18 လအရွယ်ကလေးငယ်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020
Share now

၁၈လအရွယ်ကလေးကို ဂရုစိုက်ပြုစုဖို့ သင်ဘာတွေသိဖို့လိုအပ်သလဲ။

ဖွံ့ဖြိုးတိုးတက်မှုနဲ့ အပြုအမူများ

ကလေးကဘယ်လိုဖွံ့ဖြိုးလာသင့်သလဲ။

ဒီလထဲမှာသင့်ကလေးအလျင်အမြန်ဖွံ့ဖြိုးလာတာကိုတွေ့ရမှာပါ။ ယေဘုယျအားဖြင့် သင့်ကလေးရဲ့အတိုင်းအတာတွေကအောက်ပါအတိုင်းရှိသင့်ပါတယ်။

  • အလေးချိန် : 10kg မှ 14kg (ကျား), 9kg မှ 13kg (မ)
  • အရပ်အမြင့် :77cm မှ 87cm (ကျား), 74cm မှ 86cm (မ)
  • ဦးခေါင်းအရွယ်အစား : 46cm မှ 50cm(ကျား), 44cmမှ 49cm (မ)

တကယ်လို့ သင့်ကလေးကဒီအတိုင်းအတာတွေအတိုင်းမဖြစ်လည်းစိတ်မပူပါနဲ့။ ဒါကယေဘုယျတိုင်းတာထားတာပါ။ သင့်ကလေးပုံမှန်ကြီးထွားနေပြီးသွက်လက်နေဖို့ပဲအရေးကြီးတာပါ။ သင်စိတ်ပူနေသမျှအရာအားလုံးကို ဆရာဝန်ကိုမေးပါ။

သင့်ကလေးဟာသူ့ခြေထောက်ပေါ်သူမတ်မတ်ရပ်နိုင်ပါပြီ။ ဘောလုံးကိုလက်နှစ်ဖက်နဲ့ကိုင်ပြီးသင့်ထံလည်းပစ်ပေးနိုင်ပါပြီ။ သူ့မျက်စိရှေ့မှာမရှိတဲ့ပစ္စည်းတွေကိုဘယ်လိုခေါ်သလဲဆိုတာကိုတောင် သူမှတ်မိနေပါပြီ။ သူအကြိုက်ဆုံးပစ္စည်းတွေနဲ့ တူတူပုန်းတမ်းဆော့ဖို့ အကောင်းဆုံးအချိန်ပါ။ အရောင်တွေနဲ့ အထိအတွေ့ကိုအသုံးပြုပြီးတော့ သူ့ရဲ့အာရုံခံစားနိုင်စွမ်းပိုကောင်းလာဖို့လည်းလုပ်ပေးနိုင်ပါသေးတယ်။

ကလေးကိုဘယ်လိုကူညီထောက်ပံ့ရမလဲ။

တစ်ခါတလေမှာကိုယ့်ဖာသာလမ်းလျှောက်နိုင်တဲ့ကလေးကိုလည်းပွေ့ချီခေါ်သွားဖို့လိုအပ်ပါတယ်။ အခြေအနေပေါ်မူတည်ပြီးဆုံးဖြတ်ပါ။ လူတွေကြားထဲမှာသင့်ကလေးဟာပျောက်သွားမှာကိုကြောက်နေတတ်ပြီးကိုယ့်ကိုကိုယ်လည်းသိမ်ငယ်နေတတ်ပါတယ်။ သူတကယ်ကိုပင်ပန်းနေတာပါ။ သူ့ကိုအာရုံစိုက်ပြီးဂရုစိုက်ဖို့ တကယ်ကိုလိုအပ်နေတာပါ။ သင်ပွေ့သွားမယ်ဆိုပြီးပွေ့ပြီးခေါ်သွားနိုင်ပါတယ်။ ဒါပေမဲ့ သင့်အိမ်ကိုသို့မဟုတ် ကားဆီရောက်ဖ့ို ၁ ဘလောက် ၂ဘလောက်လောက် လျှောက်ရမယ်ဆိုရင်တော့ တွန်းလှည်းလေးယူလာတာအကောင်းဆုံးပါ။ သင့်ကလေးနဲ့ လက်ချင်းတွဲပြီးလမ်းလျှောက်ပေးခြင်းနဲ့လည်းသူ့ကိုအားပေးနိုင်ပါတယ်။ လက်ချင်းတွဲထားတာကသူ့စိတ်ထဲမှာလုံခြုံမှုကိုခံစားရစေတယ်လေ။ “ဟိုမီးပွိုင့်လေးရောက်တဲ့ထိလက်တွဲပြီးလမ်းလျှောက်ရအောင်လေ” ဆိုပြီးသူနဲ့ ညှိနှိုင်းခြင်းကလည်းလမ်းနည်းနည်းလေးပိုလျှောက်ဖြစ်သွားအောင် စွမ်းဆောင်နိုင်ပါတယ်။

သင့်ကလေးကသူမကြိုက်တဲ့အရာတွေကိုစပြီးပြတတ်လာပါပြီ။ ဥပမာသူအရင်ကကြိုက်ခဲ့ဖူးပေမဲ့ ခုချိန်မှာ နွားနို့လုံးဝမသောက်ချင်တာမျိုးပေါ့။ ဒါမျိုးတွေဖြစ်လာရင် အကြီးကြီးမတွေးပါနဲ့။ ဒါကလည်းသူတို့မှာကိုယ်ပိုင်လွတ်လပ်ခွင့်ရှိတယ်ဆိုတာကို ပြတဲ့ နည်းလမ်းငယ်လေးတွေထဲကတစ်ခုပါ။ နွားနို့ကိုဆက်တိုက်ပါ။ ဒါပေမဲ့ အတင်းဖိအားပေးပြီးသောက်ခိုင်းတာမျိုးမလုပ်ပါနဲ့။ အဲ့ဒီအချိန်မှာသူလိုအပ်တဲ့ ကယ်လ်ဆီယမ်ဓါတ်ကိုချိစ် ၊ ဒိန်ချဉ်နဲ့ cottage cheese တွေကိုများများကျွေးခြင်းနဲ့ ဖြည့်ပေးပါ။ နွားနို့ကိုပူတင်းတွေ ဖျော်ရည် တွေအဖြစ် ပုံစံပြောင်းပြီးအချိုတည်းစာအနေနဲ့ ကျွေးပါ။

ကျန်းမာရေးနဲ့ လုံခြုံမှု

ဆရာဝန်နဲ့ ဘာတွေဆွေးနွေးသင့်သလဲ။

ဒီချိန်မှာပုံမှန်စစ်ဆေးချက်တွေကိုရနေပြီးဖြစ်နေမှာပါ။ သင့်ဆရာဝန်က သင့်ကိုအောက်ပါမေးခွန်းတွေ မေးနိုင်ပါတယ်။

  • သင့်ကလေးဘယ်လိုစားသလဲ။ ကောင်းကောင်းစားနိုင်တဲ့ကလေးလား။
  • သင့်ကလေးဟာသွက်သွက်လက်လက်ရှိသလား။ အပြင်မှာကစားချိန် လုံလုံလောက်လောက်ပေးထားရဲ့လား။
  • သင့်ကလေးဟာTVကြည့်နေသလားဒါမှမဟုတ် Ipadသုံးသလား။ တစ်ရက်ကိုဘယ်နှစ်နာရီလောက်သုံးသလဲ။

ဒီမေးခွန်းတွေဟာသင့်ကလေးအမူအကျင့်တွေဘယ်လောက်တိုးတက်လာသလဲဆုံးဖြတ်တဲ့နေရာမှာအထောက်အပံ့ပေးပါလိမ့်မယ်။ ကလေးတိုင်းဟာဖွံ့ဖြိုးကြီးထွားမှုနှုန်းခြင်းမတူကြပါဘူး။ သင့်ဆရာဝန်က သင့်ကလေးမှာရှိကိုရှိရမယ့် ဖွံ့ဖြိုးခြင်းတွေရှိသလားဆိုတာကိုဆုံးဖြတ်ပေးမှာပါ။ သင်စိတ်ပူနေသမျှတွေကို ဆရာဝန်နဲ့တိုင်ပင်ပါ။

ဘာတွေသိသင့်လဲ။

သင့်ကလေးအတွက် အရေးကြီးတဲ့ ကာကွယ်ဆေးတွေအားလုံးထိုးပြီးပြီမဟုတ်လား။ သင်သိသင့်တဲ့ ကာကွယ်ဆေးတွေအကြောင်းဒီမှာဖော်ပြထားပါတယ်။

  • DTaP(ဆုံဆို့ ကြက်ညှာ မေးခိုင်) ကာကွယ်ဆေး : မထိုးရသေးဘူးဆိုရင်တော့ ခုချိန်ဟာစတုတ္ထမြောက် ဒီကာကွယ်ဆေးထိုးရမဲ့အချိန်ပါ။ ဒီဆေးဟာဆုံဆို့နာ (လည်ချောင်းအနောက်ဘက်ပေါ်ကိုအကာထူထူတစ်ခုဖုံးလွှမ်းပြီးအသက်ရှူခြင်းကိုအနှောက်အယှက်ဖြစ်စေတဲ့ရောဂါ) မေးခိုင်ရောဂါ (သဲတွေ ဖုန်တွေ အညစ်အကြေးတွေကြားထဲမှာရှိတဲ့ ဘက်တီးရီးယားတွေနဲ့ထိတွေ့ခြင်းကြောင့်ဖြစ်တဲ့ရောဂါ) နဲ့ ကြက်ညှာချောင်းဆိုးရောဂါ( ဘက်တီးရီးယားကြောင့်ဖြစ်တဲ့ အပြင်းအထန်ချောင်းဆိုးတတ်တဲ့ ရောဂါ) တွေကိုကာကွယ်ပေးပါတယ်။
  • ရေကျောက် ကာကွယ်ဆေး : ခုနောက်ဆုံးဆရာဝန်လာပြတဲ့ထိ ဒီကာကွယ်ဆေးမထိုးရသေးဘူးဆိုရင်တော့ ဒါကပထမဆုံးအကြိမ်ထိုးကိုထိုးပေးရတော့မှာပါ။ ဒီဆေးကကလေးတွေမှာအဖြစ်အများဆုံး ပြင်းပြင်းထန်ထန်ဖျားနာတတ်တဲ့ရောဂါကြီးကိုကာကွယ်ပေးပါတယ်။
  • ပိုလီယိုကာကွယ်ဆေး (IPV) : သူမထိုးရသေးဘူးဆိုရင် တတိယမြောက်မဟုတ်ရင်တောင် စတုတ္ထမြောက် IPVဆေးထိုးရတော့မျာပါ။ ဒီဆေးကသူ့ကိုပိုလီယိုရောဂါ(ဗိုင်းရပ်စ်ကြောင့်ဖြစ်တဲ့ လေဖြတ်နိုင်တဲ့ရောဂါ) ကနေကာကွယ်ပေးပါတယ်။
  • အသည်းရောင် B ကာကွယ်ဆေး : ခုထိမထိုးရသေးဘူးဆိုရင် ဒီကာကွယ်ဆေးရဲ့ နောက်ဆုံးသို့မဟုတ် တတိယမြောက်ဆေးကိုထိုးပေးရမှာပါ။ ဒီဆေးကအသည်းရောဂါတစ်မျိုးဖြစ်တဲ့ Hepatitis Bကိုကာကွယ်ပေးပါတယ်။
  • တုပ်ကွေး : သင့်ကလေးကဒီဆေးကိုတစ်နှစ်တစ်ခါထိုးသင့်ပါတယ်။ တုပ်ကွေးရာသီ(အောက်တိုဘာသို့မဟုတ် နိုဝင်ဘာ)ရောက်တိုင်းထိုးသင့်တာပါ။

စိုးရိမ်ပူပန်မှုများ

ဘာတွေကိုစိတ်ပူနေတာလဲ။

ငယ်သေးတဲ့အချိန်မှာနေလောင်တာကနောက်ပိုင်းမှာအရေပြားကင်ဆာဖြစ်စေနိုင်ပါတယ်။ နေရောင်နဲ့ထိတွေ့တာများလွန်းရင်လည်းအသားအရေကိုထိခိုက်ပျက်စီးစေပြီးအိုမင်းရင့်ရော်စေပါတယ်။ ဒါကြောင့် သင့်ကလေးအပြင်ရောက်နေတဲ့အချိန်မှာနေရောင်ကာလိမ်းဆေးတွေ၊ အပေါ်ထပ်အင်္ကျီပါးပါးတွေ၊ ဦးထုပ် နဲ့ နေကာမျက်မှန်တွေကိုသုံးပြီးသူ့အသားအရေကိုကာကွယ်ပေးပါ။ ဖြစ်နိုင်ရင် အရိပ်ထဲမှာပဲနေခိုင်းပါ။

သင့်ကလေးနောက်လမှာဘယ်လိုကြီးထွားလာမလဲ။

HelloHealth Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။

Read also:

    ဒီဆောင်းပါးက သင့်အတွက် အသုံးဝင်ပါသလား။
    happy unhappy"
    ရင်းမြစ်များ

    သင်ဒါလည်း နှစ်သက်နိုင်ပါတယ်။

    အမျှင်ဓာတ်အကြောင်း သိသင့်သမျှ

    အမျှင်ဓာတ် အာဟာရဓာတ် အစာအိမ်အူလမ်းကြောင်း သတ္တုဓာတ် ကိုယ်အလေးချိန် ဗိုက်ကယ်ခြင်း သံဓာတ် သရေစာ ရေများများသောက်ပါ အစားအစာ စားသုံးမှု

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr.Thant Zin

    စားလို့ကောင်းတဲ့ ချဉ်ပေါင်ရွက်ကို ဘယ်လိုချက်ချက် ကြိုက်တဲ့သူလေးတွေ ရှိလား………..

    မျှစ် ချဉ်ပြုံးပြုံးအရသာ ငါး ငရုတ်သီး ကျန်းမာရေး သတ္တုဓာတ် ကယ်လ်ဆီယမ် အာဟာရဓာတ် ဗီတာမင် C သံဓာတ် ဗီတာမင် A ချဉ်ပေါင်ရွက် ဆေးဖက်ဝင် အအေးမိ၊ ဖျားနာ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon

    ကလေးများ နို့အန် တဲ့အခါ

    နို့အန် Posseting နို့တိုက် Vomiting အာဟာရ နို့စို့နိုင် ကိုယ်အလေးချိန် လေတက် GERD လေထုတ် လမစေ့ ပေါင်မပြည့် cerebral palsy

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Htet Htet Zaw Win

    နို့ချိုတိုက်ကျွေးခြင်း ရပ်တန့်ထားရာမှ ပြန်လည်တိုက်ကျွေးခြင်း

    နို့တိုက်မိခင် ရင်သွေး အကျိုးကျေးဇူး မိခင်နို့ရည် ရာသီစက်ဝန်း nipple shield ကိုယ်အလေးချိန် နို့ဘူး ရင်သား နို့ရည် နို့ထွက်အောင် ရောဂါပိုး

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint

    သင့်အတွက် ရွေးချယ်ထားသည်

    နုနယ်လှတဲ့ မျက်ဝန်းအစုံကို ဂရုစိုက်ကြမယ်

    နုနယ်လှတဲ့ မျက်ဝန်းအစုံကို ဂရုစိုက်ကြမယ်

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Dr. Thiha Phyo Myint
    ရေးသား ထုတ်ဝေခဲ့သည် မေ 31, 2020
    သားသားမီးမီးတို့ကို လေ့ကျင့်ခန်း လုပ်ခိုင်းပါ

    သားသားမီးမီးတို့ကို လေ့ကျင့်ခန်း လုပ်ခိုင်းပါ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon
    ရေးသား ထုတ်ဝေခဲ့သည် မေ 28, 2020
    ယုဇနပန်း လှလှလေး ကပေးတဲ့ ကျန်းမာရေး

    ယုဇနပန်း လှလှလေး ကပေးတဲ့ ကျန်းမာရေး

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon
    ရေးသား ထုတ်ဝေခဲ့သည် မေ 28, 2020
    သားသားမီးမီးတို့အတွက် အသင့်တော်ဆုံး လေ့ကျင့်ခန်းလေးများ

    သားသားမီးမီးတို့အတွက် အသင့်တော်ဆုံး လေ့ကျင့်ခန်းလေးများ

    ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
    ရေးသားသူ Aye Thi Mon
    ရေးသား ထုတ်ဝေခဲ့သည် မေ 27, 2020