Face Mask သုံးမယ်
အခုနောက်ပိုင်းမှာ အသားအရေအလိုက် Face Mask လေးတွေကို စိတ်ကြိုက်ရွေးချယ်လို့ရနေပါပြီ။ ဒီလိုဆိုတော့ အဆီပြန်တဲ့ အသားအရေပိုင်ရှင်တွေအတွက် ထုတ်ထားတဲ့ Face Mask လေးတွေကို တစ်ပတ်ကို ၂ ကြိမ် ကနေ ၃ ကြိမ်လောက်အထိအသုံးပြုပေးပါ။ အဆီပိုတွေကို သိသိသာသာလျော့ကျစေပါလိမ့်မယ်။
Moisturizer သုံးမယ်
အသားအရေက အဆီပြန်တယ်ဆိုပေမယ့်လည်း အစိုဓာတ်တော့ထိန်းဖို့ လိုပါမယ်။ အရေပြားခြောက်သွေ့တာက အဆီဂလင်းတွေကို လုပ်ဆောင်ရပိုမိုခက်ခဲစေပါတယ်။ ဒါကြောင့် ရနံ့နဲ့အဆီလုံးဝပါဝင်မှုမရှိတဲ့ အစိုဓာတ်ထိန်းခရင်မ်ကို လူးပေးပါ။ စပျစ်သီးစေ့၊အယ်လ်မွန်စေ့၊ ထောပတ်သီးတို့ကနေထုတ်ယူထားတဲ့ အဆီတွေနဲ့ပြုလုပ်ထားတဲ့ သဘာဝအစိုဓာတ်ထိန်းခရင်မ်တွေက အဆီပြန်တဲ့ အသားအရေအတွက် အသင့်တော်ဆုံးပါ။
အဆီပြန်တဲ့ အသားအရေအတွက် သဘာဝအသားအရေထိန်းသိမ်းနည်းတွေက
ပျားရည်
ပျားရည်က သဘာဝဆေးတစ်လက်ပါ။ အဆီပြန်တာကို နည်းသွားစေပြီး အရေပြားကိုလည်း အစိုဓာတ်ထိန်းပေးပါတယ်။ ဘက်တီးရီးယားကြောင့်ဖြစ်တဲ့ ဝက်ခြံတွေကိုလည်း သက်သာစေနိုင်ပါတယ်။ ပျားရည်က အဆီပြန်တဲ့အသားအရေရော၊ ခြောက်သွေ့တဲ့အသားအရေနဲ့ပေါင်းစပ်အသားအရေတွေအတွက်ပါ အသုံးဝင်ပါတယ်။
လက်ဖက်စိမ်း
လက်ဖက်စိမ်းက ဓာတ်တိုဆန့်ကျင်အာနိသင်တွေကြွယ်ဝတဲ့ သဘာဝပစ္စည်းတစ်မျိုးပါ။ အရေပြားရောင်ရမ်းတာကို သက်သာစေသလို အရေပြားပေါ်က ဆဲလ်သေတွေကို ဖယ်ရှားပေးပြီး ဘက်တီးရီးယားတွေကို တိုက်ဖျက်ပေးနိုင် ပါတယ်။ လက်ဖက်စိမ်းရေနွေးကြမ်းကို မျက်နှာသစ်ဖို့အသုံးပြုပေးနိုင်သလို တိုနာအနေနဲ့လည်း အသုံးပြုနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။