေးသေးလေးဖြစ်လို့ သယ်ယူထုတ်ပိုးရ လွယ်ကူတယ်။ • သွားလေရာဆောင်သွားလို့ရတယ်။ အိတ်ထဲမှာ နေရာမစားဘူး။ • ခရီးသွားတဲ့အချိန်ဆိုလည်း အသုံးပြုလို့ရတယ်။ • အချိန် ၁၀ မိနစ်လောက်ပေးရုံနဲ့ ကိုယ့်အသားအရေကို ကောင်းကောင်းထိန်းသိမ်းပေးနိုင်တယ်။ • နေ့တိုင်းလုပ်လို့ ရသလို ကိုယ်အားတဲ့အချိန်မှ လုပ်ရင်လည်း အဆင်ပြေတယ်။ • အလုပ်မရှုပ်ဘူး။ အိမ်မှာ အမှိုက်မပွဘူး။ • သုံးပြီးတာနဲ့ ကပ်ခွာကို ယူပြီး အမှိုက်ပုံးထဲ ပစ်လိုက်ရုံပဲ။ ဘယ်လိုအချိန်မှာ အသုံးပြုသင့်လဲ။ မနက်စောစော ဒါမှမဟုတ် ညအိပ်ခါနီးမှာ အသုံးပြုတာတော့ အကောင်းဆုံးပါပဲ။ ဘယ်အချိန်ပဲသုံးသုံး အဓိက မျက်နှာကို သေချာသန့်ရှင်းထားဖို့နဲ့ မိတ်ကပ်၊ နေလောင်ကာခရင်မ်၊ အစိုဓာတ်ထိန်းခရင်မ်တွေအပြင် […]

အသားအရေကို အားဖြည့်ပေးမယ့် ပေါင်းတင်နည်းတွေမှာ ကြက်ဥက အမြဲလိုလိုပါတတ်ပါတယ်။ အသုံးများတာကတော့ ကြက်ဥအကာပါပဲ။ ကြက်ဥ အကာမှာပါတဲ့ ပရိုတင်းက အသားအရေကို တင်းရင်းစေပြီး အဆီပြန်တာတွေကို စုပ်ယူဖယ်ရှားပေးနိုင်စွမ်းရှိပါတယ်။ ကြက်ဥအကာ face mask ဘယ်လိုလုပ်မလဲ ကြက်ဥနဲ့ပတ်သက်တဲ့ ပေါင်းတင်နည်းတွေ အများကြီးရှိပေမယ့် ကိုယ့်အသားအရေနဲ့မလိုက်တဲ့နည်းကို လုပ်မိရင် ထိရောက်သင့်သလောက်မထိရောက်တော့ပါဘူး။ ဒါ့ကြောင့် အဆီပြန်တဲ့အသားအရေ၊ ခြောက်သွေ့တဲ့အသားအရေနဲ့ ပေါင်းစပ်အသားအရေတို့အတွက် ကြက်ဥပေါင်းတင်နည်းလေးတွေ ဘယ်လိုလုပ်မလဲဆိုတာလေး ပြောပြချင်တာပါ။ နည်းနည်းလေးပဲကွာခြားတာနဲ့တောင် ရလဒ်က သိသာမှာနော်။ အဆီပြန်တဲ့အသားအရေအတွက် ဒီနည်းက အဆီပြန်အသားအရေအတွက်မို့ ဘက်တီးရီးယားပိုးတွေသေစေနိုင်တဲ့ သံပရာရည် ပါဝင်ပါမယ်နော်။ ကြက်ဥတစ်လုံးရဲ့အကာနဲ့ သံပရာသီးတစ်ခြမ်းရဲ့အရည်ကို ပန်းကန်လုံးတစ်ခုထဲမှာ ရောပါ။ အမြှုပ်ထလာတဲ့အထိ ခေါက်ပါ။ မျက်နှာကို ရေနွေးနွေးနဲ့သစ်ပါ။ ရောခေါက်ထားတဲ့အနှစ်ကို မျက်နှာမှာ ခပ်ပါးပါးသုတ်လိမ်းပါ။ မျက်လုံးထဲမဝင်အောင်၊ သိပ်မပွတ်မိအောင် ဂရုစိုက်ပါ။ ၁၀ မိနစ်လောက်ထားပါ။ ရေနွေးနွေးနဲ့ မျက်နှာပြန်သစ်ပါ။ ဒီနည်းကို တစ်ပတ်သုံးကြိမ် […]